ÀPÒKÀLIƁSƐ̀ 13:16 - Bafia Nouveau Testament

¹⁶ Nyàm ì kìɓɛ̀ɛ̀ inɛ̀n ì kàŋkàŋgà lɛ rì ɓɔɓti rì ɓɛ̀sɛ̀ɛ̀mɛn rì ɓɛ̀guŋgum rì ɓɛ̀soghàsogha, rì ɓumɓɛ ɓɛ yin ɓɛkpàn rì ɓɛ̀roɓɛ ɓɛ ri ɓɛ̀kpàn, lɛ ɓɛ̀sɛ̀ɛ̀ ɓɛ̀cèm ɓɛɛ ɓalag rì kìrèmzɛnà ɓi càg ki weèlem, rì ɓisù,

ÀPÒKÀLIƁSƐ̀ 13:16 Iomraidhean Croise

MƐ̀KÌKÌÌ MƐ ƁƐKƐ̀NÌ-FÌTOM 26:22

Wɔ̀lɛ, rìɓèŋ ɗi Bɛ̀ll a ɓèŋɓeŋ mɛ, ɗyɛɛ kiì lɛ, m̀ɓaɓa ɓi cɛɓ à kpaŋ gɛɛ̀nɛ, fɔɔnnɛ ǹɗì fɛlɛ yɛ̀ɛ wusìnɛ̀ɗ ànɛ a kakali lɛ, rì ɓɔɓti, rì ɓɛ̀sɛ̀ɛ̀mɛn, ɓiɓan ɓii, kɛ̀ɛ ǹki sagti kiɓan kidɛŋ ɓi ɓìɓan ɓi ɓɛ̀kpaŋzì-ɓìɓan rì Moyis ɓɛ kpaaghà lɛ, ɓi ri ɓiì kìlɛɛ,

1 KƆ̀RƐ̀ŊTYƐŊ 12:13

Lɛ ɓìsi ɓɛ̀sɛ̀ɛ̀ ɓɛ̀cèm, tì ɓàɓtɛ̀ngà ɓi mbobog à Nghay, lɛ ti ɓa nyoo bogtɛ̀n nsoò Ɓɛ̀yudɛ̀n, nsoò ɓumɓɛ ɓɛ yin Ɓɛ̀yudɛ̀n, nsoò ɓɛ̀kpàn, nsoò ɓumɓɛ ɓɛ yin ɓɛkpàn, fɔɔnnɛ ɓìsiìcèm tì nɔghà m̀bobog à Nghay ànɛ̀n.

GÀLAT 3:28

Fɔɔnnɛ gasɛ̀n ì yiìdi ɓi nyìinyìm ànɛ lɛ rì Ɓɛ̀yudɛ̀n rì ɓìlɔ̀ŋ ɓidɛŋ, yɛ̀ kɛɛ̀ ɓa ti ɓi nyìinyìm ànɛ lɛ rì ǹkpàn rì ŋwaànɛ à yin ǹkpàn, nsoò ɓi nyìinyìm ànɛ lɛ rì baŋì rì giɓ ɓisuulɛ mìniìcèm ɓì ti com kìfog ɓi Yeesus Kiris.

GÀLAT 6:17

Nni mum kɛ̀ɛ yùti mɛ rì ǹ-yeesɛ̀n ɓisuulɛ doòdoo yi ǹɗì rì yɔ, yɛɛ̀ rèresi lɛ ǹɗì ǹkpàn a Yeesus Kiris.

EFÈZYƐŊ 6:8

Ɓì yi lɛ, nsoò ǹkpàn, nsoò ŋwaànɛ à yin ǹkpàn, mum ǹcèm à rì ɓiì terì mɛ̀lèɓ yɛ̀ɛ Kan ɓi syeesyee wìì a rìkì.

