ÀPÒKÀLIƁSƐ̀ 2:23 - Bafia Nouveau Testament

²³ Ǹɗì ɓiì cuusii ɓɔn ɓii, fɔlɔɔ nnɛ ɓìseŋi ɓìcèm ɓi ri ɓiì yiì lɛ mɛ̀ yɛɛ ri roànɛ à ti à sɔ̀gì mɛ̀yitì rì ɓìɓan ɓi ɓi ri ɓum ɓi mɛ̀rem ɓiɗùm, fɔɔnnɛ ǹɗì ɓiì lèɓi mum bimiɗ lɔŋ yɛ̀ɛ mɛ̀kìkìì mii mɛ ri.

ÀPÒKÀLIƁSƐ̀ 2:23 Iomraidhean Croise

MATYOO 16:27

Lɛ Man à mum à ɓiì yùu ɓi rìkem ɗi Seŋi rì ɓum ɓii ɓɛ titom, nni fɔɔnnɛ à ɓiì lèɓi mum ǹcèm lɔŋ yɛ̀ɛ rìkì ɗii ɗi ri.

LUKAS 16:15

Fɔɔnnɛ Yeesus à kpaaghà ɓɔ lɛ: Ɓì rì ɓumɓɛ ɓɛɛ kaakaa lɛ ɓum ɓɛdɛŋ ɓɛɛ ghɛǹ mìni lɛ ɓì rì ɓɛ̀saaɗ ɓɛ ɓum, wɔ̀lɛ Bɛ̀ll à yii mɛ̀rem min. Fɔɔnnɛ com kìcèm ki ki ri gìn i com ɓi nyìinyìm à ɓum, ki ri com ki Bɛ̀ll à ɓèèzɛɛ lɛɛ̀gwey.

ZYAŊ 21:17

Nni à kpaatìghà nyi ɓi gɛ̀n i kìraa lɛ: Simɔn man à Zyonas ù keesii nya mɛ̀? Pyɛɛri à ɓàg nyi lɛ: Kan, ù yii ɓìɓan ɓìcèm, ù ki yii lɛ ǹkeesii wɔ̀. Yeesus à kpaa nyi lɛ: Ɓèŋa jɔ̀ɔ̀ yɛm̀.

ZYAŊ 4:16

Yeesus à pɛ̀ɛ̀zì nyi lɛ: Kɛ̀nay kìreŋii yii wɔɔ̀, di u sugtiì fɛ.

MƐ̀KÌKÌÌ MƐ ƁƐKƐ̀NÌ-FÌTOM 1:24

Nni ɓɛ ɓɔŋzìghà Bɛ̀ll ɓɛ kpaa lɛ: Kan, wɔ̀ yɛɛ yii mɛ̀rem mɛ ɓum ɓɛ̀cèm, rèsi ɓìsi ghɛn innɛ ù ɓɔ̀ni ɓi ɓum ɓɛ kiɓɛ̀ɛ̀ ɓɛ

RÒMƐŊ 14:12

Fɔlɔɔ nnɛ mum ǹcèm ànɛ ɓi ɓìsi nyimìɗ yɛɛ ɓiì rèsii Bɛ̀ll cɛɓ ki à ghɛɓkà.

RÒMƐŊ 8:27

Nni Bɛ̀ll ànɛ à ti à ghɛngì yɛ̀ɛ mɛ̀rem mɛ ɓum mɛ ri ɓi ɗùm, à yii cɛ kɛɛ̀ki Ǹghay a kɔ̀nkɔn lɛ a tɔg, lɛ Ǹghay a ti à ɓɔ̀ŋzàg ɓisuu ɓum ɓɛ Bɛ̀ll lɔŋ yɛ̀ɛ rìkɔ̀n ɗi Bɛ̀ll ɗi ri.

2 KƆ̀RƐ̀ŊTYƐŊ 5:10

Ɓisuulɛ ɓìsi ɓɛ̀sɛ̀ɛ̀ ɓɛ̀cèm, tì ghɛ̀ɛ̀sɛɛ kì rɛlii ɓi mis mɛ Kiris lɛ a yɔm̀ ɓìsi, fɔlɔɔ nnɛ mum ǹcèm à ɓiì terì mɛ̀lèɓ mɛ mɛ ghɛɛ̀sɛɛ rì nyi, ɓi ɓìɓan ɓi à kìghà, nsoò ɓi syeesyee nsoò ɓi ɓeɓtɛn cààmɛ̀n ki à ɓaghà di a ka ghɛghɛɓ ɓi nyoo ì mɛ̀mùù.

GÀLAT 6:5

Ɓisuulɛ mum ncèm à rì ɓiì tɛ̀ɛgh ntɛ̀g wii nyimiɗ.

