ÀPÒKÀLIƁSƐ̀ 12:1 - Bafia Nouveau Testament

¹ Coo kifèèghrɛnà ki resɛ̀ngà ɓi ɗyoo ɓi ɗùm; giɓ ŋ̀waatɛn ŋwos yɛ̀ɛ kìlàà, ŋwii à lònlòm nyi a mɛ̀kòò-zi, tàm à rìkem ànɛ à ɓaghà rì tyɔɛy ntɛ̀ɗ rì tiɓɛɛ̀ nyi ɓi nto.

ÀPÒKÀLIƁSƐ̀ 12:1 Iomraidhean Croise

MATYOO 12:38

Fɔɔnnɛ ɓɛ̀rèsàg-ɓìdɔ̀gsɛna ɓɛɗɛŋ rì Ɓɛ̀fàrìzyɛŋ ɓɛ pɛsìghà jɛ̀ɛ̀, ɓɛ tɔg Yeesus lɛ: Ǹɗèsàg, kɛɛ̀ kɔ̀nkɔn ɓisi lɛ, ù ki dàm, ti ghɛǹ.

MATYOO 24:30

Fɔɔnnɛ kìfèèghrɛnà ki Man à mum ki ɓiì resɛɛ yi aɗyòò, mɛ̀kuu mɛ ɓum mɛ̀cèm mɛ ɓi ziinɛ mɛ ɓiì seeghkɛɛ mɛ ki ghɛn di Man à mum a sɛnsɛn yi aɗyòò ɓi ɓìkwìɗ, ǹɗonɛn rì coo ìtèɗ, rì coo rikèm.

MARIKUS 13:25

Tyɔɛy tì kɔɔ̀kɔ̀sɛ̀n yì aɗyoo, di tyɛɛ̀ kpìkpì, mɛ̀tèɗ mɛ ɓi ɗyoo mɛ nyɛŋɗɛ̀n.

LUKAS 21:11

ki ɓiì ɓaà lɛ rìfoo rìfoo zi i nyɛ̀ŋɗɛ̀n rììtèɗ, ɓìɓeɓtàg ɓi tiroɓ ɓi ri ɓiì ɓaà, rì zày, ɓɛ̀koŋnyoo ɓɛ ɓiɓan rì ɓyoo ɓifèèghrɛnà ɓi ɓiì rèsɛɛ ɓi ɗyoo.

LUKAS 21:25

Ɓìfèèghrɛnà ɓi ɓiì rèsɛɛ lɛ, rì ɓi kìsaa ki ŋwos, rì ɓi ŋwii, rì ɓi tyɔɛy; fɛ ɓi zi, coo-ris wu ri ɓiì kìi ɓilɔ̀ŋ di ɓi woogh, rìwɔ̀ɔ̀wɔ̀ɔ̀ ɗi riɓày à kìkòn, rì gom ì ɓìkus.

ZYAŊ 3:29

Ŋwaànɛ à rì rì giɓ, yɛɛ ri yii giɓ; wɔ̀lɛ rìghan ɗi yii giɓ ɗi ɗi ri wɔɔ ɗi ti ɗi nyaàràg yɛ̀ɛ mɛ̀nɔ̀ɓɔ̀, lɛ jɛ̀ɛ̀ ì yii giɓ inɛ ɗyɛɛ̀ wowòg. Rìkuu ɗi kinyàà ɗiǹ ɗyɛɛ̀ɗi mɛ̀ ǹɗì ǹɗonɛn ri ɗyɔ̀.

MƐ̀KÌKÌÌ MƐ ƁƐKƐ̀NÌ-FÌTOM 2:19

Nɗi kìi gɛ lɛ dàm yi ɓiɓan yɛɛ resɛn ɓi ɗyoo ɓi ɗùm, ɓɛ̀koŋnyoo ɓɛ ɓiɓan ɓɛ kilɛ̀n ɓi ziinɛ; rì bwaɓ, rì ɗuu, rì fìsilì ɓi ɓaa gɛ;

RÒMƐŊ 13:14

Kìɓan kifog, waatɛɛna Kan Yeesus Kiris kɛ̀ ɓi càɗ mɛrem min lɛ mɛɛ ɓɔm̀ɓɔm ɓìɓan ɓi ɓi mɛ̀mùù, lɛ di ɓi kaàkaa rìyɛ̀y ɗi ɓiɓan ɓiǹ.

RÒMƐŊ 3:22

kɛɛ ri rìkì ɗi Bɛ̀ll à ti à kìlàg lɛ ɓum ɓɛɛ ɓa lɛ saaɗ ɓi mis mii lɛ rìgherɛ̀n ɗi ɓɛ gherɛɛ Yeesus Kiris, kìɓan kiǹ ki ri ɓisuu ɓum ɓɛ̀cèm ɓɛ ɓɛ gherɛɛ; ǹlànag wu ki yin miì;

2 KƆ̀RƐ̀ŊTYƐŊ 11:2

Ɓisuulɛ, ǹɗì rì yɔ̀ɔ̀tì ɓi san wìn, yɔ̀ɔ̀tì ànɛn à rìì yɛ̀ɛ Bɛ̀ll rì kìsyɔ̀ɔ̀ lɛ, ɓì rì fɛlɛ yɛ̀ɛ gɔ̀n ì giɓ ìnɛ ì ka yiɓi ɓɛbaŋì, ì ki ɓa ntɛnɛn, ìnɛ ì kàkà lɛ ì ɓiì wɔlì m̀bobog à yii lɛ Kiris.

