ÀPÒKÀLIƁSƐ̀ 2:3 - Bafia Nouveau Testament

³ Ù rì rì kìsììrì, wɔ̀ɔ ǹwoogh mɛ̀tɔɓ ɓisuu ɗii ɗyɛ̀m, kɔ̀ɔ ki càrɛn.

ÀPÒKÀLIƁSƐ̀ 2:3 Iomraidhean Croise

MARIKUS 15:21

Ŋwaàdɛŋ ànɛ ɓi kìlɔ̀ŋ ki lɛ Sirɛn ɗii lɛ Simɔn à ghaghàghìyà wɔɔ, di à rìì a dɛm, àncèm à ɓaghà seŋi Alɛgsaŋdirɛ ɓɛɛ̀ Rufus. Ɓɛ̀sujàà ɓɛ kagà nyi lɛ a tɛg kɔrɔs à Yeesus.

LUKAS 14:27

Fɔɔnnɛ mum ǹcèm ànɛ à tɛ̀ɛgh ɓi kɔrɔs wìì, à ki nɔ̀ɔ̀ti mɛ à yin lɛ à ɓa ǹ-yilàg wɛ̀m.

LUKAS 18:1

Yeesus à tekà ɓɔ dàɗkì lɛ a resi ɓɔ lɛ, ɓɛ ghɛɛ̀sɛɛ kì ɓɔ̀ŋzag ɓyààmɛ̀n ɓìcèm, kɛ̀ ɓɛɛ̀ fɔɛy.

LUKAS 21:19

Kìsììrì kin kɛɛ ri ɓiì kìi lɛ ɓi ghɛɓsi ɓyɛɓ ɓin.

LUKAS 5:5

Simɔn à ɓàg nyi lɛ: Ǹɗèsàg, tyàa lali cem ɓi dam ì m̀pìghɛn, tyɛ̀ɛ̀ ki ɓan com, nni ǹɗì ɓiì pìigh dam lɛ yɛ̀ɛ wɔ̀ yɛɛ kpaa.

LUKAS 8:15

Boo ìnɛ ì kpìghà ɓi zi i m̀fɔmɛn yɛ̀ɛ ri fɛlɛ yɛ̀ɛ ɓɛ̀roɓɛ ɓɛ ti ɓɛ wokì jɛ̀ɛ̀ ì Bɛ̀ll syeesyee à rìwog, ri mɛ̀rem mɛ syeesyee mɛ mɛ ki rì mɛ̀tɛnɛn, ɓɛ ɓeŋ̀ yɔ̀, ɓɛ ki wum ɓiɗùn lɛ kìsììrì kaa.

ZYAŊ 15:21

Wɔ̀lɛ ɓɛ ri kì mini ɓìɓan ɓiǹ ɓìcèm ɓisu wɛ̀m, lɛ ɓɛ yii ɓi roànɛ à romgày mɛ̀.

RÒMƐŊ 12:12

Ɓì ghɛ̀ɛ̀sɛɛ kì nyàànyaa ɓi dyàɓɛn inɛ ɓì rì rì yɔ̀, ɓì nìɗ ǹɗem cààmɛ̀n ki ɓì tulɛɛ ri mɛ̀tɔɓ, ɓì ki sììrɛn bi bɔ̀ŋzɛ̀n.

RÒMƐŊ 16:12

Ɓì tɔkì mɛ̀ Tirifɛn ɓɛɛ̀ Tirifos ɓɛ ɓɛɛ̀ kìki Kan kìsay; ɓì tɔkì girig Pɛrisiidɛ à geni wɛ̀m à giɓ anɛ à ri mɛ̀ ɓi nɗem, nnyɛɛ mɛ say lɛɛ̀gwey ɓisuu Kan.

RÒMƐŊ 2:7

Fɔlɔɔ nnɛ ɓumɓɛ ɓɛ siìrɛ̀ngà ɓi rìkì ɗi kirɔɔ, ɓɛ kaakàà rìkem ɗi yɛ̀ɛ Bɛ̀ll, rì ǹnyàasɛ̀n, rì cɛɓ ki kɛ̀ kɛɛ̀ lèg, Bɛ̀ll fa ɓɔ cɛɓ ki fiɗyàɓ fikɔ̀ɔ̀.

RÒMƐŊ 8:25

Wɔ̀lɛ i ti ɗyàaɗyaɓɛ̀n com ki tì ghɛɛ ɓi, tì rì kɔ ɓiì ɓoŋɓoŋi ri kìsììrì.

