Bìoball air-loidhne

Duilleag-dhachaigh
Bìoball air-loidhne
ÀPÒKÀLIƁSƐ̀ 21:8

ÀPÒKÀLIƁSƐ̀ 21:8 - Bafia Nouveau Testament

⁸ Wɔ̀lɛ ɓi ɓɛg ànɛ a ɓɛ̀riris, rì ɓumɓɛ ɓɛ gherɛɛ ɓi, rì ɓɛ̀kìì-ɓìɓan ɓi ɓeɓtɛn, rì ɓɛ̀wolì ɓum, rì ɓɛ̀kìì-tìsɔ̀mɔ̀g, rì ɓɛ̀kìì-majìg, rì ɓɛ̀kìì-ɓìnùn, rì ɓɛ̀pwààpwaà ɓɛ̀cèm, gàɓ yàà i ɓaa gɛ ɓi kìràà ki ɗuu ɗi ghɛ̀g-ghɛ̀g rì ǹdùsi, kɛɛ ri rìwu ɗi kiɓɛ̀ɛ̀.

Faic an caibideil Dèan lethbhreac

dol air ais ⬆

ÀPÒKÀLIƁSƐ̀ 21:8
39 Iomraidhean Croise

MATYOO 10:28

Kɛ̀ ɓi risi ɓumɓɛ ɓɛ ri lɛ i ɓɛ woli mɛ̀mùù, ɓɛ̀ kɛɛ̀ ɓa ti ri bee ìnɛ ɓɛɛ wey ǹghay; risiina lɔŋ roànɛ à rì rì ìtèɗ wulɛ, à wey lɛ, rì mɛ̀mùù rì ǹghay ɓi ɗuu ɗi fiɗyàɓ fikɔ̀ɔ̀.

Faic an caibideil

MATYOO 25:25

Fɔɔnnɛ ǹrisìghà, ǹkɛ̀n kì ɓòmi mɔ̀ɔ̀ni mɔɔ ɓi zi, nni, tera mɔ̀ɔ̀ni mɔɔ mɛɛ̀mɛ.

Faic an caibideil

MATYOO 8:26

Nyii kpaa ɓɔ lɛ: Ɓisuucɛ nnɛ ɓi rirìsì? Mìni ɓum ɓɛ maa rìgherɛ̀n lɛsàg ɓɛ! Nni à pɛ̀sɛ̀ngà min aɗyoo à fwààdɛ̀n lɛ rì bɛ̀ɓ rì rìɓày, jàŋ i sugtì kì maarɛɛ lɛ fyòoog.

Faic an caibideil

MARIKUS 9:44

Jaŋ ìnɛ zyèɗ yi ti yɛ̀ kɛɛ̀ wu, ɗuu ɗyɛ̀ kɛɛ̀ ɗimi.]

Faic an caibideil

ZYAŊ 8:44

Satàn yɛɛ ri seŋi wìn fɔɔnnɛ ɓi kɔ̀nkɔn lɛ di ɓyàa kìi rìkɔ̀n ɗi seŋi wìn. A ɓalag ǹwolì-ɓum à tumɛ̀n a rìtumɛ̀n, à ki ka rɛlìghà ɓi ɓi saaɗ nsoò ŋwos bog, ɓisuulɛ, saaɗ a maà ɓa ɓi a lɔ̀ŋkii; cààmɛ̀n ki a pwààpwaa ɓum, lɔŋ com ki ki riì nyi ɓi nɗem kɛɛ̀ki a kpaakpaa ɓɔ, lɛ à rì pwààpwaà, à ki ɓa ti seŋi ɓɛ̀pwàà.

Faic an caibideil

2 TÈSÀLÒNÌSYƐŊ 2:9

Rìyùy ɗi Kiɓeɓtàg ki mum ɗi kìlɛɛ gɛ rì ìtèɗ wu Satàn; à kìi gɛ lɛ, rì ɓɛ̀koŋnyoo ɓɛ ɓiɓan, rì dàm yi ɓiɓan yi ɓɛpwàà;

Faic an caibideil

TIMOTE 4:2

ɓi fyɛɛ̀-fyɛɛ̀ ɓi ŋwɔm ìghèy ɓi ɗùm à ɓumɓɛ ɓɛɛ̀ rèresi ɓiɓan ɓi ɓɛpwàà ɓumɓɛ̀n ɓɛɛ̀ɓɛ mɛ̀rem maa mɛ ri mɛ̀ tɔ̀nɛn ɗi swiɗ ànɛ à ɓàŋiì ɓi ɗuu lɛ pɔɔŋ.