KÒLÒSYƐŊ 3:11

Foo ǹlànag wu yiìdi ɓi nyìinyìm ànɛ lɛ, rì muu Gìrɛg, rì muu Ɓɛ̀yudɛ̀n, nsoò lɛ rì ŋwaànɛ à rì ǹkɛ̀rɛn, rì roànɛ à yin nkɛ̀rɛn, ǹkèn a mum, rì muu Sit, nsoò lɛ rì ǹkpàn rì ŋwaànɛ à yin ǹkpàn, lɔŋ Kiris yɛɛ ri com kìcèm ɓi ɓum ɓɛ̀cèm.

2 TIMOTE 3:8

Fɛlɛ yɛ̀ɛ Zyanɛs rì Zyamɓirɛs ɓɛ ramgà wɛ̀y ri Moyis, fɔlɔɔ nnɛ ɓumɓɛ̀n ɓɛɛ̀ ɗùùɗuu girig rì saaɗ, ɓɛ ri ɓumɓɛ nghay waa wu ti wù ɗimɛn bee, rìgherɛ̀n ɗyaa ɗi yiǹ lɛ ɗi ɓanɛ̀n di mɛ̀fèèghrɛn mɛ tanɛɛ ɓɔ.

ÀPÒKÀLIƁSƐ̀ 11:18

Ɓìlɔ̀ŋ ɓi wokà bim, kìɓan kifog, cààmɛ̀n ki lɛ bim yɔɔ̀ yɛ̀ɛ ghɛnɛn ki yuù, rì ki lɛ u yɔm̀ ɓìloŋ; rì cààmɛ̀n ki lɛ u leɓ ɓɛ̀kìì-ɓìsay ɓɔɔ ɓɛ lɛ ɓɛ̀kpaŋzì-ɓìɓan, rì ɓɛ̀gherɛ̀n rì ɓumɓɛ ɓɛ ti ɓɛ nigì ɗii ɗyɔɔ, lɛ rì ɓɔɓti rì ɓɛ̀sɛ̀ɛ̀mɛn; cààmɛ̀n ki lɛ u cuùsi ɓumɓɛ ɓɛɛ̀ yooyogsì ziinɛ ki kpaŋi.

ÀPÒKÀLIƁSƐ̀ 15:2

Nni ǹghɛngà di ɓumɓɛ ɓɛ yakà lɛ rì nyàm, rì kìfèèghrɛnà ki yɔ̀, rì bàlì ì ɗii ɗi nyàm ìnɛn. Ɓumɓɛ̀n ɓɛ rɛrɛ̀lìghà ɓi com ki kèleŋ̀ŋ̀ yɛ̀ɛ rìɓày ànɛ à rì ɓɛ̀ŋwii rì ɓɛ̀ŋwii, m̀ɓùtakɛn ɗi ɗuu, ɓɛ ɓanɓàn tìloŋ ti Bɛ̀ll à faghà ɓɔ.

ÀPÒKÀLIƁSƐ̀ 19:18

lɛ di ɓi ɗi lɛ rì mɛ̀mùù mɛ mɛfòm, rì ɓɛ̀kɔ̀mɛ̀n ɓɛ̀sujàà, rì ɓìtèetèɗ ɓi ɓum, rì mɛ zòm yi kimbɛ̀rɛ̀ rì ɓumɓɛ ɓɛ ri ɓi zòm yiǹ aɗyoo, rì mɛ ɓum ɓɛ̀cèm lɛ, rì ɓɛ̀kpàn rì ɓɛ̀roɓɛ ɓɛ yin ɓɛkpàn, rì ɓɔɓti rì ɓɛ̀sɛ̀ɛ̀mɛn.

ÀPÒKÀLIƁSƐ̀ 19:20

Nni ɓɛ ɓangà nyàm ìnɛn nɗaŋ ri ǹkpaŋzì-ɓìɓan ɓi ɓɛpwàà ànɛ à kìkìghà dàm yi yi syogà ɓumɓɛ ɓɛ ɓaghà rì kìrèmzɛnà ki nyàm, ɓɛ ki ɓɔɔɓɔgsì kìfèèghrɛnà ki nyàm ìncèm. Fɔɔnnɛ ɓɛ pikà ɓyom ɓi kiɓɛ̀ɛ̀ ɓiǹ cem ɓi kìràà ki ɗuu, ki ǹdùsi a lɔŋlɔŋ miì.

