ÀPÒKÀLIƁSƐ̀ 13:15 - Bafia Nouveau Testament

¹⁵ Ɓɛ faghà nyàm ìmbog ìnɛ̀n ìtèɗ wulɛ yɛ̀ɛ ki lɛ kìfèèghrɛnà ki nyàm ì ǹtonto kɛɛ nyɛɛ̀nyɛ̀ŋɗɛ̀n lɛ di kɛɛ toòghrɛn ki ki lɛ, ɓɛɛ cuusi ɓum ɓɛ̀cèm ɓɛ ɓɛ ɓeni kìɓɔgsii kifèèghrɛnà ki ncèm kiǹ.

ÀPÒKÀLIƁSƐ̀ 13:15 Iomraidhean Croise

ZYAG 2:26

Fɛlɛ yɛ̀ɛ nyoo ìnɛ ì rì kɛ̀ɛ̀ ǹghay ì rì kìloŋ, fɔlɔɔ nnɛ rìgherɛ̀n ɗi ɗi yin ɗi mɛ̀kìkìì ɗi ri girig kìloŋ.

ÀPÒKÀLIƁSƐ̀ 13:1

Fɔɔnnɛ ǹghɛngà di nyàm ìdɛŋ yɛɛ̀ kpaŋkpaŋ yi ɓi rìɓày à kìkòn; ì ɓaghà mɛ̀tɔŋ ǹtɛ̀ɗ, rì mɛ̀to taàɓɛ̀ɛ̀, mɛ̀tɔŋ mɛ yɔ̀ mɛǹ mɛ ɓalàkà rì ɓɛ̀tàm ɓɛ rikem, mii mɛ tifena ɓisuu Bɛ̀ll mɛ ɓalàkà mɛ̀ kàngakɛn ɓi mɛ̀to mɛ nyàm ìnɛn.

ÀPÒKÀLIƁSƐ̀ 13:12

Ì kìkìghà kìsay ri ìtèɗ wu rilàmì wu nyàm ì ǹtonto, ɓi mis mɛ nyàm ìncèm ìnɛn. Ì ki kàŋkaŋ zi, ri ɓumɓɛ miì lɛ ɓɛɛ ɓɔgsi nyàm ì ǹtonto ìnɛ ì ɓaghà rì coo beŋ i ǹfin ìnɛ ɓɛ ɓooghà ì wɔ̀n.

ÀPÒKÀLIƁSƐ̀ 13:14

Ì yègsì ɓumɓɛ ɓi ziinɛ rì dàm yi ɓɛ faghà yɔ̀ itèɗ wulɛ yɛ̀ɛ kiki ɓi mis mɛ nyàm ì ǹtonto di yɛɛ̀ kpaakpaa ɓumɓɛ ɓi ziinɛ lɛ ɓɛɛ ki kìfèèghrɛnà ki nyàm ìnɛ ɓɛ kpɛɛ̀ghà rì gàfàg ì ki ghɛɓ.

ÀPÒKÀLIƁSƐ̀ 14:11

Fìsilì fi ɗuu ɗi ɗyɛɛ̀ ɗiighɗigsì ɓɔ fyɛɛ̀ syoosyoo fiɗyàɓ fikɔ̀ɔ̀. Yɛ̀ɛ ìru yɛ̀ɛ ŋwos, rìfɔɔsɛ̀n ɗyaa ɓa ɓi ɓisuu ɓumɓɛ ɓɛ ɓɔgsìghà lɛ rì nyàm rì kìfèèghrɛnà ki yɔ̀, rì ɓisuu mum bimiɗ ànɛ à tekà kìrèmzɛnà ki ɗii ɗi nyàm ìnɛn.

ÀPÒKÀLIƁSƐ̀ 14:9

Fɔɔnnɛ ŋwaà-fìtom a kìraa à nɔ̀ɔ̀tìghày di a kpaakpaa jɛ̀ɛ̀ aɗyoo lɛ: I mum à ɓɔgsii nyàm rì kìfèèghrɛnà ki yɔ̀ nsoò lɛ ɓɛ teɗ nyi kìrèmzɛnà ki nyàm ìnɛn ɓisu nsoò lɛ ɓi càg,

ÀPÒKÀLIƁSƐ̀ 16:2

Nni ŋwaà-fìtom a ǹtonto à kɛ̀ngà, à sùùrì ɓeŋ wìì ɓi zi; fɔɔnnɛ ɓum ɓɛ̀cèm ɓɛ ɓɛ ɓaghà rì kìrèmzɛnà ki nyàm, ɓɛ ki ɓɔɔɓɔgsì kìfèèghrɛnà ki yɔ̀, ɓɛ roɓkàkà rìkuu ɗi kiɓɛɛ ɗiɗɛŋ ɗi mum kɛ̀ɛ yi yɛ̀ɛ ɗi kɛɛ̀kɛɛ yì, ɗi ki kɛŋ yɛ̀ɛ mɛ̀nɔ̀ɓɔ̀.