1 KƆ̀RƐ̀ŊTYƐŊ 13:7

Ǹkɔ̀nɛ̀n a cenag ɓìɓan ɓìcèm, à gheràg ɓìɓan ɓìcèm, à ɗyàɓàg ɓìɓan ɓìcèm, à ki nìɗki nɗem rì ɓìɓan ɓìcèm.

1 KƆ̀RƐ̀ŊTYƐŊ 16:16

Mɛ̀kuu mɛ ɓum mɛ fɔlɔɔ mɛɛ̀mɛ ɓì ghɛ̀ɛ̀sɛɛ kì kìi mɛwog, rì mum ǹcèm ànɛ à ti à tekì gàɓ ɓi kìsay ki ɓɛɛ̀ kìkì, à ki sasay ri ɓɔ.

2 KƆ̀RƐ̀ŊTYƐŊ 10:15

Ɓìsii yin ɓiì sɛɛghsɛɛ̀ghrɛ̀n tì ceesàg ǹɗèè ɓi kìsay ki ɓum ɓɛdɛŋ, kìɓan kifog tì rì rì ǹtyweeyi lɛ rìgherɛ̀n ɗin ɗi ri ɓiì tɔɔ̀, fɔlɔɔ nnɛ tì ɓiì kìi kisay ki ki ri ɓiì ghɛnɛɛ ɓi nyìinyìm wìn ki cee fɔlɔɔ, ɓi mɛ̀rèè mɛ Bɛ̀ll à faghà ɓìsi.

2 KƆ̀RƐ̀ŊTYƐŊ 11:23

I ɓɛ ri ɓɛ̀kìì-ɓìsay ɓɛ Kiris m̀ɓa kìyèg ki kɔɔ̀kɔɔ̀ lɛ mɛ̀ ǹɗì ǹkìì-kìsay a Kiris ǹcee ɓɔ, ɓi ɓìsay ɓi m̀mɛ kì, nni àa foo ri foo, ǹcee ɓɔ ɓi naà-zày yi m̀mɛ kɛ̀n, à kɛ̀n kì kpaŋì ɓi zàà yi ɓɛ mɛ kwiy mɛ, rì ɓi ɓɛ̀koŋnyoo ɓɛ riwù ɓɛ ǹti ǹghaaghràg miì ɓyààmɛ̀n lɛɛ̀gwey.

2 KƆ̀RƐ̀ŊTYƐŊ 4:1

Bɛ̀ll yɛɛ faghà ɓìsi kìsay ki ɓi kìpuɓì-nɗem wìì, fɔlɔɔ nnɛ mùm mis mɛ yin miì lɛ mɛ fɔy.

2 KƆ̀RƐ̀ŊTYƐŊ 4:16

Kìɓan kiǹ kɛɛ̀ki tì càrɛɛ ɓi lɛ mɛ̀rem mis mɛɛ teɗ ìɓwɛɗ. Nsoò nyoo yìs i mɛ̀mùù yàa wààwààrɛ̀n lɔŋ lɛsàgsàg rìɓa ɗi nghay wis ɗyɔɔ suùsùgtì lɔŋ nyɔn ɓɛ̀ŋwos ɓɛ̀cèm.

2 KƆ̀RƐ̀ŊTYƐŊ 5:9

Kìɓan ki asu ki tì ɓiisɛɛ kì kaakaa ki ri lɛ, ti puɓsi nyi nɗem, tyàa soo kaka ɓi nyoo ìnɛ tì rì ìnɛ rì yɔ̀, tyàa soo ki ghasɛɛ rì yɔ̀.

2 KƆ̀RƐ̀ŊTYƐŊ 6:5

rì ɓi ǹkulɛ̀n, rì ɓi naà-zày, rì ɓìyoòyòò ɓi ɓɛɛ̀ kìki lɛ ɓɛɛ yeesi ɓisi, rì ɓìsay ɓi ɓi fɔɔsɛɛ, rì ɓɛ̀saalo, rì rìcàɗ ɗi ɓisi zày.

GÀLAT 6:2

Gheeghèŋzɛɛna rìtɛ̀g ɗi mɛtɛ̀g mɛ ɓì rì rì mɔ, di fɔɔnnɛ ɓi roòzi kìdɔ̀gsɛna ki Kiris.

GÀLAT 6:9

Nni tyɛ̀ ki fwɛy rikì ɗi kirɔɔ, lɛ i tì fɔli ɓi jàŋ ri jàŋ, tì rì ɓiì saŋì mɛ̀saŋ ɓi cààmɛ̀n ki ki ghɛɛ̀sɛɛ.

FÌLÌPYƐŊ 2:16

ɓì rèrèsì ɓɔ ɓɔlɛ à cɛɓ; kìɓan kiǹ ki ri mɛ̀ ɓiì ɓaà kìɓan ki nkeŋkem miì ɓi ŋwos a Kiris, ki ki rèsi lɛ ǹkpuùkpùtɛ̀ngà ɓi, kɛ̀ɛ nki ɗiɗig mɛtɔɓ zɛy.

