ÀPÒKÀLIƁSƐ̀ 11:17 - Bafia Nouveau Testament

¹⁷ Di ɓɛɛ̀ kpaakpaa lɛ: Tì faa wɔ̀ ɓìtògsɛ̀n Kan Bɛ̀ll à ìtèɗ wucèm, ànɛ à rì, ànɛ à ki ɓaghà, wɔ̀ɔ nɗèsii coo itèɗ wɔɔ, ù rèsì kìlàmì kɔɔ.

ÀPÒKÀLIƁSƐ̀ 11:17 Iomraidhean Croise

MATYOO 11:25

Nni ɓi cààmɛ̀n kiǹ, Yeesus à pɛ̀sìghà ɓìtòkì à kpaa lɛ: Tààta, wàànɛ ù lamii lɛ rì ɗyoo rì zi, ǹfaa wɔ̀ ɓìtògsɛ̀n ɓisuulɛ ù nyamgàkà ɓɛ̀yiì-ɓìɓan rì ɓum ɓɛ ɗyomzɛ̀n ɓìɓan ɓi, ù rèsì ɓɔɓti ɓɛsàg ɓyɔ.

LUKAS 10:21

Ɓi cààmɛ̀n kɔm̀ kiǹ, Kìtɛntɛ̀ɛ̀n ki Nghay ki kìghà lɛ Yeesus a wog kìrɔɔ lɛɛ̀gwey, à ki kpaa lɛ: Tààta, wàànɛ ù làmii lɛ, rì ɗyoo rì zi, ǹfaa wɔ̀ ɓìtògsɛ̀n lɛ ù nyamgàkà ɓɛ̀yiì-ɓìɓan, rì ɓum ɓɛ ɗyomzɛ̀n ɓìɓan ɓi; rì tì lɛ, ù kìghà lɛ ɓyɛɛ yilɛn a ɓɔɓti ɓɛsàg. Ɛ̀ɛ̀ Tààta, ǹtògsaagh yɛ̀ɛ ki nɗɔɔ wɔ̀ lɛ kɛɛ kilɛn fɔlɔɔ.

ZYAŊ 11:41

Nni ɓɛ pisìghà gɔ̀g ìnɛn, Yeesus à ɓegsì mis aɗyoo, à kpaa lɛ: Tààta ǹtògsaagh wɔ̀ ɓisuulɛ, wàa ɓàagh bɔ̀ŋzɛ̀n yɛ̀m.

2 KƆ̀RƐ̀ŊTYƐŊ 2:14

Rìkem ɗyɛɛ ɓa rì Bɛ̀ll ànɛ à ti à kɛ̀ɛ̀sàg ɓìsi cààmɛ̀n kìcèm ɓi rìcee, lɛ Kiris, à ki fa ɓisi kìsay ki sàasaàtìyɛ̀n kìnùbe ki ɓi rìyi ɗi ɓɛ ghɛɛ̀sɛɛ Nyi kì yiì.

2 KƆ̀RƐ̀ŊTYƐŊ 9:15

Bɛ̀ll a teɗ rìkem ɓi rìfa ɗii ɗi ɗi ri kɛ̀ɛ̀ kìfèègh.

TIMOTE 1:12

Ǹtògsaagh Yeesus Kiris à Kan wìs, ànɛ à faghà mɛ̀ ìtèɗ ɓisuulɛ, à ghɛngà lɛ ǹɗì mum ànɛ ɓɛ ri lɛ ɓɛ tyweeyì, yɛ̀ɛ à ɓɔ̀ngà mɛ̀ lɛ nki nyi kìsay.

ÀPÒKÀLIƁSƐ̀ 1:4

Zyaŋ yɛɛ kani Ɓìseŋi ɓi Kiris ɓi kitaàɓɛ̀ɛ̀ ɓi ɓi ri a Azii. Ɓaana lɛ, rì geesɛ̀n, rì fyòoog lɛ rìfa ɗi roànɛ à rì, ànɛ à ɓaghà, ànɛ a ki yùyuiy, rì mɛ̀ghay mɛ kitaàɓɛ̀ɛ̀ mɛ mɛ rɛrɛlii ìkɔ̀ɔ̀ wii wu rilàmì asu,

ÀPÒKÀLIƁSƐ̀ 1:8

Kan Bɛ̀ll a kpaaghi lɛ: Mɛ̀ yɛɛ ri Alfà, rì Omegà, roànɛ à rì, ànɛ à ɓaghà, ànɛ a yùyuiy, roànɛ à rì rì ìtèɗ wucèm.

