ÀPÒKÀLIƁSƐ̀ 5:9 - Bafia Nouveau Testament

⁹ Fɔɔnnɛ ɓɛ kɛkɛ̀ghìghà fyem fi nyɔn di ɓɛɛ̀ kpaakpaa lɛ: Wɔ̀ yɛɛ ghɛɛ̀sɛɛ lɛ ù teɗ kaàtà ànɛ̀n, ù ɓɛkì ɓɛ̀sìtam̀ ɓɛ miì, ɓisuulɛ ɓɛ wolà wɔ̀, ù ki kwèɗ ɓumɓɛ ɓi mɛ̀pwìɗ mɛ̀cèm, ɓìtòkì ɓìcèm, mɛ̀kuu mɛ̀cèm, ɓìlɔ̀ŋ ɓìcèm ɓisuu Bɛ̀ll rì bwaɓ yɔɔ.

ÀPÒKÀLIƁSƐ̀ 5:9 Iomraidhean Croise

MATYOO 20:28

Fɔlɔɔ nnɛ Man à mum à yùghà ɓi ziinɛ, àa lɛ ɓum ɓɛɛ kiki nyi ɓìsay, à yùghà lɔŋ lɛ, a say ɓum, à ki fa cɛɓ kii lɛ, a kweɗ ɓum lɛɛ̀gwey.

MATYOO 26:28

ɓisuulɛ bwaɓ yɛm̀ yɛɛ ri, bwaɓ yi ɓi rìràrɛ̀n ɗi rì Bɛ̀ll, yi yi ri ɓiì kpaŋì ɓisuu ɓum lɛɛ̀gwey, ɓisuu ricenɛ̀n ɗi ɓiɓe.

MƐ̀KÌKÌÌ MƐ ƁƐKƐ̀NÌ-FÌTOM 20:28

Fɔɔnnɛ, ɓèŋina mìniìɓɔmiɗ, ɓì ki ɓèŋ di kituu ki jɔ̀ɔ̀ yi Bɛ̀ll, yi Kìtɛntɛ̀ɛ̀n ki Nghay ki rɛsìghà mìni lɛ ɓi ɓeŋ̀ɓeŋ. Mɛniina kìseŋi ki Bɛ̀ll lɛ syeesyee, lɛ à làkà kɔ rì bwaɓ yii.

1 KƆ̀RƐ̀ŊTYƐŊ 6:20

Ɓisuulɛ ɓɛ kweɗkà mìni dùne ǹkɛŋɛn yɛ̀ɛ mɛ̀nɔ̀ɓɔ̀; fɔɔnnɛ ɓì ghɛ̀ɛ̀sɛɛ kì kemzii Bɛ̀ll lɛ rì nyoo yin, rì ǹghay win lɛ ɓi ri ɓyom ɓi Bɛ̀ll.

1 KƆ̀RƐ̀ŊTYƐŊ 7:23

Dùne ì gòri yìn ì rì ǹkɛŋɛn fɔɔnnɛ ɓì ghɛ̀ɛ̀sɛɛ ɓi ki ɓaà ɓɛ̀kpàn ɓɛ ɓum.

EFÈZYƐŊ 1:7

Ɓi Man ànɛ̀n, tì ti ɓɛ̀kòrɛn ri bwaɓ yii, ɓìɓe ɓis ɓi ɓa ɓìcàrɛn lɔŋ lɛ coo itègh wu geesɛ̀n ì Bɛ̀ll,

EFÈZYƐŊ 5:19

Ɓì kuùkùrɛ̀n rì ɓɛ̀sam, rì mɛ̀ɓàlì, rì tyem ti Bɛ̀ll; ghàɓina mɛ̀ɓàlì lɛ ɓi ɓɔgsi Kan, rì mɛ̀rem min mɛcèm.

KÒLÒSYƐŊ 1:14

ànɛ tì rì ɓɛ̀kòrɛn lɛ nyi, ɓìɓe ɓis ɓi ki ɓa ɓi cenɛn.

KÒLÒSYƐŊ 1:23

Kìɓan kifog, ki ghɛɛ̀sɛɛ lɛ, ɓi ɓeŋ̀ rìgherɛ̀n, ɓì sììrɛ̀n, ɓì ki rɛli lɛ kpegkpeg, kɛ̀ ɓi càrɛn lɛ ɓɛɛ syoŋ mìni fìràɓ ɗi dyàɓɛn ìnɛ ɓì rì rì yɔ̀ ɓi Syeesyee à Ɓɔlɛ ànɛ ɓì wokà. Syeesyee à Ɓɔlɛ ànɛ̀n yɛɛ kalɛ̀ngà a ɓum ɓɛ̀cèm ɓɛ ɓɛ ri ɓi ɗyoo azi; innɛ mɛ̀ Pol ǹti ǹkìì-kìsay anɛ miì.

