ÀPÒKÀLIƁSƐ̀ 2:13 - Bafia Nouveau Testament

¹³ Ǹ-yii jàŋ inɛ ù kɔ̀kɔrii, jàŋ inɛ̀n yɛɛ̀ nnɛ ìkɔ̀ɔ̀ wu Satàn wu rilàmì wu ri, kìɓan kifog ù rì lɔŋ ǹsììrɛn ɓi ɗii ɗyɛ̀m, ù roòzɛ̀ngà ɓi ntyweeyi wu ù rì rì wɔ a lɔ̀ŋkɛm̀, nsoò ɓi mɛ̀ru mɛ ɓɛ wolà wusìnɛ̀ɗ wɛ̀m à ǹtyweeyi ànɛ lɛ Antipas a lɔ̀ŋkin jàŋ inɛ Satàn a kɔ̀kɔrii.

ÀPÒKÀLIƁSƐ̀ 2:13 Iomraidhean Croise

MATYOO 10:23

I ɓɛ kii mìni ǹtɔɓ ɓi bàn ìdɛŋ, ɓì ghɛŋì ɓi bàn ìmbòg; ǹkalii mìni ɓi saaɗ lɛ, ɓyàa pumzɛn ɓi bàn yi a Isirayɛl yìcèm di Man à mum à ka yuiy ɓi.

MATYOO 24:9

Fɔɔnnɛ ɓɛ ri mìni ɓiì ɓangii, ɓɛ ki lɛ ɓi woòg mɛ̀tɔɓ, ɓɛ weeyì mìni, ɓìlɔ̀ŋ ɓìcèm ɓi ri mìni ɓiì ɓèèzɛɛ ɓisu wɛ̀m.

MATYOO 4:10

Nni Yeesus à ɓàkà nyi lɛ: Satàn, pɛ̀sɛn mɛ̀ ɓi mis! Lɛ ki ri kì kànɛn lɛ: Ù ghɛ̀ɛ̀sɛɛ kì ɓɔgsii Kan Bɛ̀ll wɔ̀ɔ̀, lɔŋ nyi cɛ̀ncii nnɛ ù kì kìsay.

LUKAS 21:17

Ɓum ɓɛ̀cèm ɓɛ ri mìni ɓiì ɓèèzɛɛ ɓisu wɛ̀m.

MƐ̀KÌKÌÌ MƐ ƁƐKƐ̀NÌ-FÌTOM 22:20

Yɛ̀ɛ ɓɛ wowɔlà wusìnɛ̀ɗ wɔ̀ɔ̀ ànɛ lɛ Ityɛn mɛɛ̀miɗ m̀ɓaghà wɔɔ, mɛ̀ m̀ɓaghà girig ɓijɛ̀m ì ɓɛ̀roɓɛ ɓɛ wolà nyi ɓɛ̀n, mɛ̀ yɛɛ ki ɓèŋɓèŋgà ɓìlàà ɓyaa.

MƐ̀KÌKÌÌ MƐ ƁƐKƐ̀NÌ-FÌTOM 9:14

Nni ɓi ɗi à rì ɗi fɛ, ɓɛ̀pìrɛɛtìrɛ̀ ɓɛgwey ɓɛ nfaa nyi ìtèɗ wulɛ a ɓangi ɓum ɓɛ̀cèm ɓɛ ɓɛɛ̀ rereŋi ɗii ɗyɔɔ, à ki fogi ɓɔ ɓi ɓìsɔŋ.

TÈSÀLÒNÌSYƐŊ 5:21

Kìɓan kifog, fiɓɓaaghna ɓìɓan ɓìcèm lɛ syeesyee, ɓi ɓi rɔɔtɛɛ ɓyɛɛ̀ɓi ɓì ɓèŋ.

TIMOTE 5:8

I mum à yii ɓi rìɓèŋ ɗi ɓum ɓii, à ɓiisɛ̀n rìmɛɛ ɗii, di à roòzɛɛ rìgherɛ̀n; rìkuu ɗi mum ɗi fɔlɔɔ ɗi ɓeɓtɛɛ ɗi cee ŋwaànɛ à yin ngherɛ̀n.

2 TIMOTE 1:13

Tera ɓɛ̀kɔɔ̀kɔɔ̀ ɓɛ ɓiɓan ɓɛ ù wokà a lɔ̀ŋkɛm̀, ɓɛɛ ɓa wɔ̀ kìrèmzɛnà ù ki sììrɛn ɓi ntyweeyi rì ǹkɔ̀nɛ̀n, ɓi tì rì rì ɓyɔ ɓi Yeesus Kiris ɓiɗùm.

2 TIMOTE 2:12

I tì sììrɛɛ tyɛ̀ ki càrɛn lɛ mɛ̀tɔɓ, tì rì ɓiì làmii girig nɗaŋ ɗi nyi; I tì roòzɛɛ nyi, nyii roòzɛɛ gɛ girig ɓìsi.

EBIREEGH 10:23

Ti ɓèŋina dyàɓɛn inɛ ti làalam̀ɓɛ̀n, tì sììrɛ̀n ɓisuulɛ Bɛ̀ll ànɛ à faghà ǹkàg roòzag mɛkàg mii.

EBIREEGH 3:6

Wɔ̀lɛ Kiris à rì rì mɛ̀wog fɛlɛ yɛ̀ɛ Man ànɛ àrì beèbɛ̀y ɓi naa yìì; naa ìnɛ̀n yɛ̀ɛ ri lɛ ɓìsi, i tì ɓèŋi à kpaŋ a rìsugtɛ̀n lɛ rì kɔɔ̀kɔɔ̀ à ǹtyweeyi rì dyàɓɛn inɛ ti saasanɛ̀n.

