ÀPÒKÀLIƁSƐ̀ 17:14 - Bafia Nouveau Testament

¹⁴ Ɓɛ ri ɓiì ɗùu ri Man à jɔ̀ɔ̀, Man à jɔ̀ɔ̀ à ki yag ɓɔ ɓi wɛ̀y ɓisuulɛ, à rì Kan ànɛ a ɓɛ̀kan, à ki ɓa ti rifòm ɗi mɛfòm. Man à jɔ̀ɔ̀ à rì ɓɔ ɓiì yaàgh ɓi wɛ̀y, ǹɗaŋ ɗi ɓumɓɛ à reŋìghà ɓɛ ɓɛ ri ɓɛ̀ɓɔ̀nɛn, ɓɛɛ ri ɓɛ̀gherɛ̀n ɓii ɓɛ ntyweeyi.

ÀPÒKÀLIƁSƐ̀ 17:14 Iomraidhean Croise

MATYOO 22:14

Ɓisuulɛ, ɓum lɛɛ̀gwey ɓɛ ri ɓɛ̀reŋiyɛn, kìɓan kifog, lɛsàg ɓɛɛ ri ɓɛ̀ɓɔ̀nɛn.

MATYOO 25:40

Nni rìfòm ɗi pɛɛ̀zii gɛ ɓɔ lɛ: Ǹkalii mìni ɓi saaɗ lɛ, cààmɛ̀n kìcèm ki ɓì kìghà kìbog ki ɓi ɓɔɔ ɓɔɓti ɓɛ ɓɛ rì ɓɛ̀geni ɓɛ̀m fɔlɔɔ, mɛ̀ innɛ ɓi kìghà lɔɔ.

MATYOO 28:18

Fɔɔnnɛ Yeesus à tyòŋdɛ̀ngày, à kpaa ɓɔ lɛ: Ɓaa fa mɛ ìtèɗ wucèm lɛ rì ɓi ɗyoo ɓiɗùm, rì ɓi ziinɛ.

ZYAŊ 15:16

Àa mìni yɛɛ ɓɔngà mɛ̀, lɔŋ mɛ̀ yɛɛ ɓɔngà mìni, ǹki rɛ̀si mini lɛ, ɓi kɛǹ, ɓi wum̀ ɓìɗùn, ɓìɗùn ɓin ɓi ki ɓa ɓiɗùn ɓi ɓyɛɛ finɛn, fɔɔnnɛ com kìcèm ki ɓì ɓiì tɔɔ̀gh Tààta rì ɗii ɗyɛ̀m, à rì mìni kɔ ɓiì kìi.

RÒMƐŊ 1:6

Ɓì rì girig ɓi bàlì ì ɓumɓɛ̀n, mìni ɓɛ Yeesus Kiris à reŋìghày;

RÒMƐŊ 8:30

Nni ɓɛ̀roɓɛ Bɛ̀ll à lokà ɓɛ̀n kì ɓɔ̀ni abɛ̀y, à reŋìghà girig ɓɔ; ɓɛ̀roɓɛ à ki reŋìghà ɓɛǹ, à kìghà girig lɛ ɓɛɛ ɓa lɛ saaɗ ɓi mis mii; nni ɓɛ̀roɓɛ à ghaasìghà ɓɛǹ ɓum ɓɛ saaɗ, à kemzìghà girig ɓɔ.

RÒMƐŊ 8:37

Wɔ̀lɛ, tì ti tì yakì ɓìɓan ɓiǹ ɓìcèm kɛ̀ɛ̀ vèg, rì ǹghɛɓsɛn wu roànɛ à keesìghà ɓìsi.

1 KƆ̀RƐ̀ŊTYƐŊ 15:24

Ajɛ̀m ìnɛn nnɛ rìsugtɛ̀n ɗi ɓaa gɛ, yɛ̀ɛ Kiris à faa gɛ rìlàmì rì roànɛ à rì lɛ, nyi Bɛ̀ll, nyi Seŋi, di à mɛ yogsi lɛ: rì mɛ̀tèɗ mɛ mɛ ri mɛ̀ làŋɛn, rì rìlàmì ɗìcèm, rì mɛ̀tèɗ mɛ nghay mɛmbog mɛ̀cèm.

TIMOTE 6:15

kìɓan kiǹ ki ri ɓa ɓi cààmɛ̀n ànɛ ɓɛ fekà lɛ kɛɛ ɓa, ɓi rìkì ɗi roànɛ à rì ǹtin wu ɓɛmààgh, à ki ɓa mbobog à ǹlàmì, nyi yɛɛ ri rìfòm ɗi ɗi lamii mɛ̀fòm mɛcèm, nyi Kan ànɛ a ɓɛ̀kan,

2 TIMOTE 2:4

Sujàà ànɛ àrì ɓi kìsay à kaakàà lɛ a puɓsi ǹkɔ̀mɛ̀n wìì nɗem, ɓìɓan ɓi ɓi cɛɓ ki zɛy ɓi ti ɓyɛ̀ kɛɛ̀ ɓùùsi nyi ǹto.

