ÀPÒKÀLIƁSƐ̀ 16:2 - Bafia Nouveau Testament

² Nni ŋwaà-fìtom a ǹtonto à kɛ̀ngà, à sùùrì ɓeŋ wìì ɓi zi; fɔɔnnɛ ɓum ɓɛ̀cèm ɓɛ ɓɛ ɓaghà rì kìrèmzɛnà ki nyàm, ɓɛ ki ɓɔɔɓɔgsì kìfèèghrɛnà ki yɔ̀, ɓɛ roɓkàkà rìkuu ɗi kiɓɛɛ ɗiɗɛŋ ɗi mum kɛ̀ɛ yi yɛ̀ɛ ɗi kɛɛ̀kɛɛ yì, ɗi ki kɛŋ yɛ̀ɛ mɛ̀nɔ̀ɓɔ̀.

ÀPÒKÀLIƁSƐ̀ 16:2 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 12:23

Lɔŋ wɔɔ foo, ŋwaà-fìtom a Kan à ɓog nyi ɓisuulɛ à gherɛ̀ngà lɛ ɓum ɓɛɛ fa nyi rìkem ɗi ɗi ghɛɛ̀sɛ̀ngà lɛ ɓɛɛ fa Bɛ̀ll. Fɔɔnnɛ ɓɛgɛn ɓɛ tumɛ̀ngà nyi rìɗiɗì ɓi ɗùm, à wu.

ÀPÒKÀLIƁSƐ̀ 13:12

Ì kìkìghà kìsay ri ìtèɗ wu rilàmì wu nyàm ì ǹtonto, ɓi mis mɛ nyàm ìncèm ìnɛn. Ì ki kàŋkaŋ zi, ri ɓumɓɛ miì lɛ ɓɛɛ ɓɔgsi nyàm ì ǹtonto ìnɛ ì ɓaghà rì coo beŋ i ǹfin ìnɛ ɓɛ ɓooghà ì wɔ̀n.

ÀPÒKÀLIƁSƐ̀ 14:16

Fɔɔnnɛ roànɛ à ɓaghà ǹkɔ̀kɔriyɛn ɓi kìkwìɗ à pìkà zɛ̀m, à saŋ ɓyom ɓi ɓi ziinɛ.

ÀPÒKÀLIƁSƐ̀ 14:9

Fɔɔnnɛ ŋwaà-fìtom a kìraa à nɔ̀ɔ̀tìghày di a kpaakpaa jɛ̀ɛ̀ aɗyoo lɛ: I mum à ɓɔgsii nyàm rì kìfèèghrɛnà ki yɔ̀ nsoò lɛ ɓɛ teɗ nyi kìrèmzɛnà ki nyàm ìnɛn ɓisu nsoò lɛ ɓi càg,

ÀPÒKÀLIƁSƐ̀ 16:1

Fɔɔnnɛ ǹwokà di coo jɛ̀ɛ̀ ì rìì ɓi naà-Bɛ̀ll, ì kpaakpàà ɓum ɓɛ titom lɛ: Kɛ̀ɛna kìsùùrii kitaàɓɛ̀ɛ̀ ki ɓɛɓeŋ ɓɛ bim i ɗi Bɛ̀ll ɓi zi.

ÀPÒKÀLIƁSƐ̀ 16:11

ɓɛ ki feefengì Bɛ̀ll ànɛ aɗyoo ɓisuu rikɛŋ ɗi ɓɛ wowòkà rì ɓisuu ɓiɓɛɛ̀ ɓyaa, kìɓan kifog ɓɛ̀ kɛɛ̀ ki lɔ̀ɔ̀ghrɛn mɛrem lɛ ɓɛɛ caɗ ɓìɓeɓtàg ɓyaa ɓi mɛkìkìì.

ÀPÒKÀLIƁSƐ̀ 8:7

Nni ŋwaà-fìtom a ǹtonto à rɔgà ɗyam, bol ì gɔ̀g rì ɗuu, ɓì ɓùtakɛn ɗi bwaɓ ɓi suùrɛ̀n ɓi zi; fɔɔnnɛ ki kighà lɛ kìlànà ki zi kifog ki ɓi ɓìlànà ɓiraa ki ɗig, gàɓ ì kìraa ìnɛ ɓi ɓìte ɓìcèm ɓi ɓi ziinɛ ɓi ɗig, ɓyaaɓi ɓìcèm ɓi ɓi ɓaghà cem ɓi ɗig.