ÀPÒKÀLIƁSƐ̀ 2:7 - Bafia Nouveau Testament

⁷ Ŋwaànɛ à rì rì mɛ̀reè à ghɛ̀ɛ̀sɛɛ kì woògh com ki Ǹghay a kakali Ɓiseŋi ɓi Kiris, ŋwaànɛ à rì ɓiì yagsaagh innɛ ǹɗì ɓiì faà kìɗùn ki kite ki cɛɓ ki ki ri ɓi pàràɗis à Bɛ̀ll.

ÀPÒKÀLIƁSƐ̀ 2:7 Iomraidhean Croise

MATYOO 11:15

Ŋwaànɛ à rì rì mɛ̀reè, à wog.

MATYOO 13:43

Fɔɔnnɛ ɓum ɓɛ saaɗ ɓɛ lònlomi gɛ yɛ̀ɛ kìsaa ki ŋwos, ɓi kìlɔ̀ŋ ki Seŋi wàà. Ŋwaànɛ à rì rì mɛ̀reè à wog.

MATYOO 13:9

Ŋwaànɛ à rì rì mɛ̀reè, à wog.

MARIKUS 4:9

Fɔɔnnɛ Yeesus à kpaatìghà lɛ: Ŋwaànɛ à rì rì mɛ̀reè, mɛ lɛ à wog, à wog.

MARIKUS 7:15

Com kìcèm ki mum à ɗii ki kɛǹ nyi ɓi ɗùm ki yin lɛ ki foŋ nyi kìsyeg ɓi nyòò; kìɓan kifog com ki ki pɛsɛɛ yì mum ɓi ɗùm, kɛɛ ri lɛ ki foŋ nyi kìsyeg ɓi nyòò.

MARIKUS 7:16

Ŋwaànɛ à rì rì mɛ̀reè, mɛ lɛ à wog, à wog.

LUKAS 23:43

Nni Yeesus à ɓàkà ŋwaànɛ̀n lɛ: Ǹkalii wɔ̀ ɓi saaɗ lɛ, lɔŋ ɓi gɛɛ̀nɛ, rì mɛ̀ rì wɔ̀ tì ɓiì kpaŋì a pàràɗis.

LUKAS 8:8

Gàɓ ìmbog ì kpìghà ɓi syeesyee à zi, yɛ̀ɛ ì ròòghà, ì wumgì lɛ ǹɗyèm wufog, ɓìɗùn mɛ̀tin mɛtaǹ. Yɛ̀ɛ Yeesus à kpaaghà fɔlɔɔ, nni à kalìghà ɓɔ jɛ̀ɛ̀ aɗyòò lɛ: Ŋwaànɛ à rì rì mɛ̀reè, mɛ lɛ à wog, à wog.

ZYAŊ 16:33

Mɛ̀ɛ ǹkpaa mìni ɓìɓan ɓiǹ lɛ, ɓi ɓa rì fyòoog a lɔ̀ŋkɛm̀. Ɓì ɓiì ɓaà rì ǹ-yeesɛ̀n ɓi ziinɛ nni sììriina mɛ̀rem, mɛ̀ m̀mɛ yag ziinɛ ɓi-tèɗ.

1 KƆ̀RƐ̀ŊTYƐŊ 2:10

Ɓìsi ɓɛɛ̀ɓɛ Bɛ̀ll à mɛ rèsi ɗyomzɛ̀n ɗiǹ rì Ǹghay, ɓisuulɛ Ǹghay à ti à timgì ɓìɓan ɓìcèm, nsoò ɓɛ̀fèg ɓɛ Bɛ̀ll ɓɛ ɓɛ ri ɓɛ̀rimɛn lɛ kɔɔ̀kɔɔ̀.

2 KƆ̀RƐ̀ŊTYƐŊ 12:4

Ŋwaànɛ̀n à ɓɔkà à kpaŋ a pàràɗis, à wog jɛ̀ɛ̀ yidɛŋ yi mum à yin lɛ à yi rìɓììtì, yi ɓɛ ki yin lɛ ɓɛ gherɛ̀n lɛ mum a kpaà.

1 ZYAŊ 2:13

Ɓɛ̀seŋi ɓɛ̀m, ǹkàni mìni ɓisuulɛ ɓì yii roànɛ à ɓaghà à tumɛ̀n a rìtumɛ̀n; ǹkàn mìni ɓɛ̀dɛlì, ɓisuulɛ ɓì mɛ yag ghèghey à mum. Ǹkàni mìni ɓɔɔɓɔɓti ɓisuulɛ ɓì mɛ yi roànɛ à rì Seŋi.

ÀPÒKÀLIƁSƐ̀ 13:9

I ŋwaà rì rì mɛ̀reè à wog.

