ÀPÒKÀLIƁSƐ̀ 13:2 - Bafia Nouveau Testament

² Nyàm ìnɛ ǹghɛngà ìnɛn ì pisɛ̀ngà ǹgɔn, mɛ̀kòò mɛ yɔ̀ mɛ ɓa yɛ̀ɛ mɛ̀kòò mɛ kpaò, ŋwɔm wu yɔ̀ wu ɓa yɛ̀ɛ ŋwɔm wu kimonɗo. Kìnààgɔ̀n ki tekà lɛ, rì ìtèɗ wu ki ɓaghà rì wɔ, rì ìkɔ̀ɔ̀ wu rilàmì, rì coo itèɗ wu rilàmì, ki fa nyàm ìnɛn.

ÀPÒKÀLIƁSƐ̀ 13:2 Iomraidhean Croise

2 TIMOTE 4:17

Lɔŋ Kan yɛɛ ǹɗì mɛ̀ jàŋbog, à ki fa mɛ ìtèɗ, lɛ nghagsi jɛ̀ɛ̀ ì Bɛ̀ll lɛ kɔɔ̀kɔɔ̀, yɛ̀ɛ woòghrɛn ɓi mɛ̀ree mɛ ɓum ɓɛ̀cèm ɓɛ ɓɛ yin Ɓɛ̀yudɛ̀n fɔɔnnɛ ɓɛ nɗùnɛɛ mɛ̀ ɓi ŋwɔm wu kimonɗo.

1 PYƐƐRI 5:8

Ɓaana cem, ɓì konàg ɓisuulɛ bènàbena wiǹ ànɛ lɛ Satàn a ŋwɔŋ-ŋwɔŋ yɛ̀ɛ kìmonɗo ki kɛɛ̀ kaakaa com ki kɛɛ sokɛn.

ÀPÒKÀLIƁSƐ̀ 12:13

Yɛ̀ɛ kìnààgɔ̀n ki ghɛngà lɛ ɓɛ tyɔghiì kɔ ɓi ziinɛ, nni ki ɓɛɓsɛ̀ngà rì giɓ anɛ à yalà man baŋì.

ÀPÒKÀLIƁSƐ̀ 12:15

Fɔlɔɔ nnɛ nyoo ì looghày giɓ anɛ̀n mɛ̀nig ajɛ̀m yɛ̀ɛ rìɓày lɛ di rìɓày a ɓɛǹ ɗì nyi.

ÀPÒKÀLIƁSƐ̀ 12:9

Nni ɓɛ tyɔkày coo kinààgɔ̀n kiǹ, fìɗyàɓ fi nyoo fìn, fi fi ri ɗii lɛ ǹɗèm nsoò lɛ Satàn, nnyɛɛ ri ǹ-yègsì zi bimiɗ ìnɛ ɓum ɓɛɛ̀ ghɛghɛɓ miì, ɓɛ tyɔkày nyi ɓi zi, ɓɛ ki tyɔg yi girig ɓum ɓii ɓɛ titom ǹɗaŋ ri nyi.

ÀPÒKÀLIƁSƐ̀ 13:12

Ì kìkìghà kìsay ri ìtèɗ wu rilàmì wu nyàm ì ǹtonto, ɓi mis mɛ nyàm ìncèm ìnɛn. Ì ki kàŋkaŋ zi, ri ɓumɓɛ miì lɛ ɓɛɛ ɓɔgsi nyàm ì ǹtonto ìnɛ ì ɓaghà rì coo beŋ i ǹfin ìnɛ ɓɛ ɓooghà ì wɔ̀n.

ÀPÒKÀLIƁSƐ̀ 13:4

Fɔɔnnɛ ɓum ɓɛ̀cèm ɓɛ kɛngà kìɓaàgh mɛ̀ɗu ɓi mis mɛ kinààgɔ̀n ɓɛ ɓɔgsì kɔ, ɓisuulɛ ki faghà ìtèɗ wu rilàmì rì nyàm ìnɛn; nni ɓɛ ɓakà girig nyàm ìnɛn mɛ̀ɗu asu di ɓɛɛ̀ kpaakpaa lɛ: Ghɛn yɛɛ ri lɛ à ɓa yɛ̀ɛ yɔ̀? Ghɛn yɛɛ ki rì lɛ à ɗùù rì yɔ̀?

ÀPÒKÀLIƁSƐ̀ 16:10

Fɔɔnnɛ ŋwaà-fìtom a kìtaǹ à sùùrìghà ɓeŋ wìì ɓi-kɔ̀ɔ̀ wu rilàmì wu nyàm, birìm ì sigtɛ̀n kìlɔ̀ŋ ki nyàm ìnɛn, ɓum ɓɛ kaŋkàm mɛ̀lemàg lɛ rìkɛŋ ɗi cee ɓɔ,

ÀPÒKÀLIƁSƐ̀ 17:12

Mɛ̀tɔŋ mɛ kiǹtɛ̀ɗ mɛ wàa ghɛɛ, mɛ ri mɛ̀fòm ǹtɛ̀ɗ mɛ mɛ ka tumɛn ɓi rilàmì; kìɓan kifog ɓɛ ri ɓiì rɛsɛɛ mɛfòm ɓɛ lamì hawò bog nɗaŋ ɗi nyàm.

ÀPÒKÀLIƁSƐ̀ 19:20

Nni ɓɛ ɓangà nyàm ìnɛn nɗaŋ ri ǹkpaŋzì-ɓìɓan ɓi ɓɛpwàà ànɛ à kìkìghà dàm yi yi syogà ɓumɓɛ ɓɛ ɓaghà rì kìrèmzɛnà ki nyàm, ɓɛ ki ɓɔɔɓɔgsì kìfèèghrɛnà ki nyàm ìncèm. Fɔɔnnɛ ɓɛ pikà ɓyom ɓi kiɓɛ̀ɛ̀ ɓiǹ cem ɓi kìràà ki ɗuu, ki ǹdùsi a lɔŋlɔŋ miì.

ÀPÒKÀLIƁSƐ̀ 2:13

Ǹ-yii jàŋ inɛ ù kɔ̀kɔrii, jàŋ inɛ̀n yɛɛ̀ nnɛ ìkɔ̀ɔ̀ wu Satàn wu rilàmì wu ri, kìɓan kifog ù rì lɔŋ ǹsììrɛn ɓi ɗii ɗyɛ̀m, ù roòzɛ̀ngà ɓi ntyweeyi wu ù rì rì wɔ a lɔ̀ŋkɛm̀, nsoò ɓi mɛ̀ru mɛ ɓɛ wolà wusìnɛ̀ɗ wɛ̀m à ǹtyweeyi ànɛ lɛ Antipas a lɔ̀ŋkin jàŋ inɛ Satàn a kɔ̀kɔrii.

ÀPÒKÀLIƁSƐ̀ 20:2

À ɓangà kìnààgɔ̀n ki ki ri lɛ fìɗyàɓ fi nyoo fi lɛ nɗèm, rì Satàn, à kàŋ kɔ bɛn lɛ kɛɛ kɔri fɔlɔɔ bèg tɔɔsìm.