1 PYƐƐRI 2:9

Wɔ̀lɛ ɓi ɓɛg wìn, mìnii ri boo ì mum ìnɛ ì rì m̀ɓɔ̀nɛn, ǹɗaŋ wu ɓɛpìrɛɛtìrɛ̀ ɓɛ rifòm, kìlɔ̀ŋ ki ki ri ki Bɛ̀ll, ki ɓumɓɛ Bɛ̀ll à tekà ɓisu wiì lɛ ɓɛɛ laàlàmɓɛ̀n ɓɛ̀gɛn ɓɛ mɛkìkìì ɓɛ roànɛ à reŋìghày mìni lɛ ɓi pɛsɛn yì ɓi birìm, ɓi yu ɓi kìtɛɛtɛn kii ki ki ri kìɓan ki kuughrakɛn;

ÀPÒKÀLIƁSƐ̀ 1:5

rì lɛ rìfa ɗi Yeesus Kiris ànɛ à rì wusìnɛ̀ɗ à ǹtyweeyi, ànɛ à rì Man à ǹtonto ànɛ à lokà kìghèmɓɛɛ yi a ɓìloŋ, à ki ɓa ti nkɔ̀mɛ̀n mɛ̀fòm mɛ ɓi ziinɛ. Roànɛ a keesag ɓisi, roànɛ à kwèɗkà ɓìsi ɓi ɓìɓe ɓis rì bwaɓ yii,

ÀPÒKÀLIƁSƐ̀ 11:7

Yɛ̀ɛ ɓɛ ɓaa gɛ di ɓaa lègsi ki rèsii ɓiɓan ɓi ɓɛ yùu gɛ kì rèsii, fɔɔnnɛ nyàm ìnɛ ì kpaŋiì gɛ ɓi rìɓee ɗi rim ì faa gɛ ɓɔ rìbaŋì, ì cee ɓɔ ɓi-tèɗ, ì ki cuusi ɓɔ.

ÀPÒKÀLIƁSƐ̀ 16:14

Ɓi ri ɓìɓeɓtàg ɓi mɛghay ɓi ɓyɛɛ̀ kìki dàm, ɓi ki kɛ̀ngi a mɛ̀fòm mɛ ɓi ziinɛ bimiɗ, lɛ ɓyɛɛ taŋzɛn mɔ ɓisuu wɛ̀y wu wu ri ɓiì ɓaà ɓi coo gòn i Bɛ̀ll ànɛ à rì rì ìtèɗ wucèm.

ÀPÒKÀLIƁSƐ̀ 2:10

Kɔ̀ɔ risi ntɔɓ wu ù rì ɓiì tulɛɛ ri wɔ. Ghɛna lɛ Satàn a rì ɓiì pìigh kigwey ki ɓi mìni ɓi naà-zày lɛ a feèghrɛn mìni, fɔɔnnɛ ɓì rì ɓiì tulɛɛ ri ǹ-yeesɛ̀n ànɛ à rì ɓiì finɛɛ mɛru ǹtɛ̀ɗ. Sììrɛn ɓi rìgherɛ̀n à kpaŋ a rìwu, fɔɔnnɛ ǹɗì wɔ̀ ɓiì faà tàm à cɛɓ.

ÀPÒKÀLIƁSƐ̀ 2:13

Ǹ-yii jàŋ inɛ ù kɔ̀kɔrii, jàŋ inɛ̀n yɛɛ̀ nnɛ ìkɔ̀ɔ̀ wu Satàn wu rilàmì wu ri, kìɓan kifog ù rì lɔŋ ǹsììrɛn ɓi ɗii ɗyɛ̀m, ù roòzɛ̀ngà ɓi ntyweeyi wu ù rì rì wɔ a lɔ̀ŋkɛm̀, nsoò ɓi mɛ̀ru mɛ ɓɛ wolà wusìnɛ̀ɗ wɛ̀m à ǹtyweeyi ànɛ lɛ Antipas a lɔ̀ŋkin jàŋ inɛ Satàn a kɔ̀kɔrii.

ÀPÒKÀLIƁSƐ̀ 3:21

Ŋwaànɛ à ɓiì yagsaagh ǹkì lɛ a kɔri ǹɗaŋ ri mɛ̀ ɓi-kɔ̀ɔ̀ wɛm̀ wu rilàmì fɛlɛ yɛ̀ɛ mɛ̀ ǹ-yagsàkà ǹkɔ̀rì ǹɗaŋ ri Seŋi wɛ̀m ɓi-kɔ̀ɔ̀ wii wu rilàmì.