ÀPÒKÀLIƁSƐ̀ 3:4 - Bafia Nouveau Testament

⁴ Kìɓan kifog, ù rì rì ɓum ɓɛdɛŋ a Saridɛ ɓɛ ɓɛ nsiŋɗɛɛ ɓi tifin ɓi ɓìlàà ɓyaa; ɓumɓɛ̀n ɓɛ ri ɓiì kɛ̀ɛ̀kɛɛ nɗaŋ ɗi mɛ̀, ɓisuulɛ ɓɛ ri ɓumɓɛ ɓɛ ghɛɛ̀sɛɛ rì rìɓa ɗyɛ̀m.

ÀPÒKÀLIƁSƐ̀ 3:4 Iomraidhean Croise

MATYOO 10:11

Ɓi bàn bimiɗ, rì ɓi kìlɔ̀ŋ ki ɓì kpaŋi wɔɔ, tɔɔghna ǹkòo ŋwaànɛ à rì lɛ à ghàɓ mìni à rì wɔɔ, kɔ̀riina yɛ̀ɛ ŋ̀waànɛ̀n à kpaŋ cààmɛ̀n ki ɓì ɓiì pɛ̀sɛɛ ɓi jàŋ inɛ̀n.

MARIKUS 16:5

Fɔɔnnɛ ɓɛ ɗiŋìghà ɓi zɔ̀ŋ, ɓɛ ghɛn dɛlì ì mum ǹkɔ̀kɔriyɛn ɓi ɓɛg à weèlem, rì rìga à mpuɓ, ìris wu ɓan ɓɔ.

LUKAS 20:35

kìɓan kifog, ɓɛ̀roɓɛ ki ghɛnɛɛ gɛ lɛ, ɓɛ ghɛɛ̀sɛɛ kì terì gàɓ ɓi nyɔɔnyɔn à cɛɓ ajɛ̀m ì rìghèmɓɛ̀n ɗi ɓiloŋ, ɓaa wɔlɛn ti ɓi,

LUKAS 21:36

Fɔɔnnɛ kɔ̀riina cem, ɓì ki ɓɔ̀ɔɓɔŋzàg ɓyààmɛ̀n ɓìcèm, lɛ ɓi ɓa rì ìtèɗ wulɛ ɓi ceè ɓìɓan ɓi ɓi ri ɓiì kìlɛɛ, ɓì ki kpaŋ ɓi mis mɛ Man à mum mɛ̀rɛy.

MƐ̀KÌKÌÌ MƐ ƁƐKƐ̀NÌ-FÌTOM 1:15

Ŋwos adɛŋ, ɓi mɛ̀ru mɛ̀n, ɓɛ̀gherɛ̀n ɓɛ ɓaghà ɓɛ̀ taŋzɛn nunùg ɓum mɛ̀tin taàfog; nni Pyɛɛri à pɛ̀sɛ̀ngà aɗyoo ɓi nyìinyìm wàà, à kpaa lɛ:

2 TÈSÀLÒNÌSYƐŊ 1:5

Kìɓan kiǹ kɛɛ̀ rèresi lɛ, Bɛ̀ll à ti à yɔ̀mgì ɓum yɛ̀ɛ saaɗ à rì. Fɔlɔɔ yɛɛ ɓiì kìi lɛ ɓi ɓa ɓumɓɛ ɓɛ ghɛɛ̀sɛɛ kì terì kìlɔ̀ŋ ki Bɛ̀ll ki ɓi wuwu mɛtɔɓ miì.

ZYUUDƐ 1:23

Pàsina ɓɔ ɓi ɗuu, ɓì ghɛɓsì ɓɔ, ɓi wog ɓɛ̀ro ɓɛdɛŋ nyìighnyìg; nyìighnyìg ìnɛn ì ɓa m̀ɓùtɛn ɗi ìris, wɔ̀lɛ ɓì ɓèèzɛ̀n ɓìɓan ɓyaa ɓìcèm, à kpaŋ lɛ rì ɓìlàà ɓyaa ɓi ɓi ri ɓìtɔɓiyɛn ri ɓìɓan ɓi tifin ɓi ɓi mɛ̀mùù.

ÀPÒKÀLIƁSƐ̀ 1:11

jɛ̀ɛ̀ ì kpaakpààghà lɛ: Kàna com ki ù ghɛɛ ɓi bimiɗ à kaàtà, u rom̀ kaàtà ànɛ̀n a Ɓìseŋi ɓi kitaàɓɛ̀ɛ̀ ɓi a Efɛɛzɛ, rì a Simirinɛ, rì a Pɛrigam, rì a Tyatiir rì a Saridɛ, rì a Filadɛlfii, rì a Lawodise.

ÀPÒKÀLIƁSƐ̀ 11:13

Ɓi cààmɛ̀n kɔm̀ kiǹ, zi i nyɛ̀ŋɗɛ̀ngà rì ìtèɗ; kìlànà ki bàn kìfog ki ɓi ɓìlànà ɓi kintɛ̀ɗ ɓi ɓi bàn ìnɛn ki waàrɛ̀n, ɓum ɓɛ̀tɔɔsìm taàɓɛ̀ɛ̀ ɓɛ cuu, ɓi rìnyɛ̀ŋɗɛ̀n ɗi zi i nyɛ̀ŋɗɛ̀ngà ɗiǹ, ɓɛ̀ro ɓɛmbog ɓɛ risì, ɓɛ fa Bɛ̀ll ànɛ aɗyoo rìkem.