ZYAG 2:7

Àa ɓɔ yɛɛ ti ɓɛ fengàg syeesyee à ɗii ànɛ ɓì tɛ̀tɛɛgh?

ÀPÒKÀLIƁSƐ̀ 1:5

rì lɛ rìfa ɗi Yeesus Kiris ànɛ à rì wusìnɛ̀ɗ à ǹtyweeyi, ànɛ à rì Man à ǹtonto ànɛ à lokà kìghèmɓɛɛ yi a ɓìloŋ, à ki ɓa ti nkɔ̀mɛ̀n mɛ̀fòm mɛ ɓi ziinɛ. Roànɛ a keesag ɓisi, roànɛ à kwèɗkà ɓìsi ɓi ɓìɓe ɓis rì bwaɓ yii,

ÀPÒKÀLIƁSƐ̀ 11:3

Fɔɔnnɛ ǹfaa gɛ ɓɛ̀wusìnɛ̀ɗ ɓɛm ɓɛ kiɓɛ̀ɛ̀ ìtèɗ wulɛ ɓɛɛ kpaŋzi ɓìɓan ɓi Bɛ̀ll mɛ̀ru tɔɔsìm ɓɛ̀hɔnɗɛ̀ɗ ɓɛɓɛɛ̀ rì mɛ̀ru mɛ̀tin mɛraa.

ÀPÒKÀLIƁSƐ̀ 12:11

Ɓɛ mɛ yag nyi ɓi wɛ̀y lɛ bwaɓ yi Man à jɔ̀ɔ̀, rì jɛ̀ɛ̀ ìnɛ ɓɛ nɗèresii saaɗ ànɛ miì; ɓɛ nki keesii ɓi ɓyɛɓ ɓyaa à kpaŋ lèg ànɛ lɛ ɓɛɛ risi rìwu.

ÀPÒKÀLIƁSƐ̀ 13:2

Nyàm ìnɛ ǹghɛngà ìnɛn ì pisɛ̀ngà ǹgɔn, mɛ̀kòò mɛ yɔ̀ mɛ ɓa yɛ̀ɛ mɛ̀kòò mɛ kpaò, ŋwɔm wu yɔ̀ wu ɓa yɛ̀ɛ ŋwɔm wu kimonɗo. Kìnààgɔ̀n ki tekà lɛ, rì ìtèɗ wu ki ɓaghà rì wɔ, rì ìkɔ̀ɔ̀ wu rilàmì, rì coo itèɗ wu rilàmì, ki fa nyàm ìnɛn.

ÀPÒKÀLIƁSƐ̀ 14:12

Cààmɛ̀n ki ɓɛ̀gherɛ̀n ɓɛ ɓɛɛ̀ ɓèŋɓeŋ ɓidɔ̀gsɛna ɓi Bɛ̀ll rì ǹtyweeyi wu yɛ̀ɛ Yeesus, ɓɛɛ siìrɛn kɛɛ ri lɛ̀.

ÀPÒKÀLIƁSƐ̀ 17:14

Ɓɛ ri ɓiì ɗùu ri Man à jɔ̀ɔ̀, Man à jɔ̀ɔ̀ à ki yag ɓɔ ɓi wɛ̀y ɓisuulɛ, à rì Kan ànɛ a ɓɛ̀kan, à ki ɓa ti rifòm ɗi mɛfòm. Man à jɔ̀ɔ̀ à rì ɓɔ ɓiì yaàgh ɓi wɛ̀y, ǹɗaŋ ɗi ɓumɓɛ à reŋìghà ɓɛ ɓɛ ri ɓɛ̀ɓɔ̀nɛn, ɓɛɛ ri ɓɛ̀gherɛ̀n ɓii ɓɛ ntyweeyi.

ÀPÒKÀLIƁSƐ̀ 17:6

Fɔɔnnɛ ǹghɛngà giɓ anɛ̀n ǹŋwaŋɛn lɛ rì bwaɓ yi ɓɛgherɛ̀n, rì yi ɓɛwusìnɛ̀ɗ ɓɛ Yeesus. Yɛ̀ɛ ǹghɛngà nyi, ǹkuuràg lɛɛ̀gwey.

ÀPÒKÀLIƁSƐ̀ 2:2

Ǹ-yii mɛ̀kìkìì mɔɔ, ǹ-yii kìsay kɔɔ rì kìsììrì kɔɔ. Ǹ-yii lɛ ù yin lɛ ù cenɛ̀n ɓìɓeɓtàg ɓi ɓum, wɔ̀ɔ nfèèghrɛ̀ ɓumɓɛ ɓɛ nkpaakpaa lɛ ɓɔɔ ri ɓɛ̀kɛ̀nì-fìtom, kɔm̀ lɛ ɓɛ yin ɓɛkɛ̀nì-fìtom, fɔɔnnɛ wɔ̀ɔ nghɛɛ lɛ ɓɛ ri ɓɛ̀pwààpwaà.

ÀPÒKÀLIƁSƐ̀ 3:11

Mɛ̀ yɛɛ tiì lɔɔ ɓigomìnɛ, sììri kìɓanì com ki ù rì rì kɔ, di ŋwaàdɛŋ kɛ̀ɛ teɗ tàm wɔ̀ɔ̀ a rìkem.

ÀPÒKÀLIƁSƐ̀ 3:3

Yiti min ɓiɓan ɓi Bɛ̀ll ɓi ù tekà rì ɓi ù wokà, ɓèŋa ɓyɔ ù ki lɔ̀ɔ̀ghrɛn nɗem; i ù kɔ̀rii ɓi cem, di ǹɗì wɔ̀ ɓiì yùu ki sìri kɔ̀ɔ ki yi ŋwos anɛ ǹɗì ɓiì yùu.