EBIREEGH 4:13

Ɓi ɓyom ɓi Bɛ̀ll à kìghà, com kidɛŋ ki yin nyi kìnyamɛn, ɓyom ɓìcèm ɓi ri ɓìghaniyɛn lɛ kpeènye-kpèènyèè ɓi mis mɛ roànɛ à ghɛ̀ɛ̀sɛɛ ɓìsi kì tɔɔ̀gh kìsay ki tì kìghà.

1 PYƐƐRI 1:17

I roànɛ à ti à yɔ̀mgì mum bimiɗ lɔŋ yɛ̀ɛ mɛ̀kìkìì mii mɛ ri kɛ̀ɛ̀ ǹlànag, innɛ ɓì ti ɓì regì ɓi bɔ̀ŋzɛ̀n yin lɛ Seŋi wìn, rèsiina lɛ ɓì risii nyi ɓi gàɓ ì cààmɛ̀n ìnɛ ɓi ghaaghagsì ɓi ziinɛ,

ÀPÒKÀLIƁSƐ̀ 2:11

Ŋwaànɛ à rì rì mɛ̀reè à ghɛ̀ɛ̀sɛɛ kì woògh com ki Nghay a kakali ɓiseŋi ɓi Kiris, ŋwaànɛ à rì ɓiì yagsaagh innɛ rìwu ɗi kiɓɛ̀ɛ̀ ɗyaa kòm ɓi.

ÀPÒKÀLIƁSƐ̀ 2:7

Ŋwaànɛ à rì rì mɛ̀reè à ghɛ̀ɛ̀sɛɛ kì woògh com ki Ǹghay a kakali Ɓiseŋi ɓi Kiris, ŋwaànɛ à rì ɓiì yagsaagh innɛ ǹɗì ɓiì faà kìɗùn ki kite ki cɛɓ ki ki ri ɓi pàràɗis à Bɛ̀ll.

ÀPÒKÀLIƁSƐ̀ 20:12

Fɔɔnnɛ ǹghɛngà ɓìloŋ lɛ rì ɓi ɓɛsɛ̀ɛ̀mɛn rì ɓi ɓɔɓti, di ɓi rɛrɛlii asu wu ikɔ̀ɔ̀ wu rilàmì. Ɓɛ ŋwaɗkà ɓɛ̀kaàtà, ɓɛ ŋwaɗtì kaàtà àdɛŋ ànɛ à rì kaàtà à cɛɓ. Fɔɔnnɛ ɓɛ yɔmgà ɓìloŋ ɓiǹ lɔŋ yɛ̀ɛ mɛ̀kìkìì maa mɛ ɓaghà, lèg ànɛ yɛ̀ɛ ki ɓaghà kì kànɛn ɓi ɓɛ̀kaàtà ɓɛǹ.

ÀPÒKÀLIƁSƐ̀ 20:13

Rìɓày à kìkòn à pɛ̀ɛ̀zìghà ɓìloŋ ɓi à ɓaghà rì ɓyɔ, rìwu rì tɛ̀ɛ̀, ɓi fa ɓìloŋ ɓi ɓyɔɔ ɓaghà rì ɓyɔ, fɔɔnnɛ ɓɛ yɔmgà mum bimiɗ lɔŋ yɛ̀ɛ mɛ̀kìkìì mii mɛ ɓaghà.

ÀPÒKÀLIƁSƐ̀ 22:12

Ghɛna, mɛ̀ yɛɛ̀ yùyuiy lɔɔ ɓi cààmɛ̀n ki, nki yùyuiy rì mɛ̀lèɓ mɛm̀ lɛ nleɓ mum bimiɗ lɔŋ yɛ̀ɛ rìkì ɗii ɗi ri.

ÀPÒKÀLIƁSƐ̀ 6:8

Fɔɔnnɛ ǹghɛngà zòm i kìmbɛ̀rɛ̀; nyoo ì zòm inɛ̀n ì ɓaghà ɓi mis yɛ̀ɛ rùnì. Ŋwaànɛ à ɓaghà miì aɗyoo ɗii lɛ rìwu, kìlɔ̀ŋ ki nyɔ̀ɛ̀y ki nɔɔ̀nɔ̀ɔ̀tìì nyi ajɛ̀m. Fɔɔnnɛ ɓɛ faghà ɓɔ ìtèɗ ɓi kìlànà kìfog ki ɓi ɓìlànà ɓi zi ɓi kinìn lɛ ɓɛɛ cuùsi ɓum lɛ rì gàfàg, rì zày, rì tìroɓ ti ceeceèrɛ̀n, rì nyàm yi ɓaaɓanɛ̀n yi ɓi ziinɛ.