ÀPÒKÀLIƁSƐ̀ 2:2 - Bafia Nouveau Testament

² Ǹ-yii mɛ̀kìkìì mɔɔ, ǹ-yii kìsay kɔɔ rì kìsììrì kɔɔ. Ǹ-yii lɛ ù yin lɛ ù cenɛ̀n ɓìɓeɓtàg ɓi ɓum, wɔ̀ɔ nfèèghrɛ̀ ɓumɓɛ ɓɛ nkpaakpaa lɛ ɓɔɔ ri ɓɛ̀kɛ̀nì-fìtom, kɔm̀ lɛ ɓɛ yin ɓɛkɛ̀nì-fìtom, fɔɔnnɛ wɔ̀ɔ nghɛɛ lɛ ɓɛ ri ɓɛ̀pwààpwaà.

ÀPÒKÀLIƁSƐ̀ 2:2 Iomraidhean Croise

MATYOO 7:23

Fɔɔnnɛ ǹkalii gɛ ɓɔ lɛ tɛntɛ̀ɛ̀n lɛ, ǹka yighà ɓi mini nsoò ŋwos bog, pɛ̀sɛɛna mɛ̀ ɓi mis, mìni ɓɛ̀kìì-ɓìɓe ɓɛ!

ZYAŊ 6:6

Yeesus à kpaaghà fɔlɔɔ lɛ, a feèghrɛn Filiɓ lɛ, nyimiɗ a yighà com ki à rì ɓiì kìi.

GÀLAT 1:7

Ɓi saaɗ Syeesyee à Ɓɔlɛ àdɛŋ à yiìdi wɔɔ, kìɓan kifog ɓum ɓɛdɛŋ ɓɛɛ̀ ɓùuɓuùsì mìni, ɓɛ kaakàà lɛ ɓɛɛ ruùsi Syeesyee à Ɓɔlɛ à Kiris.

EFÈZYƐŊ 4:14

Fɔlɔɔ nnɛ tyàa ɓa ti ɓi ɓɔɓti ɓɛ ɓɛ ri kɛ̀ɛ̀ goo, ɓɛ ɓɛ ri lɛ rì rìkuu ɗi dɔgtɛ̀n ɗiǹ miì ɓɛ nɔɔ̀tì, ɓum ɓɛ yeèghyègsì ɓɔ lɛ rì momzɛ̀n maa, rì mɛ̀ghèy mɛ ɓɛ ti ɓɛ syogì ɓum miì ɓi rìnàn.

TÈSÀLÒNÌSYƐŊ 1:3

Ɓi mis mɛ Bɛ̀ll à Seŋi wìs tì ti tì yitàg ɓyààmɛ̀n ɓìcèm mɛ̀kìkìì min mɛ ɓi rìgherɛ̀n, rì kìsay ki ǹkɔ̀nɛ̀n wiǹ a kìkì, rì rìsììrɛ̀n ɗin ɓi dyàɓɛn inɛ tì rì rì yɔ̀ ɓì Kan wìs Yeesus Kiris.

TÈSÀLÒNÌSYƐŊ 5:21

Kìɓan kifog, fiɓɓaaghna ɓìɓan ɓìcèm lɛ syeesyee, ɓi ɓi rɔɔtɛɛ ɓyɛɛ̀ɓi ɓì ɓèŋ.

2 TIMOTE 2:19

Nsoò fɔlɔɔ kìgɔ̀ŋgɔ̀m ki mɛɛ ki Bɛ̀ll à yàghɛ̀ngà kìtoŋ miì ki kaka lɛ kpeg-kpeg. Jɛ̀ɛ̀ ì rì miì ǹkànɛn yɛ̀ɛ sìtam̀ lɛ: Kan à yii ɓɛ̀roɓɛ ɓɛ ri ɓɛŋkìì; fɔɔnnɛ mum ǹcèm ànɛ a rereŋi ɗii ɗi Kan, à ghɛ̀ɛ̀sɛɛ lɛ à sɔ̀ŋì ìkòò wii ɓi kìɓe.

