ÀPÒKÀLIƁSƐ̀ 4:4 - Bafia Nouveau Testament

⁴ Mɛ̀kɔ̀ɔ̀ mɛ rilàmì mɛdɛŋ rìtin ɗì mɛnin mɛ ceŋzɛ̀ngà ìkɔ̀ɔ̀ wu rilàmì wu ǹtonto; ɓìtùg ɓi ɓum rìtin ɗì ɓinin ɓi ɓaghà ɓìkɔ̀kɔriyɛn ɓi mɛ̀kɔ̀ɔ̀ mɛn, ɓi waatɛ̀n ɓìlàà ɓi puɓ, ɓyɔ tì rì ɓɛ̀tàm ɓɛ gol ɓi mɛ̀to.

ÀPÒKÀLIƁSƐ̀ 4:4 Iomraidhean Croise

MATYOO 19:28

Yeesus à ɓàg ɓɔ lɛ: Ǹkalii mìni ɓi saaɗ lɛ, yɛɛ Man à mum à kɔ̀rii gɛ ɓi-kɔ̀ɔ̀ wii wu rilàmì wu rikem, ɓi cààmɛ̀n ki ɓyom ɓìcèm ɓi sugtii gɛ ɓɛ̀nyɔɔnyɔn ɓɛ ɓyom, mìni ɓɛ ɓì nɔ̀ɔ̀tìghà mɛ̀, ɓì kɔ̀rii gɛ girig ɓi mɛ̀kɔ̀ɔ̀ mɛ rilàmì ǹtɛ̀ɗ rì mɛɓɛɛ̀, lɛ ɓi yɔm̀ mɛ̀pwìɗ mɛ Isirayɛl ntɛ̀ɗ ɗì mɛɓɛɛ̀.

LUKAS 22:30

fɔlɔɔ nnɛ ɓì ɓiì kìi lɛ ɓì ɗi, ɓì ki nɔ ɓi kìkpanà kɛm̀ ɓi kìlɔ̀ŋ kɛm̀, ɓì ki kɔ̀ri ɓi mɛ̀kɔ̀ɔ̀ mɛ rilàmì, lɛ ɓi yɔm̀ mɛ̀pwìɗ ǹtɛ̀ɗ rì mɛɓɛɛ̀ mɛ a Isirayɛl.

2 TIMOTE 4:8

Nni ɓigomìnɛ, tàm à rìkem ànɛ à rì tàm à saaɗ innɛ m̀ɓoŋɓoŋi, Kan ànɛ à rì ǹ-yɔ̀mì-ɓum ànɛ à rì lɛ saaɗ à rì mɛ̀ nyi ɓiì faà ŋwos anɛ̀n, nni àa mɛ̀ cɛ̀ncɛm nnɛ à rì ɓiì faà, kìɓan kifog à ɓiì faà ɓum ɓɛ̀cèm ɓɛ ɓɛ ɓoŋɓòŋgà rìsugtìì ɗii ri ǹkɔ̀nɛ̀n.

ÀPÒKÀLIƁSƐ̀ 11:16

Ɓɛ̀sɛ̀ɛ̀mɛn ɓɛ ritin ɗì ɓɛnin ɓɛ ɓɛ kɔkɔ̀rìghà Bɛ̀ll asu ɓi mɛ̀kɔ̀ɔ̀ maa mɛ rilàmì, ɓɛ kpilàkà, ɓɛ ɓakì mɛ̀su maa ɓi zi, ɓɛ ɓɔgsì Bɛ̀ll.

ÀPÒKÀLIƁSƐ̀ 14:3

Ɓumɓɛ̀n ɓɛ kɛkɛ̀ghìghà fyem fi nyɔn di ɓɛ rɛrɛlii asu wu ikɔ̀ɔ̀ wu rilàmì, rì nyàm yi kinìn, rì asu wu ɓɛsɛ̀ɛ̀mɛn ɓɛ ɓum. Ŋwaàdɛŋ à ɓaghà ɓi lɛ à yilàg fyem fìn, i ki yin lɛ ɓum ɓɛ̀tɔɔsìm mɛ̀tin taàɓɛ̀ɛ̀ rì ɓum ɓɛ̀tɔɔsìm ɓɛnin ɓɛ à kwèɗkà ɓi ziinɛ.

ÀPÒKÀLIƁSƐ̀ 19:14

Mɛ̀raŋ mɛ ɓɛsujàà ɓɛ aɗyoo mɛ nɔɔ̀nɔ̀tìghà nyi ɓi zòm yi kimbɛ̀rɛ̀ yi puɓ, ɓɛ waatàg ɓìsyeesyee ɓi ɓɛkìrimitì ɓɛ puɓ, ɓɛ ɓɛ ri ɓɛ̀tɛnɛn.

