ÀPÒKÀLIƁSƐ̀ 11:15 - Bafia Nouveau Testament

¹⁵ Nni ŋwaà-fìtom a kìtaàɓɛ̀ɛ̀ a rɔgà ɗyam; fɔɔnnɛ ɓyoo jɛ̀ɛ̀ ɓi ɓaghày ɓi ɗyoo ɓi ɗùm, ɓi kpaakpàà lɛ: Kìlàmì ki zi ki cee ɓi ɓyàg ɓi Kan wìs, rì Mèsii wìì. À ɓiì làmii fiɗyàɓ fikɔ̀ɔ̀.

ÀPÒKÀLIƁSƐ̀ 11:15 Iomraidhean Croise

MATYOO 24:31

À romi gɛ ɓum ɓii ɓɛ titom rì ɗyam ɗigwey, ɓi mɛ̀fon mɛ zi mɛnin, lɛ ɓɛɛ taŋzɛn ɓum ɓii ɓɛ ɓɛ ri ɓɛ̀ ɓɔ̀nɛn ɓi zi bimiɗ rì ɓi ɓɛ̀tum ɓɛ zi ɓɛ̀cèm.

MATYOO 6:13

Kɔ̀ɔ gherɛn lɛ, ti kpi ɓi mɛ̀fèèghrɛn ɓi ɗùm, lɔŋ pisi ɓìsi ɓi kìɓe, lɛ rìlàmì, rì ìtèɗ, rì rìkem ɓi ri ɓyom ɓyɔɔ fiɗyàɓ fikɔ̀ɔ̀. Ààmɛ̀n

LUKAS 1:33

À ɓiì làmii naa ì ɓum ì Yakɔɓ fìɗyàɓ fikɔ̀ɔ̀, rìlàmì ɗii ɗi finɛ̀n kɛ̀ɛ̀ sugtag.

LUKAS 15:10

Ǹkalii mìni lɛ, kìnyàà ki ri girig fɔlɔɔ ɓi nyìinyìm à ɓumɓɛ titom ɓɛ Bɛ̀ll, ɓisuu ǹkìì-kìɓe bog ànɛ à lɔ̀ɔ̀ghrɛɛ ǹɗem.

LUKAS 15:6

i à kpaŋi a mɛɛ mii, à taŋzɛ̀n lɛ rì ɓɛ̀reŋkàŋ ɓii, rì ɓɛ̀ba-gòŋzɛn ɓii à kpaa ɓɔ lɛ: Ti nyààrɛɛna ǹɗaŋ ɓisuulɛ màa ghɛɛ̀dii tì jɔ̀ɔ̀ yɛ̀m ìnɛ ìi nɗimi.

MƐ̀KÌKÌÌ MƐ ƁƐKƐ̀NÌ-FÌTOM 4:26

Mɛ̀fòm mɛgwey mɛ ɓi ziinɛ mɛ ramiì wɛ̀y, mɛ̀fòm mɛ sàgsàg mɛ ɓasɛ̀n yì kìbyɔg kìfog lɛ mɛɛ ɗuù rì Kan, rì Mèsii wiì.

EBIREEGH 1:8

Wɔ̀lɛ ɓi ɓɛg ànɛ yɛ̀ɛ Man, à kpaa lɛ: wɔ̀ Bɛ̀ll ìkɔ̀ɔ̀ wɔɔ wu rilàmì wu ri fiɗyàɓ fikɔ̀ɔ̀, kìgeŋ kɔɔ ki rilàmì, ki ri kìgeŋ ki rilàmì ɗi saaɗ.

ÀPÒKÀLIƁSƐ̀ 10:7

kìɓan kifog ɓi mɛ̀ru mɛ jɛ̀ɛ̀ ì ŋwaà-fìtom a kìtaàɓɛ̀ɛ̀ ì rì ɓiì wooghrɛɛ, di à ti lɛ à tumɛ̀n ɗìrɔŋ ɗi ɗyam, innɛ fèg à Bɛ̀ll ànɛ a ɓalag nyamɛn à ɓiì ronì lɔŋ yɛ̀ɛ à wogsìghà Syeesyee à Ɓɔlɛ ànɛ ɓi fèg ànɛn rì ɓɛ̀kpaŋzì-ɓìɓan ɓɛ ɓɛ ri ɓɛ̀kìì-ɓìsay ɓii.

ÀPÒKÀLIƁSƐ̀ 12:10

Fɔɔnnɛ ǹwokà di coo jɛ̀ɛ̀ kɛɛ̀ kpaakpaa yi ɓi ɗyoo lɛ: Cààmɛ̀n ki gòri rì ìtèɗ, rì kìlàmì ki Bɛ̀ll, kɛɛ ti lɛ ɓigomìnɛ, rì ìtèɗ wu rilàmì ɗi Kiris wìì, ɓisuulɛ ɓɛ mɛ tyɔg roànɛ à ti à sɔmàg ɓɛ̀geni ɓis, lɛ nnyɛɛ nti à sɔmàg ɓɔ yɛ̀ɛ ìru yɛ̀ɛ ŋwos, ɓi mis mɛ Bɛ̀ll.

ÀPÒKÀLIƁSƐ̀ 15:4

Kan ghɛn yɛɛ ri lɛ à rɔ̀ɓ lɛ à risii ɓi ɗii ɗyɔɔ, kɛ̀ɛ ki kemzi ɗyɔ? Ɓisuulɛ, lɔŋ wɔ̀ cɛ̀ncɔɔ yɛɛ ri ǹtɛnɛn. Ɓìlɔ̀ŋ ɓìcèm ɓi ri ɓiì yùu, ɓi ɓag wɔ̀ mɛ̀ɗu asu, lɛ saaɗ wɔ̀ɔ̀ a mɛ rèsɛ̀n.

