ÀPÒKÀLIƁSƐ̀ 13:5 - Bafia Nouveau Testament

⁵ Nni ɓɛ faghà nyàm ìtèɗ wulɛ yɛ̀ɛ kpaàkpaa ɓìɓan ɓi mɛ̀càŋà, ì feèfèngì Bɛ̀ll. Ɓɛ ki fa ti yɔ̀ ìtèɗ wulɛ, yɛ̀ɛ lami ɓɛ̀ŋwii mɛ̀tin mɛɓɛɛ̀ rì ɓɛ̀ŋwii ɓɛɓɛɛ̀.

ÀPÒKÀLIƁSƐ̀ 13:5 Iomraidhean Croise

2 TÈSÀLÒNÌSYƐŊ 2:3

Ŋwaàdɛŋ kɛ̀ɛ yègsi mini, nsoò ɓi-ghèy wu la, ɓisuulɛ ŋwos anɛ̀n à yin lɛ à kpaŋ di ɓum ɓɛ ka resi ɓi lɛ ɓɛ naŋi rìgherɛ̀n, Kìɓeɓtàg ki mum ki ki ghɛɛ̀sɛɛ kì ɗyaŋì, ki resɛ̀n.

2 TÈSÀLÒNÌSYƐŊ 2:4

Ki ri ɗùù ri com kìcèm ki ɓɛɛ̀ ɓɔɔɓɔgsì ɓɛ rerèŋì lɛ bɛ̀ll, ki ràm ki kɛ̀n kì kɔ̀rii ɓi naà-Bɛ̀ll ìnɛ ì ki rì lɛ ì Bɛ̀ll, ki rɛsɛ̀n kɔmiɗ lɛ kɔ yɛɛ ri Bɛ̀ll.

2 TÈSÀLÒNÌSYƐŊ 2:8

Ajɛ̀m ìnɛn innɛ Kìɓeɓtàg ki mum ki ɓiì rèsɛɛ yi, Kan à wey kɔ rì cɔ̀ŋzɛn ki ki kpaŋiì nyi ɓi ŋwɔm, à tììsì kɔ rì kìtɛɛtɛn ki ɓi rìsugtìì ɗii.

ÀPÒKÀLIƁSƐ̀ 11:7

Yɛ̀ɛ ɓɛ ɓaa gɛ di ɓaa lègsi ki rèsii ɓiɓan ɓi ɓɛ yùu gɛ kì rèsii, fɔɔnnɛ nyàm ìnɛ ì kpaŋiì gɛ ɓi rìɓee ɗi rim ì faa gɛ ɓɔ rìbaŋì, ì cee ɓɔ ɓi-tèɗ, ì ki cuusi ɓɔ.

ÀPÒKÀLIƁSƐ̀ 12:14

Fɔɔnnɛ ɓɛ faghà giɓ anɛ̀n kìɓɛ̀ɛ̀ ki mɛkeɓ ki coo bèè i fììlì, lɛ a lɛŋ ɓi-reɓ, ɓi jàŋ inɛ ɓɛ ri nyi ɓiì mɛnii bèg yiraa rì kìden, fìràɓ ri nyoo.

ÀPÒKÀLIƁSƐ̀ 12:6

Fɔɔnnɛ giɓ anɛ̀n à ghɛŋìghà ɓi-reɓ, wɔɔnnɛ jàŋ inɛ Bɛ̀ll à pègsɛ̀ngà nyi ì ɓaghà, lɛ à rì wɔɔ ɓiì ɗiɗii à kpaŋ mɛ̀ru tɔɔsìm ɓɛ̀hɔnɗɛ̀ɗ ɓɛɓɛɛ̀ rì mɛ̀ru mɛ̀tin mɛraa.

ÀPÒKÀLIƁSƐ̀ 13:7

Ɓɛ ki fa nyàm ìnɛn ìtèɗ wulɛ yɛ̀ɛ ɗuùzi ɓɔ wɛ̀y, ì yag ɓɔ. Ɓɛ fa yɔ̀ ìtèɗ wu yɛ̀ɛ lami ɓumɓɛ ɓi mɛ̀pwìɗ mɛ̀cèm, rì mɛ̀kuu mɛ̀cèm, rì ɓìtòkì ɓìcèm rì ɓìlɔ̀ŋ ɓìcèm.