ÀPÒKÀLIƁSƐ̀ 19:4

Fɔɔnnɛ ɓɛ̀sɛ̀ɛ̀mɛn ɓɛ ɓum ɓɛ ritin ɗì ɓɛnin, ɗì nyàm yi kinìn, ɓɛ ɓakà mɛ̀ɗu ɓi zi, ɓɛ ɓɔgsì Bɛ̀ll ànɛ à kɔ̀kɔrii ɓi-kɔ̀ɔ̀ wu rilàmì di ɓɛɛ̀ kpaakpaa lɛ: Ààmɛ̀n Alèluyà!

ÀPÒKÀLIƁSƐ̀ 2:10

Kɔ̀ɔ risi ntɔɓ wu ù rì ɓiì tulɛɛ ri wɔ. Ghɛna lɛ Satàn a rì ɓiì pìigh kigwey ki ɓi mìni ɓi naà-zày lɛ a feèghrɛn mìni, fɔɔnnɛ ɓì rì ɓiì tulɛɛ ri ǹ-yeesɛ̀n ànɛ à rì ɓiì finɛɛ mɛru ǹtɛ̀ɗ. Sììrɛn ɓi rìgherɛ̀n à kpaŋ a rìwu, fɔɔnnɛ ǹɗì wɔ̀ ɓiì faà tàm à cɛɓ.

ÀPÒKÀLIƁSƐ̀ 20:4

Nni ǹghɛngà mɛ̀kɔ̀ɔ̀ mɛ rilàmì, ɓɛ faghà ɓumɓɛ ɓɛ kɔràkà ɓi mɛ̀kɔ̀ɔ̀ mɛǹ ìtèɗ wu yɔ̀myɔmɛn ɓiɓan; fɔɔnnɛ ǹghɛɛ̀dìghà mɛ̀ghay mɛ ɓum ɓɛ ɓɛ wowòlà ɓisuulɛ ɓɛ ɓaghà ɓɛ̀wusìnɛ̀ɗ ɓɛ Yeesus rì ɓɛ jɛ̀ɛ̀ ì Bɛ̀ll, rì ɓɛ̀roɓɛ ɓɛ ɓɔgsìghà ɓi nyàm ì mɛ̀to taàɓɛ̀ɛ̀, nsoò lɛ kìfèèghrɛnà ki yɔ̀, ɓɛ̀ kɛɛ̀ ki ɓa ri kìrèmzɛnà ki nyàm ìnɛn ɓisu nsoò lɛ ɓi càg. Fɔɔnnɛ ɓɛ ghemɓɛ̀ngà, ɓɛ ki làmi nɗaŋ ɗi Kiris bèg tɔɔsìm.

ÀPÒKÀLIƁSƐ̀ 3:18

nni ǹɗeɓi wɔ̀ lɛ u lag gol ìnɛ ɗuu ɗi ghaŋzii a lɔ̀ŋkɛm̀, di fɔɔnnɛ u ɓa rì ìkum, ù làg girig ɓìlàà ɓi puɓ lɛ u waàtɛn ɓyɔ, di ǹtoòrìɗ wɔɔ wulɛ ù rì kìtòn zɛy wɛ̀ kɛɛ̀ ghɛnɛn; ù ki làg boòboo ìnɛ lɛ u foŋɗɛn ɓi mis di fɔɔnnɛ u ghɛnɛn.

ÀPÒKÀLIƁSƐ̀ 4:10

ɓìtùg ɓi ɓum ɓi ritin ɗì ɓinin ɓi nti ɓi kuŋɗàg roànɛ à kɔ̀kɔrii ɓi-kɔ̀ɔ̀ wu rilàmì asu, ɓi ɓɔɔ̀ɓɔ̀gsì roànɛ a ghɛghɛɓ fiɗyàɓ fikɔ̀ɔ̀, ɓi nagì ɓɛ̀tàm ɓaa asu wu ikɔ̀ɔ̀ wu rilàmì di ɓyɛɛ̀ kpaakpaa lɛ:

ÀPÒKÀLIƁSƐ̀ 4:6

Tì tì fɛlɛ asu wu ikɔ̀ɔ̀ wu rilàmì, jàŋ i ghay lɔŋ yɛ̀ɛ rìɓày ànɛ à rì ɓɛ̀ŋwii rì ɓɛ̀ŋwii, ì lònlòm yɛ̀ɛ maa kìpɛsà à ŋwii. Ɓi nyìinyìm à ìkɔ̀ɔ̀ wu rilàmì rì ɓi mɛ̀wɔŋì, nyàm yi ɓaghà yinin, yɔ yì ronɛn ri mis jàŋ bimiɗ lɛ, rì asu rì ajɛ̀m.

ÀPÒKÀLIƁSƐ̀ 5:11

Nni ǹseesèèghà, ǹwog jɛ̀ɛ̀ ì kìtuu ki ɓum ɓɛ titom ki ki ceŋzɛ̀ngà ìkɔ̀ɔ̀ wu rilàmì, rì nyàm rì ɓìtùg ɓi ɓum; ɓum ɓɛ titom ɓɛ ɓaghà ɓɛ̀tɔɔsìm lɛ ɓɛ̀tɔɔsìm mɛ̀tin kɛ̀ɛ̀ bàlì.