GÀLAT 3:27

Mìniìcèm ɓɛ ɓɛ ɓaɓtìghà ɓi Kiris, ɓì waatɛ̀ngà Kiris.

GÀLAT 4:26

Wɔ̀lɛ Yorisalɛm ànɛ aɗyoo, nyii yin nkpaǹ, nnyɛɛ ki rì jɛɛ wìs.

GÀLAT 6:14

Ɓi san wɛ̀m, ki yin fɔlɔɔ, mɛ̀ ǹ-yin ɗi com kidɛŋ ki lɛ nsaàsànɛ̀n i ki cee ɓi lɛ kɔrɔs à Kan wìs Yeesus Kiris. Lɛ kɔrɔs à Yeesus ànɛ̀n, ziinɛ ì rì kìloŋ ɓi mis mɛ̀m, fɛlɛ yɛ̀ɛ mɛ̀ɛmiɗ ǹɗì kìloŋ ɓimis mɛ ziinɛ.

EFÈZYƐŊ 5:32

Kìɓan kiǹ ki ri gɛn à kìɓan ànɛ à rimi; mɛ̀ ǹkpaa fɔlɔɔ ɓi san ànɛ yɛ̀ɛ Kiris rì kìseŋi kìì.

ÀPÒKÀLIƁSƐ̀ 1:20

Ɓi ɓɛg ànɛ a ɓɛ̀azi ɓɛ a rìnyam ɓɛ ɓi tyɔɛy ti kitaàɓɛ̀ɛ̀ ti wàa ghɛɛ mɛ̀ rì tyɔ ɓi càg ki weèlem, rì ɓìrɛsì ɓi lamɓà ɓi gol taàɓɛ̀ɛ̀, tyɔɛy ti kitaàɓɛ̀ɛ̀ ti ri ɓum ɓɛ titom ɓɛ Ɓiseŋi ɓi kitaàɓɛ̀ɛ̀, ɓìrɛsì ɓi lamɓà ɓi kitaàɓɛ̀ɛ̀ ɓyɔɔ ri Ɓìseŋi ɓi kitaàɓɛ̀ɛ̀ ɓincèm.

ÀPÒKÀLIƁSƐ̀ 11:19

Nni naà-Bɛ̀ll ìnɛ ì rì ɓi ɗyoo ɓi ɗùm ì ŋwàrɛ̀ngà, fìkɔrɔŋ fii fi riràrɛ̀n fi seèsèèrɛ̀n yì ɓi naa yìì ɓi ɗùm. Fɔɔnnɛ ŋwàaŋwàɗ à tumɛ̀ngà rìŋwàŋwàɗ, ɓyoo gom ɓi jɛ̀ɛ̀ ɓi ghaghààgh, baàbàn ì ɓoɓòg, zi i nyɛ̀ɛ̀nyɛ̀ŋɗɛ̀n, bol ì gɔ̀g ì sùùsùùrɛ̀n.

ÀPÒKÀLIƁSƐ̀ 12:3

Fɔɔnnɛ kìfèèghrɛnà kidɛŋ ki resɛ̀ngà tì ɓi ɗyoo ɓi ɗùm; coo kinààgɔ̀n kɛɛ ɓaghà, ki ɓaŋɓàŋ yɛ̀ɛ ɗuu, kɔ mɛ̀to taàɓɛ̀ɛ̀, mɛ̀tɔŋ ǹtɛ̀ɗ; nni ɓi mɛ̀to mɛ kitaàɓɛ̀ɛ̀ mɛǹ, ɓɛ̀tàm ɓɛ rikem ɓɛ ɓalàkà miì.

ÀPÒKÀLIƁSƐ̀ 15:1

Fɔɔnnɛ ǹghɛngà kìrèmzɛnà kidɛŋ aɗyoo, ki ki ɓaghà coo gɛn à kìɓan a ǹkuurakɛn; ɓum ɓɛ titom taàɓɛ̀ɛ̀; ɓɛ ɓanɓàngà mɛ̀tɔɓ taàɓɛ̀ɛ̀, mɛ̀tɔɓ mɛ siitòn. Ɓi mɔ innɛ bim i Bɛ̀ll ì tulii.

ÀPÒKÀLIƁSƐ̀ 21:14

Bàŋbàŋ yi gari i bàn yi ɓalàkà yì toŋɛn ɓi ɓyoo gɔ̀g ǹtɛ̀ɗ ɗì ɓiɓɛɛ̀ aɗyoo, mii mɛ ɓɛkɛ̀nì-fìtom ɓɛ Man à jɔ̀ɔ̀ ntɛ̀ɗ rì ɓɛɓɛɛ̀, mɛ ɓalàkà mɛ̀kànɛn ɓi gɔ̀g yiǹ.

ÀPÒKÀLIƁSƐ̀ 21:23

Bàn ìnɛn ì yin ɓiì tɔtɔgh lɛ ŋwos nsoò lɛ ŋwii ɓyɛɛ kpeŋzi yɔ̀ ɓisuulɛ rìkem ɗi Bɛ̀ll ɗyɛɛ̀ kpeekpeŋzì yɔ̀, Man à jɔ̀ɔ̀ à ki ɓa lamɓà à bàn ìnɛn.