ÀPÒKÀLIƁSƐ̀ 4:8 - Bafia Nouveau Testament

⁸ Nyàm yi kinìn yiǹ yi ɓalàkà lɛ, nyàm bog mɛ̀keɓ taàfog, yɔ̀ mis nyoo bimiɗ lɛ rì ɓi ɗùm, rì ɓi ɓyàs. Fɔɔnnɛ yɛ̀ɛ ìru yɛ̀ɛ ŋwos, ɓɛ fɔli ɓi rikakàlì lɛ: Kan Bɛ̀ll à ìtèɗ wucèm à rì ǹtɛnɛn, à rì ǹtɛnɛn, à rì ǹtɛnɛn, Bɛ̀ll ànɛn yɛɛ, ɓaghà nnyɛɛ ri nnyɛɛ̀ ki yùyuiy.

ÀPÒKÀLIƁSƐ̀ 4:8 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 20:31

Fɔɔnnɛ ɓaana cem, ɓì ki yiti lɛ, ǹɗeɓi mìni bèg yiraa, yɛ̀ɛ ìru yɛ̀ɛ ŋwos kɛ̀ɛ nfɔɛy, rì misì ɓi mɛ̀tam.

2 KƆ̀RƐ̀ŊTYƐŊ 6:18

M̀ɓaa gɛ Seŋi wìn, mìnii ɓa mɛ̀ ɓɔn ɓɛ ɓɛ baŋì rì ɓɛ ɓɛ̀yiɓ, fɔɔnnɛ Kan à ìtèɗ wucèm a kpaaghì.

TÈSÀLÒNÌSYƐŊ 2:9

Ɓɔɔsoŋ̀ ɓì rì lɛ ɓì yitì kìsay ki tì kìghà, rì ǹtɔɓ wu tì wokà; tì ghagsìghà mìni Syeesyee à Ɓɔlɛ à Bɛ̀ll tì ki sasay lɛ rì ìru rì ŋwos lɛ ǹtɛ̀g wis wɛ̀ kɛɛ̀ siŋ wààdɛŋ ɓi nyòò.

TIMOTE 4:16

Ù konàg lɛ rì wɛ̀ɛmiɗ, rì ɓìɓan ɓi u rèresi ɓum, ù ki sììrɛn miì rì ìtèɗ; ɓisuulɛ i u kìki fɔlɔɔ, ù ɓiì ghɛɓsii lɛ rì wɛ̀ɛmiɗ, rì ɓumɓɛ ɓɛɛ̀ wowog rikpaa ɗyɔɔ.

2 TIMOTE 4:2

lɛ u kakali jɛ̀ɛ̀ ì Bɛ̀ll, ù sììrɛ̀n miì ɓyààmɛ̀n ɓìcèm, lɛ rì ɓi syeesyee rì ɓi ɓeɓtɛn; kìya lɛ ɓum ɓɛɛ gherɛn, fwààdag ɓum, ù rerèɓ ɓɔ, ù yi rìnìɗ ɗi nɗem, ù ki rèeresàg ɓɔ.

EBIREEGH 13:8

Yeesus Kiris à rì lɔŋ com kìfog, yɛ̀ɛ rìŋkò, yɛ̀ɛ gɛɛ̀nɛ, à kpaŋ fìɗyàɓ fikɔ̀ɔ̀.

ÀPÒKÀLIƁSƐ̀ 1:4

Zyaŋ yɛɛ kani Ɓìseŋi ɓi Kiris ɓi kitaàɓɛ̀ɛ̀ ɓi ɓi ri a Azii. Ɓaana lɛ, rì geesɛ̀n, rì fyòoog lɛ rìfa ɗi roànɛ à rì, ànɛ à ɓaghà, ànɛ a ki yùyuiy, rì mɛ̀ghay mɛ kitaàɓɛ̀ɛ̀ mɛ mɛ rɛrɛlii ìkɔ̀ɔ̀ wii wu rilàmì asu,

ÀPÒKÀLIƁSƐ̀ 1:8

Kan Bɛ̀ll a kpaaghi lɛ: Mɛ̀ yɛɛ ri Alfà, rì Omegà, roànɛ à rì, ànɛ à ɓaghà, ànɛ a yùyuiy, roànɛ à rì rì ìtèɗ wucèm.

