Bìoball air-loidhne

Duilleag-dhachaigh
Bìoball air-loidhne
ÀPÒKÀLIƁSƐ̀ 2:10

ÀPÒKÀLIƁSƐ̀ 2:10 - Bafia Nouveau Testament

¹⁰ Kɔ̀ɔ risi ntɔɓ wu ù rì ɓiì tulɛɛ ri wɔ. Ghɛna lɛ Satàn a rì ɓiì pìigh kigwey ki ɓi mìni ɓi naà-zày lɛ a feèghrɛn mìni, fɔɔnnɛ ɓì rì ɓiì tulɛɛ ri ǹ-yeesɛ̀n ànɛ à rì ɓiì finɛɛ mɛru ǹtɛ̀ɗ. Sììrɛn ɓi rìgherɛ̀n à kpaŋ a rìwu, fɔɔnnɛ ǹɗì wɔ̀ ɓiì faà tàm à cɛɓ.

Faic an caibideil Dèan lethbhreac

dol air ais ⬆

ÀPÒKÀLIƁSƐ̀ 2:10
36 Iomraidhean Croise

MATYOO 10:22

Ɓum ɓɛ̀cèm ɓɛ ri ɓèèzɛn mini ɓisuu ɗii ɗyɛ̀m; wɔ̀lɛ ŋwaànɛ à sììrɛɛ à kpaŋ a rìsugtɛ̀n nnyɛɛ ɓiì ghɛɛ̀ cɛɓ.

Faic an caibideil

MATYOO 10:28

Kɛ̀ ɓi risi ɓumɓɛ ɓɛ ri lɛ i ɓɛ woli mɛ̀mùù, ɓɛ̀ kɛɛ̀ ɓa ti ri bee ìnɛ ɓɛɛ wey ǹghay; risiina lɔŋ roànɛ à rì rì ìtèɗ wulɛ, à wey lɛ, rì mɛ̀mùù rì ǹghay ɓi ɗuu ɗi fiɗyàɓ fikɔ̀ɔ̀.

Faic an caibideil

MATYOO 24:13

Wɔ̀lɛ ŋwaànɛ à rì ɓiì sììrɛɛ ɓi rìgherɛ̀n à kpaŋ a rìsugtɛ̀n, à ɓiì ghɛɛ̀ cɛɓ.

Faic an caibideil

MARIKUS 13:13

Ɓum ɓɛ̀cèm ɓɛ ri mìni ɓiì ɓèèzɛɛ ɓisu wɛ̀m, kìɓan kifog ŋwaànɛ à ɓiì sììrɛɛ à kpaŋ a rìsugtɛ̀n nnyɛɛ ɓiì ghɛɛ cɛɓ.

Faic an caibideil

MARIKUS 8:35

Ɓisuulɛ mum ǹcèm ànɛ à ɓiì kɔ̀ni lɛ a kamɛ̀n rì cɛɓ kii, à rì kɔ ɓiì ɗimzii, wɔ̀lɛ ŋwaànɛ à rì ɓiì ɗimzii cɛɓ kii ɓisu wɛ̀m, rì ɓisuu Syeesyee à Ɓɔlɛ, nnyɛɛ ri kɔ ɓiì ghɛɓsii.

Faic an caibideil

LUKAS 21:12

Wɔ̀lɛ di ɓìɓan ɓiǹ ɓìcèm ɓi ka ghɛnɛn ɓi, ɓɛ ri mìni ɓiì ɓangii, ɓɛ ki mìni mɛ̀tɔɓ; ɓɛ ri mìni ɓiì faà rì ɓɛ̀rɛlì-asu ɓɛ ɓi naa yi bɔ̀ŋzɛ̀n lɛ ɓɛɛ yɔm̀ mìni, ɓɛ ki pìg mini ɓi naà-zày; ɓɛ ɓiì kɛ̀ɛ ri mìni a ɓɛ̀làmì rì a ɓɛ̀gɔmìnà ɓisu wɛ̀m.

Faic an caibideil

ZYAŊ 12:25

Nni ŋwaànɛ à keesii cɛɓ kii, à rì kɔ ɓiì ɗimzii; roànɛ à ɓèèzɛɛ cɛɓ kii ɓi ziinɛ, nnyɛɛ ri ɓiì ɓèŋi kɔ ɓisuu cɛɓ ki fiɗyàɓ fikɔ̀ɔ̀.