Faic an caibideil

Kaàtà ànɛ Pol à kàngà TIT 1:16

Ɓɛ ti ɓɛ kpaaghì lɛ ɓɔɔ yii Bɛ̀ll, kìɓan kifog ɓɛ roòròòzɛ̀n nyi ɓi mɛ̀kìkìì maa, ɓum ɓɛ ɓeèzɛɛ rìɓa ɗyaa ɗiǹ, ɓɛ ri rì ǹtoòtèɗ, ɓɛ̀ kɛɛ̀ ki ɓa ɓumɓɛ ɓɛ ri lɛ ɓɛ ki syeesyee à kìɓan nsoò bog.

Faic an caibideil

EBIREEGH 12:24

Ɓìi nkɛɛ̀ jàŋbog rì Yeesus ànɛ à rì ɓi nyìinyìm à nyɔɔnyɔn à rìràrɛ̀n ànɛ lɛ rì Bɛ̀ll rì ɓum, ànɛ bwaɓ yii yi yi kpagà yɛɛ̀ tòtòg yi cee yi Aɓɛl.

Faic an caibideil

EBIREEGH 13:4

Ɓum ɓɛ̀cèm ɓɛ ghɛɛ̀sɛɛ kì kuughraagh riwɛy; naa ì rìwɛy ì ɓa kɛ̀ɛ̀ ɓìɓan ɓi tifin ɓisuulɛ Bɛ̀ll à rì ɓìi yɔ̀mi ɓum ɓɛ kitɔɓi rì ɓɛ̀kìì-tìsɔ̀mɔ̀g.

Faic an caibideil

1 ZYAŊ 2:22

Ghɛn yɛɛ ri min pwààpwaà? Ŋwaànɛ à kpaa lɛ Yeesus à yin Kiris yɛɛ ri pwààpwaà; ŋwaànɛ̀n miì yɛɛ̀ ɗùùɗuu ri Kiris, à ki roòzɛn lɛ, rì Seŋi rì Man.

Faic an caibideil

1 ZYAŊ 3:15

Mum ǹcèm ànɛ à ɓèèzɛɛ geni, à rì ǹwolì-ɓum; ɓì ki yii lɛ ǹwolì-ɓum, à yin ɗi cɛɓ ki fiɗyàɓ fikɔ̀ɔ̀ ɓi nyimiɗ.

Faic an caibideil

1 ZYAŊ 5:10

Ŋwaànɛ à gherɛɛ Man à Bɛ̀ll à rì ɗì rìrèsì ɗiǹ ɓi nyimiɗ, wɔ̀lɛ ŋwaànɛ à gherɛɛ ɓi Bɛ̀ll, à teri Bɛ̀ll yɛ̀ɛ pwààpwaà ɓisuulɛ, à gherɛɛ ɓi saaɗ ànɛ Bɛ̀ll à rèsìghà ɓi kìɓan ki Man wiì.

Faic an caibideil

ÀPÒKÀLIƁSƐ̀ 14:10

di à rì girig ɓiì nɔɔ̀ mɛ̀rɔ̀g mɛ ribaŋì ɗi Bɛ̀ll, mɛ mɛ ri mɛ̀ɓèniyɛn ɓi ɓeŋ à bim yiì, mɛ̀ kɛɛ̀ ɓa mɛ ɓùtɛn ɗi com kidɛŋ; à ki rì ɓiì wowoogh ntɔɓ ɓi ɗuu, rì ɓi ǹdùsi, ɓi mis mɛ ɓum ɓɛ titom ɓɛ ɓɛ ri ɓɛ̀tɛnɛn, rì ɓi mis mɛ Man à jɔ̀ɔ̀.

Faic an caibideil

ÀPÒKÀLIƁSƐ̀ 19:20

Nni ɓɛ ɓangà nyàm ìnɛn nɗaŋ ri ǹkpaŋzì-ɓìɓan ɓi ɓɛpwàà ànɛ à kìkìghà dàm yi yi syogà ɓumɓɛ ɓɛ ɓaghà rì kìrèmzɛnà ki nyàm, ɓɛ ki ɓɔɔɓɔgsì kìfèèghrɛnà ki nyàm ìncèm. Fɔɔnnɛ ɓɛ pikà ɓyom ɓi kiɓɛ̀ɛ̀ ɓiǹ cem ɓi kìràà ki ɗuu, ki ǹdùsi a lɔŋlɔŋ miì.

