ÀPÒKÀLIƁSƐ̀ 3:14 - Bafia Nouveau Testament

¹⁴ Kàna ŋwaà-fìtom anɛ ɓi Kìseŋi ki a Lawodise lɛ: ŋwaànɛ à rì ɗii lɛ Ààmɛ̀n, ànɛ à rì kɔɔ̀kɔɔ̀ à wusìnɛ̀ɗ à ǹtyweeyi, roànɛ à rì rìtumɛ̀n ɗi ɓyom ɓìcèm ɓi Bɛ̀ll à kìghà a kpaaghi lɛ:

ÀPÒKÀLIƁSƐ̀ 3:14 Iomraidhean Croise

ZYAŊ 1:3

Jɛ̀ɛ̀ ìnɛn yɛ̀ɛ kighà ɓyom ɓìcèm, nni ɓi ɓyom ɓi ɓi kilɛ̀ngà, kidɛŋ ki kilɛ̀ngà ɓi kɛ̀ɛ̀ yɔ̀.

ZYAŊ 8:14

Yeesus à ɓàg ɓɔ lɛ: Ki soo rì lɛ mɛ̀ yɛɛ̀ rèresi kiɓan kɛm̀ mɛ̀ɛmiɗ, com ki nkpaakpàà ki ri saaɗ, lɛ mɛ̀ ǹ-yii fe nnɛ nkɛ̀nkɛ̀n, kìɓan kifog, mìnii yii ɓi jàŋ inɛ m̀ɓaghày, nsoò jàŋ inɛ nkɛ̀nkɛ̀n.

2 KƆ̀RƐ̀ŊTYƐŊ 1:20

Mɛ̀kàg mɛ Bɛ̀ll mɛ̀cèm mɛ ri ɛ̀ɛ̀ ànɛn ɓi nyi. Lɔŋ ɓi nyi girig nnɛ tì ti tì kalàg Bɛ̀ll ààmɛ̀n wìs lɛ ti fa nyi rìkem.

KÒLÒSYƐŊ 1:15

À rì kìfèèghrɛnà ki Bɛ̀ll ànɛ ɓum ɓɛ ghɛɛ ɓi, nyi tì Man à ǹtonto ànɛ ɓi ɓyom ɓìcèm ɓi Bɛ̀ll à kìghà.

KÒLÒSYƐŊ 1:18

Nnyɛɛ ri nto wu ɓi nyoo ìnɛ ì rì lɛ kìseŋi kii; nnyɛɛ ri rìtumɛ̀n, à ki ɓa ti man à ǹtonto ànɛ à lokà kìghèmɓɛɛ a ɓìloŋ lɛ di a ɓa beèbɛ̀y ɓi ɓìɓan ɓìcèm.

KÒLÒSYƐŊ 2:1

Lɛ mɛ̀ɛ nkɔ̀nkɔn lɛ di ɓyàa yii coo wɛ̀y wu mɛ̀ɛ nɗùùɗuu ɓisu win, rì ɓisuu ɓumɓɛ a Lawodise, rì ɓum ɓɛ̀cèm ɓɛ ɓɛ yii ɓi mɛ ɓi-su.

KÒLÒSYƐŊ 4:16

I ɓɛ mɛ ɓày kaàtà ànɛ foo a lɔ̀ŋkin, ɓì ghɛ̀ɛ̀sɛɛ kì kìi lɛ ɓɛɛ ɓay girig kìseŋi ki a Lawodise nyi; fɔɔnnɛ mìni girig ɓì ghɛ̀ɛ̀sɛɛ kì ɓàli kaàtà ànɛ à rì ɓiì ɓaà yì mìni a Lawodise.

ÀPÒKÀLIƁSƐ̀ 1:11

jɛ̀ɛ̀ ì kpaakpààghà lɛ: Kàna com ki ù ghɛɛ ɓi bimiɗ à kaàtà, u rom̀ kaàtà ànɛ̀n a Ɓìseŋi ɓi kitaàɓɛ̀ɛ̀ ɓi a Efɛɛzɛ, rì a Simirinɛ, rì a Pɛrigam, rì a Tyatiir rì a Saridɛ, rì a Filadɛlfii, rì a Lawodise.