Faic an caibideil

ZYAŊ 13:2

Yɛ̀ɛ Yeesus rì ɓɛ̀yilàg ɓii ɓɛ ɗiɗìghà, di Satàn à mɛ ɗiŋzi Zyudas à man à Simɔn, fèg ànɛ lɛ a tɔkɛn Yeesus ɓi nɗem,

Faic an caibideil

ZYAŊ 13:27

Lɔŋ yɛ̀ɛ Zyudas à ghàɓkà kìɓɛghà ki bìrɛs kiǹ, Satàn a ɗiŋì nyi ɓi nɗem. Yeesus à kalì nyi lɛ: Com ki u ɓeɓeg lɛ u ki, kìya kɔ lɛ fyɛ̀ɗ.

Faic an caibideil

MƐ̀KÌKÌÌ MƐ ƁƐKƐ̀NÌ-FÌTOM 20:24

Mɛ̀ m̀ɓiisɛɛ gì ɓi ki foŋì ǹto ɓi cɛɓ kɛ̀m ki mɛ̀ɛmìɗ, com ki nfɔmfɔ̀m ki ri lɛ, nkɛnkɛn asu rì rìkɛ̀ɛ̀ ɗyɛm̀ yɛ̀ɛ ki ghɛɛ̀sɛɛ, ǹki kì kisay ki Kan Yeesus à faghà mɛ̀, kɛɛ ri lɛ, ǹghagsi Syeesyee à Ɓɔlɛ à geesɛ̀n ì Bɛ̀ll.

Faic an caibideil

MƐ̀KÌKÌÌ MƐ ƁƐKƐ̀NÌ-FÌTOM 21:13

Nni Pol à ɓàkà ɓɔ lɛ: Cɛ kɛɛ̀ki ɓi ɗiighɗigsì mɛ̀ ǹɗem miì ɗì mɛ̀kɛɛ̀gh? Àa bɛn yɔ̀riyɔ̀ yɛɛ yi m̀ɓoŋɓòŋ, ǹɗì gì m̀pègsɛn lɛ nwu a Yorisalɛm ɓi ɗii ɗi Kan Yeesus.

Faic an caibideil

1 KƆ̀RƐ̀ŊTYƐŊ 9:25

Ɓɛ̀ɗùù zàà yi ran ɓɛ ti ɓɛ ɓalàg rì ɓìtèetèɗ ɓi ɓìcèlì, ɓɛ kikì fɔlɔɔ lɛ di ɓɛɛ fɔǹ mɛ̀raà mɛ mɛ ri lɛ mɛ ɗyoŋ wɔ̀lɛ ɓìsiì ɗùùɗuu ɓi mɛ̀raà mɛ mɛ ri fìɗyàɓ fikɔ̀ɔ̀.

Faic an caibideil

EFÈZYƐŊ 2:2

ɓi ɓì ghɛghɛ̀ɓkà miì abɛ̀y di ɓi ka nɔ̀ɔnɔɔ̀tì ɓìsyɔ̀ɔ̀ ɓi ɓi ziinɛ, ɓì kìkì rìkɔ̀n ɗi rifòm ɗi ɗi lamii mɛ̀tèɗ mɛ ɓi nlɛŋlɛŋ̀, ɗyɔ yɛɛ ri ǹghay ànɛ a kìki kisay ɓigomìnɛ ɓi ɓumɓɛ ɓɛ ri rì ǹtoòtèɗ.

Faic an caibideil

EFÈZYƐŊ 6:12

Ɓisuulɛ àa ɓumɓɛ ɓɛ ri rì bwaɓ ɓɛɛ̀ɓɛ ti ɗùùɗuu ri ɓɔ; ti ɗùùɗuu lɔŋ ri mɛ̀tèɗ mɛ ɓiɓeɓtàg ɓi mɛghay ɓi ɓi ri ɓi ɗyoo ɓi ɗùm, ɓi ɓyɛɛ̀ làlàmì, ɓi ɓa rì ìtèɗ; ti ɗùùɗuu girig rì ɓumɓɛ ɓɛɛ̀ làlami ziì ì birìm ìnɛ.

Faic an caibideil

ZYAG 1:12

Mààgh rì ŋwaànɛ à ti à nìɗkì nɗem di à tulɛɛ rì mɛ̀fèèghrɛn; ɓisuulɛ i à mɛ ghɛn mɛfèèghrɛn fɔlɔɔ, à rì ɓiì terì tàm à cɛɓ ànɛ Kan à kàkà ɓumɓɛ ɓɛ ti ɓɛ keesàg nyi.

Faic an caibideil

1 PYƐƐRI 5:4

fɔlɔɔ nnɛ yɛ̀ɛ ǹkɔ̀mɛ̀n ɓɛ̀ɓèŋì-jɔ̀ɔ̀ à ɓiì kpaŋì, ɓì ɓiì terì tàm à rìkem ànɛ à yin lɛ à ɗyoŋ.