FÌLÌPYƐŊ 4:3

Ɓi ɓɛg ànɛ a lɔ̀ŋkɔɔ, wɔ̀ reŋkàŋ wɛ̀m à kìsay ànɛ ǹɗì rì ǹtyweeyi ri nyi, ǹtɔɔgh wɔ̀ lɛ, u ghɛɓsi ɓɔ; lɛ ɓɛ̀yiɓ ɓɛǹ ɓɛ ɗuùghà ǹɗaŋ ri mɛ̀ ɓi rìsààtì ɗi Syeesyee à Ɓɔlɛ lɔŋ yɛ̀ɛ Kilemaŋ rì ɓum ɓɛm̀bog ɓɛ tì salà rì ɓɔ ǹɗaŋ ɓɛɛ̀ɓɛ mii maa mɛ ri mɛ̀kànɛn ɓi kaàtà à cɛɓ.

KÒLÒSYƐŊ 1:11

Ɓaana rì ìtèɗ, ɓɛ̀ɓɛg ɓɛ̀cèm, ìtèɗ win wu ɓa wu ɓi rìkem ɗii, fɔɔnnɛ ɓì ɓiì ɓaà rì kìsììrì, ɓì ki yi rinìɗ ɗi nɗem lɛ kɔɔ̀kɔɔ̀.

TÈSÀLÒNÌSYƐŊ 1:3

Ɓi mis mɛ Bɛ̀ll à Seŋi wìs tì ti tì yitàg ɓyààmɛ̀n ɓìcèm mɛ̀kìkìì min mɛ ɓi rìgherɛ̀n, rì kìsay ki ǹkɔ̀nɛ̀n wiǹ a kìkì, rì rìsììrɛ̀n ɗin ɓi dyàɓɛn inɛ tì rì rì yɔ̀ ɓì Kan wìs Yeesus Kiris.

TÈSÀLÒNÌSYƐŊ 2:9

Ɓɔɔsoŋ̀ ɓì rì lɛ ɓì yitì kìsay ki tì kìghà, rì ǹtɔɓ wu tì wokà; tì ghagsìghà mìni Syeesyee à Ɓɔlɛ à Bɛ̀ll tì ki sasay lɛ rì ìru rì ŋwos lɛ ǹtɛ̀g wis wɛ̀ kɛɛ̀ siŋ wààdɛŋ ɓi nyòò.

TÈSÀLÒNÌSYƐŊ 5:12

Ɓɔɔsoŋ̀, tì tɔɔgh mìni lɛ ɓi ɓalag rì bɔgsɛ̀n ɓi san ànɛ a ɓumɓɛ ɓɛɛ̀ sasay ɓi nyìinyìn wìn, ɓɛ kɛɛ̀kɛ̀ɛ̀sì mìni ɓi cɛɓ ki Kan, ɓɛ ki rereɓ mini.

2 TÈSÀLÒNÌSYƐŊ 3:13

Ɓi san wìn, ɓɔɔsoŋ̀, kɛ̀ ɓi fɔy rikì ɗi kirɔɔ.

2 TÈSÀLÒNÌSYƐŊ 3:5

Kan a ki lɛ mɛ̀rem min mɛɛ tiŋi ɓi nkɔ̀nɛ̀n à Bɛ̀ll, rì rìnìɗ ɗi nɗem ɗi Kiris a falàg.

2 TÈSÀLÒNÌSYƐŊ 3:8

Mum à faghà ɓi ɓisi ɓìɗilàg ɓi ti ɗi zɛy, tì sasàlà lɔŋ lɛ rì ìru rì ŋwos, tì wowòg mɛ̀tɔɓ rì kìfɔli lɛ ǹtɛ̀g wis wɛ̀ kɛɛ̀ siŋ wààdɛŋ ɓi nyòò.

TIMOTE 4:10

Kìɓan ki ɓìsiì kpuukputɛ̀n, tì ki ɗùùɗuu miì ki ri lɛ, tì fogà dyàɓɛn yis ɓi Bɛ̀ll ànɛ à rì cem, à ki ɓa nghɛɓsì-ɓum ɓɛ̀cèm à ɓiisɛ̀n ɓɛ̀gherɛ̀n.

