ÀPÒKÀLIƁSƐ̀ 12:9 - Bafia Nouveau Testament

⁹ Nni ɓɛ tyɔkày coo kinààgɔ̀n kiǹ, fìɗyàɓ fi nyoo fìn, fi fi ri ɗii lɛ ǹɗèm nsoò lɛ Satàn, nnyɛɛ ri ǹ-yègsì zi bimiɗ ìnɛ ɓum ɓɛɛ̀ ghɛghɛɓ miì, ɓɛ tyɔkày nyi ɓi zi, ɓɛ ki tyɔg yi girig ɓum ɓii ɓɛ titom ǹɗaŋ ri nyi.

ÀPÒKÀLIƁSƐ̀ 12:9 Iomraidhean Croise

MATYOO 13:39

Bènàbena anɛ à mìskà kìɓeɓtàg ki boo yɛɛ rì Satàn; mɛ̀saŋ mɛɛ ri rìlèg ɗi zi, ɓɛ̀saŋì-mɛ̀saŋ ɓɛɛ ri ɓum ɓɛ titòm.

MATYOO 24:24

Ɓisuulɛ ɓɛ̀kiris ɓɛ ɓɛpwàà, rì ɓɛ̀pwààpwaà ɓɛ ɓɛkpaŋzì-ɓìɓan ɓɛ ɓiì yùu, ɓɛ kikì ɓyoo dàm rì ɓɛ̀koŋnyoo ɓɛ ɓiɓan ɓi lèg ànɛ lɛ, i kaa rì lɛ ki kilɛ̀n, di ɓɛ ri lɛ ɓɛ syoŋ̀ nsoò ɓumɓɛ ɓɛ ri ɓɛ̀ɓɔ̀nɛn.

MATYOO 25:41

Fɔɔnnɛ rìfòm ɗi kalii gɛ ɓumɓɛ ɓi kìmɛŋ kii lɛ: Mìni ɓumɓɛ ɓì rì ɓɛ̀cɛ̀mɛn, pɛ̀sɛɛna mɛ̀ ɓi mis; ɓi kɛǹ ɓi ɗuu ɗi fiɗyàɓ fikɔ̀ɔ̀ ɗi ɓɛ pegsɛ̀ngà ɓisuu Satàn, ɗì ɓum ɓii ɓɛ titòm.

MATYOO 4:1

Ajɛ̀m ìnɛn nnɛ Ǹghay à kèngɛ̀ rì Yeesus ɓi-reɓ lɛ Satàn a feèghrɛn nyi.

MATYOO 4:10

Nni Yeesus à ɓàkà nyi lɛ: Satàn, pɛ̀sɛn mɛ̀ ɓi mis! Lɛ ki ri kì kànɛn lɛ: Ù ghɛ̀ɛ̀sɛɛ kì ɓɔgsii Kan Bɛ̀ll wɔ̀ɔ̀, lɔŋ nyi cɛ̀ncii nnɛ ù kì kìsay.

MATYOO 4:5

Nni Satàn a tekà nyi, à kɛ̀n ɗì nyi ɓi bàn ìnɛ ì rì ǹtɛnɛn, à ɓɔgsì nyi ɓi fìran fi naà-Bɛ̀ll aɗyòò,

MATYOO 4:8

Fɔɔnnɛ Satàn a tɛ̀gtìghà Yeesus lɛ leg à kɛ̀n ɗì nyi ɓi coo dòn aɗyoo à rèsi nyi ɓìlɔ̀ŋ ɓi ɓi ziinɛ ɓìcèm, rì rìkem ɗi ɓi ɓìlɔ̀ŋ ɓiǹ.

LUKAS 10:18

Yeesus à kpaa ɓɔ lɛ: Mɛ̀ ǹghɛngà di Satàn a kɔ̀sɛɛ yì aɗyòò, à kpì fɛlɛ yɛɛ̀ ŋwàaŋwàɗ.

LUKAS 13:16

Nni giɓ anɛ à rì ànɛ, à rì ɓi boo ì mum yì Abiraham, nyi nnɛ Satàn a ɓangà, à kàŋ bɛn, gɛɛ̀nɛ bèg ǹtɛ̀ɗ ɗì taàraa. Nni ki ghɛɛ̀sɛɛ ɓi lɛ ɓɛɛ fumi nyi bɛn yin ŋwosi Saɓàt?

LUKAS 22:3

Satàn a ɗiŋìghà ɓi nɗem wu Zyudas ànɛ ɓɛ ndegì lɛ Iskariyot, à ɓaghà kìbog ki ɓi ɓɛ̀yilàg ǹtɛ̀ɗ rì ɓɛɓɛɛ̀.

LUKAS 22:31

Simɔn! Simɔn! Satàn àa ntɔɔgh ìtèɗ wulɛ a fɛɓti mìni yɛ̀ɛ gèŋ,

LUKAS 8:12

Ɓɛ̀roɓɛ ɓɛ ri ɓi tim̀ à bee, ɓɔ yɛɛ rilàg lɛ, i ɓaa wog jɛ̀ɛ̀ ì Bɛ̀ll, Satàn a yùy ɓɔ yɔ̀ ki pisii ɓi mɛ̀rem lɛ ɓɛɛ rɔɓ kɛ̀ ɓɛɛ̀ gherɛn, ɓɛ ki mɛ̀n cɛɓ.

ZYAŊ 12:31

Ɓi cààmɛ̀n ki, kìɓan ki ziinɛ ki yuù kì renɛɛ, ɓigomìnɛ. Ɓɛ yuù kì màagh rifòm ɗi ziinɛ ɓi dan.

ZYAŊ 14:30

Tyàa tòki ti ɓi ri mìni, ɓisuulɛ rìfòm ɗi ziinɛ ɗi tiì, nni ɗi yin ɗi ìtèɗ wulɛ ɗi ki mɛ̀ com.

ZYAŊ 16:11

Mɔ zɛ̀ɗ ɓi kìɓan ki riren ɗi ɓiɓan ɗi Bɛ̀ll, ɓisuulɛ, kìɓan ki rifòm ɗi ziinɛ ki mɛ renɛ̀n.

ZYAŊ 8:44

Satàn yɛɛ ri seŋi wìn fɔɔnnɛ ɓi kɔ̀nkɔn lɛ di ɓyàa kìi rìkɔ̀n ɗi seŋi wìn. A ɓalag ǹwolì-ɓum à tumɛ̀n a rìtumɛ̀n, à ki ka rɛlìghà ɓi ɓi saaɗ nsoò ŋwos bog, ɓisuulɛ, saaɗ a maà ɓa ɓi a lɔ̀ŋkii; cààmɛ̀n ki a pwààpwaa ɓum, lɔŋ com ki ki riì nyi ɓi nɗem kɛɛ̀ki a kpaakpaa ɓɔ, lɛ à rì pwààpwaà, à ki ɓa ti seŋi ɓɛ̀pwàà.

MƐ̀KÌKÌÌ MƐ ƁƐKƐ̀NÌ-FÌTOM 26:18

di ɓyɛɛ pɛsɛn yì ɓi birìm, ɓyɛɛ yu ɓi kìtɛɛtɛn, ɓi leg yì ɓi rìlàmì ɗi Satàn, ɓi yuiy yɛ̀ɛ Bɛ̀ll, fɔɔnnɛ ɓɛ ri ɓiì kìi lɛ, i ɓɛ mɛ gherɛn mɛ, Bɛ̀ll à cenɛ̀n ɓɔ ɓìbe ɓyaa, à ki fa ɓɔ ìkɔ̀ɔ̀ ɓi ǹɗaŋ wu ɓum ɓii.

MƐ̀KÌKÌÌ MƐ ƁƐKƐ̀NÌ-FÌTOM 5:3

Fɔɔnnɛ Pyɛɛri à kalighà Ananyas lɛ: Ananyas, Satàn a ràgɛɛ ɓà wɔ ri ǹɗem fɛlɛ lɛ cɛ yɔ? Ù pwàa Kìtɛntɛ̀ɛ̀n ki Nghay ù nyam gàɓ ì mɔ̀ɔ̀ni ìnɛ ɓi kiden ki zi ki wɔ̀ɔ ǹkàɓi?

RÒMƐŊ 16:18

Ɓisuulɛ àa kìsay ki Kiris ànɛ à rì Kan wìs kɛɛ̀ki ɓɛɛ̀ kìkì, ɓɛɛ̀ sasay lɔŋ ɓisuu mùm maa, fɔɔnnɛ ɓɛ ti ɓɛ yegsàg ɓumɓɛ mɛ̀rem maa mɛ ka yin ɗi ɗyomzɛ̀n ɓi kìɓan ki kiɓe, rì ɓìsyeesyee ɓi jɛ̀ɛ̀, rì fìɗyɛɓi.

RÒMƐŊ 16:20

Cààmɛ̀n lɛsàg, Bɛ̀ll ànɛ à ti à falàg fyòoog, à rì ɓiì turii Satàn a mɛ̀kòò min zi. Geesɛ̀n ì Kan wìs Yeesus yɛ̀ɛ ɓa rì mìni.

2 KƆ̀RƐ̀ŊTYƐŊ 11:14

Kìɓan kiǹ ki yin kiɓan ki kuurakɛn ɓisuulɛ Satàn nyimiɗ a rèsag fɛlɛ yɛ̀ɛ ŋwaà-fìtom a ǹlònlomɛn kitɛɛtɛn.

2 KƆ̀RƐ̀ŊTYƐŊ 11:3

Nsoò fɔlɔɔ, ǹɗì rì mɛ̀riighrikì lɛ, fɛlɛ yɛ̀ɛ nyoo ì yègsìghà Ɛɛvɛ rì ɗyomzɛ̀n ɗi ì ɓaghày rì ɗyɔ, mɛ̀yitì min mɛ̀ kɛɛ̀ ɓa lɛ mɛ ɓuùsɛ̀n ɓi lèg ànɛ lɛ ɓi rini lɛ rì rìsɛɛ̀dì ɗi mìniìɓɔmiɗ ɓi zi, rì rìtɛn, lɛ ɓyɛɛ̀ɓi ɓì ghɛ̀ɛ̀sɛɛ kì ɓaà rì ɓyɔ, ɓi ɓɛg ànɛ yɛ̀ɛ Kiris.

2 KƆ̀RƐ̀ŊTYƐŊ 12:7

Ɓisuulɛ ɓìɓan ɓi Kan à rèsìghà mɛ̀ ɓi ri ɓɛ̀geni ɓiɓan ɓɛ kuukuùghràkɛ̀n. Rì ɓi ɗi lɛ, ɓìɓan ɓiǹ ɓyɛ̀ kɛɛ̀ san mɛ, nnɛ ɓɛ fogà mɛ̀ zɔrì ìdɛŋ ɓi nyoo, ì rì yɛ̀ɛ ŋwaà-fìtom a Satàn, ànɛ à ghɛ̀ɛ̀sɛɛ mɛ̀ kì ɓooɓokì mɛ̀ɓɛn, lɛ di a reg mɛ̀ rìkì ɗi ɓidaŋà.

2 KƆ̀RƐ̀ŊTYƐŊ 2:11

lɛ di tyɛ̀ ki càɗ Satàn lɛ a ghɛn ɓìsi bee ɓi nyòò; lɛ tì nàni ɓi rikɔ̀n ɗii.

2 KƆ̀RƐ̀ŊTYƐŊ 4:4

Ɓi san ànɛ a ɓumɓɛ ɓɛ ti ɓɛ ɓengì kìgherɛɛ, bɛ̀ll ì ziinɛ ì mɛ dùŋzag ɓɔ mɛ̀rem lɛ ɓɛ̀ kɛɛ̀ ghɛn yɛ̀ɛ Syeesyee à Ɓɔlɛ à rìkem ɗi Kiris a lònlòm; Kiris ànɛ à rì kìfèèghrɛnà ki Bɛ̀ll kɔmiɗ.

EFÈZYƐŊ 4:14

Fɔlɔɔ nnɛ tyàa ɓa ti ɓi ɓɔɓti ɓɛ ɓɛ ri kɛ̀ɛ̀ goo, ɓɛ ɓɛ ri lɛ rì rìkuu ɗi dɔgtɛ̀n ɗiǹ miì ɓɛ nɔɔ̀tì, ɓum ɓɛ yeèghyègsì ɓɔ lɛ rì momzɛ̀n maa, rì mɛ̀ghèy mɛ ɓɛ ti ɓɛ syogì ɓum miì ɓi rìnàn.

2 TÈSÀLÒNÌSYƐŊ 2:3

Ŋwaàdɛŋ kɛ̀ɛ yègsi mini, nsoò ɓi-ghèy wu la, ɓisuulɛ ŋwos anɛ̀n à yin lɛ à kpaŋ di ɓum ɓɛ ka resi ɓi lɛ ɓɛ naŋi rìgherɛ̀n, Kìɓeɓtàg ki mum ki ki ghɛɛ̀sɛɛ kì ɗyaŋì, ki resɛ̀n.

TIMOTE 2:14

rì tì lɛ àa Adam nnɛ ɓɛ yegsìghà, lɔŋ giɓ innɛ ɓɛ ɓaghà lɛ, ɓɛ mɛ yègsì, à kì kìɓe.

2 TIMOTE 3:13

Kìɓan kifog ɓìɓeɓtàg ɓi ɓum rì ɓɛ̀pwààpwaà ɓɛ ri ɓiì kɛ̀nkɛni lɔŋ beèbɛ̀y ɗì rìkìkì ɗi kiɓe, ɓɛ naànààzì ɓum bee lɛ ɓɔmiɗ ɓɔɔ ka rì ɓɛ̀ɗimɛn bee.

EBIREEGH 2:14

Nni fɔlɔɔ nnɛ yɛ̀ɛ ɓɔn ɓɛ ri lɛ, rì nyoo ì mɛ̀mùù, rì bwaɓ, nyi girig à tekà nyoo ìnɛ̀n lɛ, di a ghaàsi Satàn ànɛ à rì rì ìtèɗ wu riwù com ki zɛy, ɓi rìwu ɗi à wughà

1 PYƐƐRI 5:8

Ɓaana cem, ɓì konàg ɓisuulɛ bènàbena wiǹ ànɛ lɛ Satàn a ŋwɔŋ-ŋwɔŋ yɛ̀ɛ kìmonɗo ki kɛɛ̀ kaakaa com ki kɛɛ sokɛn.

1 ZYAŊ 5:19

Tì yii lɛ tì rì ɓum ɓɛ Bɛ̀ll, rì tì lɛ ziinɛ bimiɗ ì rì ɓi rìlàmì ɗi ghèghey à mum.

ZYUUDƐ 1:9

Nsoò Mikaɛl ànɛ à rì rìfòm ɗi ɓum ɓɛ titom, ɓi nywey yi ɓɛ ɓaghà miì di ɓɛɛ̀ kaakaŋ̀ɗɛ̀n kìloŋ ki Moyis ɓɛɛ̀ Satàn, à fèèghrɛ̀ngà ɓi nyi kì ɓaàgh bɔ̀rɔ, à kpaaghà lɔŋ Satàn lɛ: Kan nyimiɗ yɛɛ pɔnɔ̀si wɔ̀.

ÀPÒKÀLIƁSƐ̀ 12:12

Kìɓan kiǹ kɛɛ̀ki ɗyoo, rì mìni ɓumɓɛ ɓì kɔ̀kɔrii aɗyoo, ɓì ghɛ̀ɛ̀sɛɛ kìnyàànyaa! Nyìighnyìg rì ziinɛ, ɗì rìɓày à kìkòn, ɓisuulɛ Satàn a mɛ sɛn yi a lɔ̀ŋkin, ǹwoghɛn coo bim lɛ à yii lɛ, cààmɛ̀n kii ki mɛ rɔ̀ɓ lɛsàg.

ÀPÒKÀLIƁSƐ̀ 12:3

Fɔɔnnɛ kìfèèghrɛnà kidɛŋ ki resɛ̀ngà tì ɓi ɗyoo ɓi ɗùm; coo kinààgɔ̀n kɛɛ ɓaghà, ki ɓaŋɓàŋ yɛ̀ɛ ɗuu, kɔ mɛ̀to taàɓɛ̀ɛ̀, mɛ̀tɔŋ ǹtɛ̀ɗ; nni ɓi mɛ̀to mɛ kitaàɓɛ̀ɛ̀ mɛǹ, ɓɛ̀tàm ɓɛ rikem ɓɛ ɓalàkà miì.

ÀPÒKÀLIƁSƐ̀ 12:7

Fɔɔnnɛ wɛ̀y wu ɗuurɛ̀ngà ɓi ɗyoo ɓi ɗùm; Mikaɛl rì ɓum ɓii ɓɛ titom ɓɛ ɗùùghà ri kìnààgɔ̀n. Kìnààgɔ̀n girig, ki ɗuughà wɛ̀y wiǹ rì ɓum ɓii ɓɛ titom,

ÀPÒKÀLIƁSƐ̀ 12:8

kìɓan kifog, àa kìnààgɔ̀n kɔ yɛɛ ceeghà ɓi-tèɗ; fɔɔnnɛ ɓɛ ɓatìghà ɓi ri jàŋ i ǹkɔ̀riyɛn aɗyoo.

ÀPÒKÀLIƁSƐ̀ 13:14

Ì yègsì ɓumɓɛ ɓi ziinɛ rì dàm yi ɓɛ faghà yɔ̀ itèɗ wulɛ yɛ̀ɛ kiki ɓi mis mɛ nyàm ì ǹtonto di yɛɛ̀ kpaakpaa ɓumɓɛ ɓi ziinɛ lɛ ɓɛɛ ki kìfèèghrɛnà ki nyàm ìnɛ ɓɛ kpɛɛ̀ghà rì gàfàg ì ki ghɛɓ.

ÀPÒKÀLIƁSƐ̀ 16:14

Ɓi ri ɓìɓeɓtàg ɓi mɛghay ɓi ɓyɛɛ̀ kìki dàm, ɓi ki kɛ̀ngi a mɛ̀fòm mɛ ɓi ziinɛ bimiɗ, lɛ ɓyɛɛ taŋzɛn mɔ ɓisuu wɛ̀y wu wu ri ɓiì ɓaà ɓi coo gòn i Bɛ̀ll ànɛ à rì rì ìtèɗ wucèm.

ÀPÒKÀLIƁSƐ̀ 18:2

Nni à làmɓɛ̀ngà jɛ̀ɛ̀ aɗyoo lɛ: Baɓilon àgwey a kpìi, Baɓilon àgwey a kpìi! À ghali mɛɛ mɛ ɓiɓeɓtàg ɓi mɛghay, rì ǹnyamzɛn wu mɛghay mɛ ɓeɓtɛn mɛkuu mɛ̀cèm, rì wu ɓìɓeɓtàg ɓi tììlì ɓi ɓi ti ɓi ɓeɓkì ɓum,

ÀPÒKÀLIƁSƐ̀ 18:23

kìtɛɛtɛn ki lamɓà kaa ghɛnɛɛ gɛ tì ɓi foo, ɓɛ ki wogtii gɛ ɓi jɛ̀ɛ̀ ì ǹwɔlì giɓ rì gil foo. Ɓisuulɛ ɓɛ̀kìì-dùne ɓɔɔ ɓɛ ɓaghà ɓìtèetèɗ ɓi ɓi ziinɛ, rì tì lɛ, ù yègsìghà ɓìlɔ̀ŋ ɓìcèm rì mɛ̀ghèy mɔɔ mɛ kifuu,

ÀPÒKÀLIƁSƐ̀ 19:20

Nni ɓɛ ɓangà nyàm ìnɛn nɗaŋ ri ǹkpaŋzì-ɓìɓan ɓi ɓɛpwàà ànɛ à kìkìghà dàm yi yi syogà ɓumɓɛ ɓɛ ɓaghà rì kìrèmzɛnà ki nyàm, ɓɛ ki ɓɔɔɓɔgsì kìfèèghrɛnà ki nyàm ìncèm. Fɔɔnnɛ ɓɛ pikà ɓyom ɓi kiɓɛ̀ɛ̀ ɓiǹ cem ɓi kìràà ki ɗuu, ki ǹdùsi a lɔŋlɔŋ miì.

ÀPÒKÀLIƁSƐ̀ 2:13

Ǹ-yii jàŋ inɛ ù kɔ̀kɔrii, jàŋ inɛ̀n yɛɛ̀ nnɛ ìkɔ̀ɔ̀ wu Satàn wu rilàmì wu ri, kìɓan kifog ù rì lɔŋ ǹsììrɛn ɓi ɗii ɗyɛ̀m, ù roòzɛ̀ngà ɓi ntyweeyi wu ù rì rì wɔ a lɔ̀ŋkɛm̀, nsoò ɓi mɛ̀ru mɛ ɓɛ wolà wusìnɛ̀ɗ wɛ̀m à ǹtyweeyi ànɛ lɛ Antipas a lɔ̀ŋkin jàŋ inɛ Satàn a kɔ̀kɔrii.

ÀPÒKÀLIƁSƐ̀ 2:24

Wɔ̀lɛ ɓi ɓɛg ànɛ a lɔ̀ŋkin, rì ɓum ɓɛmbog ɓɛ̀cèm ɓɛ a Tyatiir ɓɛ ɓì nɔ̀ɔ̀tìghà ɓi dɔgtɛ̀n ìnɛ̀n, kɛ̀ ɓi ki tim lɛ ɓi yi com ki ɓɛ ti ɓɛ regì lɛ ɓìɓan ɓi Satàn ɓi rim, mɛ̀ ǹfoŋdii ɓi mini ǹtɛ̀g wudɛŋ.

ÀPÒKÀLIƁSƐ̀ 2:9

Ǹ-yii ǹtɔɓ wu ɓɛɛ̀ kìki wɔ, rì kìsowà kɔɔ, kɔm̀ lɛ ù rì rì ìkum; ǹ-yii lɛ ɓumɓɛ ɓɛɛ̀ reereŋɗɛ̀n lɛ ɓɛ ri Ɓɛ̀yudɛ̀n ɓɛ̀ kɛɛ̀ ki ɓa Ɓɛ̀yudɛ̀n, ɓɛɛ yooyogsì wɔ̀ ɗii; ɓɛ ri lɔŋ ntaŋzɛn wu Satàn.

ÀPÒKÀLIƁSƐ̀ 20:10

Fɔɔnnɛ ɓɛ pikà Satàn anɛ à yègsìghà ɓɔ ɓi kìràà ki ɗuu rì ǹdùsi, jàŋ inɛ ɓɛ ri lɛ, rì nyàm rì ǹkpaŋzì-ɓìɓan ɓi ɓɛpwàà. Ɓɛ ri wowoogh gɛ mɛ̀tɔɓ yɛ̀ɛ ìru yɛ̀ɛ ŋwos fiɗyàɓ fikɔ̀ɔ̀.

ÀPÒKÀLIƁSƐ̀ 20:8

fɔɔnnɛ à ri kɛ̀n kiyègsii ɓilɔ̀ŋ ɓìcèm ɓi ɓi ziinɛ ɓìlànà ɓinin lɛ rì Gɔ̀g rì Magɔ̀g, lɛ di a taŋzɛn ɓyɔ ɓisuu wɛ̀y. Bàlì ì ɓìlɔ̀ŋ ɓiǹ ì rì yɛ̀ɛ sɛɛ̀sɛɛ a rìɓày à kìkòn.

ÀPÒKÀLIƁSƐ̀ 3:9

Ghɛna mɓiì faà wɔ̀ ɓumɓɛ ɓi nɗaŋ wu Satàn ɓɛ ɓɛɛ̀ pwààpwàà, ɓɛ reèghrèŋɗɛ̀n lɛ ɓɛ ri Ɓɛ̀yudɛ̀n, ɓɛ̀ kɛɛ̀ ki ɓa Ɓɛ̀yudɛ̀n, lɛ ɓɛɛ̀ pwààpwàà. Ghɛna, ǹɗì ɓiì kìi lɛ ɓɛɛ yu wɔ̀ kìkuŋii a mɛ̀kòò, ɓɛ ki yi lɛ ǹkeesìghà wɔ̀.

ÀPÒKÀLIƁSƐ̀ 9:1

Ŋwaàfìtom a kìtaǹ à rɔgà ɗyam; fɔɔnnɛ ǹghɛngà fyɛy fi fi kɔsɛ̀ngày aɗyoo fi kpi ɓi zi; nni ɓɛ tekà fìɗìɓà fi ɓi coo riɓee ɗi rimɛn, ɓɛ fa rì fyɔ.

ÀPÒKÀLIƁSƐ̀ 9:20

Ɓum ɓɛmɓog ɓɛ ɓìɓeɓtàg ɓi ɓyom ɓìn ɓi cuusìghà ɓi, ɓɛ ɓengà kìlɔ̀ɔ̀ghrɛɛ mɛrem lɛ ɓɛɛ caɗ ɓìnùn ɓi ɓɔmiɗ ɓɔ yɛɛ syaagh rì ɓyàg ɓyaa; fɔɔnnɛ ɓɛ kɛngà lɔŋ beèbɛ̀y ɗì rìɓɔɔ̀ɓɔ̀gsì ɗi ɓiɓeɓtàg ɓi mɛghay, rì ɓìnùn ɓi ɓi ri ɓì syaghɛn ri gol nsoò lɛ rì swiɗ à mɔ̀ɔ̀ni, nsoò lɛ rì bɔŋ idɛŋ, nsoò lɛ rì gɔ̀g, nsoò lɛ rì kìte; ɓìnùn ɓiǹ ɓyɛɛ yin lɛ ɓi ghɛnɛ̀n, ɓyɛ̀ kɛɛ̀ wooghrɛn, ɓyɛ̀ kɛɛ̀ ki kɛ̀ɛ̀ghi.