ÀPÒKÀLIƁSƐ̀ 16:17

Nni ŋwaà-fìtom a kìtaàɓɛ̀ɛ̀ a sùùrìghà ɓeŋ wìì ɓi bɛ̀ɛ̀bɛ̀ɛ̀. Fɔɔnnɛ coo jɛ̀ɛ̀ ki kpagày ɓi naà-Bɛ̀ll, di ki riì ɓi-kɔ̀ɔ̀ wu rilàmì ki kpaa lɛ: Ki leègh!

ÀPÒKÀLIƁSƐ̀ 17:14

Ɓɛ ri ɓiì ɗùu ri Man à jɔ̀ɔ̀, Man à jɔ̀ɔ̀ à ki yag ɓɔ ɓi wɛ̀y ɓisuulɛ, à rì Kan ànɛ a ɓɛ̀kan, à ki ɓa ti rifòm ɗi mɛfòm. Man à jɔ̀ɔ̀ à rì ɓɔ ɓiì yaàgh ɓi wɛ̀y, ǹɗaŋ ɗi ɓumɓɛ à reŋìghà ɓɛ ɓɛ ri ɓɛ̀ɓɔ̀nɛn, ɓɛɛ ri ɓɛ̀gherɛ̀n ɓii ɓɛ ntyweeyi.

ÀPÒKÀLIƁSƐ̀ 19:1

Ajɛ̀m ìnɛn ǹwokà coo jɛ̀ɛ̀, ì pisɛ̀n yɛ̀ɛ jɛ̀ɛ̀ ì coo kituu ki ɓum kɛɛ ri ɓi ɗyoo ɓi ɗùm ki kpaakpàà lɛ: Alèluyà! Gòri, rìkem, rì ìtèɗ, ɓi ri ɓyom ɓi Bɛ̀ll wìs.

ÀPÒKÀLIƁSƐ̀ 19:6

Fɔɔnnɛ ǹwokà jɛ̀ɛ̀ di yɛɛ̀ wɔ̀ɔ̀wɔɔ yɛ̀ɛ jɛ̀ɛ̀ ì coo kituu ki ɓum, ì pisɛ̀n ɗì gom ì ɓyoo ɓikus ɓi riɓày, nsoò lɛ gom ì baàbàn ìnɛ yɛɛ̀ ɓoɓog ri ìtèɗ, jɛ̀ɛ̀ ìncèm ì kpaakpàà lɛ: Alèluyà! Lɛ Kan Bɛ̀ll à ìtèɗ wucèm à mɛ rèsi kilàmì kii.

ÀPÒKÀLIƁSƐ̀ 20:4

Nni ǹghɛngà mɛ̀kɔ̀ɔ̀ mɛ rilàmì, ɓɛ faghà ɓumɓɛ ɓɛ kɔràkà ɓi mɛ̀kɔ̀ɔ̀ mɛǹ ìtèɗ wu yɔ̀myɔmɛn ɓiɓan; fɔɔnnɛ ǹghɛɛ̀dìghà mɛ̀ghay mɛ ɓum ɓɛ ɓɛ wowòlà ɓisuulɛ ɓɛ ɓaghà ɓɛ̀wusìnɛ̀ɗ ɓɛ Yeesus rì ɓɛ jɛ̀ɛ̀ ì Bɛ̀ll, rì ɓɛ̀roɓɛ ɓɛ ɓɔgsìghà ɓi nyàm ì mɛ̀to taàɓɛ̀ɛ̀, nsoò lɛ kìfèèghrɛnà ki yɔ̀, ɓɛ̀ kɛɛ̀ ki ɓa ri kìrèmzɛnà ki nyàm ìnɛn ɓisu nsoò lɛ ɓi càg. Fɔɔnnɛ ɓɛ ghemɓɛ̀ngà, ɓɛ ki làmi nɗaŋ ɗi Kiris bèg tɔɔsìm.

ÀPÒKÀLIƁSƐ̀ 8:12

Nni ŋwaà-fìtom a kìnìn à rɔgà ɗyam, kìlànà kìfog ki ɓi ɓìlànà ɓi ŋwos ɓi kiraa, rì kìfog ki ɓi ɓìlànà ɓi ŋwii ɓi kiraa, rì gàɓ ì kìraa ìnɛ ɓi tyɔɛy ticèm, ɓi ɓuɓìghà; gàɓ ì kìraa ìnɛ ɓi rìlònlòm ɗi ɓyom ɓìn, ì ghaɓɓɛ̀n; fɔɔnnɛ gàɓ ì kìraa ìnɛ ɓi kìtɛɛtɛn ki ŋwos i ɓuɓìghà, ki kilɛ̀n tì girig fɔlɔɔ ɓi ɓɛg ànɛ à-ru.

ÀPÒKÀLIƁSƐ̀ 9:1

Ŋwaàfìtom a kìtaǹ à rɔgà ɗyam; fɔɔnnɛ ǹghɛngà fyɛy fi fi kɔsɛ̀ngày aɗyoo fi kpi ɓi zi; nni ɓɛ tekà fìɗìɓà fi ɓi coo riɓee ɗi rimɛn, ɓɛ fa rì fyɔ.

ÀPÒKÀLIƁSƐ̀ 9:13

Fɔɔnnɛ ŋwaà-fìtom a kìtaàfog à rɔgà ɗyam, ǹwog di jɛ̀ɛ̀ ì pɛ̀sɛɛ yì ɓi mɛ̀tɔŋ mɛ kinìn mɛ ɓi com ki gol rì gol ki ɓɛ ntɔ̀ngì ɓyom miì ɓi rìɓɔgsì ɗi Bɛ̀ll, com kìn kɛɛ rɛrɛ̀lìghà Bɛ̀ll asu.