ÀPÒKÀLIƁSƐ̀ 16:1 - Bafia Nouveau Testament

¹ Fɔɔnnɛ ǹwokà di coo jɛ̀ɛ̀ ì rìì ɓi naà-Bɛ̀ll, ì kpaakpàà ɓum ɓɛ titom lɛ: Kɛ̀ɛna kìsùùrii kitaàɓɛ̀ɛ̀ ki ɓɛɓeŋ ɓɛ bim i ɗi Bɛ̀ll ɓi zi.

ÀPÒKÀLIƁSƐ̀ 16:1 Iomraidhean Croise

ÀPÒKÀLIƁSƐ̀ 11:19

Nni naà-Bɛ̀ll ìnɛ ì rì ɓi ɗyoo ɓi ɗùm ì ŋwàrɛ̀ngà, fìkɔrɔŋ fii fi riràrɛ̀n fi seèsèèrɛ̀n yì ɓi naa yìì ɓi ɗùm. Fɔɔnnɛ ŋwàaŋwàɗ à tumɛ̀ngà rìŋwàŋwàɗ, ɓyoo gom ɓi jɛ̀ɛ̀ ɓi ghaghààgh, baàbàn ì ɓoɓòg, zi i nyɛ̀ɛ̀nyɛ̀ŋɗɛ̀n, bol ì gɔ̀g ì sùùsùùrɛ̀n.

ÀPÒKÀLIƁSƐ̀ 14:15

Nni ŋwaà-fìtom adɛŋ à kpagày ɓi naà-Bɛ̀ll, à kpaa ŋwaànɛ à ɓaghà ǹkɔ̀kɔriyɛn ɓi kìkwìɗ jɛ̀ɛ̀ aɗyoo lɛ: Pìgha zɛ̀m, u saŋ ɓyom, lɛ cààmɛ̀n à mɛ̀saŋ yɛɛ kpaŋi lɛ̀, ɓisuulɛ ɓyom ɓi ɓi ziinɛ ɓi mɛ tèɗ lɛ Bɛ̀ll a saŋ̀ ɓyɔ.

ÀPÒKÀLIƁSƐ̀ 14:18

fɔɔnnɛ ŋwaà-fìtom adɛŋ ànɛ à làmìghà ɗuu, à kpagày ɓi com ki ɓɛɛ̀ tɔ̀ngi ɓyom miì ɓi rìɓɔgsì ɗi Bɛ̀ll, à kpaa roànɛ à ɓaghà rì zɛ̀m i mpooyɛn ɓi càg jɛ̀ɛ̀ aɗyoo lɛ: Pìgha zɛ̀m yɔɔ̀, u syaŋ ɓìjug ɓi viìnyɛ̀, ɓisuulɛ ɓìɗùn ɓi mɛ ɓàŋ.

ÀPÒKÀLIƁSƐ̀ 15:1

Fɔɔnnɛ ǹghɛngà kìrèmzɛnà kidɛŋ aɗyoo, ki ki ɓaghà coo gɛn à kìɓan a ǹkuurakɛn; ɓum ɓɛ titom taàɓɛ̀ɛ̀; ɓɛ ɓanɓàngà mɛ̀tɔɓ taàɓɛ̀ɛ̀, mɛ̀tɔɓ mɛ siitòn. Ɓi mɔ innɛ bim i Bɛ̀ll ì tulii.

ÀPÒKÀLIƁSƐ̀ 16:17

Nni ŋwaà-fìtom a kìtaàɓɛ̀ɛ̀ a sùùrìghà ɓeŋ wìì ɓi bɛ̀ɛ̀bɛ̀ɛ̀. Fɔɔnnɛ coo jɛ̀ɛ̀ ki kpagày ɓi naà-Bɛ̀ll, di ki riì ɓi-kɔ̀ɔ̀ wu rilàmì ki kpaa lɛ: Ki leègh!