ÀPÒKÀLIƁSƐ̀ 11:7 - Bafia Nouveau Testament

⁷ Yɛ̀ɛ ɓɛ ɓaa gɛ di ɓaa lègsi ki rèsii ɓiɓan ɓi ɓɛ yùu gɛ kì rèsii, fɔɔnnɛ nyàm ìnɛ ì kpaŋiì gɛ ɓi rìɓee ɗi rim ì faa gɛ ɓɔ rìbaŋì, ì cee ɓɔ ɓi-tèɗ, ì ki cuusi ɓɔ.

ÀPÒKÀLIƁSƐ̀ 11:7 Iomraidhean Croise

LUKAS 13:32

Nni Yeesus à ɓàkà ɓɔ lɛ: Kɛ̀ɛna kì kpaà kìbina kiǹ lɛ: Ghɛɛna nnànaɓ ɓiɓeɓtàg ɓi mɛghay, ǹki wɔ̀ɔwɔɔ̀zì ɓum lɛ rì gɛɛ̀nɛ rì rìduri, mɛ̀ru mɛɓɛɛ̀ fɛlɛ, di m̀mɛ lègsi kisay kiǹ.

LUKAS 8:31

Fɔɔnnɛ ɓìɓeɓtàg ɓi mɛghay ɓìn ɓi ɓɔɔ̀ɓɔ̀ŋzìghà Yeesus lɛ, kɛ̀ɛ rom ɓyɔ lɛ ɓyɛ̀ kɛǹ ɓi rìɓee ɗi ɓiɓeɓtàg ɓi mɛghày.

ZYAŊ 17:4

Mɛ̀ɛ ǹkemzii wɔ̀ ɓi ziinɛ, ǹlègsì kìsay ki ù faghà mɛ̀ lɛ nki.

ZYAŊ 19:30

Yɛ̀ɛ Yeesus à syògà ɓìkpamà ɓi mɛrɔ̀g ɓiǹ, nni à kpaaghà lɛ: Ɓìɓan ɓìcèm ɓi roni. Fɔɔnnɛ à tuŋzìghà nto à maasì.

MƐ̀KÌKÌÌ MƐ ƁƐKƐ̀NÌ-FÌTOM 20:24

Mɛ̀ m̀ɓiisɛɛ gì ɓi ki foŋì ǹto ɓi cɛɓ kɛ̀m ki mɛ̀ɛmìɗ, com ki nfɔmfɔ̀m ki ri lɛ, nkɛnkɛn asu rì rìkɛ̀ɛ̀ ɗyɛm̀ yɛ̀ɛ ki ghɛɛ̀sɛɛ, ǹki kì kisay ki Kan Yeesus à faghà mɛ̀, kɛɛ ri lɛ, ǹghagsi Syeesyee à Ɓɔlɛ à geesɛ̀n ì Bɛ̀ll.

2 TIMOTE 4:7

M̀mɛ ɗùù syeesyee à wɛ̀y, m̀mɛ lègsi kighɛŋii mɛ̀ree, ǹki ɓèŋ righerɛ̀n.

ÀPÒKÀLIƁSƐ̀ 11:3

Fɔɔnnɛ ǹfaa gɛ ɓɛ̀wusìnɛ̀ɗ ɓɛm ɓɛ kiɓɛ̀ɛ̀ ìtèɗ wulɛ ɓɛɛ kpaŋzi ɓìɓan ɓi Bɛ̀ll mɛ̀ru tɔɔsìm ɓɛ̀hɔnɗɛ̀ɗ ɓɛɓɛɛ̀ rì mɛ̀ru mɛ̀tin mɛraa.

ÀPÒKÀLIƁSƐ̀ 12:17

Fɔɔnnɛ kìnààgɔ̀n ki wokà bim ri giɓ anɛ̀n ki ki kɛ̀n ki kpaŋì dòò yii wɛ̀y, rì ɓum ɓɛ̀cèm ɓɛ ɓɛ ti ɓɛ ɓegì ɓìdɔ̀gsɛna ɓi Bɛ̀ll rì saaɗ ànɛ Yeesus à rèsìghà.

ÀPÒKÀLIƁSƐ̀ 13:11

Nni ǹghɛngà nyàm ìdɛŋ di yɛɛ̀ kpaŋkpaŋ yi ɓi zi, Nyàm ìnɛn ì ɓaghà mɛ̀tɔŋ mɛɓɛɛ̀rɛn yɛ̀ɛ mɛ̀tɔŋ mɛ man à jɔ̀ɔ̀, ì ki tòtog yɛ̀ɛ kìnààgɔ̀n.

ÀPÒKÀLIƁSƐ̀ 13:7

Ɓɛ ki fa nyàm ìnɛn ìtèɗ wulɛ yɛ̀ɛ ɗuùzi ɓɔ wɛ̀y, ì yag ɓɔ. Ɓɛ fa yɔ̀ ìtèɗ wu yɛ̀ɛ lami ɓumɓɛ ɓi mɛ̀pwìɗ mɛ̀cèm, rì mɛ̀kuu mɛ̀cèm, rì ɓìtòkì ɓìcèm rì ɓìlɔ̀ŋ ɓìcèm.