ÀPÒKÀLIƁSƐ̀ 21:23 - Bafia Nouveau Testament

²³ Bàn ìnɛn ì yin ɓiì tɔtɔgh lɛ ŋwos nsoò lɛ ŋwii ɓyɛɛ kpeŋzi yɔ̀ ɓisuulɛ rìkem ɗi Bɛ̀ll ɗyɛɛ̀ kpeekpeŋzì yɔ̀, Man à jɔ̀ɔ̀ à ki ɓa lamɓà à bàn ìnɛn.

ÀPÒKÀLIƁSƐ̀ 21:23 Iomraidhean Croise

MATYOO 16:27

Lɛ Man à mum à ɓiì yùu ɓi rìkem ɗi Seŋi rì ɓum ɓii ɓɛ titom, nni fɔɔnnɛ à ɓiì lèɓi mum ǹcèm lɔŋ yɛ̀ɛ rìkì ɗii ɗi ri.

MARIKUS 8:38

Ɓisuulɛ, ŋwaànɛ à rì mɛ̀ ɓiì woògh ǹtoòrìɗ, nsoò lɛ à wog ɓìɓan ɓyɛm̀ ǹtoòrìɗ ɓi gbàà ì ɓum ì gɛɛ̀nɛ, ìnɛ ì rì ɓɛ̀kìì-kìɓe rì ɓɛ̀kìì-tìsɔ̀mɔ̀g, Man à mum à woogh gɛ girig nyi ǹtoòrìɗ, ŋwos anɛ à yùu gɛ ɓi rìkem ɗi Seŋi wìì, ǹɗaŋ ri ɓum ɓii ɓɛ titom ɓɛ ɓɛ ri ɓɛ̀tɛnɛn.

LUKAS 2:32

À rì kìtɛɛtɛn ki kii ɓiì kìi lɛ ɓìlɔ̀ŋ ɓi ɓi ziinɛ ɓyɛ yi wɔ̀, ki ki fa Isirayɛl à kìlɔ̀ŋ kɔɔ rikem.

ZYAŊ 1:14

Fɔɔnnɛ jɛ̀ɛ̀ ì ghalà mum ànɛ à ghɛɓkà ɓi nyìinyìm wìs, ǹɗonɛn, rì geesɛ̀n, rì saaɗ, tì ki ghɛngà rìkem ɗii, rìkem ɗìn ɗi ki ɓa ɗi mbobog à Man ànɛ à pɛ̀sɛ̀ngày yɛ̀ɛ Seŋì.

ZYAŊ 1:18

Mum à ka ghɛngà ɓi Bɛ̀ll, lɔŋ m̀bobog à Man à Bɛ̀ll ànɛ à rì jàŋbog rì Seŋi yɛɛ kighà lɛ ɓɛɛ yi nyi.

ZYAŊ 1:4

Cɛɓ ki ɓaghà ɓi Jɛ̀ɛ̀ ìnɛn, cɛɓ kìn ki ki fafa ɓum kìtɛɛtɛn.

ZYAŊ 1:9

Jɛ̀ɛ̀ ìnɛn ì ɓaghà kɔɔ̀kɔɔ̀ à kìtɛɛtɛn, ki ki yughà ɓi ziinɛ lɛ kɛɛ kpeŋzi ɓum ɓɛ̀cèm.

ZYAŊ 17:24

Tààta kɛɛ̀ kɔ̀nkɔn mɛ lɛ, jàŋ inɛ ǹɗì, ɓumɓɛ ù faghà mɛ̀, ɓɛɛ ɓa girig wɔɔ nɗaŋ ri mɛ̀, di ɓɛɛ ghɛǹ rìkem ɗyɛ̀m ɗi ù faghà ɓisuulɛ ù keesìghà mɛ̀ di ziinɛ ì ka kilɛn ɓi.

ZYAŊ 5:23

lɛ di ɓum ɓɛ̀cèm ɓɛɛ nyaàsi Man lɔŋ yɛ̀ɛ ɓɛɛ̀ nyaanyaàsì Seŋi. I mum à nyaasii ɓi Man, di à nyaasii ɓi Seŋi ànɛ à romgày nyi.

MƐ̀KÌKÌÌ MƐ ƁƐKƐ̀NÌ-FÌTOM 22:11

Yɛ̀ɛ ǹɗɔ̀ɓkà kɛ̀ nghɛnɛn ti lɛ kìtɛɛtɛn kìn ki ɗiŋzìghà mɛ̀ tìɗyaŋ, nni ɓumɓɛ m̀ɓaghà rì ɓɔ ɓɛ ɓangà mɛ̀ ɓi càg, ɓɛ kɛǹ ɗì mɛ̀ a Damas.