ÀPÒKÀLIƁSƐ̀ 19:5

Nni jɛ̀ɛ̀ ì faŋìghày ɓi-kɔ̀ɔ̀ wu rilàmì lɛ: Ɓɔgsiina Bɛ̀ll wìs, mìni ɓɛ̀kìì-ɓìsay ɓii ɓɛ̀cèm, mìni ɓɛ ɓì ti ɓì risàg nyi lɛ rì ɓɔɓti rì ɓɛ̀sɛ̀ɛ̀mɛn.

ÀPÒKÀLIƁSƐ̀ 20:12

Fɔɔnnɛ ǹghɛngà ɓìloŋ lɛ rì ɓi ɓɛsɛ̀ɛ̀mɛn rì ɓi ɓɔɓti, di ɓi rɛrɛlii asu wu ikɔ̀ɔ̀ wu rilàmì. Ɓɛ ŋwaɗkà ɓɛ̀kaàtà, ɓɛ ŋwaɗtì kaàtà àdɛŋ ànɛ à rì kaàtà à cɛɓ. Fɔɔnnɛ ɓɛ yɔmgà ɓìloŋ ɓiǹ lɔŋ yɛ̀ɛ mɛ̀kìkìì maa mɛ ɓaghà, lèg ànɛ yɛ̀ɛ ki ɓaghà kì kànɛn ɓi ɓɛ̀kaàtà ɓɛǹ.

ÀPÒKÀLIƁSƐ̀ 20:4

Nni ǹghɛngà mɛ̀kɔ̀ɔ̀ mɛ rilàmì, ɓɛ faghà ɓumɓɛ ɓɛ kɔràkà ɓi mɛ̀kɔ̀ɔ̀ mɛǹ ìtèɗ wu yɔ̀myɔmɛn ɓiɓan; fɔɔnnɛ ǹghɛɛ̀dìghà mɛ̀ghay mɛ ɓum ɓɛ ɓɛ wowòlà ɓisuulɛ ɓɛ ɓaghà ɓɛ̀wusìnɛ̀ɗ ɓɛ Yeesus rì ɓɛ jɛ̀ɛ̀ ì Bɛ̀ll, rì ɓɛ̀roɓɛ ɓɛ ɓɔgsìghà ɓi nyàm ì mɛ̀to taàɓɛ̀ɛ̀, nsoò lɛ kìfèèghrɛnà ki yɔ̀, ɓɛ̀ kɛɛ̀ ki ɓa ri kìrèmzɛnà ki nyàm ìnɛn ɓisu nsoò lɛ ɓi càg. Fɔɔnnɛ ɓɛ ghemɓɛ̀ngà, ɓɛ ki làmi nɗaŋ ɗi Kiris bèg tɔɔsìm.

ÀPÒKÀLIƁSƐ̀ 6:15

Mɛ̀fòm mɛ ɓi ziinɛ, rì ɓìtèetèɗ ɓi ɓum, ɓɛ̀kɔ̀mɛ̀n ɓɛ̀sujàà, ɓɛ̀guŋgum, ɓɛ̀tèteɗ, ɓɛ̀kpàn ɓɛ̀cèm rì ɓumɓɛ ɓɛ yin ɓɛkpàn, ɓɛ nyamzàkà lɛ rì ɓi bùù rì ɓi bagsɛn yi mɛɓan mɛ ɓi dòn.

ÀPÒKÀLIƁSƐ̀ 7:3

Kɛ̀ ɓi kòm zi lɛ ɓi ki yɔ̀ kiɓe; nsoò rìɓày à kìkòn, nsoò ɓìte, di tì ka legsi ɓi kirèmzaagh mɛsu mɛ ɓɛ̀kìì-ɓìsay ɓɛ Bɛ̀ll wìs ri sìtam̀.