Faic an caibideil

1 PYƐƐRI 5:8

Ɓaana cem, ɓì konàg ɓisuulɛ bènàbena wiǹ ànɛ lɛ Satàn a ŋwɔŋ-ŋwɔŋ yɛ̀ɛ kìmonɗo ki kɛɛ̀ kaakaa com ki kɛɛ sokɛn.

Faic an caibideil

ÀPÒKÀLIƁSƐ̀ 13:14

Ì yègsì ɓumɓɛ ɓi ziinɛ rì dàm yi ɓɛ faghà yɔ̀ itèɗ wulɛ yɛ̀ɛ kiki ɓi mis mɛ nyàm ì ǹtonto di yɛɛ̀ kpaakpaa ɓumɓɛ ɓi ziinɛ lɛ ɓɛɛ ki kìfèèghrɛnà ki nyàm ìnɛ ɓɛ kpɛɛ̀ghà rì gàfàg ì ki ghɛɓ.

Faic an caibideil

ÀPÒKÀLIƁSƐ̀ 13:2

Nyàm ìnɛ ǹghɛngà ìnɛn ì pisɛ̀ngà ǹgɔn, mɛ̀kòò mɛ yɔ̀ mɛ ɓa yɛ̀ɛ mɛ̀kòò mɛ kpaò, ŋwɔm wu yɔ̀ wu ɓa yɛ̀ɛ ŋwɔm wu kimonɗo. Kìnààgɔ̀n ki tekà lɛ, rì ìtèɗ wu ki ɓaghà rì wɔ, rì ìkɔ̀ɔ̀ wu rilàmì, rì coo itèɗ wu rilàmì, ki fa nyàm ìnɛn.

Faic an caibideil

ÀPÒKÀLIƁSƐ̀ 13:7

Ɓɛ ki fa nyàm ìnɛn ìtèɗ wulɛ yɛ̀ɛ ɗuùzi ɓɔ wɛ̀y, ì yag ɓɔ. Ɓɛ fa yɔ̀ ìtèɗ wu yɛ̀ɛ lami ɓumɓɛ ɓi mɛ̀pwìɗ mɛ̀cèm, rì mɛ̀kuu mɛ̀cèm, rì ɓìtòkì ɓìcèm rì ɓìlɔ̀ŋ ɓìcèm.

Faic an caibideil

ÀPÒKÀLIƁSƐ̀ 17:14

Ɓɛ ri ɓiì ɗùu ri Man à jɔ̀ɔ̀, Man à jɔ̀ɔ̀ à ki yag ɓɔ ɓi wɛ̀y ɓisuulɛ, à rì Kan ànɛ a ɓɛ̀kan, à ki ɓa ti rifòm ɗi mɛfòm. Man à jɔ̀ɔ̀ à rì ɓɔ ɓiì yaàgh ɓi wɛ̀y, ǹɗaŋ ɗi ɓumɓɛ à reŋìghà ɓɛ ɓɛ ri ɓɛ̀ɓɔ̀nɛn, ɓɛɛ ri ɓɛ̀gherɛ̀n ɓii ɓɛ ntyweeyi.

Faic an caibideil

ÀPÒKÀLIƁSƐ̀ 2:13

Ǹ-yii jàŋ inɛ ù kɔ̀kɔrii, jàŋ inɛ̀n yɛɛ̀ nnɛ ìkɔ̀ɔ̀ wu Satàn wu rilàmì wu ri, kìɓan kifog ù rì lɔŋ ǹsììrɛn ɓi ɗii ɗyɛ̀m, ù roòzɛ̀ngà ɓi ntyweeyi wu ù rì rì wɔ a lɔ̀ŋkɛm̀, nsoò ɓi mɛ̀ru mɛ ɓɛ wolà wusìnɛ̀ɗ wɛ̀m à ǹtyweeyi ànɛ lɛ Antipas a lɔ̀ŋkin jàŋ inɛ Satàn a kɔ̀kɔrii.

Faic an caibideil

ÀPÒKÀLIƁSƐ̀ 2:9

Ǹ-yii ǹtɔɓ wu ɓɛɛ̀ kìki wɔ, rì kìsowà kɔɔ, kɔm̀ lɛ ù rì rì ìkum; ǹ-yii lɛ ɓumɓɛ ɓɛɛ̀ reereŋɗɛ̀n lɛ ɓɛ ri Ɓɛ̀yudɛ̀n ɓɛ̀ kɛɛ̀ ki ɓa Ɓɛ̀yudɛ̀n, ɓɛɛ yooyogsì wɔ̀ ɗii; ɓɛ ri lɔŋ ntaŋzɛn wu Satàn.

Faic an caibideil

Lean sinn:

Ceanglaichean taic

Sanasan

Sanasan