ÀPÒKÀLIƁSƐ̀ 13:17 - Bafia Nouveau Testament

¹⁷ rì tì lɛ mum kɛ̀ɛ ɓa ri bee inɛ lɛ a lag com nsoò lɛ a kaɓ, di à yin ɗi kìrèmzɛnà kiǹ, kɛɛ ri ɗii ɗi nyàm ìnɛn, nsoò lɛ bàlì ì ɗii ɗi nyàm ìnɛn.

ÀPÒKÀLIƁSƐ̀ 13:17 Iomraidhean Croise

GÀLAT 6:17

Nni mum kɛ̀ɛ yùti mɛ rì ǹ-yeesɛ̀n ɓisuulɛ doòdoo yi ǹɗì rì yɔ, yɛɛ̀ rèresi lɛ ǹɗì ǹkpàn a Yeesus Kiris.

ÀPÒKÀLIƁSƐ̀ 13:16

Nyàm ì kìɓɛ̀ɛ̀ inɛ̀n ì kàŋkàŋgà lɛ rì ɓɔɓti rì ɓɛ̀sɛ̀ɛ̀mɛn rì ɓɛ̀guŋgum rì ɓɛ̀soghàsogha, rì ɓumɓɛ ɓɛ yin ɓɛkpàn rì ɓɛ̀roɓɛ ɓɛ ri ɓɛ̀kpàn, lɛ ɓɛ̀sɛ̀ɛ̀ ɓɛ̀cèm ɓɛɛ ɓalag rì kìrèmzɛnà ɓi càg ki weèlem, rì ɓisù,

ÀPÒKÀLIƁSƐ̀ 13:18

Cààmɛ̀n ki lɛ mum a womzɛn kɛɛ̀ki, ŋwaànɛ à wom̀zɛɛ, a kaà lɛ à tanɛ̀n bàlì ì nyàm ìnɛn, ɓisuulɛ bàlì ìnɛn ì rì bàlì ì ɗii ɗi mum. Bàlì yìì inɛ̀n ì rì ɓɛ̀hɔnɗɛ̀ɗ taàfog rì mɛ̀tin mɛraa rì taàfog.

ÀPÒKÀLIƁSƐ̀ 14:11

Fìsilì fi ɗuu ɗi ɗyɛɛ̀ ɗiighɗigsì ɓɔ fyɛɛ̀ syoosyoo fiɗyàɓ fikɔ̀ɔ̀. Yɛ̀ɛ ìru yɛ̀ɛ ŋwos, rìfɔɔsɛ̀n ɗyaa ɓa ɓi ɓisuu ɓumɓɛ ɓɛ ɓɔgsìghà lɛ rì nyàm rì kìfèèghrɛnà ki yɔ̀, rì ɓisuu mum bimiɗ ànɛ à tekà kìrèmzɛnà ki ɗii ɗi nyàm ìnɛn.

ÀPÒKÀLIƁSƐ̀ 14:9

Fɔɔnnɛ ŋwaà-fìtom a kìraa à nɔ̀ɔ̀tìghày di a kpaakpaa jɛ̀ɛ̀ aɗyoo lɛ: I mum à ɓɔgsii nyàm rì kìfèèghrɛnà ki yɔ̀ nsoò lɛ ɓɛ teɗ nyi kìrèmzɛnà ki nyàm ìnɛn ɓisu nsoò lɛ ɓi càg,

ÀPÒKÀLIƁSƐ̀ 15:2

Nni ǹghɛngà di ɓumɓɛ ɓɛ yakà lɛ rì nyàm, rì kìfèèghrɛnà ki yɔ̀, rì bàlì ì ɗii ɗi nyàm ìnɛn. Ɓumɓɛ̀n ɓɛ rɛrɛ̀lìghà ɓi com ki kèleŋ̀ŋ̀ yɛ̀ɛ rìɓày ànɛ à rì ɓɛ̀ŋwii rì ɓɛ̀ŋwii, m̀ɓùtakɛn ɗi ɗuu, ɓɛ ɓanɓàn tìloŋ ti Bɛ̀ll à faghà ɓɔ.

ÀPÒKÀLIƁSƐ̀ 17:5

Ɗii ɗidɛŋ ɗi ɓaghà nyi ɗìkànɛn ɓisu; azi anɛ ɓi ɗii ɗìn à ɓaghà kìɓan ki a rìnyam; ɗii ɗìn ɗi ɓaghà lɛ Baɓilon àgwey, à jɛɛ ɓɛ̀yiɓ ɓɛ riɓàmɓà rì ɓìɓan ɓi ɓeɓtɛn ɓi ɓi ziinɛ.

ÀPÒKÀLIƁSƐ̀ 20:4

Nni ǹghɛngà mɛ̀kɔ̀ɔ̀ mɛ rilàmì, ɓɛ faghà ɓumɓɛ ɓɛ kɔràkà ɓi mɛ̀kɔ̀ɔ̀ mɛǹ ìtèɗ wu yɔ̀myɔmɛn ɓiɓan; fɔɔnnɛ ǹghɛɛ̀dìghà mɛ̀ghay mɛ ɓum ɓɛ ɓɛ wowòlà ɓisuulɛ ɓɛ ɓaghà ɓɛ̀wusìnɛ̀ɗ ɓɛ Yeesus rì ɓɛ jɛ̀ɛ̀ ì Bɛ̀ll, rì ɓɛ̀roɓɛ ɓɛ ɓɔgsìghà ɓi nyàm ì mɛ̀to taàɓɛ̀ɛ̀, nsoò lɛ kìfèèghrɛnà ki yɔ̀, ɓɛ̀ kɛɛ̀ ki ɓa ri kìrèmzɛnà ki nyàm ìnɛn ɓisu nsoò lɛ ɓi càg. Fɔɔnnɛ ɓɛ ghemɓɛ̀ngà, ɓɛ ki làmi nɗaŋ ɗi Kiris bèg tɔɔsìm.

ÀPÒKÀLIƁSƐ̀ 22:4

Ɓɛ ki ghɛn ìsu wii, ɗii ɗìì ɗi ɓa ɗìkànɛn ɓi mɛ̀su maa.

ÀPÒKÀLIƁSƐ̀ 3:12

Ŋwaànɛ à ɓiì yagsaagh ǹkì nyi lɛ a ɓa rìkwìy ɗi ɓi naa ì Bɛ̀ll wɛ̀m, fɔɔnnɛ àa kpaŋdii gɛ tì ɓi ɓi naa ìnɛ̀n. Ǹɗì ɓiì kàni ɗii ɗi Bɛ̀ll wɛ̀m ɓi nyi, ɗii ɗi bàn ì Bɛ̀ll wɛ̀m, bàn ìnɛn yɛ̀ɛ ri myɔɔnyɔn à Yorisalɛm ànɛ a sɛnsɛn yi aɗyoo, di à pɛ̀sɛɛ yì Bɛ̀ll wɛ̀m jàŋbog, ǹki kàn irig ɗii ɗyɛ̀m ɗi nyɔn ɓi nyi.

ÀPÒKÀLIƁSƐ̀ 7:3

Kɛ̀ ɓi kòm zi lɛ ɓi ki yɔ̀ kiɓe; nsoò rìɓày à kìkòn, nsoò ɓìte, di tì ka legsi ɓi kirèmzaagh mɛsu mɛ ɓɛ̀kìì-ɓìsay ɓɛ Bɛ̀ll wìs ri sìtam̀.