ÀPÒKÀLIƁSƐ̀ 21:3 - Bafia Nouveau Testament

³ Fɔɔnnɛ ǹwokà di coo jɛ̀ɛ̀ ki riì ɓi-kɔ̀ɔ̀ wu rilàmì, ki kpaakpàà lɛ: Kìnuugh ki Bɛ̀ll kɛɛ̀ki, ǹɗaŋ ɗi ɓum ɓii; à rì ɓiì kɔ̀rii nɗaŋ ɗi ɓɔ, ɓɔɔ ɓa kìlɔ̀ŋ kii; fɔɔnnɛ Bɛ̀ll nyimiɗ a rì ɓiì ɓaà ǹɗaŋ ɗi ɓɔ.

ÀPÒKÀLIƁSƐ̀ 21:3 Iomraidhean Croise

ZYAŊ 1:14

Fɔɔnnɛ jɛ̀ɛ̀ ì ghalà mum ànɛ à ghɛɓkà ɓi nyìinyìm wìs, ǹɗonɛn, rì geesɛ̀n, rì saaɗ, tì ki ghɛngà rìkem ɗii, rìkem ɗìn ɗi ki ɓa ɗi mbobog à Man ànɛ à pɛ̀sɛ̀ngày yɛ̀ɛ Seŋì.

ZYAŊ 14:23

Yeesus à ɓàg nyi lɛ: I mum à keesii mɛ̀, à ɓiì ɓèŋi jɛ̀ɛ̀ yɛ̀m, Seŋi wɛ̀m à rì nyi ɓiì keesi; tì ɓiì yùu a lɔ̀ŋkii, tì pègsɛ̀n ìkɔ̀ɔ̀ wis a lɔ̀ŋkii.

2 KƆ̀RƐ̀ŊTYƐŊ 6:16

Naà-Bɛ̀ll ì wuɓsɛɛ ɓi cɛ ri ɓìnùn ɓi zɛy? Lɛ ɓìsii ri naà-Bɛ̀ll ì Bɛ̀ll ànɛ à rì cem lɔŋ yɛ̀ɛ Bɛ̀ll à kpaaghà lɛ: Ǹkìi gɛ lɛ, ǹkɔ̀rì ǹki kɛ̀ɛ̀kɛɛ ɓi nyìinyìm wàà, m̀ɓaa gɛ Bɛ̀ll wàà, ɓɔɔ ɓa ɓum ɓɛm.

2 KƆ̀RƐ̀ŊTYƐŊ 6:18

M̀ɓaa gɛ Seŋi wìn, mìnii ɓa mɛ̀ ɓɔn ɓɛ ɓɛ baŋì rì ɓɛ ɓɛ̀yiɓ, fɔɔnnɛ Kan à ìtèɗ wucèm a kpaaghì.

TÈSÀLÒNÌSYƐŊ 3:11

Bɛ̀ll à Seŋi wìs nyimiɗ, rì Kan wìs Yeesus, ɓɛɛ ɓaà ɓìsi bee ìnɛ tì rì lɛ tì kpaŋ miì a lɔ̀ŋkin.

EBIREEGH 11:16

Ɓi saaɗ à rìkpaa, kìlɔ̀ŋ ki ki cee kiǹ kɛɛ̀ki ɓɛ kɔnkɔ̀ngà, yɛɛlɔɔ lɛ, kìlɔ̀ŋ ki aɗyoo; kìɓan kiǹ kɛɛ̀ki Bɛ̀ll à yin lɛ à wog ǹtoòrìɗ lɛ ɓɛɛ reŋi nyi lɛ Bɛ̀ll wàà, ɓisuulɛ à pègsɛ̀ngà ɓɔ bimiɗ à bàn.