ÀPÒKÀLIƁSƐ̀ 11:17

Di ɓɛɛ̀ kpaakpaa lɛ: Tì faa wɔ̀ ɓìtògsɛ̀n Kan Bɛ̀ll à ìtèɗ wucèm, ànɛ à rì, ànɛ à ki ɓaghà, wɔ̀ɔ nɗèsii coo itèɗ wɔɔ, ù rèsì kìlàmì kɔɔ.

ÀPÒKÀLIƁSƐ̀ 14:11

Fìsilì fi ɗuu ɗi ɗyɛɛ̀ ɗiighɗigsì ɓɔ fyɛɛ̀ syoosyoo fiɗyàɓ fikɔ̀ɔ̀. Yɛ̀ɛ ìru yɛ̀ɛ ŋwos, rìfɔɔsɛ̀n ɗyaa ɓa ɓi ɓisuu ɓumɓɛ ɓɛ ɓɔgsìghà lɛ rì nyàm rì kìfèèghrɛnà ki yɔ̀, rì ɓisuu mum bimiɗ ànɛ à tekà kìrèmzɛnà ki ɗii ɗi nyàm ìnɛn.

ÀPÒKÀLIƁSƐ̀ 14:3

Ɓumɓɛ̀n ɓɛ kɛkɛ̀ghìghà fyem fi nyɔn di ɓɛ rɛrɛlii asu wu ikɔ̀ɔ̀ wu rilàmì, rì nyàm yi kinìn, rì asu wu ɓɛsɛ̀ɛ̀mɛn ɓɛ ɓum. Ŋwaàdɛŋ à ɓaghà ɓi lɛ à yilàg fyem fìn, i ki yin lɛ ɓum ɓɛ̀tɔɔsìm mɛ̀tin taàɓɛ̀ɛ̀ rì ɓum ɓɛ̀tɔɔsìm ɓɛnin ɓɛ à kwèɗkà ɓi ziinɛ.

ÀPÒKÀLIƁSƐ̀ 15:3

Ɓɛ kɛkɛ̀ɛ̀gh lɛ rì fyem fi Moyis ànɛ à rì ǹkìì-kìsay a Bɛ̀ll, rì fi Man à jɔ̀ɔ̀, lɛ Kan Bɛ̀ll à ìtèɗ wucèm, mɛ̀kìkìì mɔɔ mɛ kii lɛ, mɛ teghɛ̀n, mɛ ki ɓa com ki kuurakɛn! Rifòm ɗi ɓilɔ̀ŋ ɓìcèm, bee yɔɔ yi ri lɛ saaɗ, yi ki ɓa ɓɛkɔɔ̀kɔɔ̀ ɓɛ bee.

ÀPÒKÀLIƁSƐ̀ 15:7

Kìbog ki ɓi nyàm yi kinìn ki falàkà ɓum ɓɛ titom ɓɛ kitaàɓɛ̀ɛ̀ ɓɛ̀ɓeŋ ɓɛ gol, ɓɛ ɓɛ ɓalàkà ɓɛ̀ronɛn ɗi bim i Bɛ̀ll ànɛ à rì fìɗyàɓ fikɔ̀ɔ̀.

ÀPÒKÀLIƁSƐ̀ 16:14

Ɓi ri ɓìɓeɓtàg ɓi mɛghay ɓi ɓyɛɛ̀ kìki dàm, ɓi ki kɛ̀ngi a mɛ̀fòm mɛ ɓi ziinɛ bimiɗ, lɛ ɓyɛɛ taŋzɛn mɔ ɓisuu wɛ̀y wu wu ri ɓiì ɓaà ɓi coo gòn i Bɛ̀ll ànɛ à rì rì ìtèɗ wucèm.

