ÀPÒKÀLIƁSƐ̀ 6:12 - Bafia Nouveau Testament

¹² Nni ǹghɛngà yɛ̀ɛ Man à jɔ̀ɔ̀ à ŋwàɗkà sìtam̀ à kìtaàfog, fɔɔnnɛ zi i nyɛ̀ŋɗɛ̀ngà lɛɛ̀gwey, ŋwos a lɔ̀ɔ̀ghrɛ̀n ǹfin yɛ̀ɛ kìlàà ki lɛ mɛ̀rin, ŋwii à sug bimiɗ lɛ zyɔŋŋ yɛ̀ɛ bwaɓ.

ÀPÒKÀLIƁSƐ̀ 6:12 Iomraidhean Croise

MATYOO 11:21

Nyìighnyìg rì wɔ̀ Korazɛŋ, nyìighnyìg rì wɔ̀ Bɛdsayida, ɓisuulɛ, i dàm yi yi kilɛ̀ngà a lɔŋkin yɛɛ kilɛn fɔlɔɔ ɓi bàn yi lɛ, rì Tiir rì Sidɔŋ, di ɓumɓɛ wɔɔ ɓɛ lɔɔ̀ghrɛ̀ngà mɛ̀rem fìɗyàɓ, ɓɛ waatɛ̀n mɛ̀kùtì, ɓɛ Siŋɗɛ̀n kìɓu.

MATYOO 24:29

Ajɛ̀m ì ɓìɓeɓtàg ɓi mɛru ɓìn, kisaa ki ŋwos ki ri ɓiì ghàsi ki lɔ̀ɔ̀ghrɛɛ birìm, ŋwii kɛ̀ɛ lòmdi, tyɔɛy ti kɔɔ̀kɔ̀sɛ̀n yì aɗyòò di tyɛɛ̀ kpìkpì; mɛ̀tèɗ mɛ ɓi ɗyoo mɛ nyɛŋɗɛ̀n.

MATYOO 24:7

Ki ɓiì ɓaà lɛ: ɓumɓɛ ɓì tum a zi anɛ ɓɛ ram wɛ̀y ri ɓɛ ɓi tum àmbog; ɓɛ ɓi kìlɔ̀ŋ ki ɓɛ ram wɛ̀y ri ɓɛ ɓi kimbog; fɔɔnnɛ zày ì ɓiì kìi jàŋ jàŋ, zi ì ki nyɛ̀ɛnyɛŋɗɛ̀n lɛ rì foo ì nyɛ̀ŋɗɛ̀n, rì foo ì nyɛ̀ŋɗɛ̀n.

MATYOO 27:45

Birìm ì sigtɛ̀ngà zi bimiɗ, à tumɛ̀n toroɓ, à kpaŋ mɛ̀kɛ̀ɛ̀ mɛraa.

MATYOO 27:54

Yɛ̀ɛ ǹkɔ̀mɛ̀n ɓɛ̀sujàà, rì ɓumɓɛ à ɓaghà ɓiì ɓèŋɓeŋi Yeesus rì ɓɔ ɓɛ ghɛngà di zi i nyɛ̀ŋɗɛɛ, ɓɛghɛɛdi ɓìɓan ɓimbog ɓi ɓi kilɛ̀ngà ɓiǹ, nni ɓɛ risìghà lɛɛ̀gwey, ɓɛ kpaa lɛ: Yeesus àa ǹɗì Man à Bɛ̀ll a tààkaà.

MATYOO 28:2

Nni ɓɛ sigmɛ̀ngà di zi i mɛ nyɛ̀ŋɗɛn ri ìtèɗ, lɛ ŋwaà-fìtom a Kan à sɛngày, à yù kì ɓiŋzii gɔ̀g, à kɔ̀rì miì aɗyòò.

MARIKUS 15:33

Birìm ì kìghà zi bimiɗ, à tumɛ̀n toroɓ, à kpaŋ mɛ̀kɛ̀ɛ̀ mɛraa.

ÀPÒKÀLIƁSƐ̀ 11:13

Ɓi cààmɛ̀n kɔm̀ kiǹ, zi i nyɛ̀ŋɗɛ̀ngà rì ìtèɗ; kìlànà ki bàn kìfog ki ɓi ɓìlànà ɓi kintɛ̀ɗ ɓi ɓi bàn ìnɛn ki waàrɛ̀n, ɓum ɓɛ̀tɔɔsìm taàɓɛ̀ɛ̀ ɓɛ cuu, ɓi rìnyɛ̀ŋɗɛ̀n ɗi zi i nyɛ̀ŋɗɛ̀ngà ɗiǹ, ɓɛ̀ro ɓɛmbog ɓɛ risì, ɓɛ fa Bɛ̀ll ànɛ aɗyoo rìkem.

ÀPÒKÀLIƁSƐ̀ 16:18

Fɔɔnnɛ ki kighà lɛ ŋwàaŋwàɗ à ŋwàŋwàɗ, gom yi woòghwòòghrɛ̀n, baàbàn ì ɓoɓòg, zi i ki nyɛ̀ŋɗɛ̀n lɛɛ̀gwey lèg ànɛ ì ka nyɛŋɗɛ̀ngà ɓi rikuu ɗìn, à tumɛ̀n yɛ̀ɛ ɓum ɓaà ɓa ɓi ziinɛ.

ÀPÒKÀLIƁSƐ̀ 16:8

Fɔɔnnɛ ŋwaà-fìtom a kìnìn à sùùrìghà ɓeŋ wìì ɓi ŋwos, ŋwos a teɗ ìtèɗ wulɛ a ɗigsi ɓum rì ɗuu,

ÀPÒKÀLIƁSƐ̀ 8:12

Nni ŋwaà-fìtom a kìnìn à rɔgà ɗyam, kìlànà kìfog ki ɓi ɓìlànà ɓi ŋwos ɓi kiraa, rì kìfog ki ɓi ɓìlànà ɓi ŋwii ɓi kiraa, rì gàɓ ì kìraa ìnɛ ɓi tyɔɛy ticèm, ɓi ɓuɓìghà; gàɓ ì kìraa ìnɛ ɓi rìlònlòm ɗi ɓyom ɓìn, ì ghaɓɓɛ̀n; fɔɔnnɛ gàɓ ì kìraa ìnɛ ɓi kìtɛɛtɛn ki ŋwos i ɓuɓìghà, ki kilɛ̀n tì girig fɔlɔɔ ɓi ɓɛg ànɛ à-ru.

ÀPÒKÀLIƁSƐ̀ 8:5

Nni ŋwaà-fìtom a tekà maa cɔɔgh anɛ ɓɛɛ̀ tɔ̀ngi firu miì ànɛ̀n, à roòzì nyi rì ɗuu ɗi ɗi ɓaghà ɓi com ki ɓɛɛ̀ tɔ̀ngi ɓyom miì lɛ ɓɛɛ ɓɔgsi Bɛ̀ll, à pìg nyi ɓi zi; fɔɔnnɛ baàbàn ì tumɛ̀ngà rìɓoɓòg, ɓyoo gom ɓi ghaghààgh, ŋwàaŋwàɗ à kìkì, zi i nyɛ̀ɛ̀nyɛ̀ŋɗɛ̀n.