ÀPÒKÀLIƁSƐ̀ 21:22 - Bafia Nouveau Testament

²² Ǹghɛngà ɓi naà-Bɛ̀ll wɔɔ ɓisuulɛ Kan Bɛ̀ll à ìtèɗ wucèm rì Man à jɔ̀ɔ̀ ɓɔ yɛɛ ri naà-Bɛ̀ll ìnɛ wɔɔ.

ÀPÒKÀLIƁSƐ̀ 21:22 Iomraidhean Croise

MATYOO 24:2

Wɔ̀lɛ, Yeesus à ɓàkà ɓɔ lɛ: Aa ɓì ghɛɛ kìtoŋ kiǹ kìcèm yɛ̀ɛ ki ri? Ǹkalii mìni ɓi saaɗ lɛ: mɛɛ mɛ, mɛ ri ɓiì wààrɛɛ mɛcèm, nsoò gɔ̀g bog yàa ɓa ti ɓi ǹsasaghiyɛn ɓi ìdɛŋ aɗyoo ɓi jàŋ ìnɛ.

ZYAŊ 10:30

Rì mɛ̀ rì Tààta, tì rì lɔŋ mum bog.

ZYAŊ 13:32

I Bɛ̀ll à mɛ kem ɓi nyi, cààmɛ̀n lɛsàg Bɛ̀ll à rì girig nyi ɓiì kemzii ɓi nyimiɗ.

ZYAŊ 4:21

Fɔɔnnɛ Yeesus à kpaaghà nyi lɛ: Giɓ anɛ! Gherɛn rìkpaa ɗyɛ̀m, lɛ cààmɛ̀n ki riì, ki ɓyàa ɓɔgsi ti ɓi Tààta ɓi dòn ìnɛ, nsoò lɛ a Yorisalɛm.

ZYAŊ 4:23

Wɔ̀lɛ cààmɛ̀n ki tiì, kiŋcèm ki mɛ ki kpaŋ, ki ɓɛ̀kɔɔ̀kɔɔ̀ ɓɛ ɓɛ̀ɓɔgsì Bɛ̀ll ɓɛ ri ɓiì ɓɔgsii Tààta rì nghay, rì saaɗ. Ɓumɓɛ ɓɛɛ̀ ɓɔɔ̀ɓɔ̀gsì nyi fɔlɔɔ ɓɛɛ̀ɓɛ Tààta a kaakàà.

KÒLÒSYƐŊ 1:19

Ɓisuulɛ ki kɔngà Bɛ̀ll lɛ a kɔri ɓi nyi, à rongì ɓi nyi lɛ kɔɔ̀kɔɔ̀.

KÒLÒSYƐŊ 2:9

Ɓisuulɛ rìɓa ɗìcèm ɗi Bɛ̀ll à rì ɗi yughà kì kɔ̀rii ɓi nyoo ì Kiris lɛ kɔɔ̀kɔɔ̀.

ÀPÒKÀLIƁSƐ̀ 1:8

Kan Bɛ̀ll a kpaaghi lɛ: Mɛ̀ yɛɛ ri Alfà, rì Omegà, roànɛ à rì, ànɛ à ɓaghà, ànɛ a yùyuiy, roànɛ à rì rì ìtèɗ wucèm.

ÀPÒKÀLIƁSƐ̀ 11:17

Di ɓɛɛ̀ kpaakpaa lɛ: Tì faa wɔ̀ ɓìtògsɛ̀n Kan Bɛ̀ll à ìtèɗ wucèm, ànɛ à rì, ànɛ à ki ɓaghà, wɔ̀ɔ nɗèsii coo itèɗ wɔɔ, ù rèsì kìlàmì kɔɔ.

ÀPÒKÀLIƁSƐ̀ 14:4

Ɓumɓɛ̀n ɓɛɛ tɔɓɓɛ̀ngà ɓi tifin rì ɓɛyìɓ; ɓɛ ri ɓumɓɛ ɓɛ yii ɓi ɓɛyìɓ; ɓɛɛ̀ nɔ̀ɔnɔɔ̀tì Man à jɔ̀ɔ̀ jàŋ bimiɗ ìnɛ à kɛ̀ɛ. Ɓɛ ɓaghà ɓɛ̀kòrɛn ɓi nyìinyìm à ɓum lɛ ɓɛɛ ɓa fɛlɛ yɛ̀ɛ ɓumɓɛ ɓɛ ri ɓìɗùn ɓi ǹtonto ɓisuu Bɛ̀ll rì ɓisuu Man à jɔ̀ɔ̀,

ÀPÒKÀLIƁSƐ̀ 15:3

Ɓɛ kɛkɛ̀ɛ̀gh lɛ rì fyem fi Moyis ànɛ à rì ǹkìì-kìsay a Bɛ̀ll, rì fi Man à jɔ̀ɔ̀, lɛ Kan Bɛ̀ll à ìtèɗ wucèm, mɛ̀kìkìì mɔɔ mɛ kii lɛ, mɛ teghɛ̀n, mɛ ki ɓa com ki kuurakɛn! Rifòm ɗi ɓilɔ̀ŋ ɓìcèm, bee yɔɔ yi ri lɛ saaɗ, yi ki ɓa ɓɛkɔɔ̀kɔɔ̀ ɓɛ bee.

