ÀPÒKÀLIƁSƐ̀ 4:1 - Bafia Nouveau Testament

¹ Ajɛ̀m ìnɛn nnɛ m̀pɛ̀ɓsɛ̀ngà, ǹghɛn ìsuunaa kìkpaŋ ɓi ɗyoo ɓi ɗùm, jɛ̀ɛ̀ ì ǹtonto ìnɛ ǹwokà di ì tòòghrɛɛ rì mɛ̀ ì ɓaghà yɛ̀ɛ ɗyam ɗyɛɛ̀ɗi ɓɛɛ̀ rɔŋɗɔ̀ŋ ì kpaakpàà lɛ: Ɓɔghay fɛ di nɗesi wɔ̀ ɓìɓan ɓi ɓi ri ɓiì kìlɛɛ ɓi mɛ̀ru mɛ asu.

ÀPÒKÀLIƁSƐ̀ 4:1 Iomraidhean Croise

MATYOO 3:16

Lɔŋ yɛ̀ɛ ɓɛ ɓaɓtìghà Yeesus, à kpaŋ yì ɓi mɛ̀nig, nni ɗyoo ɗi nɛmɓɛ̀ngà à ghɛn di Nghay à Bɛ̀ll a sɛnsɛn yi yɛ̀ɛ kuùkuù, à yùyùy nyi ɓi nyoo.

MARIKUS 1:10

Yɛ̀ɛ Yeesus à kpaŋkpàŋgày ɓi mɛ̀nig, nni à ghɛngà di ɗyoo ɗi nɛmɓɛɛ, Kìtɛntɛ̀ɛ̀n ki Nghay ki sɛnsɛ̀n yì nyi ɓi nyoo fɛ lɛ yɛ̀ɛ kuùkuù.

LUKAS 3:21

Di ɓaa ɓàɓti kilɔ̀ŋ kìcèm, nni ɓɛ ɓaɓtìghà girig Yeesus. Yɛ̀ɛ à kìkìghà bɔ̀ŋzɛ̀n, nni ɗyoo ɗi nɛmɓɛ̀ngà,

ZYAŊ 16:13

Lɔŋ yɛ̀ɛ Nghay à ɓɛ̀kɔɔ̀kɔɔ̀ ɓɛ ɓiɓan a ri yù, à ri rèsi mini saaɗ bimiɗ. Lɛ, àa kpaa ɓi mini ɓìɓan ɓi nyimiɗ yɛɛ ɓekii lɛ a kpaà, à rì lɔŋ mini ɓiì kpaà ɓìɓan ɓìcèm ɓi à woogh, à ki kpaa mini ɓìɓan ɓi ɓi ghɛɛ̀sɛɛ kì kìlɛɛ ɓi mɛ̀ru mɛ asu.

MƐ̀KÌKÌÌ MƐ ƁƐKƐ̀NÌ-FÌTOM 10:11

À ghɛngà ɗyoo ɗì nɛmɓɛn à ki ghɛn di com ki riì wɔɔ fɛlɛ yɛ̀ɛ coo sànjà ànɛ à rì mɛ̀keɓ mɛsugakɛn, ki sɛnsɛ̀n yì ɓi zi.

MƐ̀KÌKÌÌ MƐ ƁƐKƐ̀NÌ-FÌTOM 7:56

fɔɔnnɛ a kalìghà lɛ: Ɓì ghɛɛ! Mɛ̀ɛ ntaataa ɗyoo ɗì nɛmɓɛn, Man à Mum à rɛrɛ̀lì ɓi weèlem à Bɛ̀ll.