ÀPÒKÀLIƁSƐ̀ 14:4

Ɓumɓɛ̀n ɓɛɛ tɔɓɓɛ̀ngà ɓi tifin rì ɓɛyìɓ; ɓɛ ri ɓumɓɛ ɓɛ yii ɓi ɓɛyìɓ; ɓɛɛ̀ nɔ̀ɔnɔɔ̀tì Man à jɔ̀ɔ̀ jàŋ bimiɗ ìnɛ à kɛ̀ɛ. Ɓɛ ɓaghà ɓɛ̀kòrɛn ɓi nyìinyìm à ɓum lɛ ɓɛɛ ɓa fɛlɛ yɛ̀ɛ ɓumɓɛ ɓɛ ri ɓìɗùn ɓi ǹtonto ɓisuu Bɛ̀ll rì ɓisuu Man à jɔ̀ɔ̀,

ÀPÒKÀLIƁSƐ̀ 19:14

Mɛ̀raŋ mɛ ɓɛsujàà ɓɛ aɗyoo mɛ nɔɔ̀nɔ̀tìghà nyi ɓi zòm yi kimbɛ̀rɛ̀ yi puɓ, ɓɛ waatàg ɓìsyeesyee ɓi ɓɛkìrimitì ɓɛ puɓ, ɓɛ ɓɛ ri ɓɛ̀tɛnɛn.

ÀPÒKÀLIƁSƐ̀ 19:8

Ɓɛ nfaa nyi ìtèɗ wulɛ a waàtɛn syeesyee à kìrimitì ànɛ a lònlòm, à ki ɓa ntɛnɛn. Syeesyee à kìrimitì ànɛn yɛɛ ri ɓìsyeesyee ɓi ɓiɓan ɓi ɓɛ̀gherɛ̀n ɓɛ ti ɓɛ kilàg.

ÀPÒKÀLIƁSƐ̀ 3:18

nni ǹɗeɓi wɔ̀ lɛ u lag gol ìnɛ ɗuu ɗi ghaŋzii a lɔ̀ŋkɛm̀, di fɔɔnnɛ u ɓa rì ìkum, ù làg girig ɓìlàà ɓi puɓ lɛ u waàtɛn ɓyɔ, di ǹtoòrìɗ wɔɔ wulɛ ù rì kìtòn zɛy wɛ̀ kɛɛ̀ ghɛnɛn; ù ki làg boòboo ìnɛ lɛ u foŋɗɛn ɓi mis di fɔɔnnɛ u ghɛnɛn.

ÀPÒKÀLIƁSƐ̀ 3:5

Fɔlɔɔ nnɛ ŋwaànɛ à ɓiì yagsaagh yɛɛ ri ɓiì waatɛɛ ɓilàà ɓi puɓ; màa tììsi ɓi ɗii ɗii ɓi kaàtà à cɛɓ. Ǹɗì lɔŋ ɓiì gherɛɛ lɛ à rì mum wɛm̀ ɓi mis mɛ Seŋi wɛ̀m rì mɛ ɓum ɓɛ titom.

ÀPÒKÀLIƁSƐ̀ 4:4

Mɛ̀kɔ̀ɔ̀ mɛ rilàmì mɛdɛŋ rìtin ɗì mɛnin mɛ ceŋzɛ̀ngà ìkɔ̀ɔ̀ wu rilàmì wu ǹtonto; ɓìtùg ɓi ɓum rìtin ɗì ɓinin ɓi ɓaghà ɓìkɔ̀kɔriyɛn ɓi mɛ̀kɔ̀ɔ̀ mɛn, ɓi waatɛ̀n ɓìlàà ɓi puɓ, ɓyɔ tì rì ɓɛ̀tàm ɓɛ gol ɓi mɛ̀to.

ÀPÒKÀLIƁSƐ̀ 6:11

Fɔɔnnɛ ɓɛ falàkà ɓɔ ɓɛ̀kàɓà ɓɛ puɓ ɓɛ tɔg ɓɔ lɛ ɓɛɛ ka ɓoŋdi ti lɛ tɛ̀tɛ̀rɛ̀ɛ̀ maa cààmɛ̀n lɛsàg à kpaŋ yɛ̀ɛ bàlì ì ɓɛ̀reŋkàŋ ɓaa ɓɛ kisay rì ɓɛ̀geni ɓaa ɓɛ ɓum ɓɛ ghɛɛ̀sɛɛ girig kì cuusii fɛlɛ yɛ̀ɛ ɓɛ cuusìghà ɓɔ, yɛ̀ɛ raɗ.

ÀPÒKÀLIƁSƐ̀ 7:9

Ajɛ̀m ìnɛn nnɛ ǹghɛngà coo kituu ki ɓum ki mum à ɓaghà ɓi lɛ à ɓày, ɓumɓɛ̀n ɓɛ pɛsàkày ɓi ɓìlɔ̀ŋ ɓìcèm, rì ɓi mɛ̀pwìɗ mɛ̀cèm, rì mɛ̀kuu mɛ̀cèm, rì ɓìtòkì ɓìcèm; ɓɛ rɛrɛ̀lìghà asu wu ikɔ̀ɔ̀ wu rilàmì, rì ɓi mis mɛ Man à jɔ̀ɔ̀, ɓɛ waatàg ɓɛ̀kàɓà ɓɛ puɓ, ɓɛ ki ɓa ri maŋ ɓi ɓyàg.