ÀPÒKÀLIƁSƐ̀ 5:14

Fɔɔnnɛ nyàm yi kinìn yi ghaɓkà lɛ Ààmɛ̀n. Ɓɛ̀sɛ̀ɛ̀mɛn ɓɛ ɓum ɓɛ ɓag mɛ̀ɗu ɓi zi, ɓɛ ɓɔgsì Bɛ̀ll.

ÀPÒKÀLIƁSƐ̀ 5:6

Fɔɔnnɛ ǹghɛngà Man à jɔ̀ɔ̀ di à rɛrɛlii ɓi nyìinyìm à ìkɔ̀ɔ̀ wu rilàmì, ɓi nyìinyìm à nyàm yi kinìn, rì ɓi nyìinyìm à ɓɛ̀sɛ̀ɛ̀mɛn ɓɛ ɓum. Man à jɔ̀ɔ̀ ànɛn à ɓaghà lɔŋ yɛ̀ɛ à rì ǹwolɛn, à ɓaghà mɛ̀tɔŋ taàɓɛ̀ɛ̀, rì mis taàɓɛ̀ɛ̀; mis mɛ̀n mɛ ri mɛ̀ghay mɛ Bɛ̀ll mɛ kitaàɓɛ̀ɛ̀ mɛ à romgày ɓi ziinɛ bimiɗ.

ÀPÒKÀLIƁSƐ̀ 5:8

Lɔŋ yɛ̀ɛ à ghàɓkà kaàtà, nyàm yi kinìn, rì ɓìtùg ɓi ɓum ɓi ritin ɗì ɓinin, ɓi kuŋìghà Man à jɔ̀ɔ̀ asu, mum ǹcèm ànɛ ɓi ɓɔ, à ɓaghà ɓi càg lɛ rì fìloŋ rì ɓeŋ ànɛ à ɓaghà ǹkìyɛn ri gol, ǹɗonɛn rì tìrààre ti ti ri bɔ̀ŋzɛ̀n yi ɓɛgherɛ̀n.

ÀPÒKÀLIƁSƐ̀ 6:11

Fɔɔnnɛ ɓɛ falàkà ɓɔ ɓɛ̀kàɓà ɓɛ puɓ ɓɛ tɔg ɓɔ lɛ ɓɛɛ ka ɓoŋdi ti lɛ tɛ̀tɛ̀rɛ̀ɛ̀ maa cààmɛ̀n lɛsàg à kpaŋ yɛ̀ɛ bàlì ì ɓɛ̀reŋkàŋ ɓaa ɓɛ kisay rì ɓɛ̀geni ɓaa ɓɛ ɓum ɓɛ ghɛɛ̀sɛɛ girig kì cuusii fɛlɛ yɛ̀ɛ ɓɛ cuusìghà ɓɔ, yɛ̀ɛ raɗ.

ÀPÒKÀLIƁSƐ̀ 7:11

Ɓum ɓɛ titom ɓɛ ceŋzɛ̀ngà ìkɔ̀ɔ̀ wu rilàmì, rì ɓɛ̀sɛ̀ɛ̀mɛn ɓɛ ɓum, rì nyàm yi kinìn; ɓɛ ɓakàkà mɛ̀su ɓi zi asu wu ikɔ̀ɔ̀ wu rilàmì, ɓɛ ɓɔgsì Bɛ̀ll,

ÀPÒKÀLIƁSƐ̀ 7:9

Ajɛ̀m ìnɛn nnɛ ǹghɛngà coo kituu ki ɓum ki mum à ɓaghà ɓi lɛ à ɓày, ɓumɓɛ̀n ɓɛ pɛsàkày ɓi ɓìlɔ̀ŋ ɓìcèm, rì ɓi mɛ̀pwìɗ mɛ̀cèm, rì mɛ̀kuu mɛ̀cèm, rì ɓìtòkì ɓìcèm; ɓɛ rɛrɛ̀lìghà asu wu ikɔ̀ɔ̀ wu rilàmì, rì ɓi mis mɛ Man à jɔ̀ɔ̀, ɓɛ waatàg ɓɛ̀kàɓà ɓɛ puɓ, ɓɛ ki ɓa ri maŋ ɓi ɓyàg.

ÀPÒKÀLIƁSƐ̀ 9:7

Ɓìtàtàɗ ɓiǹ ɓi ɓaghà yɛ̀ɛ zòm yi kimbɛ̀rɛ̀ yi yi ri yì pègsɛn lɛ yɛɛ kɛǹ wɛ̀y. Mɛ̀to mɛ ɓyɔ mɛ ɓaghà rì ɓɛ̀tàm ɓɛ rikem ɓɛ ɓɛ ɓaghà lɔŋ yɛ̀ɛ gol, mɛ̀su mɛ ɓyɔ mɛ ɓa yɛ̀ɛ mɛ̀su mɛ ɓum.