ÀPÒKÀLIƁSƐ̀ 1:5

rì lɛ rìfa ɗi Yeesus Kiris ànɛ à rì wusìnɛ̀ɗ à ǹtyweeyi, ànɛ à rì Man à ǹtonto ànɛ à lokà kìghèmɓɛɛ yi a ɓìloŋ, à ki ɓa ti nkɔ̀mɛ̀n mɛ̀fòm mɛ ɓi ziinɛ. Roànɛ a keesag ɓisi, roànɛ à kwèɗkà ɓìsi ɓi ɓìɓe ɓis rì bwaɓ yii,

ÀPÒKÀLIƁSƐ̀ 19:11

Fɔɔnnɛ ǹghɛngà ɗyoo ɗìnɛmɓɛn ǹghɛn zòm i kìmɓɛ̀rɛ̀ ì mpuɓ, ŋwaànɛ à ɓaghà ɓi zòm inɛ̀n aɗyoo, à ɓaghà ɗii lɛ, Ŋwaà-ǹtyweeyi, rì wusìnɛ̀ɗ à kɔɔ̀kɔɔ̀, a yɔ̀myɔm ɓiɓan, à ki ɗùùɗuu wɛ̀y ɓi ɓɛ̀saaɗ.

ÀPÒKÀLIƁSƐ̀ 2:1

Kàna ŋwaà-fìtom anɛ ɓi Kìseŋi ki Kiris ki a Efɛɛzɛ lɛ: Roànɛ à wowotii tyɔɛy ti kitaàɓɛ̀ɛ̀ ɓi weèlem wìì, roànɛ a kɛ̀ɛ̀kɛɛ ɓi nyìinyìm à ɓìrɛsì ɓi lamɓà ɓi gol taàɓɛ̀ɛ̀ a kalag fɛlɛ̀:

ÀPÒKÀLIƁSƐ̀ 21:6

Nni à kpaghà mɛ̀ lɛ ki leègh. Ǹɗì Alfà rì Òmegà, rìtumɛ̀n ɗì rìsugtɛ̀n. Ŋwaànɛ a wowog kinɔli, nnɛ ǹɗì ɓiì faà ǹsim à mɛ̀nig mɛ cɛɓ zɛy rì zɛy, kɛ̀ɛ kòòsɛn.

ÀPÒKÀLIƁSƐ̀ 22:13

Mɛ̀ yɛɛ ri Alfà rì Òmegà, ŋwaà ǹtonto rì ŋwaà siitòn, rìtumɛ̀n ɗì rìsugtɛ̀n.

ÀPÒKÀLIƁSƐ̀ 22:6

Nni à kpaaghà mɛ̀ lɛ: Jɛ̀ɛ̀ yi yi ri miì, yi ki ɓa saaɗ. Kan Bɛ̀ll ànɛ ǹghay wìì a kɛ̀ɛ̀sag ɓɛkpaŋzì-ɓìɓan, nnyɛɛ nɗomiì mum wiì à fìtom lɛ a resi ɓɛ̀kìì-ɓìsay ɓii ɓiɓan ɓi ɓi ri ɓiì kìlɛɛ di maa cààmɛ̀n à ghaghii.

ÀPÒKÀLIƁSƐ̀ 3:7

Kàna ŋwaà-fìtom anɛ ɓi Kìseŋi ki a Filadɛlfii lɛ: Roànɛ à rì lɛ nyi ǹtɛnɛn, nyi lɛ saaɗ, ànɛ à ki ɓanɓani fìɗìɓà fi Davit, nyi yɛɛ ri lɛ, i à ŋwàri, ŋwaàdɛŋ à yin lɛ à sìm, i à ki sìmi, ŋwaàdɛŋ kɛ̀ɛ ŋwàɗ, a kpaaghi lɛ: