ÀPÒKÀLIƁSƐ̀ 13:10 - Bafia Nouveau Testament

¹⁰ I mum à yalɛ̀ngà lɛ à kɛ̀ɛ gɛ rìkpàn, à rì ɓiì kɛ̀ɛ, i ŋwaà woli mum rì gafàg, ɓɛ woli gɛ nyi rì gàfàg. Cààmɛ̀n ki ɓɛ̀gherɛ̀n ɓɛ ghɛɛ̀sɛɛ kì sììrɛɛ, ɓɛ ki ɓa ri ǹtyweeyi kɛɛ̀ki.

ÀPÒKÀLIƁSƐ̀ 13:10 Iomraidhean Croise

MATYOO 26:52

Nni Yeesus à kpaaghà nyi lɛ: Pɛ̀ɛ̀zi gàfàg yɔ̀ɔ̀ ɓi ɗyaŋ, lɛ ɓum ɓɛ̀cèm ɓɛ ɓɛ teri gàfàg, ɓɛ ɓiì wiì lɛ gàfàg.

MATYOO 7:2

Lɛ lèg ànɛ yɛ̀ɛ ɓì yɔ̀mi ɓɛ̀ro ɓɛmbog innɛ ɓɛ ri mìni ɓiì yɔ̀mi; vèg ìnɛ ɓì ti ɓì fèkì ɓum miì, yɛɛ̀nɛ ɓɛ ri mìni ɓiì fèegh miì.

LUKAS 21:19

Kìsììrì kin kɛɛ ri ɓiì kìi lɛ ɓi ghɛɓsi ɓyɛɓ ɓin.

KÒLÒSYƐŊ 1:11

Ɓaana rì ìtèɗ, ɓɛ̀ɓɛg ɓɛ̀cèm, ìtèɗ win wu ɓa wu ɓi rìkem ɗii, fɔɔnnɛ ɓì ɓiì ɓaà rì kìsììrì, ɓì ki yi rinìɗ ɗi nɗem lɛ kɔɔ̀kɔɔ̀.

EBIREEGH 6:12

ɓi lèg ànɛ lɛ kɛ̀ ɓi rɛ̀gsi nyoo, ɓi nɔɔ̀ti lɔŋ ikòò wu ɓɛroɓɛ ɓɛ gherɛɛ, ɓɛ ki ɓa ri kìsììrì; ɓɛɛ ti ɓɛ tekì ɓìɓan ɓi Bɛ̀ll à kàkà lɛ rìkì ɗyaa ɗiǹ.

ÀPÒKÀLIƁSƐ̀ 1:9

Mɛ̀ zyaŋ ànɛ ǹɗì geni wìn, ǹɗì rì gàɓ lɛ rì ɓi mɛ̀tɔɓ, rì ɓi kìlɔ̀ŋ ki Bɛ̀ll rì ɓi rìsììrɛ̀n ɗi ɓi Yeesus, m̀ɓaghà ɓi kìrìŋ ki riɓày ki lɛ Patmos ɓisuu righagsì ɗi jɛ̀ɛ̀ ì Bɛ̀ll, ǹki tɛɛ̀zi saaɗ ànɛ ɓi kìɓan ki Yeesus.

ÀPÒKÀLIƁSƐ̀ 11:18

Ɓìlɔ̀ŋ ɓi wokà bim, kìɓan kifog, cààmɛ̀n ki lɛ bim yɔɔ̀ yɛ̀ɛ ghɛnɛn ki yuù, rì ki lɛ u yɔm̀ ɓìloŋ; rì cààmɛ̀n ki lɛ u leɓ ɓɛ̀kìì-ɓìsay ɓɔɔ ɓɛ lɛ ɓɛ̀kpaŋzì-ɓìɓan, rì ɓɛ̀gherɛ̀n rì ɓumɓɛ ɓɛ ti ɓɛ nigì ɗii ɗyɔɔ, lɛ rì ɓɔɓti rì ɓɛ̀sɛ̀ɛ̀mɛn; cààmɛ̀n ki lɛ u cuùsi ɓumɓɛ ɓɛɛ̀ yooyogsì ziinɛ ki kpaŋi.

ÀPÒKÀLIƁSƐ̀ 14:12

Cààmɛ̀n ki ɓɛ̀gherɛ̀n ɓɛ ɓɛɛ̀ ɓèŋɓeŋ ɓidɔ̀gsɛna ɓi Bɛ̀ll rì ǹtyweeyi wu yɛ̀ɛ Yeesus, ɓɛɛ siìrɛn kɛɛ ri lɛ̀.

ÀPÒKÀLIƁSƐ̀ 16:6

Ɓisuulɛ ɓɛ yogsìghà bwaɓ yi ɓɛgherɛ̀n rì yi ɓɛkpaŋzì-ɓìɓan, nni wɔ̀ɔ nfaa ɓɔ bwaɓ lɛ ɓɛɛ nɔ, ki ghɛɛ̀sɛɛ lɛ ɓɛɛ ki ɓɔ fɔlɔɔ.

ÀPÒKÀLIƁSƐ̀ 17:11

Nyàm ìnɛ ì ɓaghà, ìnɛ ì ki yiìdi inɛ̀n, yɛ̀ɛ ri rìfòm ɗi kitaàraa, ì ɓa tì kìbog ki ɓi mɛfòm mɛ kitaàɓɛ̀ɛ̀, ì ki rì ɓiì kɛ̀ɛ ki ɗyaŋì.

ÀPÒKÀLIƁSƐ̀ 17:8

Nyàm ìnɛ wàa ghɛɛ, ì ɓaghà nni ì yiìdi. Ì rì ɓiì kpaŋìì ɓi coo riɓee ɗi rimɛn, ì kɛ̀n kì ɗyaŋì. Nni ɓumɓɛ ɓi ziinɛ, ɓɛ mii maa mɛ ɓaghà ɓi mɛ kànɛn ɓi kaàtà à cɛɓ, à tumɛ̀n yɛ̀ɛ ziinɛ ì kìlɛ̀ngà, ɓɛ ri kuuràg di ɓɛ ghɛɛ nyàm ìnɛn, ɓisuulɛ ì ɓaghà, nni ì yiìdi, nni ì ki rì ɓiì sugtii yi tì.

ÀPÒKÀLIƁSƐ̀ 2:19

Ǹ-yii mɛ̀kìkìì mɔɔ, rì ǹkɔ̀nɛ̀n wɔ̀ɔ̀, ɗì rìgherɛ̀n ɗyɔɔ, rì càg kɔɔ ki kisay, rì kìsììrì kɔɔ, rì mɛ̀kìkìì mɔɔ mɛ siitòn mɛ mɛ teghɛɛ mɛ cee mɛ ǹtonto.

ÀPÒKÀLIƁSƐ̀ 2:2

Ǹ-yii mɛ̀kìkìì mɔɔ, ǹ-yii kìsay kɔɔ rì kìsììrì kɔɔ. Ǹ-yii lɛ ù yin lɛ ù cenɛ̀n ɓìɓeɓtàg ɓi ɓum, wɔ̀ɔ nfèèghrɛ̀ ɓumɓɛ ɓɛ nkpaakpaa lɛ ɓɔɔ ri ɓɛ̀kɛ̀nì-fìtom, kɔm̀ lɛ ɓɛ yin ɓɛkɛ̀nì-fìtom, fɔɔnnɛ wɔ̀ɔ nghɛɛ lɛ ɓɛ ri ɓɛ̀pwààpwaà.

ÀPÒKÀLIƁSƐ̀ 3:10

Lɛ ù ɓègà jɛ̀ɛ̀ yɛ̀m ɗì kìsììrì, fɔɔnnɛ mɛ̀ girig ǹɗì wɔ̀ ɓiì ɓèŋi ɓi cààmɛ̀n à mɛ̀fèèghrɛn mɛ mɛ ghɛɛ̀sɛɛ kì yùu ɓi ziinɛ bimiɗ lɛ mɛɛ feèghrɛn ɓum ɓɛ̀cèm ɓɛ ɓi ziinɛ.

ÀPÒKÀLIƁSƐ̀ 3:3

Yiti min ɓiɓan ɓi Bɛ̀ll ɓi ù tekà rì ɓi ù wokà, ɓèŋa ɓyɔ ù ki lɔ̀ɔ̀ghrɛn nɗem; i ù kɔ̀rii ɓi cem, di ǹɗì wɔ̀ ɓiì yùu ki sìri kɔ̀ɔ ki yi ŋwos anɛ ǹɗì ɓiì yùu.