ÀPÒKÀLIƁSƐ̀ 2:18 - Bafia Nouveau Testament

¹⁸ Kàna ŋwaà-fìtom anɛ ɓi Kìseŋi ki à Tyatiir lɛ: Fɛlɛ nnɛ Man à Bɛ̀ll ànɛ mis mɛ ri yɛ̀ɛ ǹɗòò wu ɗuu, mɛ̀kòò yɛ̀ɛ rìkuu ɗi swiɗ ɗiɗɛŋ, a kalàg:

ÀPÒKÀLIƁSƐ̀ 2:18 Iomraidhean Croise

MATYOO 17:5

Yɛ̀ɛ Pyɛɛri à ɓaghà di a ka tòtog fɔlɔɔ nni coo kikwìɗ ki lònlomɛn ki sìgtɛ̀ngà ɓɔ. Fɔɔnnɛ jɛ̀ɛ̀ ì tòòghrɛ̀ngày ɓi kìkwìɗ kiǹ, ì kpaa lɛ: Roànɛ à rì Man wɛm̀ à nɗem , ɓi nyi innɛ ǹfogà ǹkɔ̀nɛ̀n wɛ̀m bimiɗ, wooghna nyi.

MATYOO 27:54

Yɛ̀ɛ ǹkɔ̀mɛ̀n ɓɛ̀sujàà, rì ɓumɓɛ à ɓaghà ɓiì ɓèŋɓeŋi Yeesus rì ɓɔ ɓɛ ghɛngà di zi i nyɛ̀ŋɗɛɛ, ɓɛghɛɛdi ɓìɓan ɓimbog ɓi ɓi kilɛ̀ngà ɓiǹ, nni ɓɛ risìghà lɛɛ̀gwey, ɓɛ kpaa lɛ: Yeesus àa ǹɗì Man à Bɛ̀ll a tààkaà.

MATYOO 3:17

Nni jɛ̀ɛ̀ ì ɓaghày ɓi ɗyoo ì kpaa lɛ: Roànɛ à rì Man wɛm̀ ànɛ ǹkeesii, ɓi nyi nnɛ ǹfogà ǹkɔ̀nɛ̀n wɛ̀m bimiɗ.

LUKAS 1:35

Ŋwaàfìtom a pɛ̀ɛ̀zì nyi lɛ: Kìtɛntɛ̀ɛ̀n ki Nghay ki rì ɓiì yùu a lɔ̀ŋkɔɔ, fɔlɔɔ nnɛ ìteɗ wu Bɛ̀ll ànɛ à teŋmɛɛ kɛ̀ɛ̀ vèg wu rì wɔ̀ ɓiì ɓyɔɔ. Fɔlɔɔ nnɛ ɓɛ ri regi kìtɛntɛ̀ɛ̀n ki Man ki ù ɓiì yalì lɛ: Man à Bɛ̀ll.

ZYAŊ 1:14

Fɔɔnnɛ jɛ̀ɛ̀ ì ghalà mum ànɛ à ghɛɓkà ɓi nyìinyìm wìs, ǹɗonɛn, rì geesɛ̀n, rì saaɗ, tì ki ghɛngà rìkem ɗii, rìkem ɗìn ɗi ki ɓa ɗi mbobog à Man ànɛ à pɛ̀sɛ̀ngày yɛ̀ɛ Seŋì.

ZYAŊ 1:49

Fɔɔnnɛ Natanayɛl à kpaaghà min Yeesus lɛ: Raɓì, ù rì Man à Bɛ̀ll, ù rì rìfòm ɗi Isirayɛl.

ZYAŊ 10:36

mìnii kalì roànɛ Bɛ̀ll à ɓɔ̀ngà à rom yì lɛ à sɛɛtii Bɛ̀ll, ɓisuulɛ màa kalii lɛ, ǹɗì Man à Bɛ̀ll?

ZYAŊ 3:16

Lɛ Bɛ̀ll à keesìghà ziinɛ à pyàŋdàg fɔlɔɔ nnɛ à faghà m̀bobog wìì a Man lɛ ŋwaànɛ à gherɛɛ nyi kɛ̀ɛ wu, a ɓa lɔŋ ri cɛɓ ki fiɗyàɓ fikɔ̀ɔ̀.

ZYAŊ 3:18

Ŋwaànɛ à gherɛɛ nyi à yiìdi ri bɛ̀lɛn wɔ̀lɛ roànɛ à gherɛɛ ɓi nyi yɛɛ ti rì bɛ̀lɛn ɓisuulɛ, à gherɛ̀ngà ɓi mbobog à Man à Bɛ̀ll.