ÀPÒKÀLIƁSƐ̀ 16:14

Ɓi ri ɓìɓeɓtàg ɓi mɛghay ɓi ɓyɛɛ̀ kìki dàm, ɓi ki kɛ̀ngi a mɛ̀fòm mɛ ɓi ziinɛ bimiɗ, lɛ ɓyɛɛ taŋzɛn mɔ ɓisuu wɛ̀y wu wu ri ɓiì ɓaà ɓi coo gòn i Bɛ̀ll ànɛ à rì rì ìtèɗ wucèm.

ÀPÒKÀLIƁSƐ̀ 16:7

Nni ǹwokà di com ki ɓɛɛ̀ tɔ̀ngi ɓyom miì ɓi rìɓɔgsì ɗi Bɛ̀ll ki kpaa lɛ: Ɛ̀ɛ̀ Kan Bɛ̀ll à ìtèɗ wucèm, rìren ɗyɔɔ ɗi ɓiɓan ɗi ri miì, ɗi ki ɓa lɛ saaɗ.

ÀPÒKÀLIƁSƐ̀ 19:15

Gàfàg ì mpooyɛn i kpaŋ yì nyi ɓi ŋwɔm lɛ a ɓog ɓìlɔ̀ŋ ri yɔ̀; à rì ɓyɔ ɓiì kɛ̀ɛ̀sii ri ǹkpas wu bɔŋ, à ki saɓ ɓiɗùn ɓi viìnyɛ̀ ɓi wayɗ wu mɛrɔ̀g mɛ coo bim i Bɛ̀ll à ìtèɗ wucèm.

ÀPÒKÀLIƁSƐ̀ 4:8

Nyàm yi kinìn yiǹ yi ɓalàkà lɛ, nyàm bog mɛ̀keɓ taàfog, yɔ̀ mis nyoo bimiɗ lɛ rì ɓi ɗùm, rì ɓi ɓyàs. Fɔɔnnɛ yɛ̀ɛ ìru yɛ̀ɛ ŋwos, ɓɛ fɔli ɓi rikakàlì lɛ: Kan Bɛ̀ll à ìtèɗ wucèm à rì ǹtɛnɛn, à rì ǹtɛnɛn, à rì ǹtɛnɛn, Bɛ̀ll ànɛn yɛɛ, ɓaghà nnyɛɛ ri nnyɛɛ̀ ki yùyuiy.

ÀPÒKÀLIƁSƐ̀ 5:6

Fɔɔnnɛ ǹghɛngà Man à jɔ̀ɔ̀ di à rɛrɛlii ɓi nyìinyìm à ìkɔ̀ɔ̀ wu rilàmì, ɓi nyìinyìm à nyàm yi kinìn, rì ɓi nyìinyìm à ɓɛ̀sɛ̀ɛ̀mɛn ɓɛ ɓum. Man à jɔ̀ɔ̀ ànɛn à ɓaghà lɔŋ yɛ̀ɛ à rì ǹwolɛn, à ɓaghà mɛ̀tɔŋ taàɓɛ̀ɛ̀, rì mis taàɓɛ̀ɛ̀; mis mɛ̀n mɛ ri mɛ̀ghay mɛ Bɛ̀ll mɛ kitaàɓɛ̀ɛ̀ mɛ à romgày ɓi ziinɛ bimiɗ.

ÀPÒKÀLIƁSƐ̀ 7:15

Kìɓan kiǹ kɛɛ̀ki ɓɛ rɛrɛlii miì asu wu ikɔ̀ɔ̀ wu rilàmì wu Bɛ̀ll, ɓɛ ki ɓɔɔɓɔgsì nyi yɛ̀ɛ ìru yɛ̀ɛ ŋwos ɓi naa yìì. Yɛ̀ɛ roànɛ à rì ǹkɔ̀kɔriyɛn ɓi-kɔ̀ɔ̀ wu rilàmì, à rì toŋ kìnuugh kii à foŋ ɓɔ miì.

ÀPÒKÀLIƁSƐ̀ 7:17

Ɓisuulɛ Man à jɔ̀ɔ̀ ànɛ à kɔ̀kɔrii ɓi nyìinyìm à ìkɔ̀ɔ̀ wu rilàmì à rì ɓɔ ɓiì mɛnii à kɛ̀n ɗì ɓɔ ɓi jàŋ yi ɓɛ̀ǹsim ɓɛ mɛnig ɓɛ cɛɓ ɓɛ ri. Bɛ̀ll à ki tɔ̀sag misì mɛ ɓɔ ɓi mis mɛ̀cèm.