ÀPÒKÀLIƁSƐ̀ 22:6 - Bafia Nouveau Testament

⁶ Nni à kpaaghà mɛ̀ lɛ: Jɛ̀ɛ̀ yi yi ri miì, yi ki ɓa saaɗ. Kan Bɛ̀ll ànɛ ǹghay wìì a kɛ̀ɛ̀sag ɓɛkpaŋzì-ɓìɓan, nnyɛɛ nɗomiì mum wiì à fìtom lɛ a resi ɓɛ̀kìì-ɓìsay ɓii ɓiɓan ɓi ɓi ri ɓiì kìlɛɛ di maa cààmɛ̀n à ghaghii.

ÀPÒKÀLIƁSƐ̀ 22:6 Iomraidhean Croise

MATYOO 13:41

Man à mum à romigɛy ɓum ɓii ɓɛ titom lɛ ɓɛɛ pisi lɛ, rì ɓyom ɓi kɛ̀ɛkɛɓtìyɛ̀n ɓum fìɓàg, rì ɓɛ̀kìì-kìɓe ɓɛ̀cèm ɓi kìlɔ̀ŋ kii.

LUKAS 1:70

Lɔŋ yɛ̀ɛ à kpaaghà ɓi ŋwɔm wu ɓɛkpaŋzì-ɓìɓan ɓii ɓɛ ɓi mɛ̀ru mɛ ajɛ̀m, ɓɛ ɓɛ ɓaghà ɓɛ̀tɛnɛn.

LUKAS 16:16

Rìrèsì ɗi ɓidɔ̀gsɛna ɓi Moyis rì ɗi ɓɛkpaŋzì-ɓìɓan ɗi kighà kìsay à kpaŋ yɛ̀ɛ Zyaŋ Bàɓtis à yùghà. Nni à tumɛ̀n ɓi cààmɛ̀n kiǹ, à kpaŋ ɓigomìnɛ, Syeesyee à Ɓɔlɛ à kìlɔ̀ŋ ki Bɛ̀ll a kaakalɛ̀n a ɓum ɓɛ̀cèm, fɔɔnnɛ mum bimiɗ a kaakaa lɛ a ɗiŋi ɓi kìlɔ̀ŋ kiǹ ɓi-tèɗ.

MƐ̀KÌKÌÌ MƐ ƁƐKƐ̀NÌ-FÌTOM 12:11

Yɛ̀ɛ Pyɛɛri à sugtìghà min ɓi nyimiɗ, à kpaa lɛ, ǹkonaagh min ki ghɛɛ̀ ɓigomìnɛ lɛ, Kan àa romiì mum wiì à fìtom, à sɔrì mɛ̀ ɓi ɓyàg ɓi Eroodɛ, à ki lɛgsi mɛ mɛ̀tɔɓ mɛ̀cèm mɛ Ɓɛ̀yudɛ̀n ɓɛ ǹfèfeegh lɛ ǹghɛn.

MƐ̀KÌKÌÌ MƐ ƁƐKƐ̀NÌ-FÌTOM 3:18

Kìɓan kifog, ɓi bee inɛ̀n nnɛ Bɛ̀ll àa ǹdoòzii kìɓan ki à lokà ki kpaà ɓi myɔm mɛ ɓɛkpaŋzì-ɓìɓan ɓɛ̀cèm ɓɛ ɓi mɛ̀ru mɛ ajɛ̀m lɛ: Kiris à ghɛ̀ɛ̀sɛɛ gɛ kì woògh rìkɛŋ.

RÒMƐŊ 1:2

Bɛ̀ll à kàkà Syeesyee à Ɓɔlɛ ànɛ̀n abɛ̀y, ɓɛ̀kpaŋzì-ɓìɓan ɓɛ ki kàngà kìɓan kiǹ ɓi kaàtà à Bɛ̀ll.

1 KƆ̀RƐ̀ŊTYƐŊ 14:32

Ǹkpaŋzì-ɓìɓan a ghɛ̀ɛ̀sɛɛ kì làmii ǹghay à rìkpaŋzì ɗi ɓiɓan anɛ a sasay ɓi nyi.