EBIREEGH 8:10

Nni bee inɛ ǹɗì ɓiì renì rì ɓumɓɛ a Isirayɛl yɛɛ̀nɛ: Kan lɛ: Ajɛ̀m ì mɛ̀ru mɛ̀n, ǹɗì ɓiì foŋì ɓìdɔ̀gsɛna ɓyɛm̀ ɓi mɛ̀yitì maa ǹkàn ɓɔ ɓyɔ ɓi mɛ̀rem, ǹɗì ɓiì ɓaà Bɛ̀ll wàà, ɓɔɔ ɓa ɓum ɓɛm.

EBIREEGH 8:2

à rì ǹkìì-kìsay anɛ ɓi jàŋ inɛ ì rì kìcèlì, rì ɓi kɔɔ̀kɔɔ̀ à kìnuugh ànɛ à yin lɛ mum yɛɛ togà, lɔŋ Kan yɛɛ togà.

ÀPÒKÀLIƁSƐ̀ 10:4

Yɛ̀ɛ baàbàn yi kitaàɓɛ̀ɛ̀ yi ɓokà fɔlɔɔ, m̀mɛɛ̀ kìghà lɛ nkaǹ, nni ǹwokà jɛ̀ɛ̀ ìdɛŋ di ì rìì aɗyoo lɛ: Nyama kìɓan ki baàbàn yi kitaàɓɛ̀ɛ̀ yi kpaa kìn, kɔ̀ɔ kàn kɔ.

ÀPÒKÀLIƁSƐ̀ 10:8

Nni jɛ̀ɛ̀ ìnɛ ǹwokà di ì rìì aɗyoo ì tòòghrɛ̀ngà tì rì mɛ̀ fɛlɛ̀: Kɛ̀na, u teɗ maa kaàtà ànɛ à rì ǹŋwàrɛn ɓi càg ki ŋwaà-fìtom anɛ à rì ǹɗɛrɛliyɛn lɛ rì ɓi rìɓày à kìkòn rì a cɛɗ.

ÀPÒKÀLIƁSƐ̀ 12:10

Fɔɔnnɛ ǹwokà di coo jɛ̀ɛ̀ kɛɛ̀ kpaakpaa yi ɓi ɗyoo lɛ: Cààmɛ̀n ki gòri rì ìtèɗ, rì kìlàmì ki Bɛ̀ll, kɛɛ ti lɛ ɓigomìnɛ, rì ìtèɗ wu rilàmì ɗi Kiris wìì, ɓisuulɛ ɓɛ mɛ tyɔg roànɛ à ti à sɔmàg ɓɛ̀geni ɓis, lɛ nnyɛɛ nti à sɔmàg ɓɔ yɛ̀ɛ ìru yɛ̀ɛ ŋwos, ɓi mis mɛ Bɛ̀ll.

ÀPÒKÀLIƁSƐ̀ 21:7

Ŋwaànɛ à rì ɓiì yagsaagh nnyɛɛ ri ɓiì fɔ̀ni mɛwus mɛǹ, ǹɗì ɓiì ɓaà Bɛ̀ll wìì, nyii ɓa mɛ̀ man.

ÀPÒKÀLIƁSƐ̀ 22:3

Ǹcɛ̀m àa ɓa ti ɓi. Ikɔ̀ɔ̀ wu rilàmì wu Bɛ̀ll rì wu Man à jɔ̀ɔ̀ wu ri ɓa ɓi bàn ìnɛn, fɔɔnnɛ ɓɛ̀kìì-ɓìsay ɓɛ Bɛ̀ll ɓɛ ri ɓɔɔɓɔgsì nyi.

ÀPÒKÀLIƁSƐ̀ 7:15

Kìɓan kiǹ kɛɛ̀ki ɓɛ rɛrɛlii miì asu wu ikɔ̀ɔ̀ wu rilàmì wu Bɛ̀ll, ɓɛ ki ɓɔɔɓɔgsì nyi yɛ̀ɛ ìru yɛ̀ɛ ŋwos ɓi naa yìì. Yɛ̀ɛ roànɛ à rì ǹkɔ̀kɔriyɛn ɓi-kɔ̀ɔ̀ wu rilàmì, à rì toŋ kìnuugh kii à foŋ ɓɔ miì.