ÀPÒKÀLIƁSƐ̀ 16:7

Nni ǹwokà di com ki ɓɛɛ̀ tɔ̀ngi ɓyom miì ɓi rìɓɔgsì ɗi Bɛ̀ll ki kpaa lɛ: Ɛ̀ɛ̀ Kan Bɛ̀ll à ìtèɗ wucèm, rìren ɗyɔɔ ɗi ɓiɓan ɗi ri miì, ɗi ki ɓa lɛ saaɗ.

ÀPÒKÀLIƁSƐ̀ 19:15

Gàfàg ì mpooyɛn i kpaŋ yì nyi ɓi ŋwɔm lɛ a ɓog ɓìlɔ̀ŋ ri yɔ̀; à rì ɓyɔ ɓiì kɛ̀ɛ̀sii ri ǹkpas wu bɔŋ, à ki saɓ ɓiɗùn ɓi viìnyɛ̀ ɓi wayɗ wu mɛrɔ̀g mɛ coo bim i Bɛ̀ll à ìtèɗ wucèm.

ÀPÒKÀLIƁSƐ̀ 19:4

Fɔɔnnɛ ɓɛ̀sɛ̀ɛ̀mɛn ɓɛ ɓum ɓɛ ritin ɗì ɓɛnin, ɗì nyàm yi kinìn, ɓɛ ɓakà mɛ̀ɗu ɓi zi, ɓɛ ɓɔgsì Bɛ̀ll ànɛ à kɔ̀kɔrii ɓi-kɔ̀ɔ̀ wu rilàmì di ɓɛɛ̀ kpaakpaa lɛ: Ààmɛ̀n Alèluyà!

ÀPÒKÀLIƁSƐ̀ 21:22

Ǹghɛngà ɓi naà-Bɛ̀ll wɔɔ ɓisuulɛ Kan Bɛ̀ll à ìtèɗ wucèm rì Man à jɔ̀ɔ̀ ɓɔ yɛɛ ri naà-Bɛ̀ll ìnɛ wɔɔ.

ÀPÒKÀLIƁSƐ̀ 3:7

Kàna ŋwaà-fìtom anɛ ɓi Kìseŋi ki a Filadɛlfii lɛ: Roànɛ à rì lɛ nyi ǹtɛnɛn, nyi lɛ saaɗ, ànɛ à ki ɓanɓani fìɗìɓà fi Davit, nyi yɛɛ ri lɛ, i à ŋwàri, ŋwaàdɛŋ à yin lɛ à sìm, i à ki sìmi, ŋwaàdɛŋ kɛ̀ɛ ŋwàɗ, a kpaaghi lɛ:

ÀPÒKÀLIƁSƐ̀ 4:4

Mɛ̀kɔ̀ɔ̀ mɛ rilàmì mɛdɛŋ rìtin ɗì mɛnin mɛ ceŋzɛ̀ngà ìkɔ̀ɔ̀ wu rilàmì wu ǹtonto; ɓìtùg ɓi ɓum rìtin ɗì ɓinin ɓi ɓaghà ɓìkɔ̀kɔriyɛn ɓi mɛ̀kɔ̀ɔ̀ mɛn, ɓi waatɛ̀n ɓìlàà ɓi puɓ, ɓyɔ tì rì ɓɛ̀tàm ɓɛ gol ɓi mɛ̀to.

ÀPÒKÀLIƁSƐ̀ 4:6

Tì tì fɛlɛ asu wu ikɔ̀ɔ̀ wu rilàmì, jàŋ i ghay lɔŋ yɛ̀ɛ rìɓày ànɛ à rì ɓɛ̀ŋwii rì ɓɛ̀ŋwii, ì lònlòm yɛ̀ɛ maa kìpɛsà à ŋwii. Ɓi nyìinyìm à ìkɔ̀ɔ̀ wu rilàmì rì ɓi mɛ̀wɔŋì, nyàm yi ɓaghà yinin, yɔ yì ronɛn ri mis jàŋ bimiɗ lɛ, rì asu rì ajɛ̀m.