Kaàtà ànɛ Pol à kàngà TIT 2:14

ànɛ à falɛ̀ngà nyimiɗ ɓisu wis lɛ a pwaŋ̀ yì ɓìsi ɓi kìɓe mɛkuu mɛ̀cèm, à kì lɛ ti ɓa kìlɔ̀ŋ kitɛnɛn ki kɛɛ woòghrɛn ɗì nyi; ki falɛ̀n ɓi rìkìkì ɗi ɓiɓan ɓi syeesyee.

EBIREEGH 11:14

Ɓɛ̀roɓɛ ɓɛɛ̀ tòtog ɓɛǹ fɔlɔɔ, ɓɛɛ̀ rèresi lɛ tɛntɛ̀ɛ̀n lɛ: Ɓɛɛ̀ kaakaa kilɔ̀ŋ kidɛŋ.

2 PYƐƐRI 2:1

Ɓɛ̀kpaŋzì-ɓìɓan ɓɛ ɓɛpwàà ɓɛ ɓaghà abɛ̀y ɓi kìlɔ̀ŋ, fɔlɔɔ nnɛ ɓɛ̀pwààpwaà ɓɛ ɓɛrèsàg ɓìdɔ̀gsɛna ɓɛ ri ɓiì ɓaà girig ɓi nyìinyìm wìn; ɓɛ ri ɓiì ɗiŋzii yi ɓìɓeɓtàg ɓi dɔgtɛ̀n ɓi ɓi rìɗyaŋ lɛ ɗyɔ̀ɔ̀ŋ, ɓɛ ki roòzɛn masà ànɛ à kwèɗkà ɓɔ, fɔlɔɔ a kì lɛ ɓɔmiɗ ɓɛɛ syoŋ yì cuu ki kɛ̀ kɛɛ̀ lɛ̀mziì ɓi nyoo yàà.

1 ZYAŊ 1:7

Kìɓan kifog i ti kɛ̀ɛ̀kɛɛ ɓi kìtɛɛtɛn fɛlɛ yɛ̀ɛ nyimiɗ a rì ɓi kìtɛɛtɛn, di tì rì ɓɛ̀ràrɛn ɓisi mɛ̀to mɛ̀cèm, fɔɔnnɛ bwaɓ yi Man wiì Yeesus yi soò ɓìɓe ɓis ɓìcèm.

1 ZYAŊ 2:2

Lɛ nyimiɗ a faghà cɛɓ kii ɓisuulɛ ɓìɓe ɓis ɓyɛɛ ɓa ɓìcenɛn, àa gì lɛ ɓinkis ɓyɔ rì ɓyɔ, lɔŋ ɓisuu ɓiɓe ɓi ɓum ɓɛ̀cèm girig.

ÀPÒKÀLIƁSƐ̀ 10:11

Fɔɔnnɛ ɓɛ kpaaghà mɛ̀ lɛ: Ki ghɛɛ̀sɛɛ lɛ u kpaŋzi tì ɓìɓan ɓi Bɛ̀ll ɓi ɓi seesee mɛ̀kuu mɛ ɓum lɛɛ̀gwey, rì ɓìlɔ̀ŋ lɛɛ̀gwey, rì mɛ̀fòm lɛɛ̀gwey.

ÀPÒKÀLIƁSƐ̀ 11:9

Ɓumɓɛ ɓi mɛ̀kuu mɛ̀cèm, rì mɛ̀pwìɗ mɛ̀cèm, rì ɓìtòkì ɓìcèm, rì ɓìlɔ̀ŋ ɓìcèm ɓɛ ri seesee gɛ ɓìloŋ ɓyaa à kpaŋ mɛ̀ru mɛraa rì kìden, ɓɛ̀ kɛɛ̀ gherɛn lɛ ɓɛɛ ɓom̀ ɓyɔ ɓi zɔ̀ŋ.

ÀPÒKÀLIƁSƐ̀ 13:7

Ɓɛ ki fa nyàm ìnɛn ìtèɗ wulɛ yɛ̀ɛ ɗuùzi ɓɔ wɛ̀y, ì yag ɓɔ. Ɓɛ fa yɔ̀ ìtèɗ wu yɛ̀ɛ lami ɓumɓɛ ɓi mɛ̀pwìɗ mɛ̀cèm, rì mɛ̀kuu mɛ̀cèm, rì ɓìtòkì ɓìcèm rì ɓìlɔ̀ŋ ɓìcèm.