1 KƆ̀RƐ̀ŊTYƐŊ 7:29

Ɓɔɔsoŋ̀, com ki nkɔ̀nkɔn lɛ nkpaà ki ri lɛ, cààmɛ̀n ki ri kìden, à tumɛ̀n ɓigomìnɛ, ɓumɓɛ ɓɛ ri rì ɓɛ̀yiɓ, ɓɛ ghɛɛ̀sɛɛ kì ɓaà yɛ̀ɛ ɓɛ ri kɛ̀ɛ̀ ɓɛ̀yiɓ;

2 TÈSÀLÒNÌSYƐŊ 1:7

à fa mìni ɓɛ ɓi wowog rikɛŋ rìfɔɔsɛ̀n ǹɗaŋ ri ɓìsi; à ɓiì kìi fɔlɔɔ yɛ̀ɛ Kan Yeesus à ɓiì rèsɛɛ yi aɗyoo, nɗaŋ ri ɓum ɓii ɓɛ titom ɓɛ ɓɛ ri rì ìtèɗ,

EBIREEGH 12:9

Yɛ̀ɛ ɓɛ̀seŋi ɓis ɓɛ ɓi mɛ̀mùù ɓɛ mɓokì ɓìsi tì ki kìki ɓɔ mɛ̀wog, tì ghɛ̀ɛ̀sɛɛ min lɛ tì pɔ̀ɔ̀zì kì woògh Seŋi ànɛ ɓi mɛ̀ghay, lɛ ti ɓa rì cɛɓ.

2 PYƐƐRI 1:21

ɓisuulɛ ɓum ɓɛ ti kɛ̀ ɓɛɛ̀ kpaŋzi-ɓiɓan ɓi Bɛ̀ll ɓi rìkɔ̀n ɗyaa ɗi ɓɔmiɗ, kìɓan kifog ɓum ɓɛ toòghrɛ̀ngà ɓi ɗii ɗi Bɛ̀ll lɛ Kìtɛntɛ̀ɛ̀n ki Nghay ki tinìghà ɓɔ lɛ ɓɛɛ toòghrɛn.

2 PYƐƐRI 3:2

lɛ ɓi yiìyìtàg lɛ rì ɓìɓan ɓi ɓɛkpaŋzì-ɓìɓan ɓɛ ɓɛ ri ɓɛ̀tɛnɛn ɓɛ kpaaghà lɛ ɓi ɓiì kìlɛɛ, rì kìdɔ̀gsɛna ki Kan ànɛ à rì Ǹghɛɓsì-ɓum, kɛɛ̀ki ɓɛ̀kɛ̀nì-fìtom ɓin ɓɛ resìghà mìni.

ÀPÒKÀLIƁSƐ̀ 1:1

Àpòkàliɓsɛ̀ à Yeesus Kiris, ànɛ Bɛ̀ll à faghà nyi lɛ a resi ɓɛ̀kìì-ɓìsay ɓii ɓiɓan ɓi ɓi ghɛɛ̀sɛɛ kì kìlɛɛ di maa cààmɛ̀n à ghaghii, ɓyɛɛ̀ɓi à kìghà lɛ ɓum ɓɛɛ yi, yɛ̀ɛ à romgày mum wiì à fìtom yɛ̀ɛ nkìì-kìsay wiì ànɛ lɛ Zyaŋ,

ÀPÒKÀLIƁSƐ̀ 18:20

Wɔ̀ ɗyoo, ù rì lɛ ù sàmsàm ɓi rìɗyaŋ ɗi bàn ìnɛn ì ɗyaŋi, rì mìni ɓɛ̀gherɛ̀n, rì ɓɛ̀kɛ̀nì-fìtom rì ɓɛ̀kpaŋzì-ɓìɓan girig, ɓisuulɛ Bɛ̀ll à rɔ̀ŋi kìɓan kin yɛ̀ɛ à pɔnɔsii yɔ̀.

