ÀPÒKÀLIƁSƐ̀ 12:4 - Bafia Nouveau Testament

⁴ Ǹghey wu kinààgɔ̀n kiǹ wu wɔɔwɔ̀ɔ̀rɛ̀ngày rì gàɓ ì kìraa ìnɛ ɓi tyɔɛy ticèm ti aɗyoo, wu suùsùùrì tyɔ ɓi zi. Kìnààgɔ̀n ki rɛlìghà giɓ anɛ à ɓoŋɓòŋgà rìyay ànɛ̀n asu lɛ i à yali, kɛɛ sokɛn man.

ÀPÒKÀLIƁSƐ̀ 12:4 Iomraidhean Croise

ZYAŊ 8:44

Satàn yɛɛ ri seŋi wìn fɔɔnnɛ ɓi kɔ̀nkɔn lɛ di ɓyàa kìi rìkɔ̀n ɗi seŋi wìn. A ɓalag ǹwolì-ɓum à tumɛ̀n a rìtumɛ̀n, à ki ka rɛlìghà ɓi ɓi saaɗ nsoò ŋwos bog, ɓisuulɛ, saaɗ a maà ɓa ɓi a lɔ̀ŋkii; cààmɛ̀n ki a pwààpwaa ɓum, lɔŋ com ki ki riì nyi ɓi nɗem kɛɛ̀ki a kpaakpaa ɓɔ, lɛ à rì pwààpwaà, à ki ɓa ti seŋi ɓɛ̀pwàà.

1 PYƐƐRI 5:8

Ɓaana cem, ɓì konàg ɓisuulɛ bènàbena wiǹ ànɛ lɛ Satàn a ŋwɔŋ-ŋwɔŋ yɛ̀ɛ kìmonɗo ki kɛɛ̀ kaakaa com ki kɛɛ sokɛn.

ÀPÒKÀLIƁSƐ̀ 12:7

Fɔɔnnɛ wɛ̀y wu ɗuurɛ̀ngà ɓi ɗyoo ɓi ɗùm; Mikaɛl rì ɓum ɓii ɓɛ titom ɓɛ ɗùùghà ri kìnààgɔ̀n. Kìnààgɔ̀n girig, ki ɗuughà wɛ̀y wiǹ rì ɓum ɓii ɓɛ titom,

ÀPÒKÀLIƁSƐ̀ 12:9

Nni ɓɛ tyɔkày coo kinààgɔ̀n kiǹ, fìɗyàɓ fi nyoo fìn, fi fi ri ɗii lɛ ǹɗèm nsoò lɛ Satàn, nnyɛɛ ri ǹ-yègsì zi bimiɗ ìnɛ ɓum ɓɛɛ̀ ghɛghɛɓ miì, ɓɛ tyɔkày nyi ɓi zi, ɓɛ ki tyɔg yi girig ɓum ɓii ɓɛ titom ǹɗaŋ ri nyi.

ÀPÒKÀLIƁSƐ̀ 13:2

Nyàm ìnɛ ǹghɛngà ìnɛn ì pisɛ̀ngà ǹgɔn, mɛ̀kòò mɛ yɔ̀ mɛ ɓa yɛ̀ɛ mɛ̀kòò mɛ kpaò, ŋwɔm wu yɔ̀ wu ɓa yɛ̀ɛ ŋwɔm wu kimonɗo. Kìnààgɔ̀n ki tekà lɛ, rì ìtèɗ wu ki ɓaghà rì wɔ, rì ìkɔ̀ɔ̀ wu rilàmì, rì coo itèɗ wu rilàmì, ki fa nyàm ìnɛn.

ÀPÒKÀLIƁSƐ̀ 13:4

Fɔɔnnɛ ɓum ɓɛ̀cèm ɓɛ kɛngà kìɓaàgh mɛ̀ɗu ɓi mis mɛ kinààgɔ̀n ɓɛ ɓɔgsì kɔ, ɓisuulɛ ki faghà ìtèɗ wu rilàmì rì nyàm ìnɛn; nni ɓɛ ɓakà girig nyàm ìnɛn mɛ̀ɗu asu di ɓɛɛ̀ kpaakpaa lɛ: Ghɛn yɛɛ ri lɛ à ɓa yɛ̀ɛ yɔ̀? Ghɛn yɛɛ ki rì lɛ à ɗùù rì yɔ̀?

ÀPÒKÀLIƁSƐ̀ 16:13

Fɔɔnnɛ ǹghɛngà di ɓìɓeɓtàg ɓi mɛghay ɓiraa ɓyɛɛ̀ kpaŋkpaŋ yi lɛ rì ɓi ŋwɔm wu kinààgɔ̀n, rì ɓi ŋwɔm wu nyàm, rì ɓi ŋwɔm wu ǹkpaŋzì-ɓìɓan ɓi ɓɛpwàà; mɛ̀ghay mɛ̀n mɛ ɓaghà yɛ̀ɛ ɓìgbòri.

ÀPÒKÀLIƁSƐ̀ 17:18

Nni giɓ anɛ wàa ghɛɛ, nnyɛɛ ri bàn ìgwey inɛ ì làmii mɛ̀fòm mɛ ɓi ziinɛ.

ÀPÒKÀLIƁSƐ̀ 20:2

À ɓangà kìnààgɔ̀n ki ki ri lɛ fìɗyàɓ fi nyoo fi lɛ nɗèm, rì Satàn, à kàŋ kɔ bɛn lɛ kɛɛ kɔri fɔlɔɔ bèg tɔɔsìm.

ÀPÒKÀLIƁSƐ̀ 8:10

Nni ŋwaà-fìtom à kìraa à rɔgà ɗyam, coo fyɛy fi kɔsɛ̀n yì aɗyoo, fi roòròò yɛ̀ɛ baɓ; fyɛy fiǹ fi kpighà ɓi gàɓ ì kìraa ìnɛ ɓi ɓɛ̀rìɓày rì mɛ̀syòm mɛ̀cèm mɛ ɓi ziinɛ.

ÀPÒKÀLIƁSƐ̀ 8:11

Fyɛy fiǹ fi ɓaghà ɗii lɛ kìte ki lòlolɛn, fɔɔnnɛ ɓum lɛɛ̀gwey ɓɛ cuughà ɓi rìnɔ ɗi ɓɛ nɔnɔ̀ghà mɛ̀nig mɛ mɛ sukà mɛǹ kìlòloli yɛ̀ɛ ɓaŋ.

ÀPÒKÀLIƁSƐ̀ 8:12

Nni ŋwaà-fìtom a kìnìn à rɔgà ɗyam, kìlànà kìfog ki ɓi ɓìlànà ɓi ŋwos ɓi kiraa, rì kìfog ki ɓi ɓìlànà ɓi ŋwii ɓi kiraa, rì gàɓ ì kìraa ìnɛ ɓi tyɔɛy ticèm, ɓi ɓuɓìghà; gàɓ ì kìraa ìnɛ ɓi rìlònlòm ɗi ɓyom ɓìn, ì ghaɓɓɛ̀n; fɔɔnnɛ gàɓ ì kìraa ìnɛ ɓi kìtɛɛtɛn ki ŋwos i ɓuɓìghà, ki kilɛ̀n tì girig fɔlɔɔ ɓi ɓɛg ànɛ à-ru.

ÀPÒKÀLIƁSƐ̀ 8:7

Nni ŋwaà-fìtom a ǹtonto à rɔgà ɗyam, bol ì gɔ̀g rì ɗuu, ɓì ɓùtakɛn ɗi bwaɓ ɓi suùrɛ̀n ɓi zi; fɔɔnnɛ ki kighà lɛ kìlànà ki zi kifog ki ɓi ɓìlànà ɓiraa ki ɗig, gàɓ ì kìraa ìnɛ ɓi ɓìte ɓìcèm ɓi ɓi ziinɛ ɓi ɗig, ɓyaaɓi ɓìcèm ɓi ɓi ɓaghà cem ɓi ɗig.

ÀPÒKÀLIƁSƐ̀ 8:8

Ŋwaàfìtom a kìɓɛ̀ɛ̀ a rɔŋ ɗyam, ɓɛ pig rìkuu ɗi coo dòn diɗɛŋ ɗi ɗi roòròòghà, ɓi rìɓày à kìkòn. Fɔlɔɔ nnɛ gàɓ ì kìraa ìnɛ ɓi mɛ̀nig mɛcèm mɛ ɓi rìɓày à kìkòn ì ghalà bwaɓ,

ÀPÒKÀLIƁSƐ̀ 8:9

gàɓ ì kìraa ìnɛ ɓi ɓyom ɓìcèm ɓi ɓi ghɛghɛ̀ɓkà ɓi rìɓày à kìkòn ì cuughà, gàɓ ì kìraa ìnɛ ɓi ɓìkɔm ɓìcèm ì ɗyogà.

ÀPÒKÀLIƁSƐ̀ 9:10

Ɓìtàtàɗ ɓiǹ ɓi ɓalàkà rì mɛ̀ghey mɛ mɛ pisɛ̀ngà rì tìrèè, mɛ̀ghey mɛncèm mɛ ɓalàg rì ɓìlɔ̀ɔ̀, nni ɓi mɛ̀ghey mɛ̀n innɛ ìtèɗ wulɛ ɓɛɛ wogsi ɓum rìkɛŋ ɓɛ̀ŋwii ɓɛtaǹ, wu ɓaghà.

ÀPÒKÀLIƁSƐ̀ 9:19

Ɓisuulɛ ìtèɗ wu zòm yiǹ wu ri lɛ rì ɓi myɔm rì ɓi mɛ̀ghey; mɛ̀ghey mɛ yɔ mɛ ri yɛ̀ɛ nyoo, mɔ rì mɛ̀to, mɛ̀to mɛ̀n mɛɛ̀mɛ mɛ̀ghey mɛ̀n mɛ ri lɛ mɛ ki kìɓe miì.