ÀPÒKÀLIƁSƐ̀ 22:14 - Bafia Nouveau Testament

¹⁴ Mààgh rì ɓɛ̀roɓɛ ɓɛ soò ɓɛ̀kàɓà ɓaa lɛ di ɓɛɛ fa ɓɔ ìtèɗ wulɛ ɓɛɛ ɗi kìte ki cɛɓ, ɓɛ ki ɗiŋi ɓi mɛ̀suunaa mɛ gari lɛ ɓɛɛ kɛǹ ɓi bàn.

ÀPÒKÀLIƁSƐ̀ 22:14 Iomraidhean Croise

ZYAŊ 10:7

Nni Yeesus à kpaatìghà ɓɔ lɛ: Ǹkpaa mìni kɔɔ̀kɔɔ̀ à rìkpaa lɛ mɛ̀ yɛɛ ri ìsuunaa wu gari ì jɔ̀ɔ̀.

ZYAŊ 10:9

Mɛ̀ yɛɛ ri ìsuunaa, ŋwaànɛ à fyee a lɔ̀ŋkɛm̀ à ɗiŋì à ɓiì ghɛɛ̀ cɛɓ. À ɓiì kìi lɛ à ɗiŋì, à kpaŋ à ki tanɛn ɓiɗilàg.

ZYAŊ 14:15

I ɓì keesii mɛ̀, ɓì ɓiì ɓèŋi ɓidɔ̀gsɛna ɓyɛm̀.

ZYAŊ 14:6

Yeesus à ɓàg nyi lɛ: Mɛ̀ yɛɛ ri bee, rì saaɗ, rì cɛɓ. Mum à yin lɛ à kpaŋ yɛ̀ɛ Tààta di à fyee ɓi a lɔ̀ŋkɛm̀.

ZYAŊ 4:12

U fèfeg lɛ wɔ̀ yɛɛ cee seŋi wìs a ǹsɛ̀ɛ̀ anɛ lɛ Yakɔɓ, ànɛ à faghà ɓìsi kìɗig ki, nyimiɗ, rì ɓɔn ɓii, rì ɓìtuwe ɓii, ɓɛ nɔ girig kɔ̀?

1 KƆ̀RƐ̀ŊTYƐŊ 7:19

Kìɓan ki lɛ ŋwaà rì ǹkɛ̀rɛn nsoò lɛ à yin ǹkɛ̀rɛn, ki ghɛɓsii ɓi com, lɔŋ rìɓèŋ ɗi ɓidɔ̀gsɛna ɓi Bɛ̀ll ɗyɛɛ ghɛɓsii.

1 KƆ̀RƐ̀ŊTYƐŊ 8:9

Ɓì konàg yɛɛ ri lɛ rìɓa ɗin ɗi ɓì rì rì ìtèɗ wu kìyɛn rikɔ̀n ɗin ɗyɛ̀ kɛɛ̀ kɛ̀ɓti ɓɛgeni ɓin ɓɛ ɓɛ ri kɛ̀ɛ̀ ìtèɗ fiɓàg.

1 KƆ̀RƐ̀ŊTYƐŊ 9:5

Tì yin nya rì ìtèɗ wulɛ ti ki yɛ̀ɛ ɓɛ̀kɛ̀nì-fìtom ɓɛmbog, rì ɓɛ̀geni ɓɛ Kan, rì Sefas ɓɛ ti ɓɛ kilàg lɛ ti kɛngi mɛ̀kɛ̀ɛ̀ mis nɗaŋ ri giɓ wis ànɛ à rì kìristɛ̀n?

GÀLAT 5:6

Ɓi ŋwaànɛ à rì ɓi Kiris ɓi ɗùm, rìɓa di lɛ à rì ǹkɛ̀rɛn nsoò lɛ à yin nkɛ̀rɛn ɗi yin com; bimiɗ à kìɓan anɛ à ghɛɓsii à rì lɛ rìgherɛ̀n ɗi ɗi ri rì mɛ̀kìkìì ɓi nkɔ̀nɛ̀n.

1 ZYAŊ 3:3

Nni mum ǹcèm ànɛ à rì rì ǹtyweeyi wiǹ yɛ̀ɛ Kiris, à ti à ɓègì nyimiɗ ntɛnɛn fɛlɛ yɛ̀ɛ Yeesus Kiris à rì ǹtɛnɛn.