ÀPÒKÀLIƁSƐ̀ 19:9

Nni ŋwaà-fìtom anɛ̀n à kpaaghà mɛ̀ lɛ kàna lɛ: Mààgh rì ɓumɓɛ ɓɛ ri ɓɛ̀lààghrakɛn a dinà ì rìwɛy ɗi Man à jɔ̀ɔ̀; fɔɔnnɛ à kpatìghà mɛ̀ lɛ: Jɛ̀ɛ̀ yi, yi ri ɓɛ̀kɔɔ̀kɔɔ̀ ɓɛ jɛ̀ɛ̀ ɓɛ Bɛ̀ll.

ÀPÒKÀLIƁSƐ̀ 21:5

Fɔɔnnɛ roànɛ à ɓaghà ǹkɔ̀kɔriyɛn ɓi-kɔ̀ɔ̀ wu rilàmì à kpaaghà lɛ: Ɓyom ɓìcèm ɓyɛɛ̀ ɓi m̀pɛ̀ɛ̀zii lɛ nyɔn; à ki kpaa lɛ: Kàna! ɓisuulɛ jɛ̀ɛ̀ yi yi ri miì, yi ki ɓa saaɗ.

ÀPÒKÀLIƁSƐ̀ 21:9

Fɔɔnnɛ kìbog ki ɓi ɓum ɓɛ titom ɓɛ kitaàɓɛ̀ɛ̀ ɓɛ ɓɛ ɓaghà rì ɓɛ̀ɓeŋ ɓɛ̀ rongakɛn ɗi mɛ̀tɔɓ mɛ kitaàɓɛ̀ɛ̀ mɛ siitòn, ki yughà mɛ̀ kìkpaa lɛ: Yu nɗesi wɔ̀ gurà, gili Man à jɔ̀ɔ̀.

ÀPÒKÀLIƁSƐ̀ 22:1

Fɔɔnnɛ ŋwaà-fìtom a rèsìghà mɛ̀ rìɓày à mɛ̀nig mɛ cɛɓ, ànɛ à ɓaghà lɛ saŋì-saŋì yɛ̀ɛ kìpɛsà ki ŋwii; rìɓày ànɛn à kpaŋkpàŋgày ɓi-kɔ̀ɔ̀ wu rilàmì wu Bɛ̀ll rì wu Man à jɔ̀ɔ̀.

ÀPÒKÀLIƁSƐ̀ 22:16

Mɛ̀ Yeesus, mɛ̀ yɛɛ nɗomiì mum wɛm̀ à fìtom lɛ a yu mìni kì rèsii ɓiɓan ɓiǹ, ɓi ɓìseŋi ɓyɛ̀m. Ǹɗì maa dòòridoòrì ànɛ ɓi boo ì mum ì Davit, ǹki ɓati fyɛy fi fyɛɛ̀ lònlom sariwa.

ÀPÒKÀLIƁSƐ̀ 22:7

Mɛ̀ yɛɛ tiì lɔɔ ɓi cààmɛ̀n ki. Mààgh rì ŋwaànɛ à ɓèŋi jɛ̀ɛ̀ yi kaàtà ànɛ; yi ri jɛ̀ɛ̀ yi yɛɛ̀ kpaakpaŋzì ɓìɓan ɓi Bɛ̀ll.

ÀPÒKÀLIƁSƐ̀ 4:1

Ajɛ̀m ìnɛn nnɛ m̀pɛ̀ɓsɛ̀ngà, ǹghɛn ìsuunaa kìkpaŋ ɓi ɗyoo ɓi ɗùm, jɛ̀ɛ̀ ì ǹtonto ìnɛ ǹwokà di ì tòòghrɛɛ rì mɛ̀ ì ɓaghà yɛ̀ɛ ɗyam ɗyɛɛ̀ɗi ɓɛɛ̀ rɔŋɗɔ̀ŋ ì kpaakpàà lɛ: Ɓɔghay fɛ di nɗesi wɔ̀ ɓìɓan ɓi ɓi ri ɓiì kìlɛɛ ɓi mɛ̀ru mɛ asu.