ÀPÒKÀLIƁSƐ̀ 15:2 - Bafia Nouveau Testament

² Nni ǹghɛngà di ɓumɓɛ ɓɛ yakà lɛ rì nyàm, rì kìfèèghrɛnà ki yɔ̀, rì bàlì ì ɗii ɗi nyàm ìnɛn. Ɓumɓɛ̀n ɓɛ rɛrɛ̀lìghà ɓi com ki kèleŋ̀ŋ̀ yɛ̀ɛ rìɓày ànɛ à rì ɓɛ̀ŋwii rì ɓɛ̀ŋwii, m̀ɓùtakɛn ɗi ɗuu, ɓɛ ɓanɓàn tìloŋ ti Bɛ̀ll à faghà ɓɔ.

ÀPÒKÀLIƁSƐ̀ 15:2 Iomraidhean Croise

MATYOO 3:11

Mɛ̀ɛ m̀ɓàaɓaɓtì mìni rì mɛ̀nig lɛ ɓì lɔ̀ɔ̀ghrɛɛ mɛ̀rem, kìɓan kifog roànɛ à rìì mɛ̀ ajɛ̀m à cee mɛ̀ ɓi-tèɗ; nyii ri mìni ɓiì ɓàɓtii lɛ rì Kìtɛntɛ̀ɛ̀n ki Nghay, rì ɗuu. Mɛ̀ ǹkpaŋi gì ɓi ɓi ǹkoŋ wulɛ ǹsɔ̀ŋì nyi gòò ɓi mɛ̀kòò.

1 PYƐƐRI 1:7

Mɛ̀tɔɓ mɛ̀n mɛɛ̀ fèeghfeèghrɛ̀n rìgherɛ̀n ɗin ɗi ɗi ri gìn i com ìnɛ ì cee gol kɛ̀ɛ̀ vèg; gol ì rì com ki ki ri lɛ ki ɗyoŋ, nsoò fɔlɔɔ ɓɛ ti ɓɛ fogì gol ɓi ɗuu lɛ ɓɛɛ ghɛǹ yɛ̀ɛ ì rì; fɔlɔɔ nnɛ ìtèɗ wu righerɛ̀n ɗin ɗi ɓɛɛ̀ fèefeèghrɛ̀n wu ɓiì ɓaà kìɓan ki mɛsɛɛ̀ghsɛɛgh, ɗì rìkem, ɗì ǹnyaasɛ̀n ɓisu win ŋwos anɛ Yeesus Kiris, à ɓiì rèsɛɛ.

1 PYƐƐRI 4:12

Mìni ɓum ɓɛm ɓɛ nɗem, rìɓa ɗi ɓì rì ɓi ɓɛ̀gɛn ɓɛ mɛfèèghrɛn ɓɛ ɓɛ ri yɛ̀ɛ ɗuu ɗi ghɛ̀g-ghɛ̀g, ɗyɛ̀ kɛɛ̀ sìɗ mini yɛ̀ɛ ɓɛɛ̀ kali lɛ kìkènekènè ki kiɓan kidɛŋ kɛɛ tanɛɛ mìni.

ÀPÒKÀLIƁSƐ̀ 12:11

Ɓɛ mɛ yag nyi ɓi wɛ̀y lɛ bwaɓ yi Man à jɔ̀ɔ̀, rì jɛ̀ɛ̀ ìnɛ ɓɛ nɗèresii saaɗ ànɛ miì; ɓɛ nki keesii ɓi ɓyɛɓ ɓyaa à kpaŋ lèg ànɛ lɛ ɓɛɛ risi rìwu.

ÀPÒKÀLIƁSƐ̀ 13:1

Fɔɔnnɛ ǹghɛngà di nyàm ìdɛŋ yɛɛ̀ kpaŋkpaŋ yi ɓi rìɓày à kìkòn; ì ɓaghà mɛ̀tɔŋ ǹtɛ̀ɗ, rì mɛ̀to taàɓɛ̀ɛ̀, mɛ̀tɔŋ mɛ yɔ̀ mɛǹ mɛ ɓalàkà rì ɓɛ̀tàm ɓɛ rikem, mii mɛ tifena ɓisuu Bɛ̀ll mɛ ɓalàkà mɛ̀ kàngakɛn ɓi mɛ̀to mɛ nyàm ìnɛn.

ÀPÒKÀLIƁSƐ̀ 13:14

Ì yègsì ɓumɓɛ ɓi ziinɛ rì dàm yi ɓɛ faghà yɔ̀ itèɗ wulɛ yɛ̀ɛ kiki ɓi mis mɛ nyàm ì ǹtonto di yɛɛ̀ kpaakpaa ɓumɓɛ ɓi ziinɛ lɛ ɓɛɛ ki kìfèèghrɛnà ki nyàm ìnɛ ɓɛ kpɛɛ̀ghà rì gàfàg ì ki ghɛɓ.

ÀPÒKÀLIƁSƐ̀ 13:17

rì tì lɛ mum kɛ̀ɛ ɓa ri bee inɛ lɛ a lag com nsoò lɛ a kaɓ, di à yin ɗi kìrèmzɛnà kiǹ, kɛɛ ri ɗii ɗi nyàm ìnɛn, nsoò lɛ bàlì ì ɗii ɗi nyàm ìnɛn.

ÀPÒKÀLIƁSƐ̀ 21:18

Bàŋbàŋ yi gari i bàn ìnɛn yi ɓaghà yìtoŋɛn ɗi gɔ̀g ìnɛ lɛ zyaspɛ̀ fɔɔnnɛ bàn yɔ̀miɗ i ɓaghà ǹtoŋɛn ɗi gol ì ghaàghaŋì, ì lònlòm yɛ̀ɛ ŋwii.

ÀPÒKÀLIƁSƐ̀ 4:6

Tì tì fɛlɛ asu wu ikɔ̀ɔ̀ wu rilàmì, jàŋ i ghay lɔŋ yɛ̀ɛ rìɓày ànɛ à rì ɓɛ̀ŋwii rì ɓɛ̀ŋwii, ì lònlòm yɛ̀ɛ maa kìpɛsà à ŋwii. Ɓi nyìinyìm à ìkɔ̀ɔ̀ wu rilàmì rì ɓi mɛ̀wɔŋì, nyàm yi ɓaghà yinin, yɔ yì ronɛn ri mis jàŋ bimiɗ lɛ, rì asu rì ajɛ̀m.

ÀPÒKÀLIƁSƐ̀ 5:8

Lɔŋ yɛ̀ɛ à ghàɓkà kaàtà, nyàm yi kinìn, rì ɓìtùg ɓi ɓum ɓi ritin ɗì ɓinin, ɓi kuŋìghà Man à jɔ̀ɔ̀ asu, mum ǹcèm ànɛ ɓi ɓɔ, à ɓaghà ɓi càg lɛ rì fìloŋ rì ɓeŋ ànɛ à ɓaghà ǹkìyɛn ri gol, ǹɗonɛn rì tìrààre ti ti ri bɔ̀ŋzɛ̀n yi ɓɛgherɛ̀n.