Faic an caibideil

ÀPÒKÀLIƁSƐ̀ 2:11

Ŋwaànɛ à rì rì mɛ̀reè à ghɛ̀ɛ̀sɛɛ kì woògh com ki Nghay a kakali ɓiseŋi ɓi Kiris, ŋwaànɛ à rì ɓiì yagsaagh innɛ rìwu ɗi kiɓɛ̀ɛ̀ ɗyaa kòm ɓi.

Faic an caibideil

ÀPÒKÀLIƁSƐ̀ 2:2

Ǹ-yii mɛ̀kìkìì mɔɔ, ǹ-yii kìsay kɔɔ rì kìsììrì kɔɔ. Ǹ-yii lɛ ù yin lɛ ù cenɛ̀n ɓìɓeɓtàg ɓi ɓum, wɔ̀ɔ nfèèghrɛ̀ ɓumɓɛ ɓɛ nkpaakpaa lɛ ɓɔɔ ri ɓɛ̀kɛ̀nì-fìtom, kɔm̀ lɛ ɓɛ yin ɓɛkɛ̀nì-fìtom, fɔɔnnɛ wɔ̀ɔ nghɛɛ lɛ ɓɛ ri ɓɛ̀pwààpwaà.

Faic an caibideil

ÀPÒKÀLIƁSƐ̀ 21:27

Com ki ki ri rì tìfin kaa ɗiŋi ɓi wɔɔ, nsoò ŋwaànɛ à ti à kìlàg ɓìɓan ɓi ɓeɓtɛn ɓi mis mɛ Bɛ̀ll, rì ɓɛ̀pwàà, lɔŋ ɓumɓɛ mii maa mɛ ri mɛ̀kànɛn ɓi kaàtà à cɛɓ à Man à jɔ̀ɔ̀ ɓɔ rì ɓɔ, ɓɛɛ ri ɗiŋi ɓi bàn ìnɛn.

Faic an caibideil

ÀPÒKÀLIƁSƐ̀ 22:15

Ɓɛ̀kìì-ɓìɓan ɓi ɓeɓtɛn rì ɓɛ̀kìì-majìg, rì ɓɛ̀kìì-tìsɔ̀mɔ̀g, rì ɓɛ̀wolì-ɓum, rì ɓɛ̀kìì-ɓìnùn, rì mum ǹcèm ànɛ à ti à keesàg rìkì ɗi ɓɛpwàà, ɓɛ ri ɓiì rɔ̀ɓi ɓi dan, ɓɛ̀ kɛɛ̀ ɗiŋi ɓi bàn ìnɛn.

Faic an caibideil

ÀPÒKÀLIƁSƐ̀ 9:17

Fɔɔnnɛ ɓi ɓìɓan ɓi ǹseesèèghà ɓiǹ yɛ̀ɛ ɓìdɛ̀ndɛm, ǹghɛngà zòm yi kimbɛ̀rɛ̀ rì ɓumɓɛ ɓɛ ɓaghà miì aɗyoo; ɓumɓɛ̀n ɓɛ ɓaghà ɓɛ̀pàmɓɛn dwey rì bɔŋ yi yi ɓaghà lɛ yɔ yì ɓàŋ yɛ̀ɛ ɗuu, yɔ bùrum ɓi mis yɛ̀ɛ gɔ̀g ìnɛ lɛ yàsɛŋtɛ̀, yɔ tì ɓi mis yɛ̀ɛ ǹdùsi. Mɛ̀to mɛ zòm yi kimbɛ̀rɛ̀ yiǹ mɛ ɓaghà yɛ̀ɛ mɛ̀to mɛ ɓimonɗo, fɔɔnnɛ ɗuu rì fìsilì rì ǹdùsi ɓi fafàŋìghày yɔ ɓi myɔm.

Faic an caibideil

ÀPÒKÀLIƁSƐ̀ 9:21

Ɓɛ ɓengà kì lɔ̀ɔ̀ghrɛɛ mɛrem lɛ ɓɛɛ caɗ rìwowèy ɗi ɓum, rì ɓìɓan ɓi kifuu rì tìsɔ̀mɔ̀g, rì wii.

Faic an caibideil

Lean sinn:

Ceanglaichean taic

Sanasan

Sanasan