ÀPÒKÀLIƁSƐ̀ 16:5

Nni ǹwokà di ŋwaà-fìtom a mɛ̀nig a kpaa lɛ: Ù rì lɛ saaɗ, yɛ̀ɛ wɔ̀ɔ nɗeni lɛ kɛɛ ɓa fɔlɔɔ, wàànɛ ù rì ǹtɛnɛn, ùrì, ù ki ɓaghà.

ÀPÒKÀLIƁSƐ̀ 17:14

Ɓɛ ri ɓiì ɗùu ri Man à jɔ̀ɔ̀, Man à jɔ̀ɔ̀ à ki yag ɓɔ ɓi wɛ̀y ɓisuulɛ, à rì Kan ànɛ a ɓɛ̀kan, à ki ɓa ti rifòm ɗi mɛfòm. Man à jɔ̀ɔ̀ à rì ɓɔ ɓiì yaàgh ɓi wɛ̀y, ǹɗaŋ ɗi ɓumɓɛ à reŋìghà ɓɛ ɓɛ ri ɓɛ̀ɓɔ̀nɛn, ɓɛɛ ri ɓɛ̀gherɛ̀n ɓii ɓɛ ntyweeyi.

ÀPÒKÀLIƁSƐ̀ 17:17

Ɓisuulɛ Bɛ̀ll à fogà ɓɔ fèg ànɛ lɛ ɓɛɛ roòzi rìkɔ̀n ɗii ɓi mɛ̀rem; rìkɔ̀n ɗìfog ɗyɛɛri lɛ, ɓɛɛ teɗ rìlàmì ɗyaa, ɓɛɛ fa rì nyàm à kpaŋ yɛ̀ɛ ɓìɓan ɓi Bɛ̀ll à kpaaghà ɓi ri ɓiì kìlɛɛ.

ÀPÒKÀLIƁSƐ̀ 17:6

Fɔɔnnɛ ǹghɛngà giɓ anɛ̀n ǹŋwaŋɛn lɛ rì bwaɓ yi ɓɛgherɛ̀n, rì yi ɓɛwusìnɛ̀ɗ ɓɛ Yeesus. Yɛ̀ɛ ǹghɛngà nyi, ǹkuuràg lɛɛ̀gwey.

ÀPÒKÀLIƁSƐ̀ 18:20

Wɔ̀ ɗyoo, ù rì lɛ ù sàmsàm ɓi rìɗyaŋ ɗi bàn ìnɛn ì ɗyaŋi, rì mìni ɓɛ̀gherɛ̀n, rì ɓɛ̀kɛ̀nì-fìtom rì ɓɛ̀kpaŋzì-ɓìɓan girig, ɓisuulɛ Bɛ̀ll à rɔ̀ŋi kìɓan kin yɛ̀ɛ à pɔnɔsii yɔ̀.

ÀPÒKÀLIƁSƐ̀ 18:24

rì tì lɛ, ɓɛ tanɛ̀ngà lɛ rì bwaɓ yi ɓɛkpaŋzì-ɓìɓan, rì yi ɓɛgherɛ̀n, rì yi ɓum ɓɛ̀cèm ɓɛ ɓɛ cuusìghà ɓi ziinɛ a lɔ̀ŋkɔɔ.

ÀPÒKÀLIƁSƐ̀ 19:20

Nni ɓɛ ɓangà nyàm ìnɛn nɗaŋ ri ǹkpaŋzì-ɓìɓan ɓi ɓɛpwàà ànɛ à kìkìghà dàm yi yi syogà ɓumɓɛ ɓɛ ɓaghà rì kìrèmzɛnà ki nyàm, ɓɛ ki ɓɔɔɓɔgsì kìfèèghrɛnà ki nyàm ìncèm. Fɔɔnnɛ ɓɛ pikà ɓyom ɓi kiɓɛ̀ɛ̀ ɓiǹ cem ɓi kìràà ki ɗuu, ki ǹdùsi a lɔŋlɔŋ miì.

ÀPÒKÀLIƁSƐ̀ 20:4

Nni ǹghɛngà mɛ̀kɔ̀ɔ̀ mɛ rilàmì, ɓɛ faghà ɓumɓɛ ɓɛ kɔràkà ɓi mɛ̀kɔ̀ɔ̀ mɛǹ ìtèɗ wu yɔ̀myɔmɛn ɓiɓan; fɔɔnnɛ ǹghɛɛ̀dìghà mɛ̀ghay mɛ ɓum ɓɛ ɓɛ wowòlà ɓisuulɛ ɓɛ ɓaghà ɓɛ̀wusìnɛ̀ɗ ɓɛ Yeesus rì ɓɛ jɛ̀ɛ̀ ì Bɛ̀ll, rì ɓɛ̀roɓɛ ɓɛ ɓɔgsìghà ɓi nyàm ì mɛ̀to taàɓɛ̀ɛ̀, nsoò lɛ kìfèèghrɛnà ki yɔ̀, ɓɛ̀ kɛɛ̀ ki ɓa ri kìrèmzɛnà ki nyàm ìnɛn ɓisu nsoò lɛ ɓi càg. Fɔɔnnɛ ɓɛ ghemɓɛ̀ngà, ɓɛ ki làmi nɗaŋ ɗi Kiris bèg tɔɔsìm.