EBIREEGH 6:10

Lɛ Bɛ̀ll à rì Bɛ̀ll à saaɗ, fɔɔnnɛ à yin lɛ à ɗimzɛ̀n kìsay kin, nsoò ǹkɔ̀nɛ̀n ànɛ ɓì rèsìghà nyi ɓi ɓìɓan ɓi ɓì ghɛɓsìghà ɓɛ̀gherɛ̀n, rì ɓi ɓì kaka ɓì ghɛɛ̀ghɛ̀ɓsì ɓɔ.

1 ZYAŊ 4:1

Mìni ɓum ɓɛm ɓɛ nɗem, kɛ̀ ɓi siighrag ɓi mum ǹcèm ànɛ à kpaa lɛ, à rì rì Nghay à Bɛ̀ll; fèèghraaghna mɛ̀kuu mɛ ɓum mɛ̀n, lɛ ɓi yi ǹkòo ǹghay wu ɓɛ ri rì wɔ, wu ri wu Bɛ̀ll ɓisuulɛ ɓɛ̀pwààpwaà ɓɛ ɓɛkpaŋzì-ɓìɓan ɓɛ ti ɓi ziinɛ lɛɛ̀gwey.

ÀPÒKÀLIƁSƐ̀ 2:5

Yiti min jàŋ inɛ wɔ̀ɔ nkpìi, u lɔgti rìkì, ù tumɛn rìkìkì ɗi ɓiɓan ɓi ù kìkìghà ǹtonto, kɛ̀ɛ̀ fɔlɔɔ di ǹɗì ɓiì yùu a lɔ̀ŋkɔɔ, m̀pisì kìrɛsì ki lamɓà wɔ̀ɔ̀ jàŋ inɛ ki ri, di ù ɓèni kìcenɗɛɛ.

ÀPÒKÀLIƁSƐ̀ 2:6

Nsoò fɔlɔɔ kìɓan ki syeesyee ki ù rì rì kɔ ki ri lɛ, ù ɓèèzɛɛ mɛ̀kìkìì mɛ Nikolayit mɛ mɛ ti mɛ ɓeɓkì girig mɛ̀.

ÀPÒKÀLIƁSƐ̀ 2:9

Ǹ-yii ǹtɔɓ wu ɓɛɛ̀ kìki wɔ, rì kìsowà kɔɔ, kɔm̀ lɛ ù rì rì ìkum; ǹ-yii lɛ ɓumɓɛ ɓɛɛ̀ reereŋɗɛ̀n lɛ ɓɛ ri Ɓɛ̀yudɛ̀n ɓɛ̀ kɛɛ̀ ki ɓa Ɓɛ̀yudɛ̀n, ɓɛɛ yooyogsì wɔ̀ ɗii; ɓɛ ri lɔŋ ntaŋzɛn wu Satàn.

ÀPÒKÀLIƁSƐ̀ 3:1

Kàna ŋwaà-fìtom anɛ ɓi Kìseŋi ki a Saridɛ lɛ, fɛlɛ nnɛ roànɛ à rì rì mɛ̀ghay mɛ Bɛ̀ll mɛ kitaàɓɛ̀ɛ̀ rì tyɔɛy ti kitaàɓɛ̀ɛ̀ a kpaaghì: Mɛ̀ ǹ-yii mɛ̀kìkìì mɔɔ, u keŋkem lɛ ù rì cencem kɔm̀ lɛ ù rì kìloŋ.

ÀPÒKÀLIƁSƐ̀ 3:15

Ǹ-yii mɛ̀kìkìì mɔɔ, ù rì lɛ, kɔ̀ɔ kèŋmɛn, kɔ̀ɔ ki tɔ̀n. I wàa ka rì ɓà lɛ ù kèŋmɛ̀n, nsoò lɛ ù tɔ̀n.

ÀPÒKÀLIƁSƐ̀ 3:8

Ǹ-yii mɛ̀kìkìì mɔɔ. Ghɛna, mɛ̀ yɛɛ foŋi ìsuunaa wu wu ri kìkpaŋ asu wɔɔ, wɛɛ̀wu ŋwaàdɛŋ à yin lɛ à sìm ɓisuulɛ ù ɓiisɛɛ ɓi ki ɓaà rì ìtèɗ, kɔm̀ lɛ ù ɓègà jɛ̀ɛ̀ yɛ̀m kɔ̀ɔ ki roòzɛn mɛ.