ÀPÒKÀLIƁSƐ̀ 13:6 - Bafia Nouveau Testament

⁶ Nni ì pinìghà ŋwɔm lɛ yɛ̀ɛ fengi Bɛ̀ll, rì ɗii ɗi Bɛ̀ll, rì kìnuugh ki Bɛ̀ll, rì ɓum ɓɛ̀cèm ɓɛ ɓɛ ri ɓi ɗyoo ɓiɗùm.

ÀPÒKÀLIƁSƐ̀ 13:6 Iomraidhean Croise

MATYOO 12:34

Mìni ɓumɓɛ ɓì pìsɛɛ ɓìgòm ɓɛ! lannɛ ɓi rì lɛ ɓì kalì syeesyee à kìɓan, di mìniìɓɔmiɗ ɓi ɓeɓtɛɛ fɛlɛ? Lɛ ɓìɓan ɓi ɓi roni mum ǹɗem ɓyɛɛ̀ɓi ŋwɔm wu ti wu kpaaghì.

MATYOO 15:19

Ɓisuulɛ, ɓìɓeɓtàg ɓi mɛyitì, ri fèg à rìwey ɗi mum, rì tìsɔ̀mɔ̀g, rì cɛɓ ki sààsaa, ri wii, rì rìsasààgh ɗi ɓum ɓìɓan ɓi nyoo, rì tìfena ti Bɛ̀ll, ɓi ti ɓi pɛsàg yì ɓi nɗem wu mum.

ZYAŊ 1:14

Fɔɔnnɛ jɛ̀ɛ̀ ì ghalà mum ànɛ à ghɛɓkà ɓi nyìinyìm wìs, ǹɗonɛn, rì geesɛ̀n, rì saaɗ, tì ki ghɛngà rìkem ɗii, rìkem ɗìn ɗi ki ɓa ɗi mbobog à Man ànɛ à pɛ̀sɛ̀ngày yɛ̀ɛ Seŋì.

RÒMƐŊ 3:13

Ɓoŋ waà à rì yɛ̀ɛ zɔ̀ŋ ìnɛ ì rì kìbwaŋ, rìlemàg ɗyaa ɗyɛɛ̀ɗi ɓɛ ti ɓɛ pwaàghì ɓum miì, ìrɔg wu nyoo wɛɛ ti wu kpagìì ɓi ɓɛ̀ɓeeɓee ɓaa ɓɛ ŋwɔ̀m.

KÒLÒSYƐŊ 1:19

Ɓisuulɛ ki kɔngà Bɛ̀ll lɛ a kɔri ɓi nyi, à rongì ɓi nyi lɛ kɔɔ̀kɔɔ̀.

KÒLÒSYƐŊ 2:9

Ɓisuulɛ rìɓa ɗìcèm ɗi Bɛ̀ll à rì ɗi yughà kì kɔ̀rii ɓi nyoo ì Kiris lɛ kɔɔ̀kɔɔ̀.

EBIREEGH 9:2

Fɔɔnnɛ ɓɛ togà kìnuugh; ɓi kìden ki asu ki ɓɛ nɗegì lɛ jàŋ i kìcèlì; ɓyom ɓi ɓaghà wɔɔ lɛ: rì kìrɛsì ki lamɓà rì teɓèrè, rì bìrɛs yi ɓɛ fafaa ɓisuu riɓɔgsì ɗi Bɛ̀ll.

EBIREEGH 9:24

Ɓisuulɛ Kiris à ɗiŋìghà ɓi ɓi naà-Bɛ̀ll ìnɛ ɓum ɓɛɛ toŋi, ìnɛ ì rì lɛ ì ɓa kìfèèghrɛnà ki naà-Bɛ̀ll ì kɔɔ̀kɔɔ̀, à ɗiŋìghà lɔŋ ɓi ɗyoo ɗyɔmiɗ lɛ di a rɛli ɓi cààmɛ̀n ki, ɓi mis mɛ Bɛ̀ll ɓisu wis.

ÀPÒKÀLIƁSƐ̀ 11:12

Nni ɓɛ wokà di coo jɛ̀ɛ̀ ì rìi aɗyoo, ì kpaa ɓɔ lɛ: Ɓɔɔghnay fɛ. Fɔɔnnɛ ɓɛ ɓɔkà aɗyoo ɓi ɓìkwìɗ ɓi mis mɛ ɓɛ̀bènàbena ɓaa.

ÀPÒKÀLIƁSƐ̀ 12:12

Kìɓan kiǹ kɛɛ̀ki ɗyoo, rì mìni ɓumɓɛ ɓì kɔ̀kɔrii aɗyoo, ɓì ghɛ̀ɛ̀sɛɛ kìnyàànyaa! Nyìighnyìg rì ziinɛ, ɗì rìɓày à kìkòn, ɓisuulɛ Satàn a mɛ sɛn yi a lɔ̀ŋkin, ǹwoghɛn coo bim lɛ à yii lɛ, cààmɛ̀n kii ki mɛ rɔ̀ɓ lɛsàg.

ÀPÒKÀLIƁSƐ̀ 15:5

Ajɛ̀m ìnɛn nnɛ ǹghɛngà di naà-Bɛ̀ll ì ŋwàrɛɛ aɗyoo; ɓi na-Bɛ̀ll ìnɛn innɛ kìnuugh ki riràrɛ̀n rì Bɛ̀ll ki ri.

