ÀPÒKÀLIƁSƐ̀ 16:15 - Bafia Nouveau Testament

¹⁵ Ghɛna, n-yùyuy yɛ̀ɛ wiiwìì. Mààgh rì ŋwaànɛ à rì cem, à ki ɓèŋɓeŋ ɓilàà ɓii lɛ kɛ̀ɛ kɛ̀ɛ̀ghi kitòn zɛy lɛ a wog ǹtoòrìɗ di ɓum ɓɛ ghɛɛ nyi kìtòn zɛy.

ÀPÒKÀLIƁSƐ̀ 16:15 Iomraidhean Croise

MATYOO 25:13

Fɔɔnnɛ ɓì ghɛ̀ɛ̀sɛɛ kì kɔ̀rii cem, lɛ ɓì yii ɓì gòn nsoò cààmɛn.

MATYOO 26:41

Kɔ̀riina cem, ɓì ki ɓɔ̀ɔɓɔ̀ŋzì lɛ, kɛ̀ ɓi tanɛn ri mɛ̀fèèghrɛn; lɛ ǹghay wu mum wu ri rì ìtèɗ, kìɓan kifog, nyoo ì mɛ̀mùù ì rì kɛ̀ɛ̀ ìtèɗ.

MARIKUS 14:38

Kɔ̀riina cem, ɓì ki ɓɔ̀ɔɓɔŋzàg Bɛ̀ll lɛ kɛ̀ ɓi tanɛn ri mɛ̀fèèghrɛn. Ɓisuulɛ ǹghay wu mum wu ri rì ìtèɗ kìɓan kifog nyoo ì ɓa kɛ̀ɛ̀ ìtèɗ.

LUKAS 21:36

Fɔɔnnɛ kɔ̀riina cem, ɓì ki ɓɔ̀ɔɓɔŋzàg ɓyààmɛ̀n ɓìcèm, lɛ ɓi ɓa rì ìtèɗ wulɛ ɓi ceè ɓìɓan ɓi ɓi ri ɓiì kìlɛɛ, ɓì ki kpaŋ ɓi mis mɛ Man à mum mɛ̀rɛy.

MƐ̀KÌKÌÌ MƐ ƁƐKƐ̀NÌ-FÌTOM 20:31

Fɔɔnnɛ ɓaana cem, ɓì ki yiti lɛ, ǹɗeɓi mìni bèg yiraa, yɛ̀ɛ ìru yɛ̀ɛ ŋwos kɛ̀ɛ nfɔɛy, rì misì ɓi mɛ̀tam.

2 KƆ̀RƐ̀ŊTYƐŊ 5:3

di ki ki ɓaa lɛ, ɓɛ ghɛɛ lɛ, tì rì ɓɛ̀waatɛn ɓilàà, tì yin nyoo zɛy.

TÈSÀLÒNÌSYƐŊ 5:4

Wɔ̀lɛ ɓɔɔsoŋ̀, mìnii yin ɓi birìm, fɔɔnnɛ ŋwos anɛ̀n à ghɛ̀ɛ̀sɛɛ ɓi mini kì sìri yɛ̀ɛ wiiwìì.

TÈSÀLÒNÌSYƐŊ 5:6

Fɔlɔɔ nnɛ tì ghɛ̀ɛ̀sɛɛ ɓi min kilalì yɛ̀ɛ ɓɛro ɓɛm̀bog; ti kɔ̀riina lɔŋ cem, tì ɓèŋɗɛ̀n ɓi kìɓan ki mɛrɔ̀g.

1 PYƐƐRI 4:7

Rìsugtɛ̀n ɗi ɓyom ɓìcèm ɗi ti jàŋbog, fɔlɔɔ nnɛ ɓì ghɛ̀ɛ̀sɛɛ kì ɓaà rì ɗyomzɛ̀n, kɛ̀ ɓi falɛn ɓi ɓìnɔɔ̀nɔɔ̀, di ɓi kiki bɔ̀ŋzɛ̀n.

2 PYƐƐRI 3:10

Ŋwos a Kan à ɓiì kpaŋì yɛ̀ɛ wiiwìì à ti à yùlàg. Ŋwos anɛ̀n, ɗyoo ɗi ri ɓiì silii ri coo gom, ɗuu ɗi digsì ɓyom ɓi ɓi ɗyoo, zi rì ɓìɓan ɓi miì ɓìcèm ɓi ɗig.

ÀPÒKÀLIƁSƐ̀ 22:7

Mɛ̀ yɛɛ tiì lɔɔ ɓi cààmɛ̀n ki. Mààgh rì ŋwaànɛ à ɓèŋi jɛ̀ɛ̀ yi kaàtà ànɛ; yi ri jɛ̀ɛ̀ yi yɛɛ̀ kpaakpaŋzì ɓìɓan ɓi Bɛ̀ll.

ÀPÒKÀLIƁSƐ̀ 3:11

Mɛ̀ yɛɛ tiì lɔɔ ɓigomìnɛ, sììri kìɓanì com ki ù rì rì kɔ, di ŋwaàdɛŋ kɛ̀ɛ teɗ tàm wɔ̀ɔ̀ a rìkem.

ÀPÒKÀLIƁSƐ̀ 3:18

nni ǹɗeɓi wɔ̀ lɛ u lag gol ìnɛ ɗuu ɗi ghaŋzii a lɔ̀ŋkɛm̀, di fɔɔnnɛ u ɓa rì ìkum, ù làg girig ɓìlàà ɓi puɓ lɛ u waàtɛn ɓyɔ, di ǹtoòrìɗ wɔɔ wulɛ ù rì kìtòn zɛy wɛ̀ kɛɛ̀ ghɛnɛn; ù ki làg boòboo ìnɛ lɛ u foŋɗɛn ɓi mis di fɔɔnnɛ u ghɛnɛn.