ZYAŊ 5:25

Nkpaa mìni kɔɔ̀kɔɔ̀ à rìkpaa lɛ cààmɛ̀n ki riì, kiŋcèm kɛɛ ti lɛ, kɛɛ̀ki ɓìloŋ ɓi ɓiì woògh jɛ̀ɛ̀ ì Man à Bɛ̀ll. Fɔɔnnɛ ɓɛ̀roɓɛ ɓɛ ri ɓiì woògh jɛ̀ɛ̀ yìì, ɓɛ ɓiì ghɛɓì.

MƐ̀KÌKÌÌ MƐ ƁƐKƐ̀NÌ-FÌTOM 16:14

Giɓ àdɛŋ à ɓaghà wɔɔ ɗii lɛ Lidyaa àa m̀ɓɔgsàg Bɛ̀ll, à ɓaghà ǹkìì-dùne ì ɓìsyeesyee ɓi ɓilàà ɓi ɓàŋ ɓi bàn ì Tyatiir, à ramgà mɛ̀reè lɛ syeesyee lɛ a wog ɓìtòkì ɓis, fɔɔnnɛ Kan à nɛmgà nyi ǹɗem lɛ a konag kì woògh ɓìtòkì ɓi Pol.

MƐ̀KÌKÌÌ MƐ ƁƐKƐ̀NÌ-FÌTOM 8:36

Yɛ̀ɛ ɓɛ kɛɛdìghà tì beèbɛ̀y, nni ɓɛ kpagà ɓi kìràà, ŋwaànɛ̀n à tɔg Filiɓ lɛ: Mɛ̀nig mɛɛ̀mɛ, cɛ kɛɛ regtii lɛ kɔ̀ɔ ɓàɓti mɛ?

RÒMƐŊ 1:4

Ɓi san ànɛ a Kìtɛntɛ̀ɛ̀n ki Nghay, ki ghɛnɛ̀n lɛ à rì Man à Bɛ̀ll, rì ìtèɗ, ɓi rìghèmɓɛ̀n ɗi à ghèmɓɛ̀ngày a ɓìloŋ.

RÒMƐŊ 8:32

Nyi ànɛ à kèŋìghà ɓi Man wiì à nyimiɗ, à faghà Man ànɛ̀n ɓisu wis ɓɛsɛ̀ɛ̀ ɓɛ̀cèm, nni lannɛ à rì ɓiì rɔ̀ɓi kɛ̀ɛ fa ɓisi ɓìɓan ɓìcèm bas rì Man wiì lɛ geesɛ̀n yìì.

ÀPÒKÀLIƁSƐ̀ 1:11

jɛ̀ɛ̀ ì kpaakpààghà lɛ: Kàna com ki ù ghɛɛ ɓi bimiɗ à kaàtà, u rom̀ kaàtà ànɛ̀n a Ɓìseŋi ɓi kitaàɓɛ̀ɛ̀ ɓi a Efɛɛzɛ, rì a Simirinɛ, rì a Pɛrigam, rì a Tyatiir rì a Saridɛ, rì a Filadɛlfii, rì a Lawodise.

ÀPÒKÀLIƁSƐ̀ 2:1

Kàna ŋwaà-fìtom anɛ ɓi Kìseŋi ki Kiris ki a Efɛɛzɛ lɛ: Roànɛ à wowotii tyɔɛy ti kitaàɓɛ̀ɛ̀ ɓi weèlem wìì, roànɛ a kɛ̀ɛ̀kɛɛ ɓi nyìinyìm à ɓìrɛsì ɓi lamɓà ɓi gol taàɓɛ̀ɛ̀ a kalag fɛlɛ̀:

ÀPÒKÀLIƁSƐ̀ 2:24

Wɔ̀lɛ ɓi ɓɛg ànɛ a lɔ̀ŋkin, rì ɓum ɓɛmbog ɓɛ̀cèm ɓɛ a Tyatiir ɓɛ ɓì nɔ̀ɔ̀tìghà ɓi dɔgtɛ̀n ìnɛ̀n, kɛ̀ ɓi ki tim lɛ ɓi yi com ki ɓɛ ti ɓɛ regì lɛ ɓìɓan ɓi Satàn ɓi rim, mɛ̀ ǹfoŋdii ɓi mini ǹtɛ̀g wudɛŋ.