ÀPÒKÀLIƁSƐ̀ 5:14 - Bafia Nouveau Testament

¹⁴ Fɔɔnnɛ nyàm yi kinìn yi ghaɓkà lɛ Ààmɛ̀n. Ɓɛ̀sɛ̀ɛ̀mɛn ɓɛ ɓum ɓɛ ɓag mɛ̀ɗu ɓi zi, ɓɛ ɓɔgsì Bɛ̀ll.

ÀPÒKÀLIƁSƐ̀ 5:14 Iomraidhean Croise

1 KƆ̀RƐ̀ŊTYƐŊ 14:16

Ɓisuulɛ i u fafa Bɛ̀ll ɓìtògsɛ̀n ɓi nghay wɔ rì wɔ, lannɛ ŋwaà zɛ̀y ànɛ à kɔ̀kɔrii ǹɗaŋ ri ɓumɓɛ ɓɛɛ̀ wowòg à rì lɛ à kpaa lɛ ààmɛ̀n ɓi ɓìtògsɛ̀n ɓi ù faa Bɛ̀ll kɔlɛ à yii ɓi com ki ù kpaa?

ÀPÒKÀLIƁSƐ̀ 19:4

Fɔɔnnɛ ɓɛ̀sɛ̀ɛ̀mɛn ɓɛ ɓum ɓɛ ritin ɗì ɓɛnin, ɗì nyàm yi kinìn, ɓɛ ɓakà mɛ̀ɗu ɓi zi, ɓɛ ɓɔgsì Bɛ̀ll ànɛ à kɔ̀kɔrii ɓi-kɔ̀ɔ̀ wu rilàmì di ɓɛɛ̀ kpaakpaa lɛ: Ààmɛ̀n Alèluyà!

ÀPÒKÀLIƁSƐ̀ 4:4

Mɛ̀kɔ̀ɔ̀ mɛ rilàmì mɛdɛŋ rìtin ɗì mɛnin mɛ ceŋzɛ̀ngà ìkɔ̀ɔ̀ wu rilàmì wu ǹtonto; ɓìtùg ɓi ɓum rìtin ɗì ɓinin ɓi ɓaghà ɓìkɔ̀kɔriyɛn ɓi mɛ̀kɔ̀ɔ̀ mɛn, ɓi waatɛ̀n ɓìlàà ɓi puɓ, ɓyɔ tì rì ɓɛ̀tàm ɓɛ gol ɓi mɛ̀to.

ÀPÒKÀLIƁSƐ̀ 4:6

Tì tì fɛlɛ asu wu ikɔ̀ɔ̀ wu rilàmì, jàŋ i ghay lɔŋ yɛ̀ɛ rìɓày ànɛ à rì ɓɛ̀ŋwii rì ɓɛ̀ŋwii, ì lònlòm yɛ̀ɛ maa kìpɛsà à ŋwii. Ɓi nyìinyìm à ìkɔ̀ɔ̀ wu rilàmì rì ɓi mɛ̀wɔŋì, nyàm yi ɓaghà yinin, yɔ yì ronɛn ri mis jàŋ bimiɗ lɛ, rì asu rì ajɛ̀m.

ÀPÒKÀLIƁSƐ̀ 5:11

Nni ǹseesèèghà, ǹwog jɛ̀ɛ̀ ì kìtuu ki ɓum ɓɛ titom ki ki ceŋzɛ̀ngà ìkɔ̀ɔ̀ wu rilàmì, rì nyàm rì ɓìtùg ɓi ɓum; ɓum ɓɛ titom ɓɛ ɓaghà ɓɛ̀tɔɔsìm lɛ ɓɛ̀tɔɔsìm mɛ̀tin kɛ̀ɛ̀ bàlì.

ÀPÒKÀLIƁSƐ̀ 5:6

Fɔɔnnɛ ǹghɛngà Man à jɔ̀ɔ̀ di à rɛrɛlii ɓi nyìinyìm à ìkɔ̀ɔ̀ wu rilàmì, ɓi nyìinyìm à nyàm yi kinìn, rì ɓi nyìinyìm à ɓɛ̀sɛ̀ɛ̀mɛn ɓɛ ɓum. Man à jɔ̀ɔ̀ ànɛn à ɓaghà lɔŋ yɛ̀ɛ à rì ǹwolɛn, à ɓaghà mɛ̀tɔŋ taàɓɛ̀ɛ̀, rì mis taàɓɛ̀ɛ̀; mis mɛ̀n mɛ ri mɛ̀ghay mɛ Bɛ̀ll mɛ kitaàɓɛ̀ɛ̀ mɛ à romgày ɓi ziinɛ bimiɗ.

ÀPÒKÀLIƁSƐ̀ 5:8

Lɔŋ yɛ̀ɛ à ghàɓkà kaàtà, nyàm yi kinìn, rì ɓìtùg ɓi ɓum ɓi ritin ɗì ɓinin, ɓi kuŋìghà Man à jɔ̀ɔ̀ asu, mum ǹcèm ànɛ ɓi ɓɔ, à ɓaghà ɓi càg lɛ rì fìloŋ rì ɓeŋ ànɛ à ɓaghà ǹkìyɛn ri gol, ǹɗonɛn rì tìrààre ti ti ri bɔ̀ŋzɛ̀n yi ɓɛgherɛ̀n.

ÀPÒKÀLIƁSƐ̀ 7:12

di ɓɛɛ̀ kpaakpaa lɛ: Ààmɛ̀n, bɔgsɛ̀n, rìkem, ɗyomzɛ̀n, ɓìtògsɛ̀n, nyaasɛ̀n, ìtèɗ wu rilàmì, rì ìtèɗ wu zɛy, ɓi ri ɓyom ɓi Bɛ̀ll wìs fìɗyàɓ fikɔ̀ɔ̀ Ààmɛ̀n.