ÀPÒKÀLIƁSƐ̀ 13:8

Ɓum ɓɛ̀cèm ɓɛ ɓi ziinɛ, ɓɛ mii maa mɛ ka ɓaghà ɓi mɛ kànɛn ɓi kaàtà à cɛɓ à Man à jɔ̀ɔ̀ ànɛ ɓɛ wolà, à tumɛ̀n a rìyàghɛ̀n ɗi zi, ɓɛ ɓaagh gɛ mɛ̀ɗu ɓi zi ɓɛ ɓɔgsì nyàm ìnɛn.

ÀPÒKÀLIƁSƐ̀ 14:6

Fɔɔnnɛ ǹghɛngà ŋwaà-fìtom adɛŋ di a lɛŋlɛŋ ɓi ɗyoo ɓi ɗùm, à ɓaghà rì Syeesyee à Ɓɔlɛ à fìɗyàɓ fikɔ̀ɔ̀ ànɛ lɛ a ghagsi ɓum ɓɛ̀cèm ɓɛ ɓi ziinɛ, ɓumɓɛ ɓi ɓìlɔ̀ŋ ɓìcèm, rì mɛ̀pwìɗ mɛ̀cèm, rì ɓìtòkì ɓìcèm, rì mɛ̀kuu mɛ̀cèm.

ÀPÒKÀLIƁSƐ̀ 15:3

Ɓɛ kɛkɛ̀ɛ̀gh lɛ rì fyem fi Moyis ànɛ à rì ǹkìì-kìsay a Bɛ̀ll, rì fi Man à jɔ̀ɔ̀, lɛ Kan Bɛ̀ll à ìtèɗ wucèm, mɛ̀kìkìì mɔɔ mɛ kii lɛ, mɛ teghɛ̀n, mɛ ki ɓa com ki kuurakɛn! Rifòm ɗi ɓilɔ̀ŋ ɓìcèm, bee yɔɔ yi ri lɛ saaɗ, yi ki ɓa ɓɛkɔɔ̀kɔɔ̀ ɓɛ bee.

ÀPÒKÀLIƁSƐ̀ 17:15

Nni ŋwaà-fìtom a kpaatìghà mɛ̀ lɛ: Mɛ̀nig mɛ wàa ghɛɛ di giɓ a rìɓàmɓà à kɔ̀kɔrii wɔɔ, mɛ ri ɓumɓɛ ɓi mɛ̀kuu lɛ mɛ̀kuu, ɓìtuu lɛ ɓìtuu, ɓìlɔ̀ŋ lɛ ɓìlɔ̀ŋ, rì ɓìtòkì lɛ ɓìtòkì.

ÀPÒKÀLIƁSƐ̀ 4:11

Wɔ̀ Kan wìs, Bɛ̀ll wìs, ù ghɛ̀ɛ̀sɛɛ lɛ, ɗì rìkem, rì bɔgsɛ̀n, rì ìtèɗ, ɓisuulɛ wɔ̀ yɛɛ kighà ɓyom ɓìcèm, yɛ̀ɛ ki kɔngà wɔ̀ lɛ ɓyom ɓìn ɓyɛɛ ɓa, nnɛ ɓi kilɛ̀ngà.

ÀPÒKÀLIƁSƐ̀ 5:12

Ɓɛ laàlàmɓɛ̀ngà jɛ̀ɛ̀ aɗyoo lɛ: Man à jɔ̀ɔ̀ ànɛ ɓɛ wolà à ghɛ̀ɛ̀sɛɛ kì terì ìtèɗ wu rilàmì, rì ìkum, rì ɗyomzɛ̀n, rì ìtèɗ, rì bɔgsɛ̀n, rì rìkem, rì mɛ̀sɛɛ̀ghsɛɛgh.

ÀPÒKÀLIƁSƐ̀ 5:6

Fɔɔnnɛ ǹghɛngà Man à jɔ̀ɔ̀ di à rɛrɛlii ɓi nyìinyìm à ìkɔ̀ɔ̀ wu rilàmì, ɓi nyìinyìm à nyàm yi kinìn, rì ɓi nyìinyìm à ɓɛ̀sɛ̀ɛ̀mɛn ɓɛ ɓum. Man à jɔ̀ɔ̀ ànɛn à ɓaghà lɔŋ yɛ̀ɛ à rì ǹwolɛn, à ɓaghà mɛ̀tɔŋ taàɓɛ̀ɛ̀, rì mis taàɓɛ̀ɛ̀; mis mɛ̀n mɛ ri mɛ̀ghay mɛ Bɛ̀ll mɛ kitaàɓɛ̀ɛ̀ mɛ à romgày ɓi ziinɛ bimiɗ.