ÀPÒKÀLIƁSƐ̀ 1:10

Ǹghay à sɛngà ɓi mɛ̀ ŋwosi Kan fɔɔnnɛ ǹwokà coo jɛ̀ɛ̀ mɛ̀ ajɛ̀m lɔŋ yɛ̀ɛ gom ì ɗyam ɗi ɓɛɛ̀ rɔŋɗɔ̀ŋ,

ÀPÒKÀLIƁSƐ̀ 1:12

Fɔɔnnɛ ǹlɔ̀ɔ̀ghrɛ̀ngà, ǹghɛn ŋwaànɛ à tòtòkà ànɛn rì mɛ̀. Yɛ̀ɛ ǹlɔ̀ɔ̀ghrɛ̀ngà nni ǹghɛngà ɓyom ɓi ɓɛɛ̀ rɛsag lamɓà miì taàɓɛ̀ɛ̀, ɓì kìyɛn ɗi gol.

ÀPÒKÀLIƁSƐ̀ 1:19

Nni kàna min com ki wàa ghɛɛ, com ki ki ri, rì ki ki ri ɓiì kìlɛɛ ajɛ̀m ìnɛn.

ÀPÒKÀLIƁSƐ̀ 11:12

Nni ɓɛ wokà di coo jɛ̀ɛ̀ ì rìi aɗyoo, ì kpaa ɓɔ lɛ: Ɓɔɔghnay fɛ. Fɔɔnnɛ ɓɛ ɓɔkà aɗyoo ɓi ɓìkwìɗ ɓi mis mɛ ɓɛ̀bènàbena ɓaa.

ÀPÒKÀLIƁSƐ̀ 11:19

Nni naà-Bɛ̀ll ìnɛ ì rì ɓi ɗyoo ɓi ɗùm ì ŋwàrɛ̀ngà, fìkɔrɔŋ fii fi riràrɛ̀n fi seèsèèrɛ̀n yì ɓi naa yìì ɓi ɗùm. Fɔɔnnɛ ŋwàaŋwàɗ à tumɛ̀ngà rìŋwàŋwàɗ, ɓyoo gom ɓi jɛ̀ɛ̀ ɓi ghaghààgh, baàbàn ì ɓoɓòg, zi i nyɛ̀ɛ̀nyɛ̀ŋɗɛ̀n, bol ì gɔ̀g ì sùùsùùrɛ̀n.

ÀPÒKÀLIƁSƐ̀ 16:17

Nni ŋwaà-fìtom a kìtaàɓɛ̀ɛ̀ a sùùrìghà ɓeŋ wìì ɓi bɛ̀ɛ̀bɛ̀ɛ̀. Fɔɔnnɛ coo jɛ̀ɛ̀ ki kpagày ɓi naà-Bɛ̀ll, di ki riì ɓi-kɔ̀ɔ̀ wu rilàmì ki kpaa lɛ: Ki leègh!

ÀPÒKÀLIƁSƐ̀ 19:11

Fɔɔnnɛ ǹghɛngà ɗyoo ɗìnɛmɓɛn ǹghɛn zòm i kìmɓɛ̀rɛ̀ ì mpuɓ, ŋwaànɛ à ɓaghà ɓi zòm inɛ̀n aɗyoo, à ɓaghà ɗii lɛ, Ŋwaà-ǹtyweeyi, rì wusìnɛ̀ɗ à kɔɔ̀kɔɔ̀, a yɔ̀myɔm ɓiɓan, à ki ɗùùɗuu wɛ̀y ɓi ɓɛ̀saaɗ.

ÀPÒKÀLIƁSƐ̀ 22:6

Nni à kpaaghà mɛ̀ lɛ: Jɛ̀ɛ̀ yi yi ri miì, yi ki ɓa saaɗ. Kan Bɛ̀ll ànɛ ǹghay wìì a kɛ̀ɛ̀sag ɓɛkpaŋzì-ɓìɓan, nnyɛɛ nɗomiì mum wiì à fìtom lɛ a resi ɓɛ̀kìì-ɓìsay ɓii ɓiɓan ɓi ɓi ri ɓiì kìlɛɛ di maa cààmɛ̀n à ghaghii.