ÀPÒKÀLIƁSƐ̀ 14:13

Nni ǹwokà di jɛ̀ɛ̀ ì rìì aɗyoo ì kpaa lɛ: Kàna kìɓan ki! Mààgh rì ɓìloŋ ɓi ɓi wii ɓi kìsay ki Kan, à tumɛ̀n ɓigomìnɛ. Ǹghay a kpaaghi lɛ: Ki ri fɔlɔɔ saaɗ, lɛ di ɓɛɛ fɔɔ̀sɛn ɓìsay ɓyaa, ɓisuulɛ mɛ̀kìkìì maa mɛɛ̀ nɔ̀ɔnɔɔ̀tì ɓɔ.

ÀPÒKÀLIƁSƐ̀ 15:2

Nni ǹghɛngà di ɓumɓɛ ɓɛ yakà lɛ rì nyàm, rì kìfèèghrɛnà ki yɔ̀, rì bàlì ì ɗii ɗi nyàm ìnɛn. Ɓumɓɛ̀n ɓɛ rɛrɛ̀lìghà ɓi com ki kèleŋ̀ŋ̀ yɛ̀ɛ rìɓày ànɛ à rì ɓɛ̀ŋwii rì ɓɛ̀ŋwii, m̀ɓùtakɛn ɗi ɗuu, ɓɛ ɓanɓàn tìloŋ ti Bɛ̀ll à faghà ɓɔ.

ÀPÒKÀLIƁSƐ̀ 2:11

Ŋwaànɛ à rì rì mɛ̀reè à ghɛ̀ɛ̀sɛɛ kì woògh com ki Nghay a kakali ɓiseŋi ɓi Kiris, ŋwaànɛ à rì ɓiì yagsaagh innɛ rìwu ɗi kiɓɛ̀ɛ̀ ɗyaa kòm ɓi.

ÀPÒKÀLIƁSƐ̀ 2:17

Ŋwaànɛ à rì rì mɛ̀reè à ghɛ̀ɛ̀sɛɛ kì woògh com ki Ǹghay a kakali ɓiseŋi ɓi Kiris. Ŋwaànɛ à ɓiì yagsaagh ǹfa nyi manà mɛ mɛ ri mɛ̀ nyamɛn, rì gɔ̀g ìmpuɓ; gɔ̀g ìnɛn ì rì rì ɗii ɗi nyɔn miì ɗìkànɛn ɗi ŋwaàdɛŋ à yii ɓi, i ki cee ɓi lɛ ŋwaànɛ ɓɛ faa gɔ̀g ìnɛn.

ÀPÒKÀLIƁSƐ̀ 21:7

Ŋwaànɛ à rì ɓiì yagsaagh nnyɛɛ ri ɓiì fɔ̀ni mɛwus mɛǹ, ǹɗì ɓiì ɓaà Bɛ̀ll wìì, nyii ɓa mɛ̀ man.

ÀPÒKÀLIƁSƐ̀ 22:14

Mààgh rì ɓɛ̀roɓɛ ɓɛ soò ɓɛ̀kàɓà ɓaa lɛ di ɓɛɛ fa ɓɔ ìtèɗ wulɛ ɓɛɛ ɗi kìte ki cɛɓ, ɓɛ ki ɗiŋi ɓi mɛ̀suunaa mɛ gari lɛ ɓɛɛ kɛǹ ɓi bàn.

ÀPÒKÀLIƁSƐ̀ 22:17

Ǹghay rì gurà ɓyɛɛ̀ kpaakpaa lɛ: Yuiy. Ŋwaànɛ à woogh kìɓan kiǹ à kpaa girig lɛ yuiy. Ŋwaànɛ a wowog kinɔli, à ghɛ̀ɛ̀sɛɛ kì yùu, ŋwaànɛ à kɔ̀ni, à teɗ mɛ̀nig mɛ cɛɓ zɛy, kɛ̀ɛ kòòsɛn.

ÀPÒKÀLIƁSƐ̀ 22:2

Ɓi nyìinyìm à ǹlɛmɓog wu bàn rì ɓi mɛ̀wɔŋì mɛ riɓày mɛ kiɓɛ̀ɛ̀, innɛ kìte ki cɛɓ ki ri; kìte kiǹ ki ti ki wumgì gɛ̀n ǹtɛ̀ɗ ɗì yiɓɛɛ̀ ɓi bèg, ŋwii bimiɗ, ki wum gɛ̀n bog. Tyɛn ti kite kiǹ tyɛɛ̀ti ɓɛ ti ɓɛ wɔɔ̀zàg ɓumɓɛ ɓi ɓìlɔ̀ŋ rì tyɔ.