ÀPÒKÀLIƁSƐ̀ 11:15

Nni ŋwaà-fìtom a kìtaàɓɛ̀ɛ̀ a rɔgà ɗyam; fɔɔnnɛ ɓyoo jɛ̀ɛ̀ ɓi ɓaghày ɓi ɗyoo ɓi ɗùm, ɓi kpaakpàà lɛ: Kìlàmì ki zi ki cee ɓi ɓyàg ɓi Kan wìs, rì Mèsii wìì. À ɓiì làmii fiɗyàɓ fikɔ̀ɔ̀.

ÀPÒKÀLIƁSƐ̀ 15:3

Ɓɛ kɛkɛ̀ɛ̀gh lɛ rì fyem fi Moyis ànɛ à rì ǹkìì-kìsay a Bɛ̀ll, rì fi Man à jɔ̀ɔ̀, lɛ Kan Bɛ̀ll à ìtèɗ wucèm, mɛ̀kìkìì mɔɔ mɛ kii lɛ, mɛ teghɛ̀n, mɛ ki ɓa com ki kuurakɛn! Rifòm ɗi ɓilɔ̀ŋ ɓìcèm, bee yɔɔ yi ri lɛ saaɗ, yi ki ɓa ɓɛkɔɔ̀kɔɔ̀ ɓɛ bee.

ÀPÒKÀLIƁSƐ̀ 16:14

Ɓi ri ɓìɓeɓtàg ɓi mɛghay ɓi ɓyɛɛ̀ kìki dàm, ɓi ki kɛ̀ngi a mɛ̀fòm mɛ ɓi ziinɛ bimiɗ, lɛ ɓyɛɛ taŋzɛn mɔ ɓisuu wɛ̀y wu wu ri ɓiì ɓaà ɓi coo gòn i Bɛ̀ll ànɛ à rì rì ìtèɗ wucèm.

ÀPÒKÀLIƁSƐ̀ 16:5

Nni ǹwokà di ŋwaà-fìtom a mɛ̀nig a kpaa lɛ: Ù rì lɛ saaɗ, yɛ̀ɛ wɔ̀ɔ nɗeni lɛ kɛɛ ɓa fɔlɔɔ, wàànɛ ù rì ǹtɛnɛn, ùrì, ù ki ɓaghà.

ÀPÒKÀLIƁSƐ̀ 16:7

Nni ǹwokà di com ki ɓɛɛ̀ tɔ̀ngi ɓyom miì ɓi rìɓɔgsì ɗi Bɛ̀ll ki kpaa lɛ: Ɛ̀ɛ̀ Kan Bɛ̀ll à ìtèɗ wucèm, rìren ɗyɔɔ ɗi ɓiɓan ɗi ri miì, ɗi ki ɓa lɛ saaɗ.

ÀPÒKÀLIƁSƐ̀ 18:8

Kìɓan kiǹ kɛɛ̀ki mɛ̀tɔɓ mii mɛ ri yù lɔŋ ŋwos bog, mɛ ɓa lɛ: ɗì rìwu, ɗì ɓìlɛ̀ɓì, rì zày, ɗuu ɗi ki rì nyi ɓiì ɗigsii. Ɓisuulɛ Kan Bɛ̀ll ànɛ àa n-yɔ̀mi kìɓan kii a rì rì ìtèɗ.

ÀPÒKÀLIƁSƐ̀ 19:11

Fɔɔnnɛ ǹghɛngà ɗyoo ɗìnɛmɓɛn ǹghɛn zòm i kìmɓɛ̀rɛ̀ ì mpuɓ, ŋwaànɛ à ɓaghà ɓi zòm inɛ̀n aɗyoo, à ɓaghà ɗii lɛ, Ŋwaà-ǹtyweeyi, rì wusìnɛ̀ɗ à kɔɔ̀kɔɔ̀, a yɔ̀myɔm ɓiɓan, à ki ɗùùɗuu wɛ̀y ɓi ɓɛ̀saaɗ.

ÀPÒKÀLIƁSƐ̀ 19:6

Fɔɔnnɛ ǹwokà jɛ̀ɛ̀ di yɛɛ̀ wɔ̀ɔ̀wɔɔ yɛ̀ɛ jɛ̀ɛ̀ ì coo kituu ki ɓum, ì pisɛ̀n ɗì gom ì ɓyoo ɓikus ɓi riɓày, nsoò lɛ gom ì baàbàn ìnɛ yɛɛ̀ ɓoɓog ri ìtèɗ, jɛ̀ɛ̀ ìncèm ì kpaakpàà lɛ: Alèluyà! Lɛ Kan Bɛ̀ll à ìtèɗ wucèm à mɛ rèsi kilàmì kii.