ÀPÒKÀLIƁSƐ̀ 4:9

Nni cààmɛ̀n kìcèm ki nyàm yiǹ yi fafàghà roànɛ à kɔ̀kɔrii ɓi-kɔ̀ɔ̀ wu rilàmì, ànɛ à rì cem fiɗyàɓ fikɔ̀ɔ̀ lɛ, rì rìkem, rì bɔgsɛ̀n,

ÀPÒKÀLIƁSƐ̀ 5:6

Fɔɔnnɛ ǹghɛngà Man à jɔ̀ɔ̀ di à rɛrɛlii ɓi nyìinyìm à ìkɔ̀ɔ̀ wu rilàmì, ɓi nyìinyìm à nyàm yi kinìn, rì ɓi nyìinyìm à ɓɛ̀sɛ̀ɛ̀mɛn ɓɛ ɓum. Man à jɔ̀ɔ̀ ànɛn à ɓaghà lɔŋ yɛ̀ɛ à rì ǹwolɛn, à ɓaghà mɛ̀tɔŋ taàɓɛ̀ɛ̀, rì mis taàɓɛ̀ɛ̀; mis mɛ̀n mɛ ri mɛ̀ghay mɛ Bɛ̀ll mɛ kitaàɓɛ̀ɛ̀ mɛ à romgày ɓi ziinɛ bimiɗ.

ÀPÒKÀLIƁSƐ̀ 6:1

Fɔɔnnɛ ǹseesèèghà; yɛ̀ɛ Man à jɔ̀ɔ̀ à ŋwàɗkà kìbog ki ɓi ɓɛ̀sìtam̀ ɓɛ kitaàɓɛ̀ɛ̀, ǹwog kìbog ki ɓi nyàm yi kinìn di ki toòghrɛɛ yɛ̀ɛ baàbàn, kì kpaa lɛ: Yu.

ÀPÒKÀLIƁSƐ̀ 6:6

Ǹwokà gom ìdɛŋ yɛ̀ɛ ɓɛɛ̀ kali lɛ jɛ̀ɛ̀ yɛ̀ɛ tòtog ɓi nyìinyìm à nyàm yi kinìn di yɛɛ̀ kpaakpaa lɛ: Mità à gèŋ bog, ɓi mɛ̀lèɓ mɛ mɛ ghɛɛ̀sɛɛ rì kìsay ki ɓi bimiɗ à ŋwos, ɓɛ̀mità ɓɛ rikuu ɗi gèŋ ɗidɛŋ ɓɛraa ɓisuu mɛlèɓ mɛ kisay ki bimiɗ à ŋwos; ɓi ɓɛg ànɛ a mɔ̀ɔ rì mɛ̀rɔ̀g kɔ̀ɔ kòm ɓyɔ.

ÀPÒKÀLIƁSƐ̀ 7:11

Ɓum ɓɛ titom ɓɛ ceŋzɛ̀ngà ìkɔ̀ɔ̀ wu rilàmì, rì ɓɛ̀sɛ̀ɛ̀mɛn ɓɛ ɓum, rì nyàm yi kinìn; ɓɛ ɓakàkà mɛ̀su ɓi zi asu wu ikɔ̀ɔ̀ wu rilàmì, ɓɛ ɓɔgsì Bɛ̀ll,

ÀPÒKÀLIƁSƐ̀ 7:15

Kìɓan kiǹ kɛɛ̀ki ɓɛ rɛrɛlii miì asu wu ikɔ̀ɔ̀ wu rilàmì wu Bɛ̀ll, ɓɛ ki ɓɔɔɓɔgsì nyi yɛ̀ɛ ìru yɛ̀ɛ ŋwos ɓi naa yìì. Yɛ̀ɛ roànɛ à rì ǹkɔ̀kɔriyɛn ɓi-kɔ̀ɔ̀ wu rilàmì, à rì toŋ kìnuugh kii à foŋ ɓɔ miì.