ÀPÒKÀLIƁSƐ̀ 11:3 - Bafia Nouveau Testament

³ Fɔɔnnɛ ǹfaa gɛ ɓɛ̀wusìnɛ̀ɗ ɓɛm ɓɛ kiɓɛ̀ɛ̀ ìtèɗ wulɛ ɓɛɛ kpaŋzi ɓìɓan ɓi Bɛ̀ll mɛ̀ru tɔɔsìm ɓɛ̀hɔnɗɛ̀ɗ ɓɛɓɛɛ̀ rì mɛ̀ru mɛ̀tin mɛraa.

ÀPÒKÀLIƁSƐ̀ 11:3 Iomraidhean Croise

MATYOO 11:21

Nyìighnyìg rì wɔ̀ Korazɛŋ, nyìighnyìg rì wɔ̀ Bɛdsayida, ɓisuulɛ, i dàm yi yi kilɛ̀ngà a lɔŋkin yɛɛ kilɛn fɔlɔɔ ɓi bàn yi lɛ, rì Tiir rì Sidɔŋ, di ɓumɓɛ wɔɔ ɓɛ lɔɔ̀ghrɛ̀ngà mɛ̀rem fìɗyàɓ, ɓɛ waatɛ̀n mɛ̀kùtì, ɓɛ Siŋɗɛ̀n kìɓu.

MATYOO 18:16

Wɔ̀lɛ, i à ɓèni kì woògh deɓ yɔɔ, ù reŋì tì mum bog nsoò lɛ ɓum ɓɛɓɛɛ̀, lɛ kìɓan kiǹ kɛɛ kpaàrɛn di ɓɛ̀wusìnɛ̀ɗ ɓɛ ri ɓɛɓɛɛ̀ nsoò lɛ ɓɛraa.

LUKAS 10:13

Nyìighnyìg rì wɔ̀ Korazɛŋ, nyìighnyìg rì wɔ̀ Bɛdsayida, lɛ i dàm yi ɓiɓan yi yi mɛ kìlɛn yi fɛ a lɔ̀ŋkin yɛɛ kilɛn fɔlɔɔ a Tiir, rì a Sidɔŋ, di ɓumɓɛ wɔɔ ɓɛ lɔɔ̀ghrɛ̀ngà mɛ̀rem fìɗyàɓ, ɓɛ waatàg mɛ̀kùtì, ɓɛ ki siŋɗɛn kiɓu, lɛ ɓɛɛ resi ɓum bim ìnɛ ɓɛ woogh ɓisuu ɓiɓe ɓyaa.

LUKAS 24:48

Ɓì rì ɓɛ̀wusìnɛ̀ɗ ɓɛ ɓi kìɓan kiǹ.

ZYAŊ 15:27

Mìni girig, ɓì ri tɛɛzi ɓum kìɓan kɛm̀ ɓisuulɛ, rì mɛ̀ rì mìni, tì rì ǹɗaŋ, à tumɛ̀n a rìtumɛ̀n.

ZYAŊ 3:27

Nni Zyaŋ à ɓàkà ɓɔ lɛ: Mum à yin lɛ à ɓa rì com kidɛŋ, ki ki yin ki Bɛ̀ll à faa nyi.

MƐ̀KÌKÌÌ MƐ ƁƐKƐ̀NÌ-FÌTOM 1:8

Kìɓan kifog ɓì ɓiì terì ìtèɗ wudɛŋ di Kìtɛntɛ̀ɛ̀n ki Nghay ki yuuyì ɓi mìni, fɔɔnnɛ ɓì rì ɓiì ɓaà ɓɛ̀wusìnɛ̀ɗ ɓɛm à tumɛ̀n a Yorisalɛm, à kpaŋ ɓi ziì Zyude bimiɗ, rì a Samari, à kɛ̀n kì kpaŋì a ɓɛ̀yɔ̀ŋyɔ̀ŋ ɓɛ zi.

MƐ̀KÌKÌÌ MƐ ƁƐKƐ̀NÌ-FÌTOM 13:31

Fɔɔnnɛ à rèsɛ̀ngà bàlì ì mɛ̀ru lɛɛ̀gwey a ɓumɓɛ à pɛ̀sɛ̀ngày rì ɓɔ a Galile ɓɛ ɓɔg a Yorisalɛm ǹɗaŋ, ɓɔ yɛɛ ti ɓɛ̀wusìnɛ̀ɗ ɓɛ ɓɛɛ̀ tɛɛtɛɛ̀zì ɓumɓɛ a Isirayɛl kìɓan kii.