1 ZYAŊ 5:3

Rìkeesì ɗi Bɛ̀ll ɗi ri lɛ, ti ɓeŋ̀ ɓìdɔ̀gsɛna ɓii; nni ɓìdɔ̀gsɛna ɓii ɓi ki tèri ɓi riɓèŋ.

ÀPÒKÀLIƁSƐ̀ 2:7

Ŋwaànɛ à rì rì mɛ̀reè à ghɛ̀ɛ̀sɛɛ kì woògh com ki Ǹghay a kakali Ɓiseŋi ɓi Kiris, ŋwaànɛ à rì ɓiì yagsaagh innɛ ǹɗì ɓiì faà kìɗùn ki kite ki cɛɓ ki ki ri ɓi pàràɗis à Bɛ̀ll.

ÀPÒKÀLIƁSƐ̀ 21:12

Bàn ìnɛn ì ɓaghà rì coo kiteŋtèèŋ ki gari ki ki ceŋzɛ̀ngà yɔ̀; gari inɛ̀n ì ɓaghà mɛ̀suunaa ǹtɛ̀ɗ rì mɛɓɛɛ̀, ɓum ɓɛ titom ntɛ̀ɗ rì ɓɛɓɛɛ̀ a mɛ̀suunaa mɛ̀n. Mii mɛ ɓaghà mɛ̀kàngakɛn a mɛ̀suunaa, mii mɛ̀n mɛ ɓaghà mii mɛ mɛpwìɗ ǹtɛ̀ɗ rì mɛɓɛɛ̀ mɛ ɓɔn ɓɛ Isirayɛl.

ÀPÒKÀLIƁSƐ̀ 21:27

Com ki ki ri rì tìfin kaa ɗiŋi ɓi wɔɔ, nsoò ŋwaànɛ à ti à kìlàg ɓìɓan ɓi ɓeɓtɛn ɓi mis mɛ Bɛ̀ll, rì ɓɛ̀pwàà, lɔŋ ɓumɓɛ mii maa mɛ ri mɛ̀kànɛn ɓi kaàtà à cɛɓ à Man à jɔ̀ɔ̀ ɓɔ rì ɓɔ, ɓɛɛ ri ɗiŋi ɓi bàn ìnɛn.

ÀPÒKÀLIƁSƐ̀ 22:2

Ɓi nyìinyìm à ǹlɛmɓog wu bàn rì ɓi mɛ̀wɔŋì mɛ riɓày mɛ kiɓɛ̀ɛ̀, innɛ kìte ki cɛɓ ki ri; kìte kiǹ ki ti ki wumgì gɛ̀n ǹtɛ̀ɗ ɗì yiɓɛɛ̀ ɓi bèg, ŋwii bimiɗ, ki wum gɛ̀n bog. Tyɛn ti kite kiǹ tyɛɛ̀ti ɓɛ ti ɓɛ wɔɔ̀zàg ɓumɓɛ ɓi ɓìlɔ̀ŋ rì tyɔ.

ÀPÒKÀLIƁSƐ̀ 22:7

Mɛ̀ yɛɛ tiì lɔɔ ɓi cààmɛ̀n ki. Mààgh rì ŋwaànɛ à ɓèŋi jɛ̀ɛ̀ yi kaàtà ànɛ; yi ri jɛ̀ɛ̀ yi yɛɛ̀ kpaakpaŋzì ɓìɓan ɓi Bɛ̀ll.

ÀPÒKÀLIƁSƐ̀ 7:14

Nni m̀ɓàkà nyi lɛ: Kan wɛ̀m wɔ̀ yɛɛ yii! Fɔɔnnɛ à kpaaghà mɛ̀ lɛ: Ɓɛ ri ɓumɓɛ ɓɛ pɛsɛɛ yì ɓi jàŋ yi ǹ-yeesɛ̀n à ɓɛ̀gherɛ̀n à rì lɛɛ̀gwey. Ɓɛ sooghà ɓɛ̀ kàɓà ɓaa ɓɛ ki puɓsi ɓɔ ɓi bwaɓ yi Man à jɔ̀ɔ̀.