TIMOTE 5:17

Ɓɛ̀sɛ̀ɛ̀mɛn ɓɛ Kiseŋi ɓɛ ɓɛɛ̀ kɛ̀ɛkɛɛ̀sì ɓìɓan lɛ syeesyee, à ɓiisɛ̀n ɓɛ̀roɓɛ ɓɛɛ̀ teetekì ǹtɔɓ lɛ ɓɛɛ kakali ɓìɓan ɓi Bɛ̀ll ɓɛ ki rèresi ɓyɔ, ɓɛ ghɛɛ̀sɛɛ rì ǹyaasɛ̀n ànɛ à cee à ɓɛ̀ro ɓɛmbog gɛ̀n yiɓɛɛ̀.

EBIREEGH 10:36

Ki ghɛɛ̀sɛɛ lɛ ɓi ɓa rì kìsììrì, di fɔɔnnɛ ɓi roòzi rìkɔ̀n ɗi Bɛ̀ll, ɓì teɗ min com ki à kàkà mìni.

EBIREEGH 12:1

Nni fɔɔnnɛ ɓìsi girig, yɛ̀ɛ tì ti ɓɛ̀rìɓiyɛn ri ǹkun wu ɓɛwusìnɛ̀ɗ yɛ̀ɛ wu, tì ghɛ̀ɛ̀sɛɛ min ki càri com kìcèm ki ki ri ɓìsi ǹtɛ̀g, rì kìɓe ki ki ti kɛ̀ kɛɛ̀ tɔg ɓisi kìlaataagh, tì sììrɛ̀n ɓi mɛ̀ree mɛ ɓɛɛ̀ tɔtɔg ɓisi lɛ ti ghɛŋì.

EBIREEGH 13:13

Nni ti kɛ̀ɛna min a lɔ̀ŋkii, tì kpaŋdɛ̀n daŋdarààŋ rì jàŋ inɛ ɓum ɓɛ ri, tì ki kàɓɓɛn ntoòrìɗ wii.

EBIREEGH 6:10

Lɛ Bɛ̀ll à rì Bɛ̀ll à saaɗ, fɔɔnnɛ à yin lɛ à ɗimzɛ̀n kìsay kin, nsoò ǹkɔ̀nɛ̀n ànɛ ɓì rèsìghà nyi ɓi ɓìɓan ɓi ɓì ghɛɓsìghà ɓɛ̀gherɛ̀n, rì ɓi ɓì kaka ɓì ghɛɛ̀ghɛ̀ɓsì ɓɔ.

EBIREEGH 6:12

ɓi lèg ànɛ lɛ kɛ̀ ɓi rɛ̀gsi nyoo, ɓi nɔɔ̀ti lɔŋ ikòò wu ɓɛroɓɛ ɓɛ gherɛɛ, ɓɛ ki ɓa ri kìsììrì; ɓɛɛ ti ɓɛ tekì ɓìɓan ɓi Bɛ̀ll à kàkà lɛ rìkì ɗyaa ɗiǹ.

EBIREEGH 6:15

Abiraham à sììrɛ̀ngà ɓi rìɓoŋ ɗi nkàg wiǹ, nni à ki tekà com ki Bɛ̀ll à kàkà nyi.

2 PYƐƐRI 1:6

ɓi rìyi ɗìn aɗyoo, ɓì ɓɔ̀ɓtɛ̀n tì rìnìɗ ɗi nɗem; ɓi rìnìɗ ɗi nɗem ɗìn, ɓì sagtɛ̀ntì kìsììrì; ɓi kìsììrì kiǹ, ɓì foŋdì rìfalɛ̀n ɗi ɓi rìgherɛ̀n;

ÀPÒKÀLIƁSƐ̀ 1:9

Mɛ̀ zyaŋ ànɛ ǹɗì geni wìn, ǹɗì rì gàɓ lɛ rì ɓi mɛ̀tɔɓ, rì ɓi kìlɔ̀ŋ ki Bɛ̀ll rì ɓi rìsììrɛ̀n ɗi ɓi Yeesus, m̀ɓaghà ɓi kìrìŋ ki riɓày ki lɛ Patmos ɓisuu righagsì ɗi jɛ̀ɛ̀ ì Bɛ̀ll, ǹki tɛɛ̀zi saaɗ ànɛ ɓi kìɓan ki Yeesus.

ÀPÒKÀLIƁSƐ̀ 3:10

Lɛ ù ɓègà jɛ̀ɛ̀ yɛ̀m ɗì kìsììrì, fɔɔnnɛ mɛ̀ girig ǹɗì wɔ̀ ɓiì ɓèŋi ɓi cààmɛ̀n à mɛ̀fèèghrɛn mɛ mɛ ghɛɛ̀sɛɛ kì yùu ɓi ziinɛ bimiɗ lɛ mɛɛ feèghrɛn ɓum ɓɛ̀cèm ɓɛ ɓi ziinɛ.