ÀPÒKÀLIƁSƐ̀ 22:18 - Bafia Nouveau Testament

¹⁸ Ǹkalii mum ǹcèm ànɛ à woogh jɛ̀ɛ̀ yi yɛɛ̀ kpaakpaŋzì ɓìɓan ɓi Bɛ̀ll, yi yi ri ɓi kaàtà ànɛ lɛ yi ri saaɗ; i ŋwaà foŋdii com kidɛŋ miì, Bɛ̀ll à foŋdii gɛ ŋwaànɛ̀n miì mɛ̀tɔɓ mɛ kaàtà ànɛ a kpaakpàà.

ÀPÒKÀLIƁSƐ̀ 22:18 Iomraidhean Croise

MATYOO 15:13

Yeesus à ɓàg lɛ: Ɓɛ rì ɓiì rùɓi kite kicèm ki Seŋi wɛ̀m ànɛ à rì aɗyoo à ɓɛ̀là ɓi.

EFÈZYƐŊ 4:17

Kìɓan ki mɛ̀ ǹkalii, ǹki sììrɛn ɓi ɗii ɗi Kan kɛɛ̀ki lɛ: Kɛ̀ ɓi ghɛɓti yɛ̀ɛ ɓum ɓɛ zɛy ɓɛ ɓɛ yin ɓɛgherɛ̀n, ɓɔ yɛɛ ti ɓɛ nɔɔ̀tàg ɓɔɔ momzɛ̀n ɓaa ɓɛ kɛ̀ɛ̀ ìsu.

TÈSÀLÒNÌSYƐŊ 4:6

Ɓi kìɓan kiǹ ŋwaàɗɛŋ à ghɛ̀ɛ̀sɛɛ ɓi ki yègsiì geni, nsoò lɛ à kì nyi kìɓeɓtàg ki nɗem, lɛ Kan à ti à rɔ̀gì ɓìɓan ɓiǹ lɔŋ yɛ̀ɛ tì mɛ kì lɛ, tì kpaa mìni, tì ki rèsi mini.

ÀPÒKÀLIƁSƐ̀ 1:3

Mààgh lɛ, rì roànɛ a ɓàɓày rì ɓɛ̀roɓɛ ɓɛɛ̀ wowog ɓiɓan ɓi Bɛ̀ll ɓi ɓɛ resii ɓi, ɓɛ ki nɔ̀ɔnɔɔ̀tì com ki ki ri kìkànɛn miì ɓisuulɛ cààmɛ̀n ki lɛ ɓyɛɛ kilɛn ki ti jàŋbog.

ÀPÒKÀLIƁSƐ̀ 15:1

Fɔɔnnɛ ǹghɛngà kìrèmzɛnà kidɛŋ aɗyoo, ki ki ɓaghà coo gɛn à kìɓan a ǹkuurakɛn; ɓum ɓɛ titom taàɓɛ̀ɛ̀; ɓɛ ɓanɓàngà mɛ̀tɔɓ taàɓɛ̀ɛ̀, mɛ̀tɔɓ mɛ siitòn. Ɓi mɔ innɛ bim i Bɛ̀ll ì tulii.

ÀPÒKÀLIƁSƐ̀ 15:6

Fɔɔnnɛ ɓum ɓɛ titom ɓɛ kitaàɓɛ̀ɛ̀ ɓɛ ɓɛ ɓanɓàngà kìtaàɓɛ̀ɛ̀ ki mɛtɔɓ, ɓɛ kpagày ɓi na-Bɛ̀ll ìnɛn, ɓɛ ɓaghà ɓɛ̀waatakɛn ɓisyeesyee ɓi ɓilàà ɓi puɓ, ɓi ɓi lonlòmgà ǹlònlomɛn, ɓɛ ŋiràg ɓɛ̀kànɗa ɓɛ gol ɓi ɓìɓon.