ÀPÒKÀLIƁSƐ̀ 14:4

Ɓumɓɛ̀n ɓɛɛ tɔɓɓɛ̀ngà ɓi tifin rì ɓɛyìɓ; ɓɛ ri ɓumɓɛ ɓɛ yii ɓi ɓɛyìɓ; ɓɛɛ̀ nɔ̀ɔnɔɔ̀tì Man à jɔ̀ɔ̀ jàŋ bimiɗ ìnɛ à kɛ̀ɛ. Ɓɛ ɓaghà ɓɛ̀kòrɛn ɓi nyìinyìm à ɓum lɛ ɓɛɛ ɓa fɛlɛ yɛ̀ɛ ɓumɓɛ ɓɛ ri ɓìɗùn ɓi ǹtonto ɓisuu Bɛ̀ll rì ɓisuu Man à jɔ̀ɔ̀,

ÀPÒKÀLIƁSƐ̀ 18:1

Ajɛ̀m ìnɛn nnɛ ǹghɛngà di ŋwaà-fìtom adɛŋ a sɛnsɛn yi aɗyoo, nyi rì coo itèɗ wu rilàmì, kìtɛɛtɛn ki ɓi rìkem ɗii ki kpeŋzì zi bimiɗ.

ÀPÒKÀLIƁSƐ̀ 21:11

Kìtɛɛtɛn ki rigwey ɗi Bɛ̀ll ki lonlòmgà ɓi bàn ìnɛn; rìlòm ɗi ì lònlòmgà ɗi ɓaghà yɛ̀ɛ gɔ̀g ì ŋwèrim-ŋwèrim, ɗi ɓa tì yɛ̀ɛ gɔ̀g ìnɛ lɛ zyaspɛ̀ ìnɛ yɛɛ̀ lònlom yɛ̀ɛ kìpɛsà ki ŋwii.

ÀPÒKÀLIƁSƐ̀ 21:25

Mɛ̀suunaa mɛ bàn ìnɛn maa sìmɓɛɛ gɛ ɓi ri ŋwos ɓisuulɛ ìru waa ɓatii gɛ ɓi wɔɔ.

ÀPÒKÀLIƁSƐ̀ 22:5

Ìru waa ɓati ɓi, ɓumɓɛ̀n ɓɛ̀ kɛɛ̀ ɓati ri zày ì kìtɛɛtɛn ki lamɓà, nsoò ki ŋwos ɓisuulɛ Kan Bɛ̀ll à rì ɓɔ ɓiì kpeekpeŋzì rì kìtɛɛtɛn kii, fɔɔnnɛ ɓɛ ɓiì làmii fiɗyàɓ fikɔ̀ɔ̀.

ÀPÒKÀLIƁSƐ̀ 5:6

Fɔɔnnɛ ǹghɛngà Man à jɔ̀ɔ̀ di à rɛrɛlii ɓi nyìinyìm à ìkɔ̀ɔ̀ wu rilàmì, ɓi nyìinyìm à nyàm yi kinìn, rì ɓi nyìinyìm à ɓɛ̀sɛ̀ɛ̀mɛn ɓɛ ɓum. Man à jɔ̀ɔ̀ ànɛn à ɓaghà lɔŋ yɛ̀ɛ à rì ǹwolɛn, à ɓaghà mɛ̀tɔŋ taàɓɛ̀ɛ̀, rì mis taàɓɛ̀ɛ̀; mis mɛ̀n mɛ ri mɛ̀ghay mɛ Bɛ̀ll mɛ kitaàɓɛ̀ɛ̀ mɛ à romgày ɓi ziinɛ bimiɗ.

ÀPÒKÀLIƁSƐ̀ 7:17

Ɓisuulɛ Man à jɔ̀ɔ̀ ànɛ à kɔ̀kɔrii ɓi nyìinyìm à ìkɔ̀ɔ̀ wu rilàmì à rì ɓɔ ɓiì mɛnii à kɛ̀n ɗì ɓɔ ɓi jàŋ yi ɓɛ̀ǹsim ɓɛ mɛnig ɓɛ cɛɓ ɓɛ ri. Bɛ̀ll à ki tɔ̀sag misì mɛ ɓɔ ɓi mis mɛ̀cèm.