ÀPÒKÀLIƁSƐ̀ 19:6 - Bafia Nouveau Testament

⁶ Fɔɔnnɛ ǹwokà jɛ̀ɛ̀ di yɛɛ̀ wɔ̀ɔ̀wɔɔ yɛ̀ɛ jɛ̀ɛ̀ ì coo kituu ki ɓum, ì pisɛ̀n ɗì gom ì ɓyoo ɓikus ɓi riɓày, nsoò lɛ gom ì baàbàn ìnɛ yɛɛ̀ ɓoɓog ri ìtèɗ, jɛ̀ɛ̀ ìncèm ì kpaakpàà lɛ: Alèluyà! Lɛ Kan Bɛ̀ll à ìtèɗ wucèm à mɛ rèsi kilàmì kii.

ÀPÒKÀLIƁSƐ̀ 19:6 Iomraidhean Croise

MATYOO 6:13

Kɔ̀ɔ gherɛn lɛ, ti kpi ɓi mɛ̀fèèghrɛn ɓi ɗùm, lɔŋ pisi ɓìsi ɓi kìɓe, lɛ rìlàmì, rì ìtèɗ, rì rìkem ɓi ri ɓyom ɓyɔɔ fiɗyàɓ fikɔ̀ɔ̀. Ààmɛ̀n

ÀPÒKÀLIƁSƐ̀ 1:15

mɛ̀kòò mii lɔŋ yɛ̀ɛ rìkuu ɗi swiɗ ɗiɗɛŋ ɗi ɓɛ ɓaŋzii ɓi ɗuu ɗi ghɛ̀g-ghɛ̀g, jɛ̀ɛ̀ yìì i wɔ̀ɔ̀wɔ̀ɔ̀ yɛ̀ɛ coo boɓ ì rìɓày.

ÀPÒKÀLIƁSƐ̀ 1:8

Kan Bɛ̀ll a kpaaghi lɛ: Mɛ̀ yɛɛ ri Alfà, rì Omegà, roànɛ à rì, ànɛ à ɓaghà, ànɛ a yùyuiy, roànɛ à rì rì ìtèɗ wucèm.

ÀPÒKÀLIƁSƐ̀ 12:10

Fɔɔnnɛ ǹwokà di coo jɛ̀ɛ̀ kɛɛ̀ kpaakpaa yi ɓi ɗyoo lɛ: Cààmɛ̀n ki gòri rì ìtèɗ, rì kìlàmì ki Bɛ̀ll, kɛɛ ti lɛ ɓigomìnɛ, rì ìtèɗ wu rilàmì ɗi Kiris wìì, ɓisuulɛ ɓɛ mɛ tyɔg roànɛ à ti à sɔmàg ɓɛ̀geni ɓis, lɛ nnyɛɛ nti à sɔmàg ɓɔ yɛ̀ɛ ìru yɛ̀ɛ ŋwos, ɓi mis mɛ Bɛ̀ll.

ÀPÒKÀLIƁSƐ̀ 14:2

Fɔɔnnɛ ǹwokày jɛ̀ɛ̀ aɗyoo di yɛɛ̀ wɔ̀ɔ̀wɔɔ yi yɛ̀ɛ ɓìkus ɓi riɓày, ì pisɛ̀n tì coo gom ì baàbàn; gom ìnɛ ǹwokà ìnɛ̀n ì ɓaghà fɛlɛ yɛ̀ɛ fìloŋ fyɛɛ̀ fi ɓum ɓɛɛ̀ ɓoɓòg.

ÀPÒKÀLIƁSƐ̀ 19:1

Ajɛ̀m ìnɛn ǹwokà coo jɛ̀ɛ̀, ì pisɛ̀n yɛ̀ɛ jɛ̀ɛ̀ ì coo kituu ki ɓum kɛɛ ri ɓi ɗyoo ɓi ɗùm ki kpaakpàà lɛ: Alèluyà! Gòri, rìkem, rì ìtèɗ, ɓi ri ɓyom ɓi Bɛ̀ll wìs.

ÀPÒKÀLIƁSƐ̀ 19:4

Fɔɔnnɛ ɓɛ̀sɛ̀ɛ̀mɛn ɓɛ ɓum ɓɛ ritin ɗì ɓɛnin, ɗì nyàm yi kinìn, ɓɛ ɓakà mɛ̀ɗu ɓi zi, ɓɛ ɓɔgsì Bɛ̀ll ànɛ à kɔ̀kɔrii ɓi-kɔ̀ɔ̀ wu rilàmì di ɓɛɛ̀ kpaakpaa lɛ: Ààmɛ̀n Alèluyà!

ÀPÒKÀLIƁSƐ̀ 21:22

Ǹghɛngà ɓi naà-Bɛ̀ll wɔɔ ɓisuulɛ Kan Bɛ̀ll à ìtèɗ wucèm rì Man à jɔ̀ɔ̀ ɓɔ yɛɛ ri naà-Bɛ̀ll ìnɛ wɔɔ.

ÀPÒKÀLIƁSƐ̀ 4:5

Ɓi-kɔ̀ɔ̀ wu rilàmì wiǹ, ŋwàaŋwàɗ à ŋwàŋwàɗkà, gom, rì baàbàn ɓi fafàŋìghày miì. Ɓɛ̀lamɓà taàɓɛ̀ɛ̀ ɓɛ roòròò lɛ pàŋ pàŋ asu wu ikɔ̀ɔ̀ wu rilàmì, ɓɛ̀lamɓà ɓɛǹ ɓɛ ri mɛ̀ghay mɛ Bɛ̀ll mɛ kitaàɓɛ̀ɛ̀.

ÀPÒKÀLIƁSƐ̀ 6:1

Fɔɔnnɛ ǹseesèèghà; yɛ̀ɛ Man à jɔ̀ɔ̀ à ŋwàɗkà kìbog ki ɓi ɓɛ̀sìtam̀ ɓɛ kitaàɓɛ̀ɛ̀, ǹwog kìbog ki ɓi nyàm yi kinìn di ki toòghrɛɛ yɛ̀ɛ baàbàn, kì kpaa lɛ: Yu.

ÀPÒKÀLIƁSƐ̀ 8:5

Nni ŋwaà-fìtom a tekà maa cɔɔgh anɛ ɓɛɛ̀ tɔ̀ngi firu miì ànɛ̀n, à roòzì nyi rì ɗuu ɗi ɗi ɓaghà ɓi com ki ɓɛɛ̀ tɔ̀ngi ɓyom miì lɛ ɓɛɛ ɓɔgsi Bɛ̀ll, à pìg nyi ɓi zi; fɔɔnnɛ baàbàn ì tumɛ̀ngà rìɓoɓòg, ɓyoo gom ɓi ghaghààgh, ŋwàaŋwàɗ à kìkì, zi i nyɛ̀ɛ̀nyɛ̀ŋɗɛ̀n.