ÀPÒKÀLIƁSƐ̀ 17:12 - Bafia Nouveau Testament

¹² Mɛ̀tɔŋ mɛ kiǹtɛ̀ɗ mɛ wàa ghɛɛ, mɛ ri mɛ̀fòm ǹtɛ̀ɗ mɛ mɛ ka tumɛn ɓi rilàmì; kìɓan kifog ɓɛ ri ɓiì rɛsɛɛ mɛfòm ɓɛ lamì hawò bog nɗaŋ ɗi nyàm.

ÀPÒKÀLIƁSƐ̀ 17:12 Iomraidhean Croise

ÀPÒKÀLIƁSƐ̀ 10:11

Fɔɔnnɛ ɓɛ kpaaghà mɛ̀ lɛ: Ki ghɛɛ̀sɛɛ lɛ u kpaŋzi tì ɓìɓan ɓi Bɛ̀ll ɓi ɓi seesee mɛ̀kuu mɛ ɓum lɛɛ̀gwey, rì ɓìlɔ̀ŋ lɛɛ̀gwey, rì mɛ̀fòm lɛɛ̀gwey.

ÀPÒKÀLIƁSƐ̀ 12:3

Fɔɔnnɛ kìfèèghrɛnà kidɛŋ ki resɛ̀ngà tì ɓi ɗyoo ɓi ɗùm; coo kinààgɔ̀n kɛɛ ɓaghà, ki ɓaŋɓàŋ yɛ̀ɛ ɗuu, kɔ mɛ̀to taàɓɛ̀ɛ̀, mɛ̀tɔŋ ǹtɛ̀ɗ; nni ɓi mɛ̀to mɛ kitaàɓɛ̀ɛ̀ mɛǹ, ɓɛ̀tàm ɓɛ rikem ɓɛ ɓalàkà miì.

ÀPÒKÀLIƁSƐ̀ 13:1

Fɔɔnnɛ ǹghɛngà di nyàm ìdɛŋ yɛɛ̀ kpaŋkpaŋ yi ɓi rìɓày à kìkòn; ì ɓaghà mɛ̀tɔŋ ǹtɛ̀ɗ, rì mɛ̀to taàɓɛ̀ɛ̀, mɛ̀tɔŋ mɛ yɔ̀ mɛǹ mɛ ɓalàkà rì ɓɛ̀tàm ɓɛ rikem, mii mɛ tifena ɓisuu Bɛ̀ll mɛ ɓalàkà mɛ̀ kàngakɛn ɓi mɛ̀to mɛ nyàm ìnɛn.

ÀPÒKÀLIƁSƐ̀ 17:16

Mɛ̀tɔŋ mɛ kiǹtɛ̀ɗ mɛ wàa ghɛɛ rì nyàm ìnɛn, ɓi ri ɓiì ɓèèzɛɛ giɓ a rìɓàmɓà ànɛ̀n, ɓi pumzì nyi, ɓi caɗ nyi kìtòn zɛy, ɓi ɗi mɛ̀mùù mii, ɓi ki tɔ̀n nyi ɓi ɗuu.

ÀPÒKÀLIƁSƐ̀ 18:10

Mɛ̀fòm mɛǹ mɛ ri rɛlag yi fìràɓ lɛ mɛɛ̀ ririsi ntɔɓ wu bàn ìnɛn, mɛ kpaakpàà lɛ: Nyìighnyìg, nyìighnyìg ɗì coo bàn ì Baɓilon, bàn ìnɛ ì rì kìtèetèɗ ki bàn; kìɓan kɔɔ ki yɔm̀ɓɛɛ lɔŋ ɓi hawò bog.

ÀPÒKÀLIƁSƐ̀ 18:17

Ɓɛ̀kɔ̀mɛ̀n tìtimà ɓɛ̀cèm, rì ɓɛ̀pusì tìtimà rì ɓum ɓɛ̀cèm ɓɛ ɓɛɛ̀ sasay ɓi tìtimà, rì ɓɛ ɓɛɛ̀ kɛ̀ɛ̀kɛɛ miì, ɓɛ rɛlàkày fìràɓ,

ÀPÒKÀLIƁSƐ̀ 18:19

Ɓɛ ɗyɛɛɗyɛ̀ɛ̀rɛ̀ngà kùrùɓu ɓi mɛ̀to, di ɓɛɛ̀ rèereèdɛ̀n, ɓɛ waatɛ̀n ɓìlɛ̀ɓì, di ɓɛɛ̀ kuukugsɛ̀n jɛ̀ɛ̀ aɗyoo lɛ: Nyìighnyìg, nyìighnyìg rì coo bàn ìnɛ; ɓum ɓɛ̀cèm ɓɛ ɓɛ ri rì tìtimà ɓi rìɓày à kìkòn, ɓɛ mmɛ kum lɛ ìkum wu ɓi bàn ìnɛn, yɛ̀ɛ ghali ìreɓ ɓi maa hawò bog!