ÀPÒKÀLIƁSƐ̀ 2:14 - Bafia Nouveau Testament

¹⁴ Nsoò fɔlɔɔ, ǹɗì rì ɓìɓan ɓidɛŋ ɓi ɓi ɓeɓi mɛ̀ rì wɔ̀; ù rì foo ri ɓum ɓɛdɛŋ ɓɛ ɓɛɛ̀ nɔ̀ɔnɔɔ̀tì dɔgtɛ̀n ì Balam; Balam àa nɗèsàg Balag lɛ a ki com ki lɛ ɓɔn ɓɛ Isirayɛl ɓɛɛ kɛɓtɛn fìɓàg lɛ ɓɛ ɗii ɓyɛn ɓi nyàm yi ɓɛ funɛɛ ɓi rìɓɔgsì ɗi ɓinùn, ɓɛ ki ɗiŋi ɓi rìkìkì ɗi tisɔ̀mɔ̀g.

ÀPÒKÀLIƁSƐ̀ 2:14 Iomraidhean Croise

MATYOO 18:7

Nyìighnyìg rì ziinɛ lɛ ɓìɓan ɓi kɛ̀ɛkɛɓtìyɛ̀n ɓum tìɓàg ɓi ri miì. Tìɓàg ti yin lɛ ti taŋ̀, kìɓan kìfog, nyìighnyìg rì ŋwaànɛ à rì ɓiì kɛ̀ɓtii romum fìɓàg.

MƐ̀KÌKÌÌ MƐ ƁƐKƐ̀NÌ-FÌTOM 15:29

Kɛ̀ ɓi ɗi ɓyɛn ɓi nyàm ìnɛ ɓɛ woli ɓi rìɓɔgsì ɗi ɓinùn, rì bwaɓ, rì ɓyɛn ɓi nyàm ìnɛ ì wii lɛ swììɗ, kɛ̀ ɓi kì tisɔ̀mɔ̀g, i ɓì lɛɛgh ɓìɓan ɓiǹ, di ɓì konaagh, ÒO òona yàà!

MƐ̀KÌKÌÌ MƐ ƁƐKƐ̀NÌ-FÌTOM 21:25

Ɓi ɓɛg ànɛ a ɓum ɓɛ zɛy ɓɛ ɓɛ ti ɓɛ̀gherɛ̀n, tì kàngà ɓɔ ɓìɓan ɓi tì rengà lɛ, ɓɛɛ celi ɓyɛn ɓi nyàm ìnɛ ɓɛ woli ɓi rìɓɔgsì ɗi ɓinùn ɓi zɛy rì zɛy, ɓɛ celì tì bwaɓ yi nyàm ìnɛ ì wii lɛ swììɗ, rì tìsɔ̀mɔ̀g.

RÒMƐŊ 11:9

Davit à kpaa girig lɛ: Teɓèrè wàà a ɓìɗilàg à ghɛ̀ɛ̀sɛɛ kì ɓaà fìram fi fi ri fìgheŋdiyɛn ɓisu waa, nsoò lɛ dam ìnɛ ì ghɛ̀ɛ̀sɛɛ ɓɔ kì wɔɔsii, rì com ki kɛɛ kɛɓti ɓɔ fìɓàg, lɛ ɓɛɛ teɗ mɛ̀lèɓ,

RÒMƐŊ 14:13

Tì ghɛ̀ɛ̀sɛɛ min ki càri kiɓan ki rifiìfìɓɓɛ̀n ɗì rìfaàfàlɛ̀n, ɗi zɔɔ ɓi nyìinyìm wìs; ǹɗɛli wu ɓì ghɛ̀ɛ̀sɛɛ kì terì wu ri lɛ; kɔ̀ɔ kì kiɓan ki ki ri lɛ ki kɛɓtì goni fìɓàg nsoò lɛ ki tinì nyi lɛ a kpi ɓi kìɓe.

RÒMƐŊ 14:21

Kìɓan ki ki ri syeesyee à kìɓan ki ri lɛ, kɔ̀ɔ ɗi ɓyɛn, kɔ̀ɔ nɔ mɛrɔ̀g, ù lɛg com ki ki ri lɛ ki kɛɓtì goni fìɓàg.

RÒMƐŊ 9:32

Ɓisuucɛ nnɛ ki kilɛ̀ngà fɔlɔɔ? Ɓisuulɛ Isirayɛl à kaakààghà ɓi riɓa ɗi lɛ saaɗ ɗiǹ ɓi rìgherɛ̀n. Ɓɔɔ fefèkà lɔŋ lɛ ɓɛ ri ɓiì ɓaà lɛ saaɗ ɓi mis mɛ Bɛ̀ll lɛ mɛ̀kìkìì maa, ɓɛ ɓagtɛ̀ngà ɓi gɔ̀g ìnɛ ì rì rì fìɓàg,

1 KƆ̀RƐ̀ŊTYƐŊ 1:23

Wɔ̀lɛ ɓìsiì làalam̀ɓɛ̀n Kiris ànɛ ɓɛ kpangà ɓi kɔrɔs aɗyoo, kìɓan kiǹ ki ri kìɓan ki kɛɛ̀ kɛ̀ɛkɛɓtì Ɓɛ̀yudɛ̀n fìɓàg, ki ɓa kìɓan ki kiyèg ɓisuu ɓumɓɛ ɓɛ yin Ɓɛ̀yudɛ̀n.