ÀPÒKÀLIƁSƐ̀ 19:20

Nni ɓɛ ɓangà nyàm ìnɛn nɗaŋ ri ǹkpaŋzì-ɓìɓan ɓi ɓɛpwàà ànɛ à kìkìghà dàm yi yi syogà ɓumɓɛ ɓɛ ɓaghà rì kìrèmzɛnà ki nyàm, ɓɛ ki ɓɔɔɓɔgsì kìfèèghrɛnà ki nyàm ìncèm. Fɔɔnnɛ ɓɛ pikà ɓyom ɓi kiɓɛ̀ɛ̀ ɓiǹ cem ɓi kìràà ki ɗuu, ki ǹdùsi a lɔŋlɔŋ miì.

ÀPÒKÀLIƁSƐ̀ 20:10

Fɔɔnnɛ ɓɛ pikà Satàn anɛ à yègsìghà ɓɔ ɓi kìràà ki ɗuu rì ǹdùsi, jàŋ inɛ ɓɛ ri lɛ, rì nyàm rì ǹkpaŋzì-ɓìɓan ɓi ɓɛpwàà. Ɓɛ ri wowoogh gɛ mɛ̀tɔɓ yɛ̀ɛ ìru yɛ̀ɛ ŋwos fiɗyàɓ fikɔ̀ɔ̀.

ÀPÒKÀLIƁSƐ̀ 20:15

Nni mum ǹcèm ànɛ ɗii ɗii ɗi ɓaghà ɓi ɗikànɛn ɓi kaàtà à cɛɓ, ɓɛ pikà nyi ɓi kìràà ki ɗuù.

ÀPÒKÀLIƁSƐ̀ 22:10

Fɔɔnnɛ à kpaaghà mɛ̀ lɛ: Kɔ̀ɔ nyam jɛ̀ɛ̀ yi ɓi kaàtà ànɛ yi yɛɛ̀ kpaakpaŋzì ɓìɓan ɓi Bɛ̀ll ɓisuulɛ cààmɛ̀n ki ti jàŋbog.

ÀPÒKÀLIƁSƐ̀ 22:16

Mɛ̀ Yeesus, mɛ̀ yɛɛ nɗomiì mum wɛm̀ à fìtom lɛ a yu mìni kì rèsii ɓiɓan ɓiǹ, ɓi ɓìseŋi ɓyɛ̀m. Ǹɗì maa dòòridoòrì ànɛ ɓi boo ì mum ì Davit, ǹki ɓati fyɛy fi fyɛɛ̀ lònlom sariwa.

ÀPÒKÀLIƁSƐ̀ 22:7

Mɛ̀ yɛɛ tiì lɔɔ ɓi cààmɛ̀n ki. Mààgh rì ŋwaànɛ à ɓèŋi jɛ̀ɛ̀ yi kaàtà ànɛ; yi ri jɛ̀ɛ̀ yi yɛɛ̀ kpaakpaŋzì ɓìɓan ɓi Bɛ̀ll.

ÀPÒKÀLIƁSƐ̀ 22:9

Kìɓan kifog à kpaaghà mɛ̀ lɛ, kɔ̀ɔ fèghrɛn ki kìi com kidɛŋ fɔlɔɔ! Ǹɗì lɛ, mɛ̀ reŋkàŋ wɔ̀ɔ̀ a kìsay, ǹki ɓati reŋkàŋ à ɓɛ̀goni ɓɛ lɛ ɓɛ̀kpaŋzì-ɓìɓan, rì ɓɛ̀roɓɛ ɓɛɛ̀ ɓèŋɓeŋ jɛ̀ɛ̀ yi ɓi kaàtà ànɛ, Bɛ̀ll innɛ ɓɔgsi.

ÀPÒKÀLIƁSƐ̀ 3:14

Kàna ŋwaà-fìtom anɛ ɓi Kìseŋi ki a Lawodise lɛ: ŋwaànɛ à rì ɗii lɛ Ààmɛ̀n, ànɛ à rì kɔɔ̀kɔɔ̀ à wusìnɛ̀ɗ à ǹtyweeyi, roànɛ à rì rìtumɛ̀n ɗi ɓyom ɓìcèm ɓi Bɛ̀ll à kìghà a kpaaghi lɛ: