ÀPÒKÀLIƁSƐ̀ 5:1 - Bafia Nouveau Testament

¹ Nni ǹghɛngà ɓi weèlem à roànɛ à kɔ̀kɔ̀rìghà ɓi-kɔ̀ɔ̀ wu rilàmì, kaàtà àdɛŋ ànɛ à ɓaghà ǹkànɛn lɛ rì ɓi ɗùm rì ɓi ɓyàs, ɓɛ̀sìtam̀ miì ɓɛ̀ ɓaatiyɛn taàɓɛ̀ɛ̀.

ÀPÒKÀLIƁSƐ̀ 5:1 Iomraidhean Croise

ÀPÒKÀLIƁSƐ̀ 10:2

À ɓaghà rì maa kaàtà ǹŋwàrɛn ɓi càg; à kìghà lɛ, à rɛsì ìkòò wii wu weèlem ɓi rìɓày à kìkòn, wu kimɛŋ ɓi zi ì zɛy,

ÀPÒKÀLIƁSƐ̀ 4:3

Ŋwaànɛ à kɔ̀kɔ̀rìghà ànɛn ɓi-kɔ̀ɔ̀ wu rilàmì à ɓaghà ɓi mis yɛ̀ɛ gɔ̀g yi lònlomɛn yi lɛ rì Zyaspɛ̀ rì Sàrìdwanà; fɔɔnnɛ ǹsyèɗ wu wu lonlòmgà ɓi mis yɛ̀ɛ gɔ̀g ìnɛ ɓɛɛ̀ regi lɛ èmèroòdɛ̀ wu ceŋzɛ̀ngà ìkɔ̀ɔ̀ wu rilàmì wuncèm.

ÀPÒKÀLIƁSƐ̀ 4:9

Nni cààmɛ̀n kìcèm ki nyàm yiǹ yi fafàghà roànɛ à kɔ̀kɔrii ɓi-kɔ̀ɔ̀ wu rilàmì, ànɛ à rì cem fiɗyàɓ fikɔ̀ɔ̀ lɛ, rì rìkem, rì bɔgsɛ̀n,

ÀPÒKÀLIƁSƐ̀ 5:13

Fɔɔnnɛ ǹwokà di ɓyom ɓìcèm ɓi Bɛ̀ll à kìghà ɓi ɗyoo ɓi ɗùm, rì ɓi ziinɛ, rì ɓi ziinɛ a zi, rì ɓi rìɓày à kìkòn rì ɓyom ɓìcèm ɓi ɓi ri miì ɓyɛɛ̀ kpaakpaa lɛ: Roànɛ à kɔ̀kɔrii ɓi-kɔ̀ɔ̀ wu rilàmì rì Man à jɔ̀ɔ̀, ɓɛ ghɛɛ̀sɛɛ rì ìtèɗ wu rilàmì fìɗyàɓ fikɔ̀ɔ̀.

ÀPÒKÀLIƁSƐ̀ 5:7

Nni à yùghà, à teɗ kaàtà ànɛ à ɓaghà ànɛ̀n ɓi weèlem à roànɛ à kɔ̀kɔrii ɓi-kɔ̀ɔ̀ wu rilàmì.

ÀPÒKÀLIƁSƐ̀ 6:1

Fɔɔnnɛ ǹseesèèghà; yɛ̀ɛ Man à jɔ̀ɔ̀ à ŋwàɗkà kìbog ki ɓi ɓɛ̀sìtam̀ ɓɛ kitaàɓɛ̀ɛ̀, ǹwog kìbog ki ɓi nyàm yi kinìn di ki toòghrɛɛ yɛ̀ɛ baàbàn, kì kpaa lɛ: Yu.

ÀPÒKÀLIƁSƐ̀ 6:16

Di ɓɛɛ̀ kpaakpaa dòn rì mɛ̀ɓan lɛ: Kpìlaaghna ɓìsi ɓi nyoo, ɓi lɔg ɓìsi di tyɛ̀ ki wuɓsɛn ti ìsu wu roànɛ à kɔ̀kɔrii ɓi-kɔ̀ɔ̀ wu rilàmì, tyɛ̀ ki ki wuɓsɛn ribaŋì ɗi Man à jɔ̀ɔ̀;

ÀPÒKÀLIƁSƐ̀ 8:1

Yɛ̀ɛ à ŋwàɗkà sìtam̀ à kìtaàɓɛ̀ɛ̀, ɗyoo ɗi maarɛ̀ngà lɛ fyòoog, à kpaŋ nunùg kìden ki cààmɛ̀n.