MƐ̀KÌKÌÌ MƐ ƁƐKƐ̀NÌ-FÌTOM 2:32

Yeesus ànɛ̀n nnɛ Bɛ̀ll àa ǹghèmzii, ɓìsiìcèm tì rì ɓɛ̀wusìnɛ̀ɗ ɓɛ ɓi rìghèmɓɛ̀n ɗii.

MƐ̀KÌKÌÌ MƐ ƁƐKƐ̀NÌ-FÌTOM 3:15

Ɓìi kìi lɛ ɓɛɛ wey ŋwaànɛ à làmii cɛɓ, nyi nnɛ Bɛ̀ll àa ǹghèmzii yì a ɓìloŋ; tìrì ɓɛ̀wusìnɛ̀ɗ ɓɛ ɓi rìghèmɓɛ̀n ɗii.

1 KƆ̀RƐ̀ŊTYƐŊ 12:28

Nni Bɛ̀ll à rɛsàkà ɓum ɓi kìseŋi kii fɛlɛ̀: Asu ɓɛ̀kɛ̀nì-fìtom, ɓɛ̀kpaŋzì-ɓìɓan ɓɛ ɓɔ̀ɓ, ɓɛ̀rèsàg ɓɛ yuiy ɓi nɗɛli wu kiraa, ajɛ̀m ìnɛn, rìfa ɗi lɛ ɓum ɓɛɛ kiki dàm ɗi nɔɔ̀tì, mɛ̀faà mɛ yɛ̀ɛ mɛ riwɔ̀ɔ̀wɔ̀ɔ̀zì ɗi ɓɛ̀roroɓ, rì rìghɛɛghɛ̀ɓsì ɗi ɓum ɓɛ nyìinyìg, rì ɗìyi ɗi rilàmì, rì rìtòtòg ɗi ɓitòkì mɛ̀kuu mɛ̀kuu.

2 KƆ̀RƐ̀ŊTYƐŊ 13:1

Gɛ̀n i kìraa ìnɛ n-yu a lɔ̀ŋkin yɛ̀ɛ ri lɛ; paàzì bimiɗ, à rì ɓiì pègsɛɛ di ɓɛ̀wusìnɛ̀ɗ ɓɛɓɛɛ̀ nsoò lɛ ɓɛraa, ɓɛ mɛ kpaa.

EFÈZYƐŊ 4:11

Nnyɛɛ faghà ɓɛ̀ro ɓɛdɛŋ lɛ ɓɛɛ ɓa ɓɛ̀kɛ̀nì-fìtom, ɓɛ̀ro ɓɛmbog ɓɛ̀kpaŋzì-ɓìɓan, ɓɛmbog ɓɛ̀kalì-Syeesyee à Ɓɔlɛ, ɓɛmbog ɓɛ̀pàstɛɛ̀rì nsoò lɛ ɓɛ̀rèsàg.

ÀPÒKÀLIƁSƐ̀ 1:5

rì lɛ rìfa ɗi Yeesus Kiris ànɛ à rì wusìnɛ̀ɗ à ǹtyweeyi, ànɛ à rì Man à ǹtonto ànɛ à lokà kìghèmɓɛɛ yi a ɓìloŋ, à ki ɓa ti nkɔ̀mɛ̀n mɛ̀fòm mɛ ɓi ziinɛ. Roànɛ a keesag ɓisi, roànɛ à kwèɗkà ɓìsi ɓi ɓìɓe ɓis rì bwaɓ yii,

ÀPÒKÀLIƁSƐ̀ 11:2

Wɔ̀lɛ ɓi ɓɛg ànɛ a nlɛmɓog wu ɓi dan, càra wɔ, kɔ̀ɔ fèg ɓisuulɛ ɓɛ faghà wɔ rì ɓìlɔ̀ŋ ɓi zɛy; ɓìlɔ̀ŋ ɓiǹ ɓyɛɛ ri ɓɛɛ̀dag bàn ì ǹtɛnɛn ɓɛ̀ŋwii mɛ̀tin mɛɓɛɛ̀ rì ɓɛɓɛɛ̀.

