ÀPÒKÀLIƁSƐ̀ 5:12 - Bafia Nouveau Testament

¹² Ɓɛ laàlàmɓɛ̀ngà jɛ̀ɛ̀ aɗyoo lɛ: Man à jɔ̀ɔ̀ ànɛ ɓɛ wolà à ghɛ̀ɛ̀sɛɛ kì terì ìtèɗ wu rilàmì, rì ìkum, rì ɗyomzɛ̀n, rì ìtèɗ, rì bɔgsɛ̀n, rì rìkem, rì mɛ̀sɛɛ̀ghsɛɛgh.

ÀPÒKÀLIƁSƐ̀ 5:12 Iomraidhean Croise

MATYOO 28:18

Fɔɔnnɛ Yeesus à tyòŋdɛ̀ngày, à kpaa ɓɔ lɛ: Ɓaa fa mɛ ìtèɗ wucèm lɛ rì ɓi ɗyoo ɓiɗùm, rì ɓi ziinɛ.

ZYAŊ 1:29

Ɓi duri tana, Zyaŋ à ghɛngà di Yeesus à tiì a lɔ̀ŋkii, à kpaa lɛ man à jɔ̀ɔ̀ à Bɛ̀ll ànɛ a pipisi kiɓe ki ɓum ɓi ziinɛ yɛɛ ri lɛ.

ZYAŊ 17:2

Fɛlɛ yɛ̀ɛ ù faghà nyi ìtèɗ wu lɛ a lami ɓum ɓɛ̀cèm, à fa ɓɛ̀sɛ̀ɛ̀ ɓɛ̀cèm ɓɛ ù faghà nyi cɛɓ ki fiɗyàɓ fikɔ̀ɔ̀.

2 KƆ̀RƐ̀ŊTYƐŊ 8:9

Lɛ ɓì yii nɗem wu geesɛ̀n wu Kan wìs Yeesus Kiris; nyi ànɛ à ɓaghà rì ìkum, à ghaasìghà nyimiɗ soghàsogha lɛ di a kumzi mìni rì kìsoghà kii.

TIMOTE 1:17

Roànɛ a maà làlàmì cààmɛ̀n kìcèm ànɛ à yin lɛ à wu, roànɛ ɓum ɓɛ yin lɛ ɓɛ ghɛn, nyi yɛɛ ri m̀bobog à Bɛ̀ll ànɛ à ghɛ̀ɛ̀sɛɛ lɛ rì ǹnyaasɛ̀n, rì rìkem fìɗyàɓ fikɔ̀ɔ̀. Ààmɛ̀n.

ÀPÒKÀLIƁSƐ̀ 1:6

nyi yɛɛ ki kìghà lɛ ti ɓa kìlɔ̀ŋ ki ɓumɓɛ ɓɛɛ̀ ɓɔɔɓɔgsì Bɛ̀ll à Seŋi wìì, Yeesus ànɛ̀n yɛɛ ghɛɛ̀sɛɛ lɛ rì rìkem ɗì rìlàmì fìɗyàɓ fikɔ̀ɔ̀. Ààmɛ̀n.

ÀPÒKÀLIƁSƐ̀ 13:8

Ɓum ɓɛ̀cèm ɓɛ ɓi ziinɛ, ɓɛ mii maa mɛ ka ɓaghà ɓi mɛ kànɛn ɓi kaàtà à cɛɓ à Man à jɔ̀ɔ̀ ànɛ ɓɛ wolà, à tumɛ̀n a rìyàghɛ̀n ɗi zi, ɓɛ ɓaagh gɛ mɛ̀ɗu ɓi zi ɓɛ ɓɔgsì nyàm ìnɛn.

ÀPÒKÀLIƁSƐ̀ 15:3

Ɓɛ kɛkɛ̀ɛ̀gh lɛ rì fyem fi Moyis ànɛ à rì ǹkìì-kìsay a Bɛ̀ll, rì fi Man à jɔ̀ɔ̀, lɛ Kan Bɛ̀ll à ìtèɗ wucèm, mɛ̀kìkìì mɔɔ mɛ kii lɛ, mɛ teghɛ̀n, mɛ ki ɓa com ki kuurakɛn! Rifòm ɗi ɓilɔ̀ŋ ɓìcèm, bee yɔɔ yi ri lɛ saaɗ, yi ki ɓa ɓɛkɔɔ̀kɔɔ̀ ɓɛ bee.

ÀPÒKÀLIƁSƐ̀ 19:1

Ajɛ̀m ìnɛn ǹwokà coo jɛ̀ɛ̀, ì pisɛ̀n yɛ̀ɛ jɛ̀ɛ̀ ì coo kituu ki ɓum kɛɛ ri ɓi ɗyoo ɓi ɗùm ki kpaakpàà lɛ: Alèluyà! Gòri, rìkem, rì ìtèɗ, ɓi ri ɓyom ɓi Bɛ̀ll wìs.

