ÀPÒKÀLIƁSƐ̀ 3:18 - Bafia Nouveau Testament

¹⁸ nni ǹɗeɓi wɔ̀ lɛ u lag gol ìnɛ ɗuu ɗi ghaŋzii a lɔ̀ŋkɛm̀, di fɔɔnnɛ u ɓa rì ìkum, ù làg girig ɓìlàà ɓi puɓ lɛ u waàtɛn ɓyɔ, di ǹtoòrìɗ wɔɔ wulɛ ù rì kìtòn zɛy wɛ̀ kɛɛ̀ ghɛnɛn; ù ki làg boòboo ìnɛ lɛ u foŋɗɛn ɓi mis di fɔɔnnɛ u ghɛnɛn.

ÀPÒKÀLIƁSƐ̀ 3:18 Iomraidhean Croise

MATYOO 13:44

Kìlɔ̀ŋ ki aɗyoo ki pisɛɛ tì rì ìkum wu wu ri wù nyamɛn ɓi dɛm ìdɛŋ. I ŋwaà ghɛɛ wɔ à konàg tì wɔ kì nyamì, fɔɔnnɛ à ɓiì woògh kìnyàà à kɛ̀n à kàɓkì ɓyom ɓii ɓicem, à ki làg dɛm inɛ̀n.

MATYOO 25:9

Ɓɛ̀gɔ̀n ɓɛ ɓɛ ɓaghà rì ɗyomzɛ̀n ɓɛ ɓaàg ɓɔ lɛ: Èe èe, gàɓ ì kàràsin ìnɛ ì ghɛ̀ɛ̀sɛ̀n lɛ, rì ɓìsi, rì mìni ì yin, ɓì rì ɓiì ɓàŋi ki kɛ̀ɛ jàŋ inɛ ɓɛɛ̀ kàkàɓ, lɛ ɓì lag yì ànkìn wɔɔ.

LUKAS 12:21

Fɔɔnnɛ ki ti ki ghɛnàg yɛ̀ɛ mum ǹcèm ànɛ à ti à taŋzàg gɛ ìkum ɓisu wii cɛ̀ncii, kɛ̀ɛ ɓa ri ìkum ɓisuu Bɛ̀ll.

2 KƆ̀RƐ̀ŊTYƐŊ 5:3

di ki ki ɓaa lɛ, ɓɛ ghɛɛ lɛ, tì rì ɓɛ̀waatɛn ɓilàà, tì yin nyoo zɛy.

2 KƆ̀RƐ̀ŊTYƐŊ 8:9

Lɛ ɓì yii nɗem wu geesɛ̀n wu Kan wìs Yeesus Kiris; nyi ànɛ à ɓaghà rì ìkum, à ghaasìghà nyimiɗ soghàsogha lɛ di a kumzi mìni rì kìsoghà kii.

TIMOTE 6:18

Kali ɓɔ lɛ, ɓɛɛ kiki kìrɔɔ, ɓɛɛ kum̀ ɓi ɓìsyeesyee ɓi mɛkìkìì, ɓɛ ɓa rì rìɓòò, ɓɛ fafà ɓum ɓyom,

ZYAG 2:5

Mìni ɓɛ̀geni ɓɛ̀m ɓɛ nɗem wooghna! Bɛ̀ll à ɓɔ̀ngà ɓɛ̀soghàsogha ɓɛ ɓi ziinɛ lɛ ɓɛɛ ɓa ɓɛ̀guŋgum ɓi rìgherɛ̀n ɓɛ ki ɓa ri gàɓ ɓi kìlɔ̀ŋ kii ki à kàkà ɓumɓɛ ɓɛ ti ɓɛ keesàg nyi.