1 KƆ̀RƐ̀ŊTYƐŊ 7:2

Kìɓan kifog, ɓi ɗi lɛ cɛɓ ki tisɔ̀mɔ̀g kɛ̀ kɛɛ̀ sàà, baŋì bimiɗ ì ghɛ̀ɛ̀sɛɛ kìɓaà rì giɓ wiì à nyimìɗ, giɓ bimiɗ à ɓa rì yii wiì.

EBIREEGH 13:4

Ɓum ɓɛ̀cèm ɓɛ ghɛɛ̀sɛɛ kì kuughraagh riwɛy; naa ì rìwɛy ì ɓa kɛ̀ɛ̀ ɓìɓan ɓi tifin ɓisuulɛ Bɛ̀ll à rì ɓìi yɔ̀mi ɓum ɓɛ kitɔɓi rì ɓɛ̀kìì-tìsɔ̀mɔ̀g.

1 PYƐƐRI 2:8

Ɓɛ ti ɓɛ kpilàg miì lɛ ɓɛ ɓengà kì woògh jɛ̀ɛ̀ ì Bɛ̀ll, fɔlɔɔ nnɛ ki ghɛɛ̀sɛ̀ngà kì ɓaà ɓisu waa.

2 PYƐƐRI 2:15

Yɛ̀ɛ ɓɛ caɗkà bee ì syeesyee ɓɛ kɛǹ kì pasɛɛ ɓi bee i Balam à man à Beɔr ànɛ à keesìghà rìfɔ̀n ɗi mɔ̀ɔ̀ni ɓi bee ì kìtɛ̀ŋtɛ̀ŋ,

ZYUUDƐ 1:11

Nyìighnyìg rì ɓɔ, lɛ ɓɛ nɔɔ̀tìghà ɓìɓɔ̀ɓ ɓi kayin, ɓɛ mɛ kɛ̀n ki tɔlɛɛ ɓi rìnàn ɗi Balam à nàngà lɛ mɔ̀ɔ̀ni; rìkuu ɗi ntoògwey ɗi Koree ɗyɛɛ mɛ kì lɛ ɓɛɛ ɗyaŋ̀.

ÀPÒKÀLIƁSƐ̀ 2:20

Kìɓan kifog kìɓan ki ki ɓeɓi mɛ̀ rì wɔ̀ ki ri lɛ, ù ti ù càɗkì giɓ anɛ lɛ Zyezaɓɛl ànɛ à ti à kalàg lɛ à rì ǹkpaŋzì-ɓìɓan lɛ a reresi, à ki syòŋsyoŋ ɓɛ̀kìì-ɓìsay ɓɛm lɛ ɓɛɛ ɗiŋi ɓi tìsɔ̀mɔ̀g ti kìkiyɛn, ɓɛ ki ɗiɗi ɓyɛn ɓi nyàm ìnɛ ɓɛ funɛɛ ɓi rìɓɔgsì ɗi ɓinùn.

ÀPÒKÀLIƁSƐ̀ 2:4

Wɔ̀lɛ kìɓan ki ǹɗì wɔ̀ rì kɔ ki ri lɛ wɔ̀ɔ ncàri ǹkɔ̀nɛ̀n ànɛ ù ɓaghà rì nyi ǹtonto.

ÀPÒKÀLIƁSƐ̀ 21:8

Wɔ̀lɛ ɓi ɓɛg ànɛ a ɓɛ̀riris, rì ɓumɓɛ ɓɛ gherɛɛ ɓi, rì ɓɛ̀kìì-ɓìɓan ɓi ɓeɓtɛn, rì ɓɛ̀wolì ɓum, rì ɓɛ̀kìì-tìsɔ̀mɔ̀g, rì ɓɛ̀kìì-majìg, rì ɓɛ̀kìì-ɓìnùn, rì ɓɛ̀pwààpwaà ɓɛ̀cèm, gàɓ yàà i ɓaa gɛ ɓi kìràà ki ɗuu ɗi ghɛ̀g-ghɛ̀g rì ǹdùsi, kɛɛ ri rìwu ɗi kiɓɛ̀ɛ̀.

ÀPÒKÀLIƁSƐ̀ 22:15

Ɓɛ̀kìì-ɓìɓan ɓi ɓeɓtɛn rì ɓɛ̀kìì-majìg, rì ɓɛ̀kìì-tìsɔ̀mɔ̀g, rì ɓɛ̀wolì-ɓum, rì ɓɛ̀kìì-ɓìnùn, rì mum ǹcèm ànɛ à ti à keesàg rìkì ɗi ɓɛpwàà, ɓɛ ri ɓiì rɔ̀ɓi ɓi dan, ɓɛ̀ kɛɛ̀ ɗiŋi ɓi bàn ìnɛn.