ÀPÒKÀLIƁSƐ̀ 11:6

Ɓɛ ri rì ìtèɗ wulɛ ɓɛɛ sim ɗyoo lɛ bwey yɛ̀ kɛɛ̀ nɔ, ɓi mɛ̀ru mɛ̀cèm mɛ ɓɛɛ̀ kpaakpaŋzì ɓìɓan ɓi Bɛ̀ll; ɓɛ ki ɓa ri ìtèɗ wulɛ ɓɛɛ ghaàsi mɛ̀nig bwaɓ, ɓɛ ki ɓa ri ìtèɗ wulɛ ɓɛɛ rom yì rìkuu ɗi ntɔɓ ɗìcèm ɗi ɓɛ kɔni ɓi ziinɛ.

ÀPÒKÀLIƁSƐ̀ 12:6

Fɔɔnnɛ giɓ anɛ̀n à ghɛŋìghà ɓi-reɓ, wɔɔnnɛ jàŋ inɛ Bɛ̀ll à pègsɛ̀ngà nyi ì ɓaghà, lɛ à rì wɔɔ ɓiì ɗiɗii à kpaŋ mɛ̀ru tɔɔsìm ɓɛ̀hɔnɗɛ̀ɗ ɓɛɓɛɛ̀ rì mɛ̀ru mɛ̀tin mɛraa.

ÀPÒKÀLIƁSƐ̀ 13:5

Nni ɓɛ faghà nyàm ìtèɗ wulɛ yɛ̀ɛ kpaàkpaa ɓìɓan ɓi mɛ̀càŋà, ì feèfèngì Bɛ̀ll. Ɓɛ ki fa ti yɔ̀ ìtèɗ wulɛ, yɛ̀ɛ lami ɓɛ̀ŋwii mɛ̀tin mɛɓɛɛ̀ rì ɓɛ̀ŋwii ɓɛɓɛɛ̀.

ÀPÒKÀLIƁSƐ̀ 19:10

Nni ǹkpìghà nyi a mɛ̀kòò lɛ mɓɔgsi nyi kìɓan kifog, à kpaa mɛ̀ lɛ: Kɔ̀ɔ fèèghrɛn ki kìi com kidɛŋ fɔlɔɔ; mɛ̀ ǹɗì lɛ mɛ̀ reŋkàŋ wɔ̀ɔ̀ a kìsay, ǹki ɓa ti reŋkàŋ à ɓɛ̀goni ɓɛ ɓɛ tekà ɓìɓan ɓi Yeesus à tɛɛ̀zìghà. Bɛ̀ll innɛ ɓɔgsi, lɛ ɓìɓan ɓi Yeesus à rèsìghà ɓyɛɛ ri ǹghay ànɛ à ti à rèsàg ɓɛ̀kpaŋzì-ɓìɓan, com ki ɓɛɛ kpaà.

ÀPÒKÀLIƁSƐ̀ 20:4

Nni ǹghɛngà mɛ̀kɔ̀ɔ̀ mɛ rilàmì, ɓɛ faghà ɓumɓɛ ɓɛ kɔràkà ɓi mɛ̀kɔ̀ɔ̀ mɛǹ ìtèɗ wu yɔ̀myɔmɛn ɓiɓan; fɔɔnnɛ ǹghɛɛ̀dìghà mɛ̀ghay mɛ ɓum ɓɛ ɓɛ wowòlà ɓisuulɛ ɓɛ ɓaghà ɓɛ̀wusìnɛ̀ɗ ɓɛ Yeesus rì ɓɛ jɛ̀ɛ̀ ì Bɛ̀ll, rì ɓɛ̀roɓɛ ɓɛ ɓɔgsìghà ɓi nyàm ì mɛ̀to taàɓɛ̀ɛ̀, nsoò lɛ kìfèèghrɛnà ki yɔ̀, ɓɛ̀ kɛɛ̀ ki ɓa ri kìrèmzɛnà ki nyàm ìnɛn ɓisu nsoò lɛ ɓi càg. Fɔɔnnɛ ɓɛ ghemɓɛ̀ngà, ɓɛ ki làmi nɗaŋ ɗi Kiris bèg tɔɔsìm.