ÀPÒKÀLIƁSƐ̀ 18:20

Wɔ̀ ɗyoo, ù rì lɛ ù sàmsàm ɓi rìɗyaŋ ɗi bàn ìnɛn ì ɗyaŋi, rì mìni ɓɛ̀gherɛ̀n, rì ɓɛ̀kɛ̀nì-fìtom rì ɓɛ̀kpaŋzì-ɓìɓan girig, ɓisuulɛ Bɛ̀ll à rɔ̀ŋi kìɓan kin yɛ̀ɛ à pɔnɔsii yɔ̀.

ÀPÒKÀLIƁSƐ̀ 21:3

Fɔɔnnɛ ǹwokà di coo jɛ̀ɛ̀ ki riì ɓi-kɔ̀ɔ̀ wu rilàmì, ki kpaakpàà lɛ: Kìnuugh ki Bɛ̀ll kɛɛ̀ki, ǹɗaŋ ɗi ɓum ɓii; à rì ɓiì kɔ̀rii nɗaŋ ɗi ɓɔ, ɓɔɔ ɓa kìlɔ̀ŋ kii; fɔɔnnɛ Bɛ̀ll nyimiɗ a rì ɓiì ɓaà ǹɗaŋ ɗi ɓɔ.

ÀPÒKÀLIƁSƐ̀ 4:1

Ajɛ̀m ìnɛn nnɛ m̀pɛ̀ɓsɛ̀ngà, ǹghɛn ìsuunaa kìkpaŋ ɓi ɗyoo ɓi ɗùm, jɛ̀ɛ̀ ì ǹtonto ìnɛ ǹwokà di ì tòòghrɛɛ rì mɛ̀ ì ɓaghà yɛ̀ɛ ɗyam ɗyɛɛ̀ɗi ɓɛɛ̀ rɔŋɗɔ̀ŋ ì kpaakpàà lɛ: Ɓɔghay fɛ di nɗesi wɔ̀ ɓìɓan ɓi ɓi ri ɓiì kìlɛɛ ɓi mɛ̀ru mɛ asu.

ÀPÒKÀLIƁSƐ̀ 4:4

Mɛ̀kɔ̀ɔ̀ mɛ rilàmì mɛdɛŋ rìtin ɗì mɛnin mɛ ceŋzɛ̀ngà ìkɔ̀ɔ̀ wu rilàmì wu ǹtonto; ɓìtùg ɓi ɓum rìtin ɗì ɓinin ɓi ɓaghà ɓìkɔ̀kɔriyɛn ɓi mɛ̀kɔ̀ɔ̀ mɛn, ɓi waatɛ̀n ɓìlàà ɓi puɓ, ɓyɔ tì rì ɓɛ̀tàm ɓɛ gol ɓi mɛ̀to.

ÀPÒKÀLIƁSƐ̀ 5:13

Fɔɔnnɛ ǹwokà di ɓyom ɓìcèm ɓi Bɛ̀ll à kìghà ɓi ɗyoo ɓi ɗùm, rì ɓi ziinɛ, rì ɓi ziinɛ a zi, rì ɓi rìɓày à kìkòn rì ɓyom ɓìcèm ɓi ɓi ri miì ɓyɛɛ̀ kpaakpaa lɛ: Roànɛ à kɔ̀kɔrii ɓi-kɔ̀ɔ̀ wu rilàmì rì Man à jɔ̀ɔ̀, ɓɛ ghɛɛ̀sɛɛ rì ìtèɗ wu rilàmì fìɗyàɓ fikɔ̀ɔ̀.

ÀPÒKÀLIƁSƐ̀ 7:15

Kìɓan kiǹ kɛɛ̀ki ɓɛ rɛrɛlii miì asu wu ikɔ̀ɔ̀ wu rilàmì wu Bɛ̀ll, ɓɛ ki ɓɔɔɓɔgsì nyi yɛ̀ɛ ìru yɛ̀ɛ ŋwos ɓi naa yìì. Yɛ̀ɛ roànɛ à rì ǹkɔ̀kɔriyɛn ɓi-kɔ̀ɔ̀ wu rilàmì, à rì toŋ kìnuugh kii à foŋ ɓɔ miì.

ÀPÒKÀLIƁSƐ̀ 7:9

Ajɛ̀m ìnɛn nnɛ ǹghɛngà coo kituu ki ɓum ki mum à ɓaghà ɓi lɛ à ɓày, ɓumɓɛ̀n ɓɛ pɛsàkày ɓi ɓìlɔ̀ŋ ɓìcèm, rì ɓi mɛ̀pwìɗ mɛ̀cèm, rì mɛ̀kuu mɛ̀cèm, rì ɓìtòkì ɓìcèm; ɓɛ rɛrɛ̀lìghà asu wu ikɔ̀ɔ̀ wu rilàmì, rì ɓi mis mɛ Man à jɔ̀ɔ̀, ɓɛ waatàg ɓɛ̀kàɓà ɓɛ puɓ, ɓɛ ki ɓa ri maŋ ɓi ɓyàg.