ÀPÒKÀLIƁSƐ̀ 14:6 - Bafia Nouveau Testament

⁶ Fɔɔnnɛ ǹghɛngà ŋwaà-fìtom adɛŋ di a lɛŋlɛŋ ɓi ɗyoo ɓi ɗùm, à ɓaghà rì Syeesyee à Ɓɔlɛ à fìɗyàɓ fikɔ̀ɔ̀ ànɛ lɛ a ghagsi ɓum ɓɛ̀cèm ɓɛ ɓi ziinɛ, ɓumɓɛ ɓi ɓìlɔ̀ŋ ɓìcèm, rì mɛ̀pwìɗ mɛ̀cèm, rì ɓìtòkì ɓìcèm, rì mɛ̀kuu mɛ̀cèm.

ÀPÒKÀLIƁSƐ̀ 14:6 Iomraidhean Croise

MATYOO 10:27

Nni com ki mɛ̀ ǹkɔ̀ŋdɛɛ mìni ɓi birìm, kaliina kɔ rì ŋ̀wos, ki ǹŋwɔ̀ŋii mìni ɓi-reè, làmɓɛɛna kɔ ɓi bwèy aɗyòò.

MARIKUS 16:15

Fɔɔnnɛ à kpaaghà ɓɔ lɛ: Kɛ̀ɛna zi bimiɗ, ɓi kpaa ɓum ɓɛ̀cèm Syeesyee à Ɓɔlɛ.

RÒMƐŊ 16:25

Roànɛ à rì rì ìtèɗ wulɛ à sììrag mìni lɔŋ yɛ̀ɛ Syeesyee à Ɓɔlɛ ànɛ mɛ̀ɛ nghaaghagsì di nlàalamɓɛ̀n Yeesus Kiris à rì, rì lèg ànɛ yɛ̀ɛ tì tekà fèg à Bɛ̀ll ànɛ à ɓaghà ǹnyamɛn fiɗyàɓ fikɔ̀ɔ̀,

KÒLÒSYƐŊ 1:23

Kìɓan kifog, ki ghɛɛ̀sɛɛ lɛ, ɓi ɓeŋ̀ rìgherɛ̀n, ɓì sììrɛ̀n, ɓì ki rɛli lɛ kpegkpeg, kɛ̀ ɓi càrɛn lɛ ɓɛɛ syoŋ mìni fìràɓ ɗi dyàɓɛn ìnɛ ɓì rì rì yɔ̀ ɓi Syeesyee à Ɓɔlɛ ànɛ ɓì wokà. Syeesyee à Ɓɔlɛ ànɛ̀n yɛɛ kalɛ̀ngà a ɓum ɓɛ̀cèm ɓɛ ɓɛ ri ɓi ɗyoo azi; innɛ mɛ̀ Pol ǹti ǹkìì-kìsay anɛ miì.

2 TÈSÀLÒNÌSYƐŊ 2:16

Kan wìs Yeesus Kiris nyimiɗ, rì Bɛ̀ll à Seŋi wìs anɛ à keesìghà ɓìsi, à fa ɓìsi fɔɔy ànɛ ɓi nɗem ànɛ à rì fìɗyàɓ fikɔ̀ɔ̀, rì dyàɓɛn i syeesyee,

EBIREEGH 13:20

Bɛ̀ll à fyòoog ànɛ à ghèmzìghày coo mɓèŋì-jɔ̀ɔ̀ ànɛ lɛ Kan wìs Yeesus a ɓìloŋ rì bwaɓ yi riràrɛ̀n ɗi fiɗyàɓ fikɔ̀ɔ̀,

1 PYƐƐRI 1:25

kìɓan kifog jɛ̀ɛ̀ ì Bɛ̀ll ì rì lɔŋ fiɗyàɓ fikɔ̀ɔ̀. Jɛ̀ɛ̀ ìnɛn ì rì jɛ̀ɛ̀ ìnɛ Syeesyee à Ɓɔlɛ à wogsìghà mìni.

ÀPÒKÀLIƁSƐ̀ 10:11

Fɔɔnnɛ ɓɛ kpaaghà mɛ̀ lɛ: Ki ghɛɛ̀sɛɛ lɛ u kpaŋzi tì ɓìɓan ɓi Bɛ̀ll ɓi ɓi seesee mɛ̀kuu mɛ ɓum lɛɛ̀gwey, rì ɓìlɔ̀ŋ lɛɛ̀gwey, rì mɛ̀fòm lɛɛ̀gwey.

ÀPÒKÀLIƁSƐ̀ 10:7

kìɓan kifog ɓi mɛ̀ru mɛ jɛ̀ɛ̀ ì ŋwaà-fìtom a kìtaàɓɛ̀ɛ̀ ì rì ɓiì wooghrɛɛ, di à ti lɛ à tumɛ̀n ɗìrɔŋ ɗi ɗyam, innɛ fèg à Bɛ̀ll ànɛ a ɓalag nyamɛn à ɓiì ronì lɔŋ yɛ̀ɛ à wogsìghà Syeesyee à Ɓɔlɛ ànɛ ɓi fèg ànɛn rì ɓɛ̀kpaŋzì-ɓìɓan ɓɛ ɓɛ ri ɓɛ̀kìì-ɓìsay ɓii.

ÀPÒKÀLIƁSƐ̀ 13:7

Ɓɛ ki fa nyàm ìnɛn ìtèɗ wulɛ yɛ̀ɛ ɗuùzi ɓɔ wɛ̀y, ì yag ɓɔ. Ɓɛ fa yɔ̀ ìtèɗ wu yɛ̀ɛ lami ɓumɓɛ ɓi mɛ̀pwìɗ mɛ̀cèm, rì mɛ̀kuu mɛ̀cèm, rì ɓìtòkì ɓìcèm rì ɓìlɔ̀ŋ ɓìcèm.

ÀPÒKÀLIƁSƐ̀ 3:10

Lɛ ù ɓègà jɛ̀ɛ̀ yɛ̀m ɗì kìsììrì, fɔɔnnɛ mɛ̀ girig ǹɗì wɔ̀ ɓiì ɓèŋi ɓi cààmɛ̀n à mɛ̀fèèghrɛn mɛ mɛ ghɛɛ̀sɛɛ kì yùu ɓi ziinɛ bimiɗ lɛ mɛɛ feèghrɛn ɓum ɓɛ̀cèm ɓɛ ɓi ziinɛ.

ÀPÒKÀLIƁSƐ̀ 5:9

Fɔɔnnɛ ɓɛ kɛkɛ̀ghìghà fyem fi nyɔn di ɓɛɛ̀ kpaakpaa lɛ: Wɔ̀ yɛɛ ghɛɛ̀sɛɛ lɛ ù teɗ kaàtà ànɛ̀n, ù ɓɛkì ɓɛ̀sìtam̀ ɓɛ miì, ɓisuulɛ ɓɛ wolà wɔ̀, ù ki kwèɗ ɓumɓɛ ɓi mɛ̀pwìɗ mɛ̀cèm, ɓìtòkì ɓìcèm, mɛ̀kuu mɛ̀cèm, ɓìlɔ̀ŋ ɓìcèm ɓisuu Bɛ̀ll rì bwaɓ yɔɔ.

ÀPÒKÀLIƁSƐ̀ 8:13

Nni ǹseesèèghà tì, ǹwog di bèè i fììlì yɛɛ̀ lɛŋlɛŋ ɓi ɗyoo ɓi ɗùm, ì kpaakpàà jɛ̀ɛ̀ aɗyoo lɛ: Nyìighnyìg! Nyìighnyìg! Nyìighnyìg rì ɓumɓɛ ɓi ziinɛ ɓisuu gom ì mam mɛ ɓum ɓɛ titom ɓɛ kiraa ɓɛ siitòn ɓɛ ri ɓiì rɔŋì.