ÀPÒKÀLIƁSƐ̀ 4:11

Wɔ̀ Kan wìs, Bɛ̀ll wìs, ù ghɛ̀ɛ̀sɛɛ lɛ, ɗì rìkem, rì bɔgsɛ̀n, rì ìtèɗ, ɓisuulɛ wɔ̀ yɛɛ kighà ɓyom ɓìcèm, yɛ̀ɛ ki kɔngà wɔ̀ lɛ ɓyom ɓìn ɓyɛɛ ɓa, nnɛ ɓi kilɛ̀ngà.

ÀPÒKÀLIƁSƐ̀ 5:13

Fɔɔnnɛ ǹwokà di ɓyom ɓìcèm ɓi Bɛ̀ll à kìghà ɓi ɗyoo ɓi ɗùm, rì ɓi ziinɛ, rì ɓi ziinɛ a zi, rì ɓi rìɓày à kìkòn rì ɓyom ɓìcèm ɓi ɓi ri miì ɓyɛɛ̀ kpaakpaa lɛ: Roànɛ à kɔ̀kɔrii ɓi-kɔ̀ɔ̀ wu rilàmì rì Man à jɔ̀ɔ̀, ɓɛ ghɛɛ̀sɛɛ rì ìtèɗ wu rilàmì fìɗyàɓ fikɔ̀ɔ̀.

ÀPÒKÀLIƁSƐ̀ 5:6

Fɔɔnnɛ ǹghɛngà Man à jɔ̀ɔ̀ di à rɛrɛlii ɓi nyìinyìm à ìkɔ̀ɔ̀ wu rilàmì, ɓi nyìinyìm à nyàm yi kinìn, rì ɓi nyìinyìm à ɓɛ̀sɛ̀ɛ̀mɛn ɓɛ ɓum. Man à jɔ̀ɔ̀ ànɛn à ɓaghà lɔŋ yɛ̀ɛ à rì ǹwolɛn, à ɓaghà mɛ̀tɔŋ taàɓɛ̀ɛ̀, rì mis taàɓɛ̀ɛ̀; mis mɛ̀n mɛ ri mɛ̀ghay mɛ Bɛ̀ll mɛ kitaàɓɛ̀ɛ̀ mɛ à romgày ɓi ziinɛ bimiɗ.

ÀPÒKÀLIƁSƐ̀ 5:8

Lɔŋ yɛ̀ɛ à ghàɓkà kaàtà, nyàm yi kinìn, rì ɓìtùg ɓi ɓum ɓi ritin ɗì ɓinin, ɓi kuŋìghà Man à jɔ̀ɔ̀ asu, mum ǹcèm ànɛ ɓi ɓɔ, à ɓaghà ɓi càg lɛ rì fìloŋ rì ɓeŋ ànɛ à ɓaghà ǹkìyɛn ri gol, ǹɗonɛn rì tìrààre ti ti ri bɔ̀ŋzɛ̀n yi ɓɛgherɛ̀n.

ÀPÒKÀLIƁSƐ̀ 5:9

Fɔɔnnɛ ɓɛ kɛkɛ̀ghìghà fyem fi nyɔn di ɓɛɛ̀ kpaakpaa lɛ: Wɔ̀ yɛɛ ghɛɛ̀sɛɛ lɛ ù teɗ kaàtà ànɛ̀n, ù ɓɛkì ɓɛ̀sìtam̀ ɓɛ miì, ɓisuulɛ ɓɛ wolà wɔ̀, ù ki kwèɗ ɓumɓɛ ɓi mɛ̀pwìɗ mɛ̀cèm, ɓìtòkì ɓìcèm, mɛ̀kuu mɛ̀cèm, ɓìlɔ̀ŋ ɓìcèm ɓisuu Bɛ̀ll rì bwaɓ yɔɔ.

ÀPÒKÀLIƁSƐ̀ 6:1

Fɔɔnnɛ ǹseesèèghà; yɛ̀ɛ Man à jɔ̀ɔ̀ à ŋwàɗkà kìbog ki ɓi ɓɛ̀sìtam̀ ɓɛ kitaàɓɛ̀ɛ̀, ǹwog kìbog ki ɓi nyàm yi kinìn di ki toòghrɛɛ yɛ̀ɛ baàbàn, kì kpaa lɛ: Yu.

ÀPÒKÀLIƁSƐ̀ 7:12

di ɓɛɛ̀ kpaakpaa lɛ: Ààmɛ̀n, bɔgsɛ̀n, rìkem, ɗyomzɛ̀n, ɓìtògsɛ̀n, nyaasɛ̀n, ìtèɗ wu rilàmì, rì ìtèɗ wu zɛy, ɓi ri ɓyom ɓi Bɛ̀ll wìs fìɗyàɓ fikɔ̀ɔ̀ Ààmɛ̀n.