1 PYƐƐRI 1:7

Mɛ̀tɔɓ mɛ̀n mɛɛ̀ fèeghfeèghrɛ̀n rìgherɛ̀n ɗin ɗi ɗi ri gìn i com ìnɛ ì cee gol kɛ̀ɛ̀ vèg; gol ì rì com ki ki ri lɛ ki ɗyoŋ, nsoò fɔlɔɔ ɓɛ ti ɓɛ fogì gol ɓi ɗuu lɛ ɓɛɛ ghɛǹ yɛ̀ɛ ì rì; fɔlɔɔ nnɛ ìtèɗ wu righerɛ̀n ɗin ɗi ɓɛɛ̀ fèefeèghrɛ̀n wu ɓiì ɓaà kìɓan ki mɛsɛɛ̀ghsɛɛgh, ɗì rìkem, ɗì ǹnyaasɛ̀n ɓisu win ŋwos anɛ Yeesus Kiris, à ɓiì rèsɛɛ.

ÀPÒKÀLIƁSƐ̀ 16:15

Ghɛna, n-yùyuy yɛ̀ɛ wiiwìì. Mààgh rì ŋwaànɛ à rì cem, à ki ɓèŋɓeŋ ɓilàà ɓii lɛ kɛ̀ɛ kɛ̀ɛ̀ghi kitòn zɛy lɛ a wog ǹtoòrìɗ di ɓum ɓɛ ghɛɛ nyi kìtòn zɛy.

ÀPÒKÀLIƁSƐ̀ 19:8

Ɓɛ nfaa nyi ìtèɗ wulɛ a waàtɛn syeesyee à kìrimitì ànɛ a lònlòm, à ki ɓa ntɛnɛn. Syeesyee à kìrimitì ànɛn yɛɛ ri ɓìsyeesyee ɓi ɓiɓan ɓi ɓɛ̀gherɛ̀n ɓɛ ti ɓɛ kilàg.

ÀPÒKÀLIƁSƐ̀ 2:9

Ǹ-yii ǹtɔɓ wu ɓɛɛ̀ kìki wɔ, rì kìsowà kɔɔ, kɔm̀ lɛ ù rì rì ìkum; ǹ-yii lɛ ɓumɓɛ ɓɛɛ̀ reereŋɗɛ̀n lɛ ɓɛ ri Ɓɛ̀yudɛ̀n ɓɛ̀ kɛɛ̀ ki ɓa Ɓɛ̀yudɛ̀n, ɓɛɛ yooyogsì wɔ̀ ɗii; ɓɛ ri lɔŋ ntaŋzɛn wu Satàn.

ÀPÒKÀLIƁSƐ̀ 3:17

Ɓisuulɛ u kpaakpaa lɛ: Mɛ̀ ǹɗì guŋgum, m̀mɛ kum, com ki kaarɛɛ tì ɓi mɛ, kɔ̀ɔ ki yi lɛ ù rì nyìighnyìg ì kɔɔ̀kɔɔ̀, wɔ̀ soghàsogha, wɔ̀ ɗyaŋɗyàŋ, wɔ̀ kìtòn zɛy;

ÀPÒKÀLIƁSƐ̀ 4:4

Mɛ̀kɔ̀ɔ̀ mɛ rilàmì mɛdɛŋ rìtin ɗì mɛnin mɛ ceŋzɛ̀ngà ìkɔ̀ɔ̀ wu rilàmì wu ǹtonto; ɓìtùg ɓi ɓum rìtin ɗì ɓinin ɓi ɓaghà ɓìkɔ̀kɔriyɛn ɓi mɛ̀kɔ̀ɔ̀ mɛn, ɓi waatɛ̀n ɓìlàà ɓi puɓ, ɓyɔ tì rì ɓɛ̀tàm ɓɛ gol ɓi mɛ̀to.

ÀPÒKÀLIƁSƐ̀ 7:13

Nni kìbog ki ɓi ɓɛ̀sɛ̀ɛ̀mɛn ɓɛ ɓum ki tekà jɛ̀ɛ̀ ki kpaa mɛ̀ lɛ: Ɓumɓɛ ɓɛ waataagh ɓìlàà ɓi puɓ ɓɛ, ɓɔɔ ri ɓɛ̀ghɛn?