ÀPÒKÀLIƁSƐ̀ 20:2 - Bafia Nouveau Testament

² À ɓangà kìnààgɔ̀n ki ki ri lɛ fìɗyàɓ fi nyoo fi lɛ nɗèm, rì Satàn, à kàŋ kɔ bɛn lɛ kɛɛ kɔri fɔlɔɔ bèg tɔɔsìm.

ÀPÒKÀLIƁSƐ̀ 20:2 Iomraidhean Croise

MATYOO 19:29

Fɔɔnnɛ mum ǹcèm ànɛ à rinìghày mɛɛ mii, nsoò lɛ ɓɛ̀geni ɓii ɓɛ ɓɛbaŋì rì ɓɛ ɓɛ̀yiɓ, nsoò seŋi, nsoò jɛɛ, nsoò giy, nsoò ɓɔn, nsoò zi yii, à rì ɓiì fɔ̀ni ɓyom ɓidɛŋ ɓi ɓi cee ɓiǹ, gɛ̀n hɔnɗɛ̀ɗ, à ki fɔ̀ɔ̀di cɛɓ ki fiɗyàɓ fikɔ̀ɔ̀.

MATYOO 8:29

Nni ɓumɓɛ̀n ɓɛ tumɛ̀ngà rìfwànfwàn jɛ̀ɛ̀ aɗyoo lɛ: Wɔ̀ Man a Bɛ̀ll, ki rì Wɔ̀ la ri ɓìsi? Ù yùu yì fɛ lɛ, u fa ɓìsi ǹtɔɓ di cààmɛ̀n ki ka ghɛɛ̀sɛn ɓi?

MARIKUS 4:15

Ɓɛ̀roɓɛ ɓɛ ri yɛ̀ɛ tim̀ à bee ànɛ boo ì rààghà miì ɓɔ yɛɛ ri ɓɛ̀roɓɛ ɓɛ ti ɓɛ kilàg lɛ, lɔŋ yɛ̀ɛ ɓɛ woogh ɓìɓan ɓi Bɛ̀ll lɔɔ, Satàn a yùy, à pisì ɓɔ ɓyɔ ɓi ǹɗem.

MARIKUS 5:7

à ki syan jɛ̀ɛ̀ aɗyoo rì ìtèɗ lɛ: Yeesus, Man à Bɛ̀ll ànɛ à teŋmɛɛ kɛ̀ɛ̀ vèg cɛ kɛɛ rì wɔ̀ rì mɛ̀? M̀ɓɔ̀ŋzii wɔ̀ ɓi ɗii ɗi Bɛ̀ll lɛ, kɔ̀ɔ ki mɛ ǹtɔɓ.

ZYAŊ 12:31

Ɓi cààmɛ̀n ki, kìɓan ki ziinɛ ki yuù kì renɛɛ, ɓigomìnɛ. Ɓɛ yuù kì màagh rifòm ɗi ziinɛ ɓi dan.

ZYAŊ 16:11

Mɔ zɛ̀ɗ ɓi kìɓan ki riren ɗi ɓiɓan ɗi Bɛ̀ll, ɓisuulɛ, kìɓan ki rifòm ɗi ziinɛ ki mɛ renɛ̀n.

RÒMƐŊ 16:20

Cààmɛ̀n lɛsàg, Bɛ̀ll ànɛ à ti à falàg fyòoog, à rì ɓiì turii Satàn a mɛ̀kòò min zi. Geesɛ̀n ì Kan wìs Yeesus yɛ̀ɛ ɓa rì mìni.

EBIREEGH 2:14

Nni fɔlɔɔ nnɛ yɛ̀ɛ ɓɔn ɓɛ ri lɛ, rì nyoo ì mɛ̀mùù, rì bwaɓ, nyi girig à tekà nyoo ìnɛ̀n lɛ, di a ghaàsi Satàn ànɛ à rì rì ìtèɗ wu riwù com ki zɛy, ɓi rìwu ɗi à wughà

1 PYƐƐRI 5:8

Ɓaana cem, ɓì konàg ɓisuulɛ bènàbena wiǹ ànɛ lɛ Satàn a ŋwɔŋ-ŋwɔŋ yɛ̀ɛ kìmonɗo ki kɛɛ̀ kaakaa com ki kɛɛ sokɛn.

2 PYƐƐRI 2:4

Ɓisuulɛ i Bɛ̀ll à rɔ̀ɓkà kɛ̀ɛ kèŋi ɓum ɓɛ titom ɓɛ ɓɛ kighà kìɓe, à ràm lɔŋ à ɓangì ɓɔ, à ki pìki ɓɔ ɓi bɛŋ yi yi ri rì birìm, wɔɔ nnɛ ɓɛ kaka ɓɛ̀ɓanɓanɛn ɓɛ ɓoŋɓoŋ ɓɛ̀yɔ̀m ɓɛ Bɛ̀ll;

ZYUUDƐ 1:6

Ɓum ɓɛ titom ɓɛ ɓɛ ɓegà ɓi rigwey ɗi Bɛ̀ll à rɛsìghà ɓɔ miì, kìɓan kifog ɓɛ pɛsɛ̀n ɓi-kɔ̀ɔ̀ wu wu ɓaghà wuŋkaa, Bɛ̀ll a maà ɓèŋɓèŋ ɓɔ ɓɛ̀kàgakɛn ɓi mɛ̀sɛ̀ŋi cààmɛ̀n kìcèm ɓi birìm ɓiɗùm ɓɛ ɓoŋɓòŋ coo gòn i ɓɛ̀yɔ̀m.

ÀPÒKÀLIƁSƐ̀ 12:13

Yɛ̀ɛ kìnààgɔ̀n ki ghɛngà lɛ ɓɛ tyɔghiì kɔ ɓi ziinɛ, nni ki ɓɛɓsɛ̀ngà rì giɓ anɛ à yalà man baŋì.

ÀPÒKÀLIƁSƐ̀ 12:15

Fɔlɔɔ nnɛ nyoo ì looghày giɓ anɛ̀n mɛ̀nig ajɛ̀m yɛ̀ɛ rìɓày lɛ di rìɓày a ɓɛǹ ɗì nyi.

ÀPÒKÀLIƁSƐ̀ 12:17

Fɔɔnnɛ kìnààgɔ̀n ki wokà bim ri giɓ anɛ̀n ki ki kɛ̀n ki kpaŋì dòò yii wɛ̀y, rì ɓum ɓɛ̀cèm ɓɛ ɓɛ ti ɓɛ ɓegì ɓìdɔ̀gsɛna ɓi Bɛ̀ll rì saaɗ ànɛ Yeesus à rèsìghà.

ÀPÒKÀLIƁSƐ̀ 12:3

Fɔɔnnɛ kìfèèghrɛnà kidɛŋ ki resɛ̀ngà tì ɓi ɗyoo ɓi ɗùm; coo kinààgɔ̀n kɛɛ ɓaghà, ki ɓaŋɓàŋ yɛ̀ɛ ɗuu, kɔ mɛ̀to taàɓɛ̀ɛ̀, mɛ̀tɔŋ ǹtɛ̀ɗ; nni ɓi mɛ̀to mɛ kitaàɓɛ̀ɛ̀ mɛǹ, ɓɛ̀tàm ɓɛ rikem ɓɛ ɓalàkà miì.

ÀPÒKÀLIƁSƐ̀ 12:4

Ǹghey wu kinààgɔ̀n kiǹ wu wɔɔwɔ̀ɔ̀rɛ̀ngày rì gàɓ ì kìraa ìnɛ ɓi tyɔɛy ticèm ti aɗyoo, wu suùsùùrì tyɔ ɓi zi. Kìnààgɔ̀n ki rɛlìghà giɓ anɛ à ɓoŋɓòŋgà rìyay ànɛ̀n asu lɛ i à yali, kɛɛ sokɛn man.

ÀPÒKÀLIƁSƐ̀ 12:9

Nni ɓɛ tyɔkày coo kinààgɔ̀n kiǹ, fìɗyàɓ fi nyoo fìn, fi fi ri ɗii lɛ ǹɗèm nsoò lɛ Satàn, nnyɛɛ ri ǹ-yègsì zi bimiɗ ìnɛ ɓum ɓɛɛ̀ ghɛghɛɓ miì, ɓɛ tyɔkày nyi ɓi zi, ɓɛ ki tyɔg yi girig ɓum ɓii ɓɛ titom ǹɗaŋ ri nyi.

ÀPÒKÀLIƁSƐ̀ 13:2

Nyàm ìnɛ ǹghɛngà ìnɛn ì pisɛ̀ngà ǹgɔn, mɛ̀kòò mɛ yɔ̀ mɛ ɓa yɛ̀ɛ mɛ̀kòò mɛ kpaò, ŋwɔm wu yɔ̀ wu ɓa yɛ̀ɛ ŋwɔm wu kimonɗo. Kìnààgɔ̀n ki tekà lɛ, rì ìtèɗ wu ki ɓaghà rì wɔ, rì ìkɔ̀ɔ̀ wu rilàmì, rì coo itèɗ wu rilàmì, ki fa nyàm ìnɛn.

ÀPÒKÀLIƁSƐ̀ 13:4

Fɔɔnnɛ ɓum ɓɛ̀cèm ɓɛ kɛngà kìɓaàgh mɛ̀ɗu ɓi mis mɛ kinààgɔ̀n ɓɛ ɓɔgsì kɔ, ɓisuulɛ ki faghà ìtèɗ wu rilàmì rì nyàm ìnɛn; nni ɓɛ ɓakà girig nyàm ìnɛn mɛ̀ɗu asu di ɓɛɛ̀ kpaakpaa lɛ: Ghɛn yɛɛ ri lɛ à ɓa yɛ̀ɛ yɔ̀? Ghɛn yɛɛ ki rì lɛ à ɗùù rì yɔ̀?

ÀPÒKÀLIƁSƐ̀ 20:10

Fɔɔnnɛ ɓɛ pikà Satàn anɛ à yègsìghà ɓɔ ɓi kìràà ki ɗuu rì ǹdùsi, jàŋ inɛ ɓɛ ri lɛ, rì nyàm rì ǹkpaŋzì-ɓìɓan ɓi ɓɛpwàà. Ɓɛ ri wowoogh gɛ mɛ̀tɔɓ yɛ̀ɛ ìru yɛ̀ɛ ŋwos fiɗyàɓ fikɔ̀ɔ̀.

ÀPÒKÀLIƁSƐ̀ 20:7

Yɛ̀ɛ bèg yi ri ghaagh fɔlɔɔ tɔɔsìm, ɓɛ kpaŋzì Satàn ɓi naà-zày yìì,

ÀPÒKÀLIƁSƐ̀ 9:11

Rìfòm ɗi ɓitàtàɗ ɓiǹ ɗi ri ŋwaà-fìtom anɛ ɓi rìɓee ɗi rimɛn anɛ à rì ɗii ɓi rì Ebìreegh lɛ Aɓadon, ɓi rìgìrɛg lɛ Apolyɔŋ.