ÀPÒKÀLIƁSƐ̀ 17:3 - Bafia Nouveau Testament

³ Nni ŋwaà-fìtom anɛ̀n à tekà mɛ̀ ɓi nghay à kɛ̀n ɗì mɛ̀ ɓireɓ. - Fɔɔnnɛ ǹghɛngà giɓ adɛŋ ǹkɔ̀kɔriyɛn ɓi nyàm ìdɛŋ fɛlɛ m̀ɓàŋ, nyàm ìnɛn rì mii mɛ mɛɛ̀ feefengì Bɛ̀ll nyoo bimiɗ, ì ki ɓa ri mɛ̀to taàɓɛ̀ɛ̀, mɛ̀tɔŋ ǹtɛ̀ɗ.

ÀPÒKÀLIƁSƐ̀ 17:3 Iomraidhean Croise

MATYOO 27:28

Ɓɛ sɔŋì Yeesus ɓìlàà, ɓɛ waasì nyi rìga à mɓàŋ lɛ pɔɔŋ.

MƐ̀KÌKÌÌ MƐ ƁƐKƐ̀NÌ-FÌTOM 8:39

Yɛ̀ɛ ɓɛ kpagày a cɛɗ, Nghay à Bɛ̀ll à tɛ̀g Filiɓ à kɛ̀n ɗi nyi, ŋwaànɛ̀n kɛ̀ɛ ghɛɛ̀di nyi; nsoò fɔlɔɔ, muu Etyopii ànɛ̀n à ghagsìghà rìkɛ̀ɛ̀ ɗii di a nyàànyàà.

2 TÈSÀLÒNÌSYƐŊ 2:4

Ki ri ɗùù ri com kìcèm ki ɓɛɛ̀ ɓɔɔɓɔgsì ɓɛ rerèŋì lɛ bɛ̀ll, ki ràm ki kɛ̀n kì kɔ̀rii ɓi naà-Bɛ̀ll ìnɛ ì ki rì lɛ ì Bɛ̀ll, ki rɛsɛ̀n kɔmiɗ lɛ kɔ yɛɛ ri Bɛ̀ll.

ÀPÒKÀLIƁSƐ̀ 1:10

Ǹghay à sɛngà ɓi mɛ̀ ŋwosi Kan fɔɔnnɛ ǹwokà coo jɛ̀ɛ̀ mɛ̀ ajɛ̀m lɔŋ yɛ̀ɛ gom ì ɗyam ɗi ɓɛɛ̀ rɔŋɗɔ̀ŋ,

ÀPÒKÀLIƁSƐ̀ 12:14

Fɔɔnnɛ ɓɛ faghà giɓ anɛ̀n kìɓɛ̀ɛ̀ ki mɛkeɓ ki coo bèè i fììlì, lɛ a lɛŋ ɓi-reɓ, ɓi jàŋ inɛ ɓɛ ri nyi ɓiì mɛnii bèg yiraa rì kìden, fìràɓ ri nyoo.

ÀPÒKÀLIƁSƐ̀ 12:3

Fɔɔnnɛ kìfèèghrɛnà kidɛŋ ki resɛ̀ngà tì ɓi ɗyoo ɓi ɗùm; coo kinààgɔ̀n kɛɛ ɓaghà, ki ɓaŋɓàŋ yɛ̀ɛ ɗuu, kɔ mɛ̀to taàɓɛ̀ɛ̀, mɛ̀tɔŋ ǹtɛ̀ɗ; nni ɓi mɛ̀to mɛ kitaàɓɛ̀ɛ̀ mɛǹ, ɓɛ̀tàm ɓɛ rikem ɓɛ ɓalàkà miì.

ÀPÒKÀLIƁSƐ̀ 12:6

Fɔɔnnɛ giɓ anɛ̀n à ghɛŋìghà ɓi-reɓ, wɔɔnnɛ jàŋ inɛ Bɛ̀ll à pègsɛ̀ngà nyi ì ɓaghà, lɛ à rì wɔɔ ɓiì ɗiɗii à kpaŋ mɛ̀ru tɔɔsìm ɓɛ̀hɔnɗɛ̀ɗ ɓɛɓɛɛ̀ rì mɛ̀ru mɛ̀tin mɛraa.

ÀPÒKÀLIƁSƐ̀ 17:18

Nni giɓ anɛ wàa ghɛɛ, nnyɛɛ ri bàn ìgwey inɛ ì làmii mɛ̀fòm mɛ ɓi ziinɛ.

ÀPÒKÀLIƁSƐ̀ 17:4

Giɓ anɛ̀n à waatɛ̀ngà ɓìlàà lɛ, rì ɓi ɓàŋ lɛ pɔŋŋ, rì ɓi ɓàŋ lɛ ɓùlùg-ɓùlùg, à ki waatɛn lɛ rì mɛ̀rɛ̀ŋ mɛ gol, rì mɛ ɓɛ kiì rì gɔ̀g yi ŋwèrim ŋwèrim, rì tìcaka. À ɓaghà rì ɓeŋ à gol ɓi càg, ànɛ à ɓaghà lɛ rì ɓìɓeɓtàg ɓi ɓiɓan, rì tìfin ti kiɓeɓtàg kii ki cɛɓ.

ÀPÒKÀLIƁSƐ̀ 18:12

dùne ìnɛ̀n ì rì ɓyom mɛ̀kuu mɛ̀kuu, lɛ rì gol, rì swiɗ à mɔ̀ɔ̀ni, rì gɔ̀g yi ŋwèrim-ŋwèrim, rì tìcaka, rì syeesyee à kìrimitì, rì ɓìlàà ɓi ɓàŋ lɛ pɔŋŋ, rì silig, rì ɓi ɓi ri ɓìɓàŋ lɛ ɓùlùg-ɓùlùg; rì mɛ̀ɓam mɛ ɓite ɓi ɓi kaarɛɛ rì ɓyom ɓìcèm ɓi ɓɛ syaagh rì mam mɛ zòg, rì ɓi ɓɛ soɓi rì ɓìte ɓi syeesyee, rì ɓìcèm ɓi ɓɛ kiì rì rìkuu ɗi swiɗ ɗidɛŋ nsoò lɛ rì bɔŋ nsoò lɛ rì gɔ̀g yi ɗyɔ̀ɔ̀ɗyɔ̀ɔ̀gh;

ÀPÒKÀLIƁSƐ̀ 18:16

ɓɛ kpaa gɛ lɛ: Nyìighnyìg, nyìighnyìg rì coo bàn ìnɛ ìi nɗì ǹwaatɛn lɛ rì syeesyee à kìrimitì, rì ɓìlàà ɓi ɓàŋɓaŋɛn lɛ pɔŋŋ rì ɓi ɓàŋ lɛ ɓùlùg-ɓùlùg, yɔ̀ lɛ ri mɛ̀rɛ̀ŋ mɛ gol, rì mɛ ŋwèrim-ŋwèrim rì tìcaka, coo ikum wiǹ wùcèm wu ɗyoŋi ɓi bimiɗ à hawò.

ÀPÒKÀLIƁSƐ̀ 21:10

Fɔɔnnɛ à tekà mɛ̀ ɓi nghay, à kɛ̀n ɗì mɛ̀ ɓi coo kiteŋtèèŋ ki dòn aɗyoo, nni à rèsìghà mɛ̀ bàn ì ǹtɛnɛn inɛ lɛ Yorisalɛm, di yɛɛ̀ sɛnsɛn yi aɗyoo, di ì pɛ̀sɛɛ yì jàŋbog rì Bɛ̀ll.

ÀPÒKÀLIƁSƐ̀ 4:2

Fɔɔnnɛ Ǹghay à ghàskà kìsɛnì ɓi mɛ̀, ǹghɛn ìkɔ̀ɔ̀ wu rilàmì wɔɔ ɓi ɗyoo